အဖျားရှူးသွားတဲ့ အကောင်

ကျနော် ၁၉၈၈ အရေးတော်ပုံတွင် မပါဝင်လိုက်ခဲ့ရချေ။ အဲသည်အချိန်တုန်းက ကျနော် ကံအကြောင်း မလှစွာ စစ်တပ်ထဲ ရောက်နေခဲ့လေသည်။ သို့သော် ကျနော် စစ်တပ်ထဲ ဝင်ပြီး နှစ်နှစ်လောက် အကြာမှာ မိုင်းထိသွား သဖြင့် စစ်သက် စောစောစီးစီးနှင့် စစ်တပ်က အာဏာမသိမ်းခင် ၁/၈/၈၈ တွင် တပ်က ထွက်ခဲ့ပါသည်။ ( ဤတွင် ကျနော်သည် အသက်ကြီးပြီ၊ အနည်းဆုံး ကိုမင်းကိုနိုင်၊ ကိုမိုးသီးဇွန်တို့ အသက်နီးပါးလောက်တော့ ရှိပြီ၊ ထို့ အပြင် ကျနော်သည် မစွမ်းမသန်သူ တယောက်လည်း ဖြစ်သည်ဟု ကြေညာပြီး ဖြစ်သတည်း။ ဟဲ..ဟဲ။ Virtual world မှာ လူချင်းမြင်ရတာ မဟုတ်၍ ဒါတွေကို ထုတ်မပြောဘဲနေလည်း ရလျှက်နဲ့ ကျနော် စစ်သားလုပ်ဖူးတာ၊ မစွမ်းမသန်ဖြစ်တာ၊ အသက်ကြီးတာ ဘာတခုမှ ကောင်းတာမရှိသည့်ဟာကို တကယ်တော့ မကြေညာချင်မိပေ။း) ဒါပေမဲ့ ကျနော့်အဖို့ အကြွင်းမဲ့ ရိုးသားရတာက ပို၍လိပ်ပြာသန့် ချိုမြိန်သဖြင့် ထည့်ပြောလိုက်ပါသည်။

ကျနော်သည် အဲသည် ၈၈၈၈ အရေးတော်ပုံတုန်းကမှ မပါဖူးတာမဟုတ်။ ယခုထိလည်း ကိုယ့်နိုင်ငံ အရေးအရာ တွေမှာ ဘယ်နေရာမှာမျှ လောက်လောက်လားလား၊ တက်တက်ကြွကြွ၊ ထိထိရောက်ရောက် မပါဖူးသေးချေ။ ထို့ကြောင့် ကျနော်သည် တကယ့်သာမန် ( ordinary) နိုင်ငံသားတဦးမျှသာ ဖြစ်သည်ဟု ပြောလိုပါသည်။ သို့ရာတွင် ကိုမင်းကိုနိုင်တို့၏ အနစ်နာခံနိုင်ပုံမျိုး၊ ရိုးသားပုံမျိုးကို အားကျမိပေရာ၊ ဆိုလိုသည်မှာ သူတို့ကို တုပလိုခြင်းမဟုတ်၊ နိုင်ငံသားတဦးသည် မသေခင် ကိုယ်စွမ်းသလောက်တော့ ကိုယ့်နိုင်ငံ အတွက် ( ကြီးကျယ် နေသေးလျှင် ကိုယ့် community သို့မဟုတ် society အတွက်) တခုခုတော့ လုပ်ခဲ့သင့်သည်ဟု ထင်သဖြင့် ကိုယ့် community ကောင်းရာကောင်းကြောင်း တခုခုတော့ လုပ်ချင်မိလေသည်။ ဘာမှ ကြီးကျယ်တာ မဟုတ်။ သေခါနီး “ငါလူ့ဘဝမှာ တန်ဖိုးရှိရှိ ဖြောင့်ဖြောင့်မှန်မှန် နေထိုင်ခဲ့သည်” လို့ အသေဖြောင့်( ယုံကြည်သွား) ချင်တာသာ ဖြစ်ပါသည်။ ထို့ကြောင့် ကျနော့်၏ အိပ်မက်တခုမှာ ဘယ်နိုင်ငံမှာ ဘာစနစ်ကို သုံးကြလို့ ဘယ်လို ကောင်း သည်ဟု စနစ်တကျ အချိန်ယူ သုတေသနတွေ ဘာတွေလုပ်ပြီး မြန်မာပြည်အတွက် တချိန်ချိန်မှာ သုံးရအောင် Making A Nation / Building A Nation လို စာအုပ်တအုပ်လောက် ရေးချင်တာ ဖြစ်ပါသည်။ ဒါပေမဲ့ အခုတော့ အဲသလောက် မစွမ်းသေးသဖြင့် ကိုယ့်ကိုယ်ကိုယ် အားမလို အားမရလှစွာနှင့်ပင် “မြင်ချင် သည် ရွှေပြည်ကြီးကိုလ” လို Post ကလေးတွေကိုသာ ရသေ့စိတ်ဖြေ ရေးနေရလေသည်။ ( အဖျားရှူးချင် သဖြင့် ကြီးကြီးကျယ်ကျယ်တွေကို တမင် အစပိုင်းမှာ ပြောနေခြင်းဖြစ်ပါ၏။း)

ကျနော် တကယ်ပြောချင်သည်မှာ လူတယောက်မှာ ခပ်ကြီးကြီးအိပ်မက်တွေ ရှိကောင်းရှိမည်။ သို့ပေမဲ့ အဖျက် တွေ ဝင်လာလျှင် အဖျားရှူးသွား တတ်ပါကလားလို့ ဖြစ်ပါသည်။ ကျနော် သေသေချာချာ ပြောနိုင်၊ အာမခံနိုင်သည် မှာ ကျနော့်တွင် အထက်ကဆိုခဲ့သလို စိတ်ကောင်းကလေးတော့ ရှိပါသည်။ ဒါပေမဲ့ ကျနော်က အင်မတန် စိတ်ဓါတ် တက်လွယ်ကျလွယ်၊ စိတ်ပျက်လွယ်လေသည်။ ရင်ဘတ်ချင်းတူသူ မိတ်ဆွေ တယောက်လောက်နှင့် တွေ့လျှင်တော့ စိတ်ဓါတ် ချက်ချင်းတဖန် မြင့်တက်သွားပြန်၏။ တကယ်တော့ ကိုယ့် စိတ်ဓါတ်ကို သူတပါးအပေါ် အဲသည်လောက် အားကိုးအားထားမပြုသင့်တာကို ကျနော်သိပါသည်။ ဒါမျိုး စိတ်ဓါတ် အတက်အကျ မြန်တာကို စိတ်ပညာမှာ Bipolar Disorder လို့ ခေါ်သလားမသိ။ ( ကျနော် မစွမ်းမသန် ဖြစ်ပြီးနောက် သုံးနှစ်လောက်ခန့် အထိတော့ စိတ်ဓါတ် တက်သည်ဟူ၍မရှိဘဲ အမြဲကျနေကာ ကျနော် တနေ့နေ့တချိန်ချိန် ပြုလုပ်ရမည့်ကိစ္စမှာ suicide သာဖြစ်သည်ဟု တွေးနေခဲ့ဖူးပါသည်။ အဲသည် တုန်းက depression က အခန့်မသင့်လျှင် အခုထိလည်း ခေါင်းပြူလာတတ်သေးတုန်း ဖြစ်ပါသည်။ ကျနော် နောက်မှ အပြင်ကနေ ၁၀ တန်းပြန်ဖြေပြီး အောင်သွားလို့ suicide လုပ်ချင် သည့်ကိစ္စ မှိန်သွားပြီး ဘွဲ့ယူကြည့် လိုက်ဦးမယ်လေ ဟူ၍ဖြစ်လာ၏။း)

ကျနော် ပြီးခဲ့သည့်နှစ်က တစုံ တယောက် ကို အရက်နှင့် ဆေးလိပ် မသောက်တော့ပါ ဟု ပြောထာဖူးပါသည်။ ဒါပေမဲ့ ဆေးလိပ်မသောက်တော့ပါ ဟူသော ကတိကိုသာ တည်အောင်ထိန်းနိုင်ပြီး၊ ပြီးခဲ့သည့် အပတ်တုန်းကတော့ ကျနော် ကိစ္စတခုအတွက် လိုရာဆန္ဒတလုံးတဝတည်း မပြည့်နိုင်၍ ထုံးစံအတိုင်း နည်းနည်းလောက် depression ဝင်ကာ အရက်ပြန်သောက် နေမိလေသည်။ ကျနော်က အကြီးစား alcoholic တယောက်ဖြစ်၏။ အရက်သောက်မိလျှင် နေ့ရောညပါ အရက်သာသောက်ချင်နေ တတ်ပြီး ထမင်း ( ဘယ် solid food မဆို) ကျတော့ စားချင်စိတ် လုံးဝမရှိပေ။ ထမင်းနံ့၊ကြက်သား၊ ဝက်သား၊ အမဲသား အနံ့တို့ရလျှင် စိတ်ပင်တိုမိ၏။ ဒါကြောင့် soup လို ဟာမျိုးကို အားပြုစားရပါသည်။ ဒါပေမဲ့ ကြာတော့ soup ကိုလည်း မစားချင်ပြန်။ သည်လို အစာမစားဖြစ်သဖြင့် ကျနော် ကြာကြာတော့ အရက်မသောက်ဖြစ်ပါ။ နှစ်ပတ်လောက်ဖောက်ပြီးလျှင် ( ဆက်သောက်နေလျှင်လည်း သေသွားရုံသာ ရှိတော့တာမို့) မဖြစ်မနေ ဖြတ်ရတော့၏။ ဖြတ်ပြီး ၆လ၊ တနှစ် လုံးဝမသောက်ပဲနေပြန်၏။ သူများတွေလို ညနေစောင်းလာလျှင် ပုံမှန် သောက်သည့် အကျင့်မျိုး ကျနော်ထူထောင်လို့မရပါ။ သည်လို ၆လ၊ တနှစ်လောက်နေလျှင် ပြန်သောက်မိမည် စိုး၍လည်း ထိုတစုံတယောက်သောမိတ်ဆွေကို တမင်ကတိပေးခဲ့ခြင်း ဖြစ်ပါသည်။ သည်လိုမျိုး နှစ်ပတ်လောက် သောက်လိုက်မိလျှင် ရှိစုမဲ့စု သိက္ခာမှန်သမျှနှင့် ငွေမှန်သမျှလည်း ပြောင်သွားတတ်လေ၏။ ဆေးရုံလည်း အကြိမ်ကြိမ် ရောက်ရတတ်၏။ ( သည်ကရဲတွေ (၉၁၁) ကလည်း တာဝန်ကျေသလား မမေးနှင့်၊ ကိုယ်တောင်မသိလိုက်ဘဲ ဘေးလူတယောက်က "ဒီမှာ လူတယောက် အခြေအနေမကောင်းဘူး " ဟုဖုံးဆက် လိုက်တာနှင့် ၁၅ မိနစ်လောက်အတွင်း ရောက်လာပြီး ဆေးရုံပို့မယ်ဆိုတာချည်းပဲ။း)) ကျနော့်မှာသာ ကိုယ့်အပေါ် စေတနာရှိသော၊ နားလည်ပေးသော မိတ်ဆွေ အစစ်တယောက်လောက် အနီးအနားမှာ ရှိနေမည် ဆိုလျှင်တော့ ကျနော့် အနွံအတာကို ခံရသော ထိုမိတ်ဆွေကို အားနာမိတာနှင့် ကျနော် ခုလောက် ပတ်ကြမ်းတိုက် အရက်သောက် လိမ့်မည်မထင်မိပေ။ ဒါကြောင့် ဟိုတနေ့ကတော့ တွေးမိပါသည်။ “ငါ ခါချဉ်ကောင် မာန်ကြီးလို့ တကောင်တည်း တောင်ကြီး ဖြိုမဲ့ကြံနေတာ၊ ဒီလို self-control ညံ့ဖျင်းပုံမျိုးနဲ့ ဆိုရင် တောင်ကြီးကို တော့ မဖြိုနိုင်ဘဲ ငါပဲတောင်ပူစာအောက် (မြေကြီးအောက်) ရောက်သွားလေမယ် ထင်ပါရဲ့” ဟု..။ အဲသည်တုန်း မြို့ထဲ တနေရာမှာ psychic reading ဆိုင်းဘုတ်တခုတွေ့မိ၍ ဘာရယ်မဟုတ် ဆယ်ဒေါ်လာပေးပြီး သိချင်တာ လေး ဝင်မေးကြည့်မိပါသည်။

“ ဆရာမ ခင်ဗျား၊ ကျနော်သိချင်တာ နှစ်ခုပဲရှိပါတယ်။ ကျနော့် ဘဝမှာလုပ်ချင်တာတခု နဲ့ ရချင်တာတခု ရှိပါတယ်။ ဒါပေမဲ့ ကျနော်က alcoholic တယောက်ပါ။ ကျနော် အသက်ရှည်ရှည်နေရမှ အဲဒါတွေလုပ်နိုင်မှာ၊ ရကောင်းရနိုင်မှာပါ။ ဒါကြောင့် ကျနော် ဒီလို self-control မကောင်းပုံနဲ့ဆိုရင် အသက်မှ ရှည်ပါဦးမလားလို့ ပထမ တချက်သိချင်မိပါတယ်။ နောက် တချက်ကတော့ … ”

ဆရာမကတော့ အကောင်းချည်းပဲ ဟောလိုက်ပါ၏။ ဗေဒင်သည် သိပ္ပံပညာလို exact prediction မဟုတ်သဖြင့် ဆရာမဟောလိုက်သမျှကို မျက်စိမှိတ်ပြီးတော့ တော့ မယုံပါ။ ဒါပေမဲ့ fame တခု ပိုင်ဆိုင်ရဦးမည်၊ အဲဒါ မပြီးသေးပဲနှင့်တော့ မသေသေးဘူးဟု ဆိုသဖြင့် ဟုတ်ဟုတ်မဟုတ်ဟုတ် နည်းနည်းတော့ ပျော်မိလေသတည်း။း)

[ ကျနော် ယခု အရက်ဖြတ်လိုက်ပြီ ဖြစ်၍ အနည်းငယ် ထူထူထောင်ထောင် ဖြစ်နေပြီး အိပ်မရတာလည်း နှစ်ညခန့်ရှိပြီမို့ ( ထုံးစံက ၄-၅ ညလောက် လုံးဝ အိပ်လို့မရတတ်ပါ ) အချိန်ဖြုန်းသည့် အနေနှင့် ဤစာကိုရေး ပါသည်။ ခပ်ရှည်ရှည်တော့ မရေးနိုင်ပေ။ အရက် မသောက်တော့ပါဟု ကျနော်ပြောထားဖူးသောသူ ဤစာကို ဖတ်မိပါက ကျနော် အရက်ပြန်သောက် ဖြစ်သည် ကို ခွင့်လွှတ်နိုင်ပါစေသတည်း။ အနည်းဆုံးတော့ သူ မဖတ်မိလျှင်တောင်မှ ကျနော် ခိုးပြီး သောက်နေသလို စိတ်ထဲမှာ မလုံလှသဖြင့် ဤစာကို ချရေးမိခြင်း ပါပဲ။ ]

မြင်ချင်သည် ရွှေပြည်ကြီးကိုလ ( ၄ )

ဦးသာအောင် ( တောင်သုံးလုံးကျေးရွာသား )

“ တိုကင် နံပါတ် -၂၃၊ ကောင်တာနံပါတ်- ၅ သို့ ကြွပါရှင်။ တိုကင်နံပါတ်-၂၃၊ ကောင်တာ နံပါတ် -၅ သို့ ကြွပါ ရှင် ”

“ ကျုပ် ဒီမှာဗျို့၊ လာပြီ”

“ နေကောင်းပါရဲ့လား ဦး၊ ကျမ ဘာကူညီရမလဲ ပြောပါရှင် ”

“ အခုတော့ နေကောင်းပါတယ် တူမကြီးရယ်။ ဒါပေမဲ့ ကျုပ်ပြီးခဲ့တဲ့လက တောထဲ ထင်းသွား ခုတ်တာ သစ်ပင် ပိကျလို့ ကံကောင်းလို့ မသေတယ်။ မြင်တဲ့အတိုင်းပဲ၊ ဦးကြီး ခြေထောက်တဖက်ကို ဆေးရုံမှာဖြတ် ပစ်လိုက် ရတယ်။ အခု တွန်းလှည်းနဲ့ သွားနေရတယ်။ လူတွေ ပြောကြတာက အစိုးရက မစွမ်းမသန်ထောက်ပံ့ကြေး ဆိုလား ပေးတယ်တဲ့။ အဲသဟာကြားလို့ လာခဲ့တာကွဲ့၊ ဒါနဲ့ နေစမ်းပါဦး။ ဒီအစိုးရက ကိုယ့်ဖာသာကိုယ် ဆတ်ဆော့လို့ ကျိုးတာကို အဲသလိုမျိုး ပေးတယ်ဆိုတာ ဟုတ်ရဲ့လား တူမကြီးရယ် ”

“ ဟုတ်ကဲ့၊ ပေးပါတယ်ဦး။ ကိုယ့်နိုင်ငံသား တယောက် အလုပ်မလုပ်နိုင်ရင် သူဘာနဲ့ သွားစားမလဲ။ အဲဒီ အချက်ပေါ်မှာ အခြေခံပြီးတော့ လူတယောက် ဘာအကြောင်းကြောင့်ပဲ မစွမ်းမသန် ဖြစ်ဖြစ် အစိုးရက ထောက်ပံ့တာပါရှင့်။ ဒါနဲ့ နေပါဦး။ အခု တနိုင်ငံလုံးမှာ ဂတ်စ်မီးဖိုတွေ သုံးနေကြတာ ထင်းထက် အများကြီး ဈေးသက်သာတာပဲ ဦးရဲ့။ ဦး အိမ်မှာကော ဂတ်စ်မီးဖို မသုံးဘူးလား”

“ သုံးပါ့ကွယ်။ ဒါပေမဲ့ အိမ်က မယ်ချစ်၊ အဲ.. အဖွားကြီးက အမဲသားနှပ်တာကိုတော့ ထင်းသုံးတာ ပိုကြိုက်တယ် လို့ ပြောတယ်လေ။ ဒါကြောင့် သူ့အတွက် ထင်းသွား ခုတ်ပေးတာပါ။ တကယ်တော့ ခုခေတ်မှာ တောထဲက အပင်ကို ရာသီဥတု ပျက်မစိုးလို့ မခုတ်ရဘူးတဲ့။ အစိုးရကပဲ စည်းကမ်းတကျ ခုတ်လှဲခွင့် ရှိပြီး သစ်လိုရင် သစ်တောဌာနက သစ်ဆိုင်တွေမှာ သစ်ကို လိုချင်သလောက် သွားဝယ်ပါတဲ့။ ဦးကြီး ဆေးရုံက ဆင်းလာတော့ အဲသလို ပညာပေးခံရတယ်။ သစ်ပင် ခိုးခုတ်တာ ဒီတခါတည်းပဲ ရှိသေးလို့ ပညာပေးတာတဲ့။ သုံးခါမိရင်တော့ တရားစွဲ ခံရမယ်လို့ ပြောလိုက်တယ် ”

“ ဟုတ်ကဲ့ပါ ဦး။ ကဲ.. ဦး ဆီမှာဘာစာရွက် စာတမ်းတွေများ ပါလာခဲ့ပါသလဲ ရှင် ”

“ အို .. အဲဒါမှ ဒုက္ခ၊ ဦးကြီးမှာ ဘာမှ မပါလာဘူးကွဲ့။ လိုက်လိုက်ဆိုလို့သာ လိုက်လာတယ်။ ဘာစာရွက်တွေ များ လိုလို့လဲကွယ် ”

“ဟိုဒင်း .. ဦး မစွမ်းမသန် ဖြစ်ကြောင်း ဆရာဝန်တယောက် လက်မှတ်ထိုးထားတဲ့ အထောက်အထား တခုခုပါ ဦး။ ဆေးရုံ တက်တဲ့ စာရွက်တွေ ဘာတွေများ ပါမလာဘူးလား ဦး ”

“ အေးကွယ်။ အိမ်မှာတော့ ရှိတာပေါ့။ ဒါပေမဲ့ ဦးကြီးကငါကျိုးနေတာ လူတိုင်းမျက်စိနဲ့ မြင်နေရတာပဲ။ ကျိုးနေ ကြောင်း ဆရာဝန်လက်မှတ် ထုတ်ပြဖို့ မလိုလောက်ပါဘူးလို့ တွေးမိပြီး ထည့်ယူမလာမိတာ။ ဒီလိုမှန်းသိရင် ထည့်လာပါရဲ့ ”

“ ဒီလို ဦးရဲ့၊ ကျမကတော့ ဦး မစွမ်းမသန် ဖြစ်တာကို မြင်တာပေါ့လေ။ ဒါပေမဲ့ ဦးကို လတိုင်း မစွမ်းမသန် ထောက်ပံ့ငွေ ထောက်ပံ့ဖို့ ခွင့်ပြုပေးမဲ့ ဟိုး ရန်ကုန်မှာ ရှိတဲ့ ရုံးချုပ်က ဦးကို မြင်ရတာ မဟုတ်တော့ သူတို့ ဦးရဲ့ မှတ်တမ်း ဖိုင်ထဲမှာ ထားဖို့ တရားဝင် အထောက်အထားတခုတော့ လိုအပ်တာပေါ့ ဦးရယ်။ ဒါပေမဲ့ ရပါတယ်။ စိတ်မပူပါနဲ့။ ကျမ လူမှုဖူလုံရေး ဆရာဝန် တယောက်ဆီကို အခုပဲ ဖုန်းဆက်ပေးလိုက်ပါ့မယ်။ ဦး သူ့ဆီကို အရင်သွားလိုက်ပါ။ ဒီကနေ သိပ် မဝေးပါဘူးနော်။ ဟိုရှေ့နားမှာ မြင်နေရတဲ့ လူမှု ဖူလုံရေး ဆေးရုံလေ။ ဦး အဲဒီက ပြန်လာရင် ကျမ အကုန်လုံး လိုက်လုပ် ပေး ပါ့မယ်နော် ”

“ ဒါနဲ့ နေပါဦး တူမကြီး။ ဦး ဒီ ထောက်ပံ့ငွေ ရမယ်ဆိုရင် တလ ဘယ်လောက်ရမှာလဲ ”

“ အဲဒါကတော့ တယောက်နဲ့ တယောက် နည်းနည်းကွာပါတယ်ဦး။ လစဉ် ထောက်ပံ့ငွေထဲမှာ အဓိက ပါဝင် မှာကတော့ ဦး အိမ်ငှားနေရရင် ဦးရဲ့ အိမ်ငှားစရိတ်၊ ပြီးတော့ ဦးရဲ့ တလလုံး စားသောက် စရိတ်၊ ဒါတွေ ကတော့ မဖြစ်မနေ ပါမှာပါ ”

“ ဦးက နေ့တိုင်း ကြက်သားနဲ့ စားမယ်ဆိုရင်ကော တူမကြီး ”

“ ဟုတ်ကဲ့၊ ကြက်သားတင်မက ပုဇွန်တုတ်တို့ ဘာတို့တောင် ဝယ်စားနိုင်တယ်လို့ ပြောကြပါတယ်ဦး ”

…………………………………….

ဒေါ် စိန်ရွှေ ( အသက် ၆၅ နှစ် )

“ တိုကင် နံပါတ်-၂၄၊ ကောင်တာ -၂ သို့ ကြွပါရှင်၊ တိုကင် နံပါတ်-၂၄၊ ကောင်တာ-၂ သို့ ကြွပါရှင် ”

“ လာပြီ”

“ အမေကြီး၊ နေကောင်းလား။ ကျနော် ဘာကူညီရမလဲ ခင်ဗျ ”

“ အမေ သက်ကြီးပင်စင် လျှောက်ချင်လို့ပါ သားရယ် ”

“ အမေ့ မှတ်ပုံတင်လေး ခဏလောက် ကျနော့်ကို ပြနိုင်မလား ”

“ အင်း.. ပါလာတယ် သား။ ရော့.. ဒီမှာ။ ဒါနဲ့ နေပါဦး။ အမေက စာမတတ်လို့ တသက်လုံး ဘာ အစိုးရအလုပ် မှ မလုပ်ခဲ့ဘူးရယ်။ ဒီတော့ ဒီပင်စင်ကို ရနိုင်ပါ့မလား သားရယ် ”

“ ရနိုင်ပါတယ် အမေ၊ ဒီထောက်ပံ့ငွေ ကို ရထိုက်ဖို့ အမေ ၆၅ နှစ်ကျော်ဖို့ပဲ လိုပါတယ်။ အစိုးရ အလုပ်လုပ်ဖူး ဖို့ မလိုပါဘူး။ ဒီဌာနက မြန်မာနိုင်ငံသားတိုင်းကို ပင်စင်ပေးတဲ့ ဌာနပါအမေ ”

………………………………………..

ကိုရန်နောင် ( ကုမ္ပဏီ အရောင်းမန်နေဂျာဟောင်း)

“ တိုကင်နံပါတ်- ၂၅၊ ကောင်တာ နံပါတ်- ၉ သို့ ကြွပါရှင်၊ တိုကင် နံပါတ်- ၂၅၊ ကောင်တာ နံပါတ်- ၉ သို့ ကြွ ပါရှင် ”

“ ဟုတ်ကဲ့၊ လာပါပြီ ခင်ဗျ ”

“ အကို နေကောင်းရဲ့လား။ ကျနော် ဘာကူညီရမလဲ ”

“ ဟုတ်..၊ ကောင်းပါတယ်ဗျာ။ ကျနော် unemployment လျှောက်ချင်လို့ပါ ”

“ အဲ.. ဆောရီးဗျာ၊ အဲဒါ ဒီရုံးမဟုတ်ဘူးဗျ။ ဒါပေမဲ့ အကို လျှောက်ချင်တဲ့ ရုံးကလည်း ဒီ building ထဲမှာပါပဲ။ ကျနော် တော်ကြာနေ လိုက်ပြပေးမယ်လေ။ ကျနော်တို့ ဒီရုံးကတော့ Senior Citizens ( သက်ကြီးရွယ်အို ) တွေ နဲ့ Disability သမားတွေအတွက် တသက်လုံးစာ ထောက်ပံ့ကြေး ကို အဓိက လုပ်ပေးတာပါ။ အကိုတို့ လိုယာယီ အလုပ်လက်မဲ့ ဖြစ်နေတဲ့သူတွေနဲ့ ကိုယ်ဝန်ဆောင် အမျိုးသမီးတွေကိုတော့ အဲဒီရုံးက အဓိက လုပ် ပေးပါတယ်။ လာ အကို၊ ကျနော် လိုက်ပြပေးမယ် ”

“ အေးဗျာ၊ ကျေးဇူးပဲ။ ကျနော်လည်း ဒါ ပထမဦးဆုံး အကြိမ်ဆိုတော့ သိပ်မသိသေးဘူး။ ကျနော်တို့ နိုင်ငံမှာ အလုပ် လက်မဲ့ ဖြစ်ရင် အစိုးရဆီ ထောက်ပံ့ကြေး လျှောက်လို့ ရတယ်ဆိုတာလောက်ပဲ သိတာ။ ဒီအစိုးရကို တော့ ကြိုက်သွားပြီဗျို့။ အစိုးရ တရပ်ဆိုတာ ဒီလိုမှပေါ့ဗျာ ”

“ အေးဗျ။ ကျနော်လည်း ဒီအစိုးရ လက်ထက် လုပ်နေပုံ ကိုင်နေပုံတွေကို နိုင်ငံ့ဝန်ထမ်းအနေနဲ့ရော၊ နိုင်ငံသား တယောက်အနေနဲ့ရော တော်တော်လေး နှစ်ထောင်းအားရ ဖြစ်မိပါတယ်။ ကျနော်တို့ သမ္မတရွေးတာ မှန်သွား တာပေါ့ဗျာ။ အခု နိုင်ငံခြားရောက်နေတဲ့ မြန်မာတွေလည်း အလုံးအရင်းနဲ့ ပြန်ဝင်လာနေကြတယ်ဗျ ”

………………………………………………

မောင် သတိုးကျော်စွာ ( တက္ကသိုလ် ကျောင်းသား )

ရန်ကုန်တက္ကသိုလ်

“ အန်တီ၊ ကျနော် financial aid လျှောက်ချင်လို့ပါ။ ”

“ အေး..အေး၊ ကောင်းပြီလေ။ သားက ဒီတက္ကသိုလ်မှာ ဝင်ခွင့်ရပြီလား ”

“ ဟုတ်ကဲ့၊ ရပါပြီ။ ကျနော့် ကျောင်းသားနံပါတ်က ဒီမှာပါ အန်တီ။ အန်တီ.. ကျနော် တခု လောက်မေးချင်လို့၊ အခု ကျနော် အစိုးရဆီက ပညာသင် ထောက်ပံ့ စရိတ်ရရင် ပြန်ဆပ်ရမလား ခင်ဗျ ”

“ အဲဒါက သားရတာ “ပညာသင်စရိတ် ထောက်ပံ့ကြေး (Financial Aid)” ဆိုရင် အစိုးရက သူ့နိုင်ငံသား တယောက်ရဲ့ ပညာရေး အတွက် အလကား ထောက်ပံ့တာ ဖြစ်လို့ ပြန်ဆပ်စရာ မလိုဘူး၊ ဒါပေမဲ့ “ပညာသင်စရိတ် ချေးငွေ ( Loan )” ဆိုရင်တော့ သားဘွဲ့တွေ ဘာတွေရပြီး အလုပ်ခွင် ဝင်လို့ ဝင်ငွေရနေပြီ ဆိုတဲ့အခါ ပြန်ဆပ်ရ လိမ့်မယ် ”

“ သား Ph.D ထိ ဆက်တက်နေရင်ကော ”

“ အန်တီတို့ အစိုးရက သဘောကောင်းပါတယ်ကွယ်။ သား ပညာဆည်းပူးနေတုန်း သူရဖို့ရှိတဲ့ အကြွေးကို တဂျီဂျီ လိုက် မတောင်းပါဘူး။ သား Ph.D တခုကနေ နှစ်ခုလောက်ထိ တက်နေရင်တောင် သူက အဲဒီအချိန်ထိ ငွေလိုသေးလားလို့ မေးနေဦးမှာ။ အန်တီတို့ သမ္မတက ကြေညာထားတယ်လေ။ ဒီ နိုင်ငံမှာ ငွေကြေးမတတ် နိုင်လို့၊ မိဘက ဆင်းရဲလို့ ကိုယ်တက်ချင်တဲ့ ကျောင်း မတက်လိုက်ရဘူး ဆိုတာ မရှိစေရဘူးတဲ့လေ”

…………………………………………….

မရွှေစင်ဝင်း ( ကိုရန်နောင်၏ ဇနီး )

“ ဟင်း၊ မောင်ပြောတော့ အခုအလုပ်က တနာရီကို ၁၀၀၀ (ကျပ်) ရတာဆို၊ တပတ်မှာ အလုပ်လုပ်ချိန် နာရီ ပေါင်း ၄၀ ဆိုတော့ နှစ်ပါတ်စာ အလုပ်လုပ်ခက ၈၀, ၀၀၀ ရရမှာ မဟုတ်ဘူလား။ အခု ဘာဖြစ်လို့ ၇၅,၀၀၀ လောက်ပဲ ဖြစ်နေရတာလဲဟင်၊ မောင်တို့ ကုမ္ပဏီက ဘာဖြတ်လိုက်လို့လဲ ”

“ ပြည်နယ် အခွန် နဲ့ ပြည်ထောင်စု အခွန် ဖြတ်လိုက်လို့ကွ ”

“ ဟင်း.. ဒီ အစိုးရကလဲ၊ ဖြတ်မယ်ဆိုတာချည်းပဲ။ ဟိုတနေ့က ညီမ ၅၀ တန် ဘိန်းမုန့်တခု ဝယ်စားတာလည်း ၃ ကျပ် အခွန်ပေးခဲ့ရသေးတယ်။ အောင်မယ်.. ဒီခေတ်မှာတော့ ဘိန်းမုန့်ဆိုင်မှာလည်း ပြည်နယ် အခွန် ဖြတ်ပြီးမှ ဘောက်ချာထွက်တဲ့ စက်ကလေးနဲ့ တော့်။ ရီရတယ် ”

“ ဩော်.. ဒီအစိုးရကပဲ ငါတို့ အလုပ်လက်မဲ့ ဖြစ်တုန်းက ငါတို့ကို ၆လ တိတိ တောင် မျက်နှာမငယ်ရအောင် ကျွေးမွေး ထားခဲ့ဖူးတဲ့ ကျေးဇူးကို သတိရလိုက်စမ်းပါ မိန်းမရယ်။ အခု အလုပ်ကို ရှာပေးတာလည်း သူပဲ။ မောင့်ကို ကွန်ပြူတာသင်တန်းတခု ထပ်တက် ဖို့ ငွေထုတ်ပေးတာလည်း သူပဲ။ ဒီမိုကရေစီ အစိုးရဆိုတာ ဘာစီးပွားရေးကိုမှလည်း လက်ဝါးကြီး အုပ်ထားတာ မရှိတော့ သူ့ကို ငါတို့ အလုပ်လုပ်နိုင်တဲ့လူတွေက ပေးမှ ငါတို့ ဒုက္ခရောက်ရင် သူ ပြန်ကြည့်နိုင် မှာပေါ့ကွယ် ”

“ ဩော်.. မောင်က အတည်ပေါက်ကြီး ပြောနေတာကိုး။ ညီမက ဟာသပြောနေတာပါ မောင်ရယ်။ ညီမလည်း ဒီအစိုးရကို သဘောကောင်းတဲ့ ယောက္ခမကြီးတွေ ရထားသလို ခံစားပြီး ချစ်ပါတယ်နော်။ သဘောပေါက် ”

“ ဒီလိုဆိုရင်တော့ ကောင်းပါပြီဗျား။ ကဲ.. ထမင်းစားရအောင် ”

[ စာကြွင်း။ ။ ဤ Post ကို အမေရိကန် ယဉ်ကျေးမှုဆိုလျှင် ပစ်ခတ် သတ်ဖြတ် ညှီနံ့သင်းသော ဟောလိဝုဒ် ရုပ်ရှင်ကားများ၊ သည့်ထက်ပိုပြီး ပွင့်ပွင့်လင်းလင်း ပြောရလျှင် porn movies များကိုသာ ပြေးမြင်မိကြသော၊ သို့ဖြစ်၍ အမေရိကန်ယဉ်ကျေးမှု မြန်မာပြည်သို့ ရောက်လာမှာကို အသက်ပေးပြီးတော့ပဲ ကာကွယ်ကြရ တော့မလို နှစ်ပေါင်း ရှည်ကြာစွာ Brainwash လုပ်ခြင်း၊ မျက်စိပိတ် နားပိတ် လုပ်ခြင်း ခံထားကြရကုန်သော မြန်မာနိုင်ငံသားများ ( open-mind ရှိကြကုန်သော မိတ်ဆွေတွေကို မဆိုလို) ၊ အထူးသဖြင့် အယူလွဲနေ ကြကုန်သော လူငယ် မြန်မာစစ်ဗိုလ်များ ကို ဖတ်စေချင်မိပါသည်။

တကယ်တော့ အထက်ပါယဉ်ကျေးမှုသည် အမေရိကန်တပြည်ထောင်စုလုံးသို့ ပျံ့နှံ့သက်ရောက် သော အမေရိကန် ယဉ်ကျေးမှုကြီး ဖြစ်ပါသည်။ သူတို့၏ ယဉ်ကျေးမှု တချို့ကို မကြိုက်သော် လည်း အမေရိကန် ယဉ်ကျေးမှုကြီး တခုလုံးကိုတော့ဖြင့် ကျနော် နှစ်ခြိုက်မိပါသည်။ ထို့ကြောင့် သည်လို ယဉ်ကျေးမှုမျိုး ကျနော်တို့ဆီမှာလည်း ထွန်းကားစေချင်မိသဖြင့် ရေးလိုက်ပါသည်။ ရွှေအစစ်ဆိုလျှင်တော့ အမေရိကန် ကထွက်တဲ့ရွှေကိုလည်း ကိုယ့်တိုင်းပြည်ထဲ တင်သွင်းသင့် သလောက် အတိုင်းအတာထိ တင်သွင်း ရမည် သာ ဟုယူဆပါသည် ။ ကောင်းမြတ်မှုမှန်လျှင် အစွဲကင်းစွာ ချစ်ခင်နိုင်ကြပါစေသောဝ်။)

ခင်ဗျား မဲသွားထည့် ဦးမလို့လား

ကျနော်က မတရားမှု တခုကို "ယောနိသော မနာသီကာရ" တရားနဲ့ အညီ အသင့်အတင့် နှလုံးသွင်း တာတို့ ၊ မတရားမှု လုပ်နေကြတဲ့ သူတွေကို မေတ္တာထားတာတို့ ဖက်မှာ သိပ်မတော်ပါ (တရားမရသေးပါ)။ ဒါကြောင့် ကျနော်တို့ မြန်မာပြည်မှာ မနက်ဖြန် ကျင်းပမဲ့ ရွေးကောက်ပွဲကို ( ထို့အပြင် ဒီရွေးကောက်ပွဲကို ဖြစ်လာစေတဲ့ ၂၀၀၈ အခြေခံ ဖွဲ့စည်းပုံ ဥပဒေ ကို) တနည်း နည်း အားဖြင့် အသိအမှတ် ပြုရာရောက်တဲ့ ဘယ်အပြုအမူကိုမှ အားမပေးချင်မိပါဘူး။ ကျနော်သာ မြန်မာ ပြည်မှာရှိနေသေးရင်လည်း မဲရုံသွားပြီး မဲထည့်ဖြစ် လိမ့်မယ် မဟုတ်ပါဘူး။ ကျနော့် မဲတပြား မရလိုက်လို့ NDF အမတ်လောင်းတဦး ကြံ့ဖွတ်အမတ်လောင်းကို တမဲတည်း နှင့် ကပ်ရှုံးသွားရ တယ် လို့ ဆိုရင် လည်း ဝမ်းနည်း၊ စိတ်မကောင်း၊ နောင်တရမိမည် မဟုတ်ပါဘူး။ ဘာဖြစ်လို့လဲဆိုတော့ ဒီမိုကရေစီ ဘက်တော်သား ( လို့ ယူဆရသူ ) အဲဒီ အမတ် နိုင်သွားရင်လည်း Overall အနေနှင့် တွက်ရင် ၂၀၀၈ နာဂစ် ဖွဲ့စည်းပုံ အခြေခံဥပဒေသစ်အရ စစ်တပ်ဟာ “နိုင်ငံတော် ဥပဒေပြုမှုအာဏာ” ( Legislative Power of the State/ လွှတ်တော် )၊ “နိုင်ငံတော် အုပ်ချုပ်ရေး အာဏာ” ( Executive Power of the State / အစိုးရအဖွဲ့ ) နှင့် “နိုင်ငံတော် တရားစီရင်ရေး အာဏာ” ( Judiciary Power of the State / တရားရုံး ) လို့ဆိုတဲ့ နိုင်ငံတခုရဲ့ အချုပ်အချာ အာဏာကြီး သုံးရပ် အထက်မှာပဲ ရှိနေဦးမှာမို့ မိမိ နိုင်စေ ချင်တဲ့ပါတီ နဲ့ လွှတ်တော် အမတ် တို့ အနိုင်ရတဲ့/ အနိုင်မရတဲ့ကိစ္စဟာ ဘာမှ အရေးမပါလှပါဘူး။ ဒီဖွဲ့စည်းပုံက ကျနော်တို့ မြန်မာနိုင်ငံသားများ “ဒါ ငါတို့ဖွဲ့စည်းပုံ တဲ့ကွ၊ တရားမျှတမှု ၊ တန်းတူညီမျှမှု ကို ဘယ်နားမှာ သွားရှာရမလဲ မသိ၊ ဒီလို ဖွဲ့စည်းပုံ ဥပဒေမျိုးနဲ့မှ ငါတို့နဲ့ တန်လေရော့သလား ” လို့ ဆိုပြီး ရှက်တတ်ရင် လဲသေလို့ရတဲ့ ဖွဲ့စည်းပုံမျိုး ဖြစ်ပါ တယ်။ ဒါကို ကျနော်က ဒီလူတွေကို သောက်မြင်ကပ်ကပ် နဲ့ အပို ပြောနေတာ မဟုတ်ပါဘူး။ ခင်ဗျား တို့ ကိုယ်တိုင် အောက်မှာ ဥပဒေ မူရင်း ( အချို့ ) ကို ဖတ်ကြည့်မိရင် သဘော ပေါက် လာပါလိမ့်မယ်။

ပုဒ်မ ၆။

( စ ) နိုင်ငံတော် ၏ အမျိုးသားနိုင်ငံရေး ဦးဆောင်မှု အခန်းကဏ္ဍ တွင် တပ်မတော်က ပါဝင်ထမ်း ဆောင်နိုင် ရေး တို့ကို အစဉ်တစိုက် ဦးတည်သည်။

ပုဒ်မ ၂၀။

(ခ) တပ်မတော်သည် တပ်ပိုင်းဆိုင်ရာ ကိစ္စအားလုံးကို လွတ်လပ်စွာ စီမံ ခန့်ခွဲ စီရင် ဆောင် ရွက်ပိုင်ခွင့် ရှိသည်။

( တပ်မတော်က ခင်ဗျားတို့ရွေးလိုက်တဲ့ လွှတ်တော်အမတ် တွေနဲ့ ဟန်ပြဖွဲ့စည်း ထားတဲ့ "ပြည်ထောင်စု လွှတ်တော်" နဲ့ "အစိုးရ အဖွဲ့" ရဲ့ အမိန့်ကို ဖွဲ့စည်းပုံ အခြေခံဥပဒေနဲ့ အညီ နားထောင်မှာ မဟုတ်ဘူးလို့ ကြေညာ ထားတာပါပဲ။)

(ဃ) တပ်မတော်သည် နိုင်ငံတော်လုံခြုံရေးနှင့် ကာကွယ်ရေးတွင် ပြည်သူတရပ်လုံး ပါဝင်ရေး အတွက် စီမံ ဆောင်ရွက်ခွင့် ရှိသည်။

( ကျနော်တို့ နိုင်ငံရဲ့ ဖွဲ့စည်းပုံ အခြေခံ ဥပဒေကြီး အရ စစ်တပ်ဟာ တရားဥပဒေနဲ့ အညီ ပေါ်တာ ဖမ်းးလို့ ရပါပြီ။ ဒါတွေက နိုင်ငံခြားနဲ့ စစ်တွေ ဘာတွေ ဖြစ်နေချိန်မျိုးမှာ လုပ်ဖို့လိုအပ်ရင်တောင် အစိုးရ အဖွဲ့ကသာ ချင့်ချင်ချိန်ချိန် နဲ့ လုပ်သင့်တာ မဟုတ်ဘူးလား။)

ပုဒ်မ ၄၀။

(ဂ) နိုင်ငံတော်၏ အချုပ်အခြာ အာဏာကို ဆူပူသောင်းကျန်းမှု၊ အကြမ်းဖက်မှု စသော အဓမ္မနည်းဖြင့် ရယူရန် ဆောင်ရွက်ခြင်း၊ သို့မဟုတ် ကြိုးပမ်း အားထုတ်ခြင်းကြောင့် ပြည်ထောင်စု ပြိုကွဲစေမည့်၊ တိုင်းရင်းသားစည်း လုံး ညီညွတ်မှု ပြိုကွဲစေမည့် သို့မဟုတ် အချုပ်အခြာ အာဏာ လက်လွတ် ဆုံးရှုးစေမည့် အရေးပေါ် အခြေ အနေ ပေါ် ပေါက်လျင် ကာကွယ်ရေးဦးစီးချုပ် သည် နိုင်ငံတော်အာဏာကို ဤ ဖွဲ့စည်းပုံ အခြေခံဥပဒေတွင် ပြဌာန်း ချက် များနှင့်အညီ ရယူသုံးစွဲခွင့် ရှိသည်။

(= "တပ်မတော်သည် ဖွဲ့စည်းပုံ ဥပဒေ နှင့်အညီ အာဏာ သိမ်းခွင့် ရှိသည်။" ကျုပ်တို့ တပ်မတော်ကြီး က အရပ်သားများ လက်ထဲမှာ နိုင်ငံတော်ကြီး တခုခု ဖြစ်သွားမှာ တယ် အစိုးရိမ်ကြီးသကိုး။ )

ပုဒ်မ ၅၉။ နိုင်ငံတော်သမ္မတ နှင့် ဒုတိယသမ္မတများ၏ အရည်အချင်းများမှာ အောက်ပါအတိုင်း ဖြစ်သည် -

(ဃ) နိုင်ငံတော် အရေးအရာများ ဖြစ်သော နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေး အမြင်များ ရှိရမည်။

ကဲ.. ကျနော်လည်း ဒီ ပုဒ်မတွေကို ပြန်ရိုက်နေရတာ နည်းနည်းမောပြီ။ (source က ဇော်ဂျီ ဖောင့် နဲ့ မဟုတ်လို့ copy / paste လုပ်ကြည့်တာလည်း အဆင်မပြေပါဘူး။) ဒီတော့ ကျန်တာကို ခြုံငုံ ပြီးတော့ ပြောရရင် မြန်မာနိုင်ငံသမ္မတကို ပြည်သူက တိုက်ရိုက်ရွေးကောက် တင်မြှောက်ရမှာ မဟုတ်ပါဘူး။ ပြည်သူ့လွှတ်တော်၊ အမျိုးသားလွှတ်တော်၊ တပ်မတော် တို့က ဒု သမ္မတ လောင်းတဦးစီ ကို အမည်စာရင်း တင်သွင်းပြီး အဲဒီ ၃ ယောက် ထဲက တယောက်က သမ္မတ၊ ကျန် နှစ်ယောက်က ဒုသမ္မတ ဖြစ်လာကြမှာပါတဲ့။ ဒါကြောင့် စစ်တပ်က အနည်းဆုံး ဒုသမ္မတ တဦးတော့ Quota ရပါတယ်။ ကံကောင်းရင် သူတို့အမည်တင်တဲ့သူ သမ္မတလည်း ဖြစ်လာနိုင် ပါသေးတယ်။ အခုရွေးကောက်ပွဲ မှာလည်း အဲဒါကို ချိန်ထားနိုင်ပါ တယ်။ နောက်ပြီး ကာကွယ်ရေး ဝန်ကြီး၊ ပြည်ထဲရေးဝန်ကြီး၊ နယ်စပ်ရေးရာ ဝန်ကြီးတွေကို တပ်မတော် ကာကွယ်ရေး ဦးစီးချုပ်က ခန့်အပ်မှာ ဖြစ်ပါတယ်။ အဲဒီ စစ်သားဝန်ကြီးတွေကို သမ္မတ ( အစိုးရ အဖွဲ့ အကြီးအကဲ နဲ့ နိုင်ငံ့ အကြီးအကဲ) က ကာကွယ်ရေးဦးစီးချုပ်ရဲ့ အမိန့်မရဘဲ ရာထူးကနေ ဖယ်ရှားလို့ မရပါဘူး။ ကျန် အရပ်သား ဝန်ကြီးတွေကို တော့ ဖယ်ရှားလို့ရပါသတဲ့။ အရင်တုန်းက ကြားဖူးတာက ကာကွယ်ရေး ဦးစီးချုပ် ( ညွှန်ချုပ် အဆင့်ရှိ နိုင်ငံ့ ဝန်ထမ်း ) ဟာ ကာကွယ်ရေး ဝန်ကြီး ရဲ့ လက်အောက်က ဖြစ်ပါတယ်။ ဒါပေမဲ့ အခု ကျွန်ုပ်တို့ရဲ့ ထူးဆန်း အံ့ဩဖွယ်ရာ အတိပြီးပေထသော နာဂစ်ဖွဲ့စည်းပုံ အလိုအရ ကတော့ ဒီ ကာကွယ်ရေး ဦးစီးချုပ် က အကောင်းစား ဝန်ကြီး သုံးယောက် ( ဝန်ကြီး သုံးပါးလို့ စတန့်ထွင် သုံးနေကြတာကို နားကြားပြင်း ကပ်လှပါတယ် ) ကို ခန့်နိုင်၊ ဖြုတ်နိုင်သော အာဏာ၊ လိုအပ်ပါက နိုင်ငံတော် အာဏာကိုပါ သိမ်းနိုင် သော အာဏာ၊ ပြည်သူ့လွှတ်တော်သို့ တပ်မတော်သား အမတ် ၁၁၀ ယောက် ( အရပ်သား ၃၃၀ ) စေလွှတ် နိုင်သော အာဏာ၊ အမျိုးသား လွှတ်တော်သို့ တပ်မတော်သား အမတ် ၅၆ ယောက် ( အရပ်သား ၁၆၈ ယောက် ) ကို စေလွှတ် နိုင်သော အာဏာ၊ စစ်သား တယောက် လူသတ်မှု ကျူးလွန်ခဲ့ရင် လည်း အရပ်ဖက် တရားရုံးနဲ့ စစ်ဆေးတာ မခံရဘဲ ကာကွယ်ရေး ဦးစီးချုပ်က နောက်ဆုံးမှာ ကွင်းလုံးကျွတ် လွှတ်ချင်ကလွှတ် လို့ရတဲ့ ရွှေ အာဏာတော်များ ရှိပါသတဲ့။ ဒါကြောင့် ဒီဖွဲ့စည်းပုံဟာ စစ်သား သမ္မတ၊ စစ်သားလွှတ်တော် အမတ်၊ စစ်သား ဝန်ကြီး၊ စစ်သား တရားသူကြီး လုပ်ကြမဲ့ ဖွဲ့စည်းပုံ မျိုးဖြစ်ပါတယ်။ ဒါကြောင့် ကျနော် တဦးတည်းရဲ့ သဘောကတော့ ဒီ ဖွဲ့စည်းပုံ ဥပဒေကို ( ကျနော် နိုင်ငံရေးသမား တယောက်မဟုတ်ပါ။ ဒါကြောင့် နိုင်ငံရေးသမား တယောက်က ပြောနေတာ မဟုတ်ဘဲ နိုင်ငံသား တယောက်အနေနဲ့ပဲ) “ချီး” လို ရွံပါတယ်။ ဒီလို ဖွဲ့စည်းပုံအရ ပေးရမဲ့ မဲကိုလည်း လွမ်းစိတ်ကလေးများ တစက်မှ မပေါ်ပေါက်မိပါဘူး။ ဒါ နိုင်ငံတော်သစ် တခုကို တည်နေတာ မဟုတ်ဘူး။ ပုပ်ပွ အော့နှလုံးနာဖို့ကောင်းတဲ့ မတရားမှုကြီး တခုကို စတင် အသက် သွင်း နေကြတာပါ။

အဲဒီတော့ မဲမထည့်ရင်ကော ရမဲ့ အကျိုးတွေက ဘာတွေတုန်း လို့မေးစရာ ရှိပါတယ်။ ကျနော် မြင်မိတဲ့ လက်ငင်း အကျိုး ကတော့ “ဒီလောက် အသုံးမကျတဲ့ နိုင်ငံတော် ဖွဲ့စည်းပုံ ဆိုတဲ့ မတရားမှုကြီး ကို အသက်သွင်း တုန်းက ငါမပါခဲ့ဘူး။ ငါ့ တသက်တာမှာ ငါ့ ဆင်ခြင်တုံ တရားက မယုံကြည်တဲ့၊ ငါ့ နှလုံးသားက လက်မခံတဲ့ အလုပ်တခု ကို သူများလုပ်နေကြလို့ လုပ်ရတာပါ ဆိုတဲ့ ဆင်ခြေနဲ့ ဘယ်တုန်းကမှ မလုပ်ခဲ့ဖူးဘူး” လို့ မိမိ ကိုယ်ကို မိမိ တသက်လုံး လေးစားလို့ရပါလိမ့်မယ်။ အဲဒီလို ကိုယ်ကတော့ ကိုယ့်အတ္တကို ကိုယ် ကောင်း မွန်စွာ စောင့်ရှောက်တဲ့ အနေနဲ့ လုပ်လိုက်တာပဲ။ ဒါပေမဲ့ အဲဒီလို ကိုယ့် ယုံကြည်မှုအပေါ် သစ္စာရှိတဲ့ နိုင်ငံသား တွေ များလာရင် တနေ့နေ့ ကျနော်တို့ ဒီ ဥပဒေကို သူနဲ့တန်တဲ့ အိမ်သာ ဇလားထဲ ပစ်ချနိုင်ကြ ပါလိမ့် မယ်။ Francis Fakuyama က သူ့ရဲ့ The End of the History မှာ ရေးဖူးပါတယ်။ လူ့သမိုင်းဟာ စိတ်ပိုင်းဆိုင်ရာ အရ တစုံတယောက်/ တစုံတရာလက်အောက်မှာ ကျွန်ဆန်နေရမှု ကနေ မိမိကိုယ်ကို မိမိပိုင်တယ်လို့ အပြည့် အဝ ခံစားရတဲ့ သခင်ဆန်မှုဆီကို မနားတမ်းသွားနေတဲ့သမိုင်းပဲ ဖြစ်တယ်တဲ့။ အဲ ...အဲဒီ သခင်ဆန်မှု ဆီရောက် သွားရင်တော့ ပြုဖွယ်ကိစ္စလည်း ကုန်ပြီ။ ဒါကြောင့်သူက အဲဒီ အနေအထားကို သမိုင်း၏နိဂုံး လို့ခေါ်ထားတာပါ။ Communism က လူတွေ ကြားမှာ ရုပ်ပိုင်းဆိုင်ရာ ပိုင်ဆိုင်မှု မညီမျှ မချင်း တော်လှန်ရေး တွေ ပေါ်ပေါက်နေဦးမယ်၊ လူတန်းစားတခု တည်းဖြစ်သွားမှ the end of history ဖြစ်သွား လိမ့်မယ်လို့ မျှော်လင့်ခဲ့ဖူးတယ်။ ဒါပေမဲ့ တကယ်တမ်း ကျတော့ အဲဒါ ကလည်း ကိုယ့်ကိုယ်ကို ကိုယ်ပိုင်တဲ့ စိတ်ပိုင်းဆိုင်ရာ ခံစားမှုကို မပေးနိုင်ဘူး။ ( အဲဒီ ဝါဒရဲ့ အလို က ကိုယ့်ကို community ကပဲ ပိုင်တာ။) ဒါကြောင့် ဒီစနစ်လည်း ကျဆုံးရချေတော့တယ်။ နောက်ဆုံးတော့ Liberalism ကသာ လူသားတယောက်အဖြစ် အပြည့်အဝ လွတ်လပ် တဲ့ စိတ်ခံစားမှုကို ပေးနိုင်မှာ ထင်ရှား လာတယ်။ ဒါကြောင့် at the perfect stage of liberalism ဆီရောက် နေကြတဲ့ တိုင်းပြည်တွေမှာ ( ကြီးကြီး မားမား ပြောင်းလဲတဲ့ ) သမိုင်းခေတ်ကုန်ပြီ။ ရှေ့လျှောက် ငလျှင်လှုပ်တဲ့၊ ရေကြီးတဲ့ သမိုင်း လောက်ပဲ ကျန်တော့မယ်တဲ့။ ကျနော်တို့ကတော့ အဲဒီနောက်ဆုံး သမိုင်း မှတ်တိုင်ဆီ ရောက်ဖို့ အချိန် နည်းနည်း ကြာလိမ့်ဦးမယ်။ ဒါပေမဲ့ ကျနော်တို့ ဟာ သမိုင်းရဲ့ နိယာမအရ အဲဒီဆီကို တနေ့ ရောက်ကို ရောက်ကြရမှာပါ။ ဒီတော့ ဒီဖွဲ့စည်းပုံ ဥပဒေ အတု နဲ့ ရွေးကောက်ပွဲ အတုမှာ ကိုယ့်ဖက် က အနိုင်ရတာ/ မရတာကို သိပ် ပျော်ရွှင် / ကြေကွဲ နေဖို့ မရှိဘူးလို့ ထင်ပါတယ်။ ကိုယ်အနိုင်ရ လည်း စစ်တပ်ရဲ့ ကျွန်ပဲ။ အနိုင်မရလည်း စစ်တပ်ရဲ့ ကျွန်ပါပဲ။ အရေးကြီးတာက ဒီ ဖွဲ့စည်းပုံကို ထိရမှာ၊ ကိုင်ရမှာ၊ သုံးရမှာကို ချီးလို ရွံရှာပြီး ( ဒါက တမင်လုပ်ယူ ဖို့ မလိုပါ ဘူး။ မကောင်းတာကို မကြိုက်တာဟာ လူ့သဘာဝ တရပ် ဖြစ်ပါတယ်။) ဒါကြီးကို မြောင်းထဲ ပစ်နိုင်ဖို့ အဖြစ်နိုင် ဆုံးနည်းလမ်းတွေကို အသီးသီး ကြံစည်နေကြဖို့သာဖြစ်တယ်လို့ ထင်မြင်မိပါကြောင်း ကိုယ့်အမြင်ကို ဝေမျှ လိုက် ပါတယ် ညီ အကို မောင်နှမ အပေါင်း တို့...။

မြင်ချင်သည် ရွှေပြည်ကြီးကိုလ ( ၃ )

ပြင်ဦးလွင်မြို့၊ စစ်တက္ကသိုလ် ဗိုလ်လောင်းသင်တန်း အပတ်စဉ် ( ** ) ကျောင်းဆင်းပွဲ စစ်ရေးပြ အခမ်းအနား တွင် တပ်မတော် ကာကွယ်ရေးဦးစီးချုပ် ပြောကြားသော မိန့်ခွန်း။

ရဲဘော်တို့။

ဒီကနေ့ဟာ စစ်တက္ကသိုလ် ဗိုလ်လောင်းသင်တန်း အပတ်စဉ် ( ** ) ကျောင်းဆင်းပွဲ အခမ်းအနားနေ့ ဖြစ်တယ်။ ဒီကျောင်းဆင်းပွဲ ပြီး တာ နဲ့ ကြည်း၊ ရေ၊ လေ တပ်ရင်း တပ်ဖွဲ့ အသီးသီးမှာ သွားရောက် တာဝန် ထမ်းဆောင်ကြရမဲ့ ရဲဘော် တို့ကို ဒီကနေ့ ငါ တပ်မတော် ကာကွယ် ရေး ဦးစီးချုပ်တဦး အနေနဲ့ အမှာစကား ပြောလိုတယ်။ ရဲဘော်တို့ ဟာ အခြား ဗိုလ်သင်တန်း အပတ်စဉ်များနဲ့ မတူဘဲ ဒီ စစ် တက္ကသိုလ် မှာ “ဒီမိုကရေစီ ကျင့်ထုံး” ဘာသာရပ် ၊ “လူ့ အခွင့်အရေး” ဘာသာရပ်နဲ့ အသစ်ပြန်လည် ရေးဆွဲထားတဲ့ “ပြည်ထောင်စု မြန်မာ နိုင်ငံတော် ဖွဲ့စည်းပုံ အခြေခံဥပဒေ” ဘာသာရပ် တို့ကို ဘက်လိုက်မှုမရှိတဲ့ ပညာရှင် ဆန်ဆန် လေ့လာမှုမျိုးနဲ့ စနစ်တကျ ပထမဆုံး သင်ယူဆည်းပူး ခဲ့ကြရ တဲ့ မြန်မာ့ တပ်မတော် အရာရှိတွေ ဖြစ် တယ်။ ဒါဟာ ရဲဘော်တို့ ကိုယ်တိုင် အတွက် ရော၊ ငါတို့ တပ်မတော် အတွက် ပါ ဂုဏ်ယူစရာပဲ ဖြစ်တယ်။ ငါတို့ နိုင်ငံတော် အတွက်လည်း ကျေနပ် စရာ တိုးတက်မှု မှတ်တိုင် တခုပဲ ဖြစ် တယ်။

ရဲဘော်တို့။

ငါတို့ တပ်မတော်ဟာ အဖွဲ့အစည်းရဲ့ ပင်ကိုယ်သဘာဝအရ အထက်အမိန့်ကိုနာခံရတဲ့အစဉ်အလာမျိုး ရှိတာ ကြောင့် စိတ်နှလုံး ရိုးသား ပြီး၊ ဖြောင့်မတ် တည်ကြည်တဲ့ ဗိုလ်ချုပ်အောင်ဆန်းလို စစ်ခေါင်းဆောင်မျိုး လက်ထက် မှာ တပ်မတော်ရဲ့ သတင်း ဂုဏ်ရောင် လှပ ထွန်းပြောင်ခဲ့သလောက်၊ စိတ်နှလုံး စဉ်းလဲ့ ကောက် ကျစ်ပြီး၊ တပ်မတော် အားကိုးနဲ့ ပြည်သူတွေ အပေါ် အနိုင်ကျင့်၊ ဗိုလ်ကျ၊ ဘုရင် လုပ်ချင်တဲ့ စစ်ခေါင်းဆောင် တွေ လက်ထက်မှာ တော့ တပ်မတော်ဟာ သူခိုး၊ ဓါးပြ၊ လူမဆန် အကျင့်ပျက်သူတွေနဲ့ ဖွဲ့စည်းထားတဲ့ ဂိုဏ်း တခုသာသာ လောက်အထိ ဂုဏ်သတင်း မှေးမှိန်ခဲ့ရတယ်။ ဒါဟာ အဲဒီအပြစ်တွေကို ကျူးလွန်ခဲ့ကြတဲ့ သက်ဆိုင် ရာ စစ်ခေါင်း ဆောင် တွေကို ပုဂ္ဂိုလ်ရေး အာဃာဓထားပြီး မဟုတ်မမှန်တာ ကို ချဲ့ကားပြောဆိုနေတာ မဟုတ် ဘူး။ သမိုင်းဟာ အတိတ်ခေတ်တုန်းက တကယ် ဖြစ်ပျက်ခဲ့တဲ့ အကြောင်းအရာ တွေကို ဖြစ်ခဲ့တဲ့ အတိုင်း မှတ်တမ်း တင်ထားပြီး ဖြစ်တယ်။ ကိုယ်လိုရင် လိုသလို၊ မလို ရင် မလိုသလို သွား ဖြည့်စွက် လို့၊ နှုတ်ပယ်လို့ ရကောင်းတော့တဲ့ အရာ မဟုတ်ဘူး။ ဒါကြောင့် သမိုင်းကို တကယ် မဖြစ်ခဲ့ဘဲနဲ့ ဖြစ်ခဲ့ သလို ပြောနေလို့ မရ သလို တကယ်ဖြစ် ခဲ့တာကို ဘာမှ မဖြစ်ခဲ့သလိုလည်း လိမ်လို့ မရဘူး။ လိမ်ရင် လည်း အဲဒီလိုလိမ်နေ တဲ့ ကာလ ခဏတာလေး၊ အလွန်ဆုံး ဆယ် စုနှစ် အနည်းအကျဉ်းလောက်ပဲ လိမ်လို့ရလိမ့်မယ်။ ယာယီ တွင်ကျယ်နေတဲ့ ခေတ်ကာလ တခု ကုန်ဆုံးသွားတဲ့ အခါ လိမ်ထားသမျှတွေ ပေါ်လာမှာပဲ ဖြစ်တယ်။ ဒါကြောင့် တပ်မတော် သည် ဆိုးညစ်တဲ့ ခေါင်းဆောင်တွေ လက်ထက်မှာ ကိုယ့်ပြည်သူတွေ အပေါ် ရက် ရက်စက်စက် ပြုမူခဲ့တာ ကို ငါတို့ လက်ခံအသိအမှတ်ပြုကြရမယ်။ ဒီလို ပြုမိခဲ့ ဖူးတဲ့ အပြစ်ကို လက်ခံအသိအမှတ်ပြုမှသာလျှင် ဒီအပြစ်ကို ဆေးကြော လိုတဲ့ လှိုက်လှဲသော ဆန္ဒလည်း ပေါ်ပေါက်လာမှာ ဖြစ်တယ်။ ရဲဘော်တို့ဟာ ဒီ အသိတရားကို ဒီကျောင်းမှာ သင်ကြားခဲ့ပြီး ဖြစ်လို့ မိမိတို့ရဲ့ တပ်ရင်း တပ်ဖွဲ့ အသီးသီးကိုရောက်သွားကြတဲ့အခါ မှာ ငါတို့ တပ်မတော် သည် ပြည်သူတွေအပေါ်မှာ ဒီ အကြွေးတင် နေတယ်။ဒါကြောင့် ငါတို့ရဲ့ ရှေ့ မျိုးဆက်က ပြုမူခဲ့တဲ့ ဒီအပြစ်ကို ငါတို့ ဆေးကြောနိုင်သရွေ့ ဆေးကြောသွားမယ်ဆိုတဲ့ စိတ်နှလုံးမျိုးထားပြီး ဖြစ် နိုင်တဲ့နေရာ၊ ဖြစ်နိုင်တဲ့ အချိန်မှာ တို့ ပြည်သူတွေအပေါ် ဆွေမျိုးရင်းချာစိတ်ဓါတ်မျိုး ထားကြပါ၊ အရင်တုန်းကလိုမျိုး အထက် အမိန့်ဆိုပြီး ကိုယ့်ပြည်သူတွေအပေါ် ရက်စက် ယုတ်မာ လူမဆန်ရတာမျိုး နောင် ဘယ်တော့မှ အဖြစ်မခံကြနဲ့ လို့ ပထမဦးဆုံး မှာကြားလိုတယ်။

ရဲဘော်တို့။

အခုဆိုရင် ငါတို့ နိုင်ငံမှာ နိုင်ငံရေးပြဿနာတွေကိုနိုင်ငံရေးခေါင်းဆောင်တွေက ( ဆွေးနွေး၊ ညှိနှိုင်း၊ အဖြေရှာ၊ အပေးအယူ လုပ်တဲ့) နိုင်ငံရေးနည်းနဲ့ ဖြေရှင်းပြီးဖြစ်လို့ စစ်ရေးနည်းနဲ့ အဖြေရှာစရာ မလိုတော့တာကြောင့် တောတွင်း လက်နက်ကိုင် အဖွဲ့ အစည်း တဖွဲ့မှ မကျန်တော့တာကို ရဲဘော်တို့ အသိပဲ ဖြစ်တယ်။ ဒါကြောင့် အခု ငါတို့ရဲ့ ခေတ်သစ်ပြည်သူ့တပ်မတော်ဟာ ပြည်ပရန် ကို အသက်ပေးပြီး ကာကွယ်ဖို့ တာဝန်နဲ့ ငါတို့ နိုင်ငံသားတွေရဲ့ သွေး၊ ချွေး၊ အသက်၊ ကာလရှည်ကြာစွာ အနစ်နာခံ ပေးဆပ်မှုတွေနဲ့ ရေးခဲ့ရတဲ့ ငါတို့ နိုင်ငံတော် ရဲ့ ဖွဲ့စည်းပုံ အခြေခံဥပဒေ ကို အသက်ပေးပြီးကာကွယ်ဖို့ တာဝန်ပဲ အဓိကအားဖြင့် ရှိတော့တယ်။ ဒီနေရာမှာ ရှင်းရှင်းလင်းလင်း ပြောထားလိုတာက ငါတို့ရဲ့ နိုင်ငံတော်ဖွဲ့စည်းအုပ်ချုပ်ပုံအခြေခံဥပဒေ မှာ အတိ အလင်း ပြဌာန်းထားတဲ့ အတိုင်း “နိုင်ငံတော်ရဲ့ အာဏာ အရပ်ရပ်ဟာ ( တနည်းနည်းအားဖြင့်) နိုင်ငံသားများ ထံမှဆင်းသက်လာ” မှသာ အဲဒီ အာဏာသည် ဖွဲ့စည်းပုံ ဥပဒေ နဲ့ ကိုက်ညီတဲ့ အာဏာ ဖြစ်တယ်။ တကယ်လို့ တပ်မတော် ကာကွယ်ရေးဦးစီးချုပ်၊ ဒါမှမဟုတ် ရွေးကောက်ခံရခြင်း မရှိတဲ့ မည်သူမဆိုက နိုင်ငံ တော်ရဲ့ အာဏာကို တနည်းနည်းနဲ့ ရယူဖို့ ကြိုးစားလာမယ်ဆိုရင် ဒါဟာ ဖွဲ့စည်းပုံ အခြေခံဥပဒေကို ဆန့်ကျင် နေတာဖြစ်လို့ သူဟာ အဲဒီလို ကိုယ်ထိလက်ရောက် အားထုတ်လိုက် တဲ့ အချိန်ကာလ ကစလို့ သူပုန် တယောက် ဖြစ်သွားပြီလို့ မှတ်ယူရမှာ ဖြစ်တယ်။ ဒါကြောင့် အဲဒီအချိန်မှာ ယခင်က သူ့ရဲ့ လက်အောက်ခံ ဖြစ်ခဲ့တဲ့ မည်သည့် တပ်မတော်သား တယောက်မှာမျှ သူ့အမိန့်ကို နာခံဖို့ တာဝန်မရှိတော့ဘူး။ နာခံခဲ့ရင် အဲဒီ တပ်မတော်သားပါ သူပုန် တပ်သား တယောက် ဖြစ်သွားမှာ ဖြစ်တယ်။ ငါတို့နိုင်ငံရဲ့ ခေတ်သစ် တပ်မတော်သား တဦး အဖို့ ပြည်ပရန်မရှိတဲ့ကာလမှာ အဓိကထမ်းဆောင် ရမဲ့ တာဝန်က နိုင်ငံတော် ဖွဲ့စည်းပုံ အခြေခံဥပဒေကို အသက်ပေးပြီး ကာကွယ်တာ ဖြစ်လို့ ဒီလိုအခါမျိုး မှာ နိုင်ငံတော် ဖွဲ့စည်း ပုံအခြေခံဥပဒေ နဲ့ အညီ ပြည်သူတွေက သူတို့ရဲ့ အာဏာကို အပ်နှင်း ထားတဲ့ တာဝန်ရှိပုဂ္ဂိုလ်ရဲ့ အမိန့်ကို နာခံတာကသာ ဖွဲ့စည်းပုံ ဥပဒေကို အသက်ပေးပြီး ကာကွယ်ရာ ရောက်မှာ ဖြစ်တယ်။

ထို့အတူပဲ ငြိမ်းချမ်းစွာ ဆန္ဒပြနေကြတဲ့ နိုင်ငံသားတွေရဲ့ အပြုအမူဟာ ဖွဲ့စည်းပုံဥပဒေပြဌာန်းချက်နဲ့ ကိုက်ညီတာကြောင့် ဒီ နိုင်ငံသားတွေကို သေနတ်နဲ့ ပစ်ပါလို့ အထက်က အမိန့်ပေး လာခဲ့ ရင်လည်း အဲဒီ “အထက်အမိန့်ဟာ နိုင်ငံတော် ဖွဲ့စည်းပုံ အခြေခံ ဥပဒေ နဲ့မကိုက်ညီဘူး” လို့ ဆိုပြီး အထက်အမိန့် ကို ပြတ်ပြတ်သားသား ငြင်းဆန်ကြရမှာ ဖြစ်တယ်။ ဒါကြောင့် လည်း တပ်မတော်သားတို့ရဲ့ သစ္စာ အဓိဌာန် လေးချက် ထဲမှာ ပါတဲ့ “ငါ့အား အထက်မှ ပေးအပ်သော အမိန့် နှင့် တာဝန်ကို ကျေပွန်စွာ ထမ်းဆောင်ပါမည်” ဆိုတာ အစား “ငါ့အား နိုင်ငံတော်ဖွဲ့စည်းအုပ်ချုပ်ပုံ ဥပဒေနှင့် အညီပေးအပ်သော အမိန့် နှင့် တာဝန်ကို ကျေပွန်စွာ ထမ်းဆောင်ပါမည်” လို့ အနှစ်သာရ နဲ့ စာသားကို ပြောင်းလဲ ခဲ့တာ ဖြစ်တယ်။ ဒီ သဘော ကို မြန်မာ့တပ်မတော်ကို တည် ထောင်သူ ဗိုလ်ချုပ်အောင်ဆန်းကလည်း အထက်အမိန့် ဆိုပြီး ခေါင်းဆောင် လုပ်တဲ့သူ က ကိုယ်ကျိုးရှာပြီး ခိုင်းတဲ့ အမိန့်တိုင်းကိုမျက်စိ မှိတ် နားထောင်ဖို့ မလိုဘူးလို့ အမြော် အမြင်ကြီးစွာ နဲ့ တခါတုန်းက မိန့်ကြားခဲ့ဖူးတယ်။ “တိုင်းပြည်ဟာ စစ်တပ်ရဲ့ အစေခံ မဖြစ်ရဘူး၊ စစ်တပ်ကသာ တိုင်းပြည်ရဲ့ အစေခံ ဖြစ်ရမယ် ” လို့လည်း အတိအလင်း မိန့်ကြားခဲ့ဖူးတယ်။

ရဲဘော်တို့။

လွတ်လပ်ရေးဖခင်ကြီး ဗိုလ်ချုပ်အောင်ဆန်း ဟာ ငါတို့ ခေတ်သစ် မြန်မာ့ တပ်မတော်ရဲ့ ဖခင်ကြီးလည်း ဖြစ် တယ်။ ပူဇော်ထိုက်သူကို ပူဇော်တာဟာ မင်္ဂလာ တပါးပဲ ဖြစ်တယ်။ လူတွေရဲ့ အလုပ်လည်း ဖြစ်တယ်။ တိရစ္ဆာန် လောက မှာဆိုရင် ပူဇော်ထိုက်သူကို ပူဇော်တဲ့ ဓလေ့ မရှိကြဘူး။ ဒါကြောင့် ဒီ ဓလေ့ကို မသိတဲ့၊ ဒီ ဓလေ့ မရှိတဲ့ သူ ဟာ တိရစ္ဆာန် နဲ့ မခြားတဲ့သူ လို့ ဆိုရမယ်။ အခုဆိုရင် တပ်မတော်ရဲ့ ဖခင်ကြီး ဗိုလ်ချုပ် အောင်ဆန်း အမှူးပြုတဲ့ ရဲဘော်သုံးကျိပ်ဝင်တွေက ခေတ်သစ်“ မြန်မာ့တပ်မတော်” ကိုပထမ ဦးဆုံး တည်ထောင် ခဲ့ကြတဲ့ ဒီဇင်ဘာလ ( ၂၆ ) ရက်နေ့ကိုဂုဏ်ပြု တဲ့ အနေနဲ့ နိုင်ငံတော်က အဲဒီနေ့ကို “တပ်မတော်နေ့” အဖြစ် တရားဝင်သတ်မှတ် ကြေညာ ထားပြီး ဖြစ်တယ်။ တကယ်တော့ မြန်မာ့သမိုင်းကို ပြန်ပြောင်း လေ့လာကြည့် လိုက်မယ်ဆိုရင် ၁၉၄၅ ခုနှစ်မတ်လ ၂၇ ရက်နေ့ ဖက်ဆစ် တော်လှန်ရေးကြီး ဟာ တပ်မတော် တခုတည်းက ဖက်ဆစ်ဂျပန် တွေကို တော်လှန်တဲ့အနေမျိုးထက် အဲဒီတုန်းက ဗိုလ်ချုပ်အောင်ဆန်း ဦးဆောင်တဲ့ မြန်မာ့ တပ်မတော်နဲ့ အရပ်သား နိုင်ငံရေး ခေါင်းဆောင်ကြီး တွေဖြစ်ကြတဲ့ သခင်စိုး၊ သခင်သန်းထွန်း စတဲ့ဗမာပြည် ကွန်မြူနစ်ပါတီဝင်များ၊ စနစ်ဆိုး တခုအောက် အတူတူ ရောက်နေကြတဲ့ ပြည်သူလူထူ တရပ်လုံးက ဟန်ချက်ညီညီ ဖက်ဆစ်စနစ်ဆိုးကြီးကို တွန်းလှန် တိုက်ဖျက် ခဲ့ကြတာ ဖြစ်တယ်။ အဲဒါဟာ သမိုင်း ဖြစ်တယ်။ တစုံတယောက်က ကွန်မြူနစ်ကို မုန်းတာနဲ့ သူတို့ ပါဝင်ခဲ့တဲ့ သမိုင်း ကို ဖျောက်ဖျက် ပစ်လို့ မရဘူး။ ဒါကြောင့်မြန်မာ တမျိုးသားလုံး လှည်း နေ လှေအောင်း မြင်းစောင်းမကျန် ပါဝင် ခဲ့တဲ့ဒီဖက်ဆစ်တော်လှန်ရေး ကြီးကို တပ်မတော်က “တပ်မတော်နေ့” ရယ်လို့ မောင်ပိုင်စီး ထားဖို့ မသင့်တော် လို့ အဲဒီနေ့ကို ဒီနှစ် ကစပြီး တော့ “ဖက်ဆစ်တော်လှန်ရေးနေ့” လို့ ပြန်လည်ခေါ်ဝေါ် ကျင်းပသွားမှာ ဖြစ်တယ်။ ဒီနေရာမှာ ငါတို့ မြန်မာပြည်သူတွေဟာ ငါတို့နိုင်ငံ ရဲ့ လွတ်လပ်ရေး အတွက်သာမက ဖက်ဆစ်စနစ် ဒီကမ္ဘာပေါ် မှာ ဆက်လက် မတည်တံ့ နိုင်အောင် တော်လှန် တိုက်ဖျက်ခဲ့ကြဖူးတဲ့ လူမျိုးအဖြစ်နဲ့ပါ ဂုဏ်ယူကြ ဖို့ ကောင်းတယ်။ ဒါပေမဲ့ အဲဒါဟာ ကျဉ်းမြောင်းတဲ့ ဂျပန်လူမျိုးမုန်းတီးရေး တော့ လုံးဝ မဖြစ်သင့်ဘူး။

ရဲဘော်တို့။
.......................................................................................................................................................................
.......................................................................................................................................................................
.......................................................................................................................................................................
.......................................................................................................................................................................

ရဲဘော်တို့။

ရဲဘော်တို့ဟာ နောင်တခေတ်ရဲ့ အောင်စစ်သည် ဆိုတဲ့အတိုင်း အနာဂါတ်တချိန်မှာ တပ်မတော်ရဲ့ ထိပ်ပိုင်း ခေါင်းဆောင် ဖြစ်လာကြမဲ့သူတွေ ဖြစ်တယ်။ ဒါကြောင့် ရဲဘော်တို့ကို နိဂုံးချုပ် အနေနဲ့ ငါ တပ်မတော် ကာကွယ်ရေး ဦးစီးချုပ် အဖြစ်ရော၊ မြန်မာ နိုင်ငံသား တယောက် အဖြစ်နဲ့ပါ တသက်စာ အတွက် မှာကြား လိုတာကတော့ ရဲဘော်တို့ ဟာ အထက်အမိန့်ကို နာခံရတဲ့ စစ်သား တွေမျှသာ မဟုတ်ဘူး။ မြန်မာနိုင်ငံသား တွေလည်း ဖြစ်ကြတယ်၊ တိရစ္ဆာန်ထက် အသိဥာဏ် မြင်မား တဲ့လူတွေလည်း ဖြစ်ကြတယ်ဆိုတာကို ဘယ်တော့ မှ မမေ့ကြနဲ့။ ရဲဘော်တို့ဟာ စစ်သားတွေ အဖြစ်နဲ့ ဖွဲ့စည်းပုံ အခြေခံဥပဒေနဲ့ မဆန့်ကျင်တဲ့ အထက်အမိန့် မှန်သမျှ ကိုနာခံ ကြပါ။ ဒါပေမဲ့ မြန်မာနိုင်ငံသားတွေ အဖြစ်နဲ့ ငါတို့ ရဲ့ လုပ်ရပ်ဟာ မြန်မာပြည်သူတွေရဲ့ အစစ်မှန်ဆုံး ဆန္ဒနဲ့ ရေးဆွဲပြီး သောင်းသောင်း ဖြဖြ အတည်ပြုခဲ့ကြတဲ့ ဖွဲ့စည်းပုံဥပဒေနဲ့ ကိုက်ညီရဲ့လားလို့ လည်း စဉ်းစားဆင်ခြင်တုံတရား ရှိကြပါ။ မကိုက်ညီဘူး ဆိုရင် ရဲဘော်တို့မှာ စစ်သားတယောက် အနေနဲ့ရော၊ မြန်မာနိုင်ငံသားတယောက် အနေနဲ့ပါ အဲဒါကို ဆောလျှင်စွာ တားဆီးရမဲ့ တာဝန်ရှိတယ် ဆိုတာ မမေ့ကြနဲ့။ ပြီးတော့ ရဲဘော်တို့ဟာ အသိဥာဏ်ရှိတဲ့ လူသားတွေ ဖြစ်ကြတာနဲ့ အညီ ကောင်းမှုနဲ့ တရားမှုကို မြတ်နိုးပြီး မကောင်းမှု နဲ့ မတရားမှုကို လူ့ဗီဇအရ မုန်းတီးဖို့ တာဝန်ပါ ရှိတယ် ဆိုတာ ကို ပြောကြားရင်း နိဂုံးချုပ် လိုက်ပါတယ်။

မြင်ချင်သည် ရွှေပြည်ကြီးကိုလ ( ၁ )

“ကျွန်ုပ်သည် ပြည်ထောင်စုမြန်မာနိုင်ငံတော်၏ ဖွဲ့စည်းပုံအခြေခံဥပဒေကို တည်မြဲအောင် ထိန်းသိမ်း၍ ပြည်ထောင်စု မြန်မာနိုင်ငံတော်၏ တရားဥပဒေများကို စောင့်ရှောက်ပါမည်။ ကျွန်ုပ်သည် ပြည်ထောင်စု မြန်မာနိုင်ငံတော်၏ ဖွဲ့စည်းပုံ အခြေခံဥပဒေနှင့်တကွ တရားဥပဒေတို့နှင့်အညီ မိမိ၏တာဝန်ဝတ္တရားများကို ယုံကြည် လေးမြတ်၊ ဖြောင့်မတ်မှန်ကန်စွာ ထမ်းရွက်ပါမည်။ ပြည်ထောင်စုမြန်မာနိုင်ငံတော်၏ ဘေးအန္တရာယ် အပေါင်းတို့ကို တွန်လှန်ဖယ်ရှားရန် ကြီးစွာသောသတိ ဝိရိယဖြင့် အားထုတ်ပါမည်။ ကျွန်ုပ်သည် ပြည်ထောင်စု မြန်မာနိုင်ငံတော်၏ အကျိုးငှာ ပြည်ထောင်စုမြန်မာနိုင်ငံတော်အား ကျွန်ုပ်၏ အသက်နှင့် ကိုယ်ကို အပ်နှင်းသည် ဟု လေးနက်တည်ကြည်စွာကြေညာ၍ ကတိသစ္စာပြုသည်”

မြန်မာနိုင်ငံတွင် လွန်ခဲ့သောလအတွင်းက နိုင်ငံ့ရာဇဝင်တလျှောက်လုံး၌ ပထမဦးဆုံးအကြိမ်အဖြစ် နိုင်ငံတော် သမ္မတနှင့် ဒုတိယသမ္မတတို့ကို မဲဆန္ဒရှင် ပြည်သူများက တိုက်ရိုက်ရွေးချယ်တင်မြှောက်ခဲ့ကြသည်။ ယနေ့ ကား ထိုနိုင်ငံတော်သမ္မတသစ်နှင့် သူ၏အစိုးရအဖွဲ့တို့ ကျမ်းသစ္စာကျိန်ဆို၊ ရာထူးလက်ခံ၊ တာဝန်စတင် ထမ်း ဆောင်ကြမည့်နေ့ ဖြစ်၏။ ထို့ကြောင့် ယနေ့သည် မြန်မာနိုင်ငံသားများအဖို့ ခေတ်သစ်တခုထဲသို့ စတင် ဝင်ရောက်သည့် နေ့ထူးနေ့မြတ်ကြီး တနေ့သဖွယ် စိတ်လှုပ်ရှားဖွယ်ကောင်းနေလေသည်။ နိုင်ငံတဝန်းလုံး တွင် သည်ကနေ့ သမ္မတသစ်က သူ၏ရာထူးလက်ခံမိန့်ခွန်း ထဲ၌ ဘာတွေများထည့်ပြောလေမလဲဟု စိတ်ဝင် တစားဖြင့် လှုပ်လှုပ်ရွရွဖြစ်နေကြကာ အိမ်တိုင်းလိုလိုပင် မိမိတို့၏ ရုပ်မြင် သံကြားစက်များ၊ ရေဒီယိုသာရှိသူ များက ရေဒီယိုများကို ဖွင့်ထားကြသည်။ ဤ သမ္မတသစ် ရာထူးလက်ခံကျမ်းသစ္စာ ကျိန်ဆိုပွဲ အခမ်းအနားသို့ အထူးဧည့်သည်တော်ကြီးအဖြစ် မြန်မာ့ ဒီမိုကရေစီ ခေါင်းဆောင်ကြီး ဒေါ်အောင်ဆန်းစုကြည်လည်း ကြွရောက် အားပေးချီးမြှင့်သည်ကိုတွေ့ရသည်။ သူမသည် မြန်မာပြည်သူလူထုက တိုက်ရိုက် ရွေးချယ်တင်မြှောက် ထား သော သမ္မတသစ်က နိုင်ငံတော်တရားသူကြီးချုပ်၏ ရှေ့မှောက်တွင် ကျမ်းသစ္စာ ကျိန်ဆိုနေသည်ကို ကြည့်ကာ သူမနှင့် မြန်မာပြည်သူတို့၏ “ဒုတိယမြောက်လွတ်လပ်ရေးကြိုးပမ်းမှု” အောင်မြင်စွာပြီးဆုံးခြင်းအတွက်ကြည်နူး ပီတိဖြစ်နေဟန်ရှိလေသည်။

“ယခုအချိန်ကစပြီး ပြည်ထောင်စု မြန်မာနိုင်ငံတော်သမ္မတကြီးမှ ရာထူးတာဝန် စတင်ထမ်းဆောင်တဲ့ ပထမဆုံး မိန့်ခွန်းကို မြွက်ကြားပါလိမ့်မယ်ခင်ဗျား”

ရာထူးလက်ခံပွဲအခမ်းအနားမှူး လုပ်နေသော နိုင်ငံတော်သမ္မတရုံး ပြန်ကြားရေးအတွင်းဝန်၏ ကြေညာသံ ပေါ်ထွက်လာသည်။ နိုင်ငံတော်သမ္မတသည် ပြုံးပြုံးရွှင်ရွှင်နှင့် လက်ဝှေ့ရမ်းရင်း စကားပြောစင်မြင့်ဖက်သို့ ချဉ်းကပ်လာသည်။ ထို့နောက် အောက်ပါမိန့်ခွန့်ကို စတင်ပြောကြားလေသည်။

လေးစားအပ်တဲ့ ပြည်ထောင်စုမြန်မာနိုင်ငံသူမြန်မာနိုင်ငံသား အပေါင်းတို့ခင်ဗျား။

မင်္ဂလာပါလို့ နှုတ်ခွန်းဆက်သလိုက်ပါတယ်။ ပထမဦးဆုံးအနေနဲ့ ကျနော့်ကိုဒီ “နိုင်ငံတော်သမ္မတ” ဆိုတဲ့ ရာထူးတာဝန် ကိုယုံကြည်စွာအပ်နှင်း၊ ထမ်းဆောင်ခွင့်ပြုခဲ့ကြတဲ့ မိဘပြည်သူ မြန်မာလူထုကြီးကို ရင်ထဲက လှိုက်လှိုက်လှဲလှဲနဲ့ ကျေးဇူး အထူး တင်မိပါကြောင်း ပြောကြားလိုပါတယ်။ ဒီကနေ့ကစပြီး ဒီရာထူးရဲ့ တာဝန် ဝတ္တရားများကို ထမ်းဆောင်ရင်း မိမိ ကိုယ်စွမ်း ဥာဏ်စွမ်းရှိသလောက် တိုင်းပြည့်ဝန်ကို ထမ်းရွက်နိုင်တော့မှာ ဖြစ်တဲ့အတွက် ကျေနပ်ဂုဏ်ယူမိပါကြောင်း လည်းပြောလိုပါတယ်။ တကယ်တော့ ရာထူးဆိုတာ တာဝန်ပဲ ဖြစ်ပါတယ်။ ရာထူးဆိုတာ အာဏာ မဟုတ်ပါဘူး။ ရာထူးကြီးတဲ့ ပုဂ္ဂိုလ် တယောက်ဆီမှာ ထိုက်သင့်တဲ့ အာဏာ တချို့ရှိရတာဟာ သူ့ရဲ့ တာဝန်ဝတ္တရားများကို ထိထိရောက်ရောက် ထမ်းဆောင် နိုင်ဖို့အတွက်သာလျှင် ဖြစ် ပါတယ်။ နိုင်ငံတော် သမ္မတ တဦးဟာ သမ္မတရဲ့ တာဝန်များကိုတော့ ထိထိရောက်ရောက် မထမ်း ဆောင်ဘဲနဲ့ သမ္မတရဲ့ အာဏာများကိုသာ ထိထိရောက်ရောက် ထုတ်သုံးနေရင် သူ့ကိုအာဏာရှင်သမ္မတလို့ ခေါ်ဆိုရပါ လိမ့်မယ်။ ကျနော်အဲဒီလို အာဏာရှင်သမ္မတမျိုး မဖြစ်စေရပါဘူး၊ သမ္မတတာဝန်ကို ထမ်းဆောင်တဲ့ သမ္မတမျိုး သာ ဖြစ်စေရပါ့မယ် လို့ ဒီနေ့၊ ဒီအချိန်၊ ဒီနေရာကနေပြီးတော့ မြန်မာပြည်သူလူထုကြီးကို ရိုးသား တည်ကြည် လေးနက်စွာ ကျနော်ကတိပေး ပါတယ်။( လက်ခုပ်ဩဘာသံများ)

ဒီ သမ္မတရာထူးကနေ ကျနော်ဘာများ မျှော်လင့်မိပါသလဲလို့ တစုံတယောက်က ကျနော့်ကို မေးလာခဲ့ လို့ရှိရင် ကျနော့်ကို မွေးဖွားခဲ့တဲ့ ဟောဒီအမိမြေကို နိုင်ငံရေး၊ စီးပွားရေး၊ ပညာရေး၊ လူနေမှုအဆင့်အတန်း၊ စိတ်ဓါတ်အဆင့် အတန်း အရ ကမ္ဘာ့ အလယ်မှာ မျက်နှာမငယ်ရအောင်၊ ရင်ဘောင်တန်းနိုင်အောင် မြန်မာ ပြည်သူပြည်သားတွေ အားလုံး တက်ညီလက်ညီ ကြိုးပမ်းခဲ့ ကြစဉ်တုန်းက ကျနော်လည်း တာဝန်အရှိဆုံး နိုင်ငံသား တယောက်အဖြစ်နဲ့ ပါဝင်ခဲ့တယ်လို့ မသေခင်ကြည်နူးသွားခဲ့ချင်တာ ပဲရှိပါတယ်။ ဒီရာထူးကနေ ကျနော်မျှော်လင့်နိုင်သမျှက အဲဒီလောက်ပါပဲ။ အဲ - သူဌေးကြီးဖြစ်ချင်တဲ့ ဆန္ဒကလေးများရှိရင် တော့ အမြတ်ရ ဖို့သေချာတဲ့ကောင်းရောင်းကောင်းဝယ် စီးပွားရေးလုပ်ငန်းတခုလောက်ပဲ ကျနော် လုပ်ကိုင်မှာပါ။ ကျနော် လုပ် လည်း လုပ်တတ်ပါတယ်။ ခင်ဗျားတို့လည်း ဒါကိုသိတာပါပဲ။ ဒီအမြတ်ရဖို့ မသေချာတဲ့ သမ္မတ အလုပ် ကို တော့ လာ မလုပ်ပါဘူး ခင်ဗျား။ ( ရယ်သံများ)

အခု တဆက်တည်းပဲ မြန်မာပြည်သူလူထုကြီးကို နောက်ထပ် အရေးကြီးတဲ့ ကတိစကားတခွန်းကိုလည်း ကျနော်ပေးချင်ပါတယ်။ ကျနော်ဟာ ရာနှုန်းပြည့်ရိုးသားဖို့ ဖြစ်နိုင်သည့်တိုင် သာမန်ပုထုဇာဉ်တယောက်မျှသာ ဖြစ်တဲ့အတွက် ကျနော့်ရဲ့ စိတ်ကူး စိတ်သန်း နဲ့ ဆုံးဖြတ်လုပ်ဆောင်ချက်တွေဟာ အခါခပ်သိမ်းမှန်လိမ့်မယ်လို့ မဆိုနိုင်ပါဘူး။ ဒါကြောင့် ကျနော်နဲ့ ကျနော့် အစိုးရ အဖွဲ့ရဲ့ လုပ်ပုံကိုင်ပုံတွေဟာ မှားယွင်း၊ ချွတ်ချော်၊ တိမ်း စောင်း နေတယ်လို့များ သဘောရကြရင် ပြည်သူလူထုကြီး အနေနဲ့ ကျနော်တို့ကို သတင်း စာ၊ မီဒီယာ တွေ ပေါ်ကနေပြီးတော့ ထောက်ပြ ဝေဖန် တည့်မတ် ပေးနိုင်ကြပါတယ်။ ဒါလောက်နဲ့မှ မကျေနပ်နိုင်သေးရင် လူကိုယ်တိုင် ငြိမ်းချမ်းစွာ ဆန္ဒပြချင်ရင်ပြနိုင်ကြပါတယ်။ ( လက်ခုပ်ဩဘာသံများ) ပြည့်အရေးကို ကိုယ့်အရေး လိုသဘောထားပြီး မိမိဆန္ဒကို အုပ်ချုပ်သူတွေသိအောင် ဖော်ထုတ်ပြသတယ်ဆိုတာဟာ တာဝန်သိ နိုင်ငံသား ကောင်းတွေရဲ့ လုပ်ရပ်၊ လှပတဲ့အမူအရာ၊ ချစ်ခင်စဖွယ် အလေ့အထ တရပ်ပဲ ဖြစ်ပါတယ်။ ကျနော်တို့ မဟုတ် တာ မလုပ်သရွေ့၊ ပြည်သူတွေက ကျနော်တို့ကို အလကား အားအားလျားလျား အချိန်ကုန်ခံပြီးတော့ ဆန္ဒပြ နေကြမှာမဟုတ်ဘူးလို့လည်းယုံကြည် ပါတယ်။ ဒါကြောင့် ကျနော်တို့ အစိုးရအဖွဲ့ဟာ ခင်ဗျားတို့ တွေ့ခဲ့ဖူးတဲ့ အစိုးရ အဖွဲ့တွေလို ပြည်သူတွေလမ်းပေါ်ထွက်လာမှာ သေမလောက်ကြောက်တဲ့၊ ဆန္ဒပြပွဲတွေ မပေါ်ပေါက် အောင် မသမာတဲ့ နည်းလမ်းမျိုးစုံနဲ့ ကာကွယ်တားဆီးထားလိမ့်မဲ့ အစိုးရ မျိုး မဟုတ်ကြောင်း မိဘပြည်သူများ ကို အသိပေးထားလိုပါတယ်။ (လက်ခုပ်ဩဘာသံများ)

ကျနော်တို့နိုင်ငံမှာ အစိုးရအဆက်ဆက်က ပြည်သူတွေဆန္ဒပြကြမှာကို မလိုလားကြတဲ့ အစဉ်အလာကြီး ရှိခဲ့ ဖူးတော့ကာ ကျနော်တို့ပြည်သူတွေကလည်း ကိုယ့်မှာ အုပ်ချုပ်သူတွေသိအောင် ဆန္ဒဖော်ထုတ်ပြသစရာ ရှိလာရင် ဘယ်လိုသိက္ခာရှိရှိ၊ စည်းကမ်းနည်းလမ်းတကျ၊ တရားဝင်ဆန္ဒပြသနိုင်မလဲဆိုတာ မသိကြပါဘူး။ ဒါကြောင့် ကျနော်တို့လက်ထက်မှာ ပြည်သူတွေ ဂုဏ် သိက္ခာ ရှိရှိ၊ အဆင့်အတန်းရှိရှိ၊ စည်းကမ်း သေသေ ဝပ်ဝပ်နဲ့ တရားဝင်ဆန္ဒပြသနိုင်ကြအောင် ရည်ရွယ်ပြီးတော့ ကျနော်တို့ ဒီအတွက် ဥပဒေတခု အတိအလင်း ထုတ်ပြန်ထားပြီးသား ရှိနေစေချင်ပါတယ်။ ဒီကိစ္စနဲ့ ပတ်သက်ပြီးတော့ကျနော်တို့ပါတီက မကြာခင် လွှတ်တော် ကို “နိုင်ငံသားများ ဆန္ဒပြသရေး ကျင့်ထုံးဥပဒေ” မူကြမ်းတရပ်တင်ဖို့ရှိပါတယ်။ ဒါကို လွှတ်တော်မှာ ချောချော မွေ့မွေ့ အတည်ပြုနိုင်ခဲ့လို့ရှိရင် ဥပဒေတရပ် အသက်ဝင်အောင် ကျနော် သမ္မတအဖြစ်နဲ့ ပထမဦးဆုံး လက်မှတ်ထိုး ပေးရမဲ့ ဥပဒေ ဟာ လည်း ဒီဥပဒေပဲဖြစ်ဖို့ အကြောင်းရှိပါတယ်။ ( လက်ခုပ်ဩဘာသံများ) ဟုတ်ကဲ့၊ ဒီဥပဒေကို ပြဌာန်းပြီး သွားလို့ ရှိရင် ကျနော် တို့ပြည်သူတွေဟာ အများပြည်သူကို အနှောက် အယှက် နဲ့ အန္တရာယ် တစုံတရာ မဖြစ်စေသရွေ့၊ တစုံ တယောက်ကို ပုဂ္ဂိုလ်ရေး အာဃာဓ နဲ့ ရှုတ်ချ အသရေဖျက် နေခြင်း မဟုတ်သရွေ့ ဘယ်လိုနိုင်ငံ့အရေးကိစ္စမျိုးနဲ့ ပတ်သက်ပြီး တော့မဆို မိမိတို့ရဲ့ ဆန္ဒကို ငြိမ်းချမ်းစွာ ထုတ်ဖော်နိုင်ကြမှာဖြစ်ပါတယ်။ ( လက်ခုပ်ဩဘာသံများ) ဒါဟာ ကျနော်တို့ နိုင်ငံမှာ “ဆန္ဒပြတယ်ဆိုတာ အဖျက်အမှောက်လုပ်ရပ်”၊ “ဆန္ဒပြသူတွေဟာ အဖျက်အမှောက်သမား ကလေကချေတွေ၊ ဒါမှမဟုတ် တစုံတဖွဲ့ရဲ့ သွေးထိုးလှုံ့ဆော် အသုံးချခြင်းခံရတဲ့ ဥာဏ်နုံနဲ့သူတွေ” ဖြစ်တယ်ဆိုတဲ့ ကောက်ကျစ်စဉ်းလဲ့တဲ့ ဆင်ခြင် တုံတရားကြီး နဲ့ ရာစုနှစ်ဝက်ကျော်ကြာ နိုင်ငံသားဂုဏ်သိက္ခာ ခိုးယူခြင်းခံခဲ့ရတဲ့ မြန်မာပြည်သူတွေကို ကျနော်တို့ လက်ထက်မှာ အလျှင်အမြန်ဆုံး ပြန်လည်ပေးဆပ်ချင်တဲ့ လျော်ကြေးပါပဲ။ ( လက်ခုပ်ဩဘာသံများ)

အခုကျနော်တို့အစိုးရအဖွဲ့အနေနဲ့ ကျနော်တို့ရဲ့ ဒီရာထူးသက်တမ်းကာလအတွင်းမှာ အဓိက ဦးစားပေးပြီး၊ မဖြစ်ဖြစ်အောင် လုပ်သွားမယ်လို့ ရည်ရွယ်ဆုံးဖြတ်ထားကြတဲ့ လုပ်ငန်းစဉ် တချို့ကို ကြိုတင်ပြီး ပြောပြ ထား ချင်ပါတယ်။ ဒီအချိန်ဟာ ကျနော် မဲဆွယ်နေတာ မဟုတ်တော့ပါဘူး။ ကျနော် ဒီနေ့ လူသိရှင်ကြား ပြောလိုက် သမျှကို ကျနော် တနေ့နေ့မှာ တကယ်လုပ်ပေးရမဲ့ တာဝန်ရှိတာကို သိပါတယ်။ ဒီလိုသိသိကြီးနဲ့ပဲ ကျနော် မြန်မာပြည်သူလူထုကြီးကို ဒီကတိတွေကို ပေးချင်ပါတယ်။

(၁) ကျနော် နိုင်ငံရေး ကဏ္ဍကနေစပြီး ပြောပါ့မယ်။ ကျနော်တို့အစိုးရအဖွဲ့ဟာ ပြီးဆုံးအောင်လုပ်ဖို့ ကျန်နေ သေးတဲ့ နိုင်ငံ ရေး တာဝန်(ဝါ) အမျိုးသားရေးတာဝန်တရပ်ကို ဆက်ခံထားရပါတယ်။ နိုင်ငံ့အကျိုး စီးပွားကို ရှေ့ရှုပြီးတော့ မြန်မာပြည်သူလူထု၊ နိုင်ငံရေးပါတီများနဲ့ တပ်မတော်ကပုဂ္ဂိုလ်တွေ တစိတ်တည်း၊ တဝမ်းတည်း ပူးပေါင်းဆောင်ရွက်ခဲ့ကြ ခြင်းကြောင့် ကျနော်တို့ ဟာ အခုဆိုရင်နအဖ အစိုးရ လက်ထက်တုန်းက အတင်း အကြပ် ရေးဆွဲခဲ့တဲ့ အတုအယောင် ၂၀၀၈ - ဖွဲ့စည်းပုံ အခြေခံဥပဒေကို တော့ ပြည်သူ့ဆန္ဒ ( referendum) နဲ့ အညီတရားဝင်ဖယ်ရှားပစ်နိုင်ခဲ့ကြပြီးဖြစ်ပါတယ်။ ဒါပေမဲ့ဒီ ဥပဒေကို အစား ထိုးဖို့ သမာ သမတ်ကျပြီး၊ ပြီးပြည့်စုံတဲ့ နိုင်ငံတော်ဖွဲ့စည်းအုပ်ချုပ်ပုံ အခြေခံဥပဒေ တရပ်ကို ကျနော်တို့ အခုအချိန်ထိ မရေးဆွဲရသေး ပါဘူး။ အခု ကျနော်တို့ အစိုးရ တက်လာခဲ့တဲ့၊ ပြည်ထောင်စုလွှတ်တော်က ယာယီအသုံးပြုဖို့ အတည်ပြု ပြဌာန်းပေးလိုက်တဲ့ ဥပဒေ ရဲ့ နိဒါန်းနဲ့ ပုဒ်မ ၁၀၆ တို့မှာ အတိအလင်း ဖော်ပြထားတဲ့အတိုင်း ကျနော်တို့ ဟာ အဲဒီလို နိုင်ငံ တော်ဖွဲ့စည်းပုံ အခြေခံဥပဒေ သစ်မျိုး တခုကို ဆောလျှင်နိုင်သမျှ ဆောလျှင်စွာရေးဆွဲပြီး၊ ဒီဥပဒေ သစ်ကို နောက်ထပ် ပြည်လုံးကျွတ်ဆန္ဒ ခံယူပွဲတရပ်နဲ့ အတည်ပြုကြရဦးမှာဖြစ်ပါတယ်။ ဒါကြောင့်လည်း အပြီး အပြတ်မဟုတ်သေးတဲ့ ယခုလက်ရှိယာယီဥပဒေကို တပ်မတော်သား ကိုယ်စားလှယ်တွေလည်း ပါဝင်တဲ့ ပြည်ထောင်စု လွှတ်တော်လောက်ကသာ အတည်ပြုပေးခဲ့ပြီး ပြည်လုံးကျွတ် ဆန္ဒခံယူပွဲကိုတော့ မပြုလုပ်ခဲ့သေး ခြင်းဖြစ်ပါတယ်။ ကျနော်တို့အစိုးရဟာ ဒီ နိုင်ငံတော်ဖွဲ့စည်းပုံအခြေခံဥပဒေ သစ် ရေးဆွဲရေး နဲ့ ပြည်လုံးကျွတ် ဆန္ဒခံယူပွဲကျင်းပရေး တာဝန်ကို ပြီးဆုံးအောင် ဆောင်ရွက်သွားမှာဖြစ်ပါတယ်။

ကျနော်တို့နိုင်ငံမှာက တမင်းတက်ရင် နိုင်ငံတော်ဖွဲ့စည်းပုံအခြေခံဥပဒေတခု ရေးကြတယ်လို့ ဆိုရမလိုဖြစ် နေပါတယ်။ ဒီအစဉ်အလာကြီးကို ကျနော်တို့ လက်ထက်မှာ အဆုံးသတ်စေချင်လှပါပြီ။ ရှေ့သို့ လက်ဆင့် မကမ်းချင်တော့ပါဘူး။ ဒီတော့ နောင် ခဏခဏ ပြင်မနေရ လောက်အောင်ထိ သမာသမတ်ကျတဲ့၊ ရိုးသား ဖြောင့်မှန်တဲ့၊ ပြောင်းလွယ်ပြင်လွယ်လည်းရှိတဲ့ အခြေခံ ဖွဲ့စည်းပုံ ဥပဒေသစ် တရပ်ကို ကျနော်တို့ တိုင်းရင်းသား ညီကိုတတွေ၊ မြန်မာနိုင်ငံသားတွေအားလုံး ကျေကျေနပ်နပ်၊ ညီညီညွတ်ညွတ် နဲ့ ရေးဆွဲကြပါစို့။ ဒီလိုရေးဆွဲနိုင်ဖို့အတွက် တိုင်းရင်းသားလူမျိုးစု ကိုယ်စားပြု နိုင်ငံရေးပါတီများ၊ ကျန်ရှိနေသေးတဲ့ တောတွင်း တိုင်းရင်းသား လက်နက်ကိုင် အဖွဲ့အစည်းများ၊ အခြားနိုင်ငံရေးပါတီများ၊ အလွတ်သဘော တက်ရောက် ပါဝင် ဆွေးနွေး တင်ပြလိုကြတဲ့ လူမှုရေး အသင်းအပင်း အဖွဲ့အစည်း များ၊ တသီးပုဂ္ဂလ လူပုဂ္ဂိုလ်များကို တက်ရောက် ခွင့်ပြုမဲ့ “နိုင်ငံတော် ဖွဲ့စည်းပုံအခြေခံဥပဒေ ပြန်လည်ရေးဆွဲရေး ပဏာမညီလာခံ” တရပ်ကို ကျနော်တို့ ကျင်းပ ပေးလိုပါတယ်။ ဒီညီလာခံရဲ့ အဓိက ရည်ရွယ်ချက်က တော့ ဟောဒီပြည်ထောင်စုကြီး ရဲ့အကျိုးစီးပွား အတွက် ကျနော်တို့ အချင်းချင်းကြားမှာ ထားရှိကြရမဲ့ အလွန် အင်မတန်အရေး ကြီးတဲ့အမျိုးသားရေးအဆင့်ပဋိဥာဉ် ( သဘောတူညီချက်) တွေကို အများသဘောတူ ချမှတ်နိုင်ကြစေချင်လို့ပါ။

အဲဒီညီလာခံမှာ ကျနော်တို့အစိုးရက ညီလာခံတက်ရောက်သူများကို “ဒီလိုလုပ်ကြပါ” လို့ ညွှန်ကြားမှာ မဟုတ်ပါဘူး။ ဒါပေမဲ့ တခါတရံလိုအပ်ရင် “ဒီလိုလုပ်ကြပါလား” လို့တော့ ကြားဝင်စေ့စပ်ပေး သင့်ရင် ပေးပါ လိမ့်မယ်။ ပြောချင်တာက ကျနော် တို့အစိုးရဟာ ဒီညီလာခံမှာ ကမကထပြုလုပ်သူ ( Coordinator ) ၊ ကြားဝင် စေ့စပ်ဖျန်ဖြေသူ ( Mediator ) အလုပ်မျိုးပဲ လုပ်ပါလိမ့် မယ်။ ဒီညီလာခံဟာ ဖွဲ့စည်းပုံအခြေခံဥပဒေ ရေးဆွဲရေး မှာ ပထမအဆင့်သာ ဖြစ်ပါတယ်။ ကျနော်တို့တတွေ ညီအကိုစိတ်ဓါတ်၊ မိသားစု စိတ်ဓါတ်နဲ့ ဆွေးနွေးကြမယ် ဆိုလို့ရှိရင် ဒီညီလာခံကနေ ပြည်ထောင်စုကြီးကို ထာဝရ အဓွန့်ရှည်တည်တန့်နေ စေ မဲ့ အခြေခံမူတွေ မုချ ချမှတ်နိုင်ကြလိမ့်မယ်လို့ ကျနော်ယုံကြည်ပါတယ်။ ဒီညီလာခံကိုတက်ရောက်ကြမဲ့အဖွဲ့အစည်း များ၊ ပုဂ္ဂိုလ်များ အနေနဲ့ မိမိတင်ပြချင်တဲ့ကိစ္စမှန်သမျှကို လွတ်လွတ်လပ်လပ် တင်ပြနိုင်ကြပါတယ်။ သို့သော် ညီလာခံ အပြီး အများညီသဘောတူညီချက်ထုတ်ပြန်တဲ့အခါ ကိုယ့်အဆို၊ ကိုယ့်တင်ပြချက်ပါမလာခဲ့ရင်တော့ အဆိုတင်ခဲ့သူ တွေ အနေနဲ့ ကိုယ်ဖြစ်စေချင်တာ မဖြစ်ရကောင်းလားလို့ မကျေမနပ်ဖြစ်မနေဘဲ ဒီမိုကရေစီကျင့်စဉ်အတိုင်း အများစုရဲ့ ဆန္ဒကို လေးစား လိုက်နာနိုင်ကြရမှာဖြစ်ပါတယ်။ ဒီလိုရာနှုန်းပြည့်တံခါးဖွင့်ပေးထားတဲ့ Open Convention မျိုးတခုကို ကျင်းပပေးခြင်းအားဖြင့် သာလျှင် မြန်မာပြည်သူတွေဟာ နောင်တချိန် ဒီ ဖွဲ့စည်းပုံ ဥပဒေရဲ့ စစ်မှန်ရိုးသားမှုကို ခြေရာခံစစ်ဆေး ကြည့်ကြတဲ့အခါ “ငါတို့ ပြောချင်တာ ပြောခွင့်ရခဲ့တယ်။ ငါတို့ အချေအတင်ဆွေးနွေးခဲ့ကြတယ်။ ငါတို့ အဖြစ်သင့်ဆုံးကို ရွေးချယ် ( ဆုံးဖြတ်) ခဲ့ကြတယ်” လို့ ရလာဒ်ကို ကျေနပ်စွာ လက်ခံနိုင်ကြမှာဖြစ်ပါတယ်။ ဒီလို ရိုးသားဖြောင့်မတ်မှုမျိုးနဲ့ ထူထောင်ခဲ့တဲ့ ပြည်ထောင်စု နိုင်ငံ တော်တခု၊ ရေးဆွဲခဲ့တဲ့ နိုင်ငံတော်ဖွဲ့စည်းပုံဥပဒေတရပ်ကမှသာလျှင် အရှည်တည်တန့်ခိုင်မာ နေမှာလည်း ဖြစ်ပါတယ်။ ( လက်ခုပ်ဩဘာသံများ) အဲဒါပြီးတော့ ဒုတိယအဆင့်အနေနဲ့ ဥပဒေပညာရှင်များက ဒီ ပဏာမ ညီလာခံမှာ ရရှိခဲ့တဲ့ အခြေခံသဘောတူညီချက် ပဋိဥာဉ်တွေကို ခြုံငုံမိစေမဲ့ ဥပဒေ(မူကြမ်း) တရပ်ကိုရေးဆွဲ၊ အဲဒါကို ပြည်ထောင်စု လွှတ်တော်ကအတည်ပြုပါလိမ့်မယ်။ တတိယအဆင့်အနေနဲ့ ပြည်လုံးကျွတ်ဆန္ဒခံယူပွဲ( referendum) တရပ်ကျင်းပပြီး နိုင်ငံ တော်ဖွဲ့စည်းပုံအခြေခံဥပဒေသစ်တရားဝင်အာဏာ သက်ရောက်လာမှာ ဖြစ်ပါတယ်။ ဒီ မပြီးဆုံးသေးတဲ့ နိုင်ငံရေးလုပ်ငန်းစဉ်ကြီး ဟာ ကျနော်တို့ အစိုးရအဖွဲ့ရဲ့ အရေးအကြီးဆုံးသော နိုင်ငံရေးတာဝန် တရပ်ဖြစ်လာမဲ့အကြောင်း ကျနော် ဒီကနေ့ပြောချင်ပါတယ်။

(၂) ကျနော် ( အပါတ်စဉ်တော့မဟုတ်ပါဘူး) လစဉ် တလတခါ ရေဒီယို၊ ရုပ်မြင်သံကြားတို့ကနေပြီးတော့ တိုင်းပြည်အခြေအနေကို ကျနော့် ရာထူးသက်တမ်း တလျှောက်လုံး ပြည်သူလူထုထံ ပုံမှန်အစီရင်ခံသွားဖို့ ရှိပါတယ်။ ဒါကြောင့် ကျနော်ပြောစရာ ရှိသမျှကို ဒီနေ့ အကုန်လုံး တခါတည်း အပြီး ပြော ချလိုက်ဖို့ မလိုသေး ဘူး လို့ထင်ပါတယ်။ ဒီတော့ ဒီကနေ့တော့ ကျနော့် စိတ်ထဲမှာ အတော်ဘဝင်မကျဖြစ်ပြီးတော့ ကျနော် အရင်ဆုံး လုပ်ချင်နေမိတဲ့ လုပ်ငန်းတချို့နဲ့ ပတ်သက်ပြီးတော့ပဲ ပြောချင် ပါတယ်။ အဲဒါတွေကတော့ ဥပမာအားဖြင့် ကျနော်တို့တိုင်းပြည်မှာ သဘာဝဓါတ်ငွေ့ အလျှံပယ်ထွက်ပါလျက်သားနဲ့ ကျနော်တို့ တိုင်းပြည်မှာ လျှပ်စစ်ဓါတ်အား မဖူမလုံဖြစ်နေရတာ၊ ကျနော်တို့ပြည်သူတွေထင်းမီးဖို၊ မီးသွေးမီးဖိုတွေ သုံးစွဲနေကြရတာ ကတော့တယ်သဘာဝမကျလှဘူးလို့ ထင်မိပါတယ်။ ဒါကြောင့် ကျနော်တို့အစိုးရ လက်ထက် မှာ ဒီလို သဘာဝမကျတဲ့ကိစ္စ၊ မခက်သင့်ဘဲခက်နေရတဲ့ကိစ္စမှန်သမျှကို အပူတပြင်း ပြန်လည် တည့်မတ်ပြင်ဆင် သွားဖို့ရှိပါတယ်။ ( လက်ခုပ်ဩဘာသံများ)

ကျနော်တို့ မြန်မာပြည်တနံတလျားမှာ အခုချက်ချင်း ခြောက်လမ်းသွားကားလမ်းမကြီးတွေ၊ နိုင်ငံတကာ အဆင့်မီ လေဆိပ် ကြီးတွေတည်ဆောက်ဖို့ဆိုတာ မဖြစ်နိုင်ပါဘူး။ မြန်မာတနိုင်ငံလုံး ချက်ချင်း လျှပ်စစ်မီး ထိန်ထိန်လင်းသွား အောင် လည်း ကျနော်တို့ မလုပ်နိုင်ပါဘူး။ ဒါပေမဲ့ ကျနော်တို့ ချက်ချင်းလုပ်ပေးဖို့ဖြစ်နိုင်တဲ့ ပြည်သူတွေကို သက်တောင့်သက်သာ ဖြစ်စေမဲ့ကိစ္စမျိုးတွေလည်းရှိပါသေးတယ်။ ဥပမာ၊ ကျနော်တို့ တိုင်းပြည် မှာ ထင်း၊ မီးသွေး မီးဖိုတွေနဲ့ ထမင်းဟင်း ချက်ပြုတ် နေတာကို ရွှေ့ပြောင်းလို့ရတဲ့ gas အိုးစနစ်နဲ့ ချက်ချင်း အစားထိုးပစ်လိုက်ဖို့ဆိုတာ ဖြစ်နိုင်တဲ့ကိစ္စတခုပါ။ ဒီလို ဆို ရင်သစ်တောပြုန်းတီးမှုလည်း သိသိသာသာ လျော့ နည်းသွားပါလိမ့်မယ်။ ကိုယ့်နိုင်ငံကထွက်တဲ့ သဘာဝသယံဇာတ ပစ္စည်း တွေဟာ “ကိုယ့်နိုင်ငံသား တွေအတွက် ပထမ” ( Citizens first ) ဖြစ်ရပါမယ်။ ကျနော်တို့ဆီမှာ သဘာဝဓါတ်ငွေ့ အလျှံပယ်ထွက် တယ်။ ဒါကို ကျနော် တို့ နိုင်ငံသားတွေအတွက် ထိထိရောက်ရောက် သုံးစွဲရမှာပေါ့။ ကျနော်တို့ဆီမှာ ကျွန်းသစ်၊ သစ်မာ၊ ကြိမ်၊ ဝါး တွေ ထွက်တယ်။ ငါး၊ ပုဇွန်၊ ဂဏန်းတွေ ထွက်တယ်။ ဒါတွေကို ကိုယ့်ပြည်သူတွေအလျှံပယ်သုံးစွဲဖို့၊ စားသုံးဖို့ ကျနော် တို့ ဖူလုံအောင်၊ ပိုလျှံအောင် ထုတ်လုပ်ပြီးတော့၊ ပိုလျှံတဲ့ပမာဏကိုမှ နိုင်ငံခြားတင်ပို့တဲ့မူဝါဒကို ကျနော်တို့ လက်ကိုင်ထား ကျင့်သုံးဖြစ်ပါလိမ့်မယ်။ ( လက်ခုပ်ဩဘာသံများ)

ဒီလို ကိုယ့်ပြည်သူတွေ သက်သာချောင်ချိရေး၊ လူနေမှုအဆင့်အတန်းမြင့်မားလာစေရေးကို အထောက်အကူ ဖြစ်စေမဲ့ မည်သည့် Mass Production ( ကုန်ပစ္စည်း အမြောက်အများထုတ်လုပ်ရေး) ကုမ္ပဏီကိုမဆို ပြည်တွင်း ကဖြစ်ဖြစ်၊ ပြည်ပကဖြစ်ဖြစ် ကျနော်တို့ လှိုက်လှိုက်လှဲလှဲ ကြိုဆို ဖိတ်ခေါ်ပါတယ်။ ပြီးတော့ဒီနိုင်ငံကိုလာပြီး ဆဲလ်ဖုန်းဆက်သွယ်ရေး လုပ်ငန်းလို ဝန်ဆောင်မှုလုပ်ငန်း မျိုးတွေကို ထူထောင်လုပ်ကိုင်ချင်ကြသူတွေကိုလည်း ကျနော်တို့ ကူညီနိုင်တာရှိသမျှ ကူညီ မှာဖြစ်ပါတယ်။ တီဗီ၊ ကွန်ပြူတာ hardware/ software၊ စက်ဘီး၊ ဆိုင်ကယ်၊ ကား၊ အီလက်ထရောနစ်ပစ္စည်း ထုတ်လုပ်တဲ့ ကုမ္ပဏီတွေကိုလည်း ကျနော်တို့ အတတ်နိုင်ဆုံး အခွန်၊ အခ တွေလျှော့ပေါ့ပေးမှာဖြစ်ပါတယ်။ ဒါပေမဲ့ ဒီကုမ္ပဏီတွေဟာ မြန်မာ ပြည်သူတွေကိုတော့ မြန်မာငွေ နဲ့ ရောင်းချပေးရမဲ့ တာဝန်ရှိပါလိမ့်မယ်။ အဲဒီတော့ အကျဉ်းချုပ်ပြောရမယ် ဆိုလို့ရှိရင် ကျနော် တို့ရဲ့ အခု ရာထူးသက်တမ်းဟာ မြန်မာပြည်သူတွေကိုတတ်နိုင်သမျှ လူနေမှုအဆင့်အတန်းမြှင့်တင်ပေးရေးကာလ ဖြစ်ပါ လိမ့်မယ်။ ( လက်ခုပ်ဩဘာသံများ)

(၃) ဒီလို ကိုယ့်နိုင်ငံသားတွေရဲ့ လူနေမှုအဆင့်အတန်း မြင့်မားလာအောင်လုပ်နေတဲ့ တချိန်တည်းမှာပဲ နိုင်ငံသား တွေရဲ့ စိတ်ဓါတ်အဆင့်အတန်း မြင့်မားလာအောင် လုပ်ဖို့လည်းအလွန် အရေးကြီးလှပါတယ်။ ဒါကိုတော့ မီးသွေးမီးဖိုကို gas မီးဖိုနဲ့ အစားထိုးလဲလှယ်လိုက်သလောက် ချက်ချင်း အလွယ်တကူပြောင်းလဲပစ်နိုင်မှာ မဟုတ်ပါဘူး။ မျိုးဆက်( generation) နဲ့ချီပြီးတော့ကို ကြာနိုင်တဲ့၊ ကြိုပမ်းနေရဦးမဲ့ကိစ္စကြီးဖြစ်ပါတယ်။ အခုထိတော့ ကျနော်တို့နိုင်ငံ့ဝန်ထမ်းတွေဟာ မိမိ တို့ တာဝန်ရှိတဲ့အတိုင်း ရုံးကိစ္စတခုလုပ်ပေးလိုက်ရတာကိုပဲ သူတို့လုပ်ပေးလိုက်ရတဲ့သူဆီက လဘက်ရည်ဖိုး ( လာဘ်ငွေ) မျှော်နေတတ်ကြပါသေးတယ်။ “ကျနော့်သားအလုပ်က လစာတော့ သိပ်မကောင်းဘူး။ ဒါပေမဲ့ အောက်ဆိုက်မန်းနီး အများကြီးရတယ်ဗျ” ဆိုတဲ့ စကားမျိုးကလည်း ကျနော်တို့တိုင်းပြည်မှာတော့ လူထူထူမှာ ပြောလို့ကောင်းတဲ့စကားမျိုးဖြစ် နေပါသေးတယ်။ ကျေးဇူးတုံ့တင်သိတတ်ရတဲ့ကျနော်တို့ရဲ့ အာရှယဉ်ကျေးမှုက လည်း ဒီလာဘ်မျှော်တဲ့ ယဉ်ကျေးမှု အတွက် တစိတ်တပိုင်းတာဝန်ရှိဟန်တူပေမဲ့ ကျနော်တို့တိုင်းပြည်မှာ ဒီယဉ်ကျေးမှု အမြစ်တွယ်ကြီးပြင်းလာခဲ့တာကတော့ဝန်ထမ်း တွေလုပ်ခလစာနည်းပါးလွန်းလို့ “ငါ့ဝမ်းပူဆာ မနေသာ” ဆိုသလို ဝမ်းရေးအတွက် ဖြစ်တဲ့နည်းနဲ့ ဖြေရှင်းရင်း ဒီမကောင်းတဲ့ အကျင့် စွဲမြဲလာခဲ့တာလို့ဆိုချင်ပါတယ်။ ဒါကြောင့် ကျနော်တို့နိုင်ငံမှာ အိုင်းအနာလိုလှိုက်စား အမြစ်တွယ်နေတဲ့ဒီ ယဉ်ကျေးမှုကြီးကို လက်တွေ့ကျကျ ဖြေရှင်းဖို့၊ တိုက်ဖျက်ဖို့ဆိုရင် ပထမဆုံးအဆင့် အနေနဲ့ နိုင်ငံ့ဝန်ထမ်းတွေကို လာဘ်လာဘ မမျှော်ကိုးဘဲ စားလောက် ၊ သောက်လောက်တဲ့လုပ်ခလစာမျိုး ပေးရပါလိမ့်မယ်။ ပြီးတော့၊ ဥပမာ၊ နိုင်ငံ့ဝန်ထမ်းတွေကို ဒီမှာ ရင်းနှီးမြှုပ်နှံမှုလာလုပ်ကြတဲ့ကုမ္ပဏီတွေဆီက မော်တော်ဆိုင်ကယ်၊ ကား၊ ရေခဲသေတ္တာ၊ အဝတ်လျှော်စက်စတာ တွေ အရစ်ကျဝယ်ချင်လို့ရှိရင် အစိုးရက အာမခံပေးတဲ့စနစ် သုံးဖို့ဖြစ်နိုင်မလား ဆိုတာမျိုးတွေ ကျနော်တို့ တွက်ချက်ကြည့်ပြီး တော့ဖြစ်နိုင်တဲ့အခါမှာ အဲဒါမျိုးတွေ လုပ်ပေးချင်ပါတယ်။ ဒါတွေကို ဘယ်တော့လုပ်ပေးနိုင်မယ်လို့တော့ ကျနော် အာမမခံ နိုင်သေး၊ ကတိမပေးနိုင်သေးပါဘူး။ ဒီလို နိုင်ငံတော်ဖက်က လုပ်ပေးနိုင်သရွေ့ကို လုပ်ပေးခြင်းအားဖြင့် ဝန်ထမ်းတွေရဲ့ စိတ်ဓါတ်အဆင့်အတန်း၊ ကိုယ့်အလုပ်အပေါ်သဘောထား ( attitude) ကို ပြောင်းလဲပစ်နိုင်ဖို့ ကျနော်တို့ ကြိုးစားမှာဖြစ် ကြောင်း လောက်ပဲယေဘုယျ ပြောထားလိုပါတယ်။ ဒါပေမဲ့ နိုင်ငံတော်ရဲ့ ဒီစရိတ်တွေကို ကာမိစေဖို့အတွက် ကျနော်တို့ အစိုးရ လက်ထက်မှာ ဘယ်ခေတ်ဘယ်အခါနဲ့မှ မတူအောင် အလုပ်လုပ်တဲ့ နိုင်ငံသားတိုင်း အခွန်ဆောင်ဖို့လည်း ပြင်ထား ကြပေရော့လို့ပြောချင်ပါတယ်ခင်ဗျား။ ( ရယ်သံများ )

(၄) အခု အစိုးရ အုပ်ချုပ်ရေးယန္တရား တရပ်လုံး တခုနဲ့တခု အချိတ်အဆက်မိမိလည်ပတ်နေနိုင်အောင် နိုင်ငံတော် အတွင်းရှိ အစိုးရဌာနများအားလုံး ကို အမြန်ဆုံး Computerized ဖြစ်အောင် ကြိုးပမ်းလုပ်ဆောင် သွားမဲ့အကြောင်း ပြောချင်ပါတယ်။ တဖြည်းဖြည်းနဲ့ ကျနော်တို့ ရဲ့ လူ့အဖွဲ့အစည်း တရပ်လုံးကိုလည်း Computerized Society တခုဖြစ်လာအောင်တည်ဆောက်သွား မှာ ဖြစ်ပါတယ်။ ဥပမာအားဖြင့် နိုင်ငံသားတဦး သားဖွားခန်းမှာ မွေးဖွားလာတဲ့ အချိန်လောက်ကစပြီး သူ့အတွက် ကွန်ပြူတာက ထုတ်ပေးတဲ့မှတ်ပုံတင် နံပါတ်( Computerized ID Number) တခုကျလာပြီး သူ့မိသားစုအစဉ်အဆက်ဇယား ( Family Tree)၊ မွေးချိန်၊ နေရပ်လိပ်စာ၊ လူမျိုး၊ ဘာသာ၊ လိင်၊ အလေးချိန်စတာတွေဟာ ဆေးရုံမှတ်တမ်းတွေထဲကနေ လူဝင်မှုကြီးကြပ် ရေး နဲ့ နိုင်ငံသားဌာန ကို ချက်ချင်းရောက်ရှိသွားမှာဖြစ်ပါတယ်။ ထို့အတူပဲ နိုင်ငံသားတဦး သေဆုံးသွားရင် လည်း သုဿာန်မှတ်တမ်းများ ကတဆင့် ဒီဌာနကို ချက်ချင်းရောက်ရှိသွားမှာဖြစ်ပါတယ်။ ဒီလိုနည်းအားဖြင့် မြို့နယ်အုပ်ချုပ်ရေးရုံး တရုံးဟာ မိမိမြို့နယ်အတွင်း သည်ကနေ့လက်ရှိလူဦးရေစုစုပေါင်း ၊ ကျား/မ ဦးရေ၊ ကျေင်းသား/သူဦးရေ၊ အလုပ်လုပ်ကိုင်သူဦးရေ၊ အလုပ် လက်မဲ့ဦးရေ၊ သက်ကြီးရွယ်အိုဦးရေ၊ မသန်မစွမ်းဦးရေ၊ အိုးမဲ့အိမ်မဲ့ဦးရေ၊ အချုပ်သားဦးရေ၊ အကျဉ်းသားဦးရေ၊ ပြစ်မှု အမျိုးအစား အလိုက် ကျူးလွန်သူဦးရေ စတာတွေ ကို အချိန်နဲ့ တပြေးညီသိရှိနေနိုင်မှာ ဖြစ်ပါတယ်။ ပြီးတော့ နိုင်ငံသားတိုင်းမှာ Electronic ID Card ( လျှပ်စစ် မှတ်ပုံတင်ကတ်) တခုစီရှိမှာဖြစ်ပြီး၊ သူ့ ကိုယ်ရေးအချက်အလက်များအားလုံး အဲဒီကတ်ထဲ မှာရှိနေမှာ ဖြစ် ပါတယ်။ ဥပမာ၊ သူနေထိုင်ခဲ့ဖူးတဲ့ နေရပ်လိပ်စာများရာဇဝင်၊ ပညာသင်ကြားမှုရာဇဝင်( ဖြေဆိုခဲ့ဖူးတဲ့ စာမေးပွဲ တိုင်းရဲ့ အမှတ်စာရင်း အသေးစိတ်အပါအဝင်)၊ အိမ်ထောင်ရေးရာဇဝင်၊ ပြစ်မှုကျူးလွန်မှုရာဇဝင် စတာတွေဟာ ဒီ ကတ်ထဲမှာ ရှိနေမှာဖြစ်ပါတယ်။

(၅) ကျနော် အခုနိဂုံးချုပ်စကားမပြောခင် ပြောချင်တာကတော့ အရင်တုန်းက ကျနော်တို့နိုင်ငံမှာ ကိုယ်ဝန် ဆောင်မိဘတွေဟာ သားသမီး ကိုယ်ဝန်ရှိလာရင် မွေးဖွားစရိတ်အတွက် ပူပန်ကြရတယ်လို့ကြားဖူးပါတယ်။ အခု ဒီမြန်မာနိုင်ငံတော်သစ်မှာ တော့ ဒါမျိုး မရှိစေချင်တော့ပါဘူး။ ကလေးမွေးချင်လို့ မိခင်ဗိုက်နာရင် ဆေးရုံ၊ မိခင်နှင့်ကလေး ကူညီစောင့်ရှောက်ရေး ဌာနတို့ကို အချိန်မရွေးဖုန်းဆက်၊ လူနာတင်ယဉ်က နာရီဝက်အတွင်း ရောက်လာတာမျိုး ဖြစ်စေချင်မိပါတယ်။ ထို့အတူ လူတယောက်သေဆုံးသွားခဲ့ရင်လည်း ကျန်ရစ်သူမိသားစုက သဂြိုလ်စရိတ်မတတ်နိုင်ရင် နိုင်ငံတော်အစိုးရက ဒီနိုင်ငံသားရဲ နောက်ဆုံးခရီး အတွက်အစစ တာဝန်ယူ ပေးတာ မျိုးဖြစ်စေချင်မိပါတယ်။ အလုပ်မလုပ်နိုင်တဲ့မစွမ်းမသန်သူတွေ၊ သက်ကြီးရွယ် အိုတွေဆေးကုသမှုခံယူဖို့ မတတ်နိုင်ရင် လည်း ဒီလိုပဲနိုင်ငံတော်က ကူညီသွားချင်ပါတယ်။ ဒီလိုနည်းနဲ့ ကျနော်တို့ တတွေဟာကျနော်တို့ ရဲ့ ပြည်ထောင်စု နိုင်ငံတော် ကိုနေပျော်ဖွယ်ကောင်းတဲ့ ဒေသတခု၊ ကရုဏာတရား ထွန်းကားတဲ့ လူ့အသိုက် အမြုံကြီးတခု ဖြစ်လာအောင် ဝိုင်းဝန်းကြိုးပမ်း တည်ဆောက် ကြပါစို့။ နောက်ဆုံးအနေနဲ့ ကျနော့်ကို ဒီအိပ်မက် တွေ လက်တွေ့ အကောင်အထည်ဖော်ကြည့်ခွင့်ရအောင် အသည်းကြားကမဲတပြားပေးပြီး ဒီနေရာရောက် အောင် ပို့လိုက်ကြတဲ့ မဲဆန္ဒ ရှင်မြန်မာပြည်သူများ၊ ကျနော့်ကို သမ္မတလောင်းအဖြစ်ရွေးချယ်ခဲ့တဲ့ ကျနော့်ရဲ့ မိခင်ပါတီ၊ ဒီနေရာမှာ ပြည့်စုံအောင် နာမည်နဲ့တကွ ဖော်ပြခြင်းငှာ မစွမ်းသာတဲ့ ကျနော့်ရဲ့ လုပ်ဖော်ကိုင်ဖက် များအားလုံး နဲ့ကာလကြာရှည်စွာကတည်းကပင် ဒီအိပ်မက်တွေတနေ့နေ့မှာ အစစ်အမှန်ဖြစ်လာစေရမယ်လို့ ပထမဦးဆုံး ရာနှုန်းပြည့်ယုံကြည်ပေးခဲ့ပြီး ကျနော့်ကို စိတ်ဓါတ်ခွန်အား တစိုက်မတ်မတ်ပေးလာခဲ့တဲ့ ကျနော့်ရဲ့ ချစ်ဇနီး၊ သူတို့ရဲ့ ဖခင် ကောင်းတဲ့အလုပ်တခုလုပ်နေတယ်လို့ သူတို့အရွယ်နဲ့မလိုက်အောင် နားလည်ပေး တတ်ကြတဲ့ ကျနော့်ရဲ့ သမီးနဲ့သားတို့ကိုရင်ထဲက လှိုက်လှိုက်လှဲလှဲကျေးဇူးတင်ရှိပါကြောင်း ပြောကြားရင်း နိဂုးချုပ်လိုက် ပါတယ်ခင်ဗျား။ ( လက်ခုပ်ဩဘာသံများ )