An Appointment with the Death

                                                                                           ( ၁ )

သေခြင်းတရားက ဧည့်ခန်းထဲမှာ ရောက်ရှိနေပြီ ဖြစ်သည်။ နိုင်လွန်ကို တီထွင်ခဲ့သော ပုဂ္ဂိုလ်၊ ဟားဗတ် တက္ကသိုလ်မှာ တလ လစာ ၂၆၇ ဒေါ်လာ (  တနှစ် ဒေါ်လာ ၃၂၀၀ ) နှင့် အော့ဂဲနစ် ဓါတုဗေဒသင် ကျောင်းဆရာ လုပ်နေရာမှ ဓါတ်ခွဲခန်းတခုက တလ လစာ ၅၀၀ အထိပေးပါမည်ဟု ကမ်းလှမ်း ခံခဲ့ရသူ၊ လွန်ခဲ့သည့် တနှစ်လောက်ကမှ အိမ်ထောင်ကျခဲ့ပြီး သူ့မိန်းမ၏ဗိုက်ထဲက ကိုယ်ဝန် ၂ လသား၏ ဖခင်၊ မကြာသေးမီက အမျိုးသားသိပ္ပံ အကယ်ဒမီ ( National Academy of Sciences ) အဖွဲ့ဝင် ဖြစ်လာခဲ့သော ၄၁ နှစ်အရွယ် ယောက်ျားတယောက်သည် လောကမှာ အချိုရှာ၍ မတွေ့သဖြင့် ၁၉၃၇ ခုနှစ်တွင် ဖီလာဒယ်လ်ဖီးယားမြို့က ဟိုတယ်အခန်းတခုမှာ သံပုရာရည် ချဉ်ချဉ်တခွက်ကို သောက်သုံးခဲ့သည်။ ဂျက်လန်ဒန်သည် သူ ဒေါ်လာ ၂၆၄၅၀ နှင့်ဝယ်ထားသည့် ကယ်လီဖိုးနီးယားဖက် က ဧက တထောင်ကျော် ကျယ်ဝန်းသည့် ခြံကြီးထဲမှာ အသက် ၄၀ အရွယ်အထိ သူဌေးလို နေထိုင်သွားခဲ့သည်။ ဗန်ဂိုးက ၃၇ နှစ်လောက်ထက် ပို အသက်မရှည်ခဲ့ပါ။ နိုဗယ်လ်ဆုရ စာရေးဆရာကြီး ဟဲမင်းဝေးကတော့ အသက် ၆၂ နှစ်ထိ နေသွားရရှာသည်။ သည်လူ တွေက သေခြင်းတရားနှင့် appointment လုပ်ခဲ့ကြသူများဟု လူသိများကြလေသည်။

သူသည် ဗန်ဂိုးထက် အသက် ၁၀ နှစ်ကြီးနေပြီ ဖြစ်ပါသည်။ သူက ယခင် ဆိုဗီယက်ပြည်ထောင်စုက ခေါင်းဆောင်ကြီးဟုဆိုသူ စတာလင်ကို နွားဟု ထင်ပြီး လီယိုတော်လစတွိုင်း နှင့် အင်တန်ချက်ကော့ဗ် တို့ကို လူဟု ထင်ပါသည်။ ( In light of revelations from the Soviet archives, historians now estimate that nearly 700,000 people (353,074 in 1937 and 328,612 in 1938) were executed in the course of the terror, with the great mass of victims being "ordinary" Soviet citizens: workers, peasants, homemakers, teachers, priests, musicians, soldiers, pensioners, ballerinas, beggars. ( ref: http://en.wikipedia.org/wiki/Joseph_Stalin ) ဒါက နှစ်နှစ်စာပဲ ရှိသေးသည်။ စတာလင်က ၁၉၂၄ မှ ၁၉၅၃ ထိ ဆိုဗီယက် ပြည်ထောင်စုကို အုပ်ချုပ်ခဲ့ပါသည်။ တကယ်တော့ သန်းချီသော ကိုယ့်နိုင်ငံသား၊ ကိုယ်နဲ့အတူ အလုပ်လုပ်လာသည့် ရဲဘော်ရဲဖက် တွေကို သူ့အာဏာခိုင်မြဲရေး အတွက် သတ်ရက်သူကို နွားဆိုတာထက် ပိုနာနာကျည်းကျည်း ခေါ်သင့်ပါသည်။ တရားကိုချစ်သူ၊ တရားကိုသိသူ ဆိုတာေ-ာက်မြင်ကပ် သင့်တာကို /ကပ်သင့်သူကို ထိုက်ထိုက်တန်တန်ေ-ာက်မြင်ကပ်တာလည်း ပါသည်ဟု သူထင်ပါသည်။ ) ထို့ကြောင့် နွားတွေ တည်ထောင်သော ဆိုဗီယက်နိုင်ငံတော် ( ဒေါက်တာ ဇီဗားဂိုး ရုပ်ရှင်ကို ကြည့်ပါ ) ကို အားမကျလှသော်လည်း လူတွေရေးသော ရုရှဂန္ဓဝင် စာပေကို အထင်ကြီးလှသည်နှင့် Russian for Beginners ဆိုသော စာအုပ်ဟောင်း တအုပ်ကို သူ တခါတုန်းက ဈေးမေးကြည့်ဖူးသည်။ သူနှင့်ခင်နေသော ထိုစာအုပ်ဟောင်း ရောင်းသူက ကမ္ဘာသုံးလည်း မဟုတ်တဲ့ ရုရှစာကို လေ့လာနေမည့် အစား ... တရားတော်များ ကို လေ့လာရန် အကြံပြုခဲ့သည်။ သူလည်း တရားတော်တွေ ကျေးဇူးကြောင့် တရားတွေ အတော်ရနေပြီဟု ပြောပြသည်။ ထိုအခါ သူ (= စတာလင်ကို နွားဟု ထင်သောသူ ) က "တရားဆိုတာ Absolute fairness ဗျ။ အဲဒီ fairness ကို ချစ်တာကတော့ ကျုပ်က တရား မလိုက်စားဖူးဘဲနဲ့ကို ချစ်ပြီးသားပါ၊ ဒါကြောင့် ကျုပ်ရင်ထဲမှာ တရားရှိပြီးသားလို့ ယုံပါတယ်။  နောက်ပြီး ကျုပ်က ဘဝရဲ့ အဓိပ္ပါယ်မဲ့မှု ( meaningless existence of life ) ကို မြင်လွန်းနေလို့ ခက်နေတာဗျ။ ဒီတော့ ကျနော် အမှန်အတိုင်းပြောရရင် ခုနေခါမှာ ဘဝကို တက်တက်ကြွကြွ၊ စိတ်ပါလက်ပါ ခံစားနိုင်မဲ့ တရားပဲလိုချင်တယ်ဗျာ။ ဘဝကို စိတ်ကုန်မဲ့ တရား မလိုအပ်ဘူးဗျ။ အဲဒါက ရှိနေပြီးသား" ဟု ပြန်ပြောခဲ့မိသည်။ ထိုအခါ တရားရှိသော စာအုပ်ဆိုင်ပိုင်ရှင်က ဒီလူ တရားမရသေးဘူးဟု အခြားလူတဦးကို ပြန် ပြောပြသည်ဟု သိရ၏။ နောက်ဆုံးတော့ တရားမရသေးသော သူကပဲ တရားရထားသောသူကို တရားနှင့် ဖြေလိုက်ရလေသည်း))

Fairness ဆိုလို့ မြန်မာမတွေ ပဲများပုံကလည်း တယ် fair မဖြစ်လှဟု သူ ထင်မိသည်း)) တခါတုန်းက သူ အပြင်မှာ လူချင်း မတွေ့ဖူး၊မမြင်ဖူး၊ မှုန်ဝါးဝါး ဓါတ်ပုံလောက်မျှလည်း မတွေ့ မမြင်ဖူးသော်လည်း စိတ်ကောင်း နှလုံးကောင်း ရှိသည်ဟု မှန်းဆ၊ ခံစားမိသော ( သူနှင့် စံတော်ချိန် ၁၅ နာရီ ကွာခြားသော အရပ်မှ ) မြန်မာ ဘလော့ဂါမလေး တယောက်ကို "တော်သည့်၊ ထက်မြက်သည့်၊ ယဉ်ကျေးသိမ်မွေ့သည့် တူမလေးတယောက်" ကို ချစ်ခင်မိသလို သူခင်မင်သွားခဲ့ဖူး သည်။ သို့နှင့် သူမ၏ မွေးနေ့နား ရောက် လာသောအခါ ( Happy Birthday wish လောက်လုပ်တာက လျှာဖျားပေါ်က ဟန်ဆောင်ခင်မင်မှု ဆန်လှသည်၊ ဘာမှ အနှစ်အသား မပါဘူးထင်၍ ) မွေးနေ့လက်ဆောင် တခု ပို့ပေးချင်ကြောင်း ပြောမိ၏။ ဤနေရာတွင် ဖခင်/ ဦးလေးတွေက တော်သော၊ လိမ်မာသော သမီး/ တူမ တယောက်ကို ဂုဏ်ယူစွာနှင့် ချစ်ခင်ကြသလောက် အဲသည် ကလေးမကို သူချစ်ခင်ခဲ့ကြောင်း ဝန်ခံပါသည်။ သူပြောချင်တာ တချက် ရှိပါသည်။ ယောက်ျားတွေဟာ သမီး/တူမ တွေကို သား/ တူတွေထက် ပိုချစ် ခင်မိကြခြင်းမှာ romantically attracted ဖြစ်တာ မဟုတ်ဘဲ သူမတို့၏ innocence, cleverness, cuteness ကို ငြိမ့်ငြိမ့် အေးအေး၊ သန့်သန့်ရှင်းရှင်းလေး နှစ်သက် ချစ်ခင်မိကြတာသာ ဖြစ်ပါသည်။ ဤကဲ့သို့သော ချစ်ခင်မှုမျိုး သွေး မတော် သားမစပ်သော  ယောက်ျား တယောက်ထံမှလည်း လာနိုင်သည် ဆိုတာပဲ ဖြစ်ပါသည်။ မိမိချစ်ခင်မိသော မိန်းကလေး တယောက်ကို romantically attracted ဖြစ်တာ ဟုတ်၊ မဟုတ် သူ စမ်းသပ်လေ့ရှိသည့် နည်းမှာ ခုနေခါ သူမ boyfriend တယောက် ရသွားကြောင်း သိရလျှင် မိမိ ဘယ်လိုခံစား ရမလဲဟု အငှားဝင် ခံစားကြည့်ခြင်း ဖြစ်သည်။ သူ မွေးနေ့လက်ဆောင် ပေးချင်ကြောင်း ပြောမိဖူးသည့် မိန်းကလေးကိုလည်း အဲသည် စမ်းသပ်နည်းနှင့် စမ်းသပ်ကြည့်ရာ သူမ boyfriend ရသွားလည်း သူ မနှမြော မတွန့်တိုမိပေ။ သူမ ယောက်ျားရပြီး ကလေးတွေ ရနေလည်း သူမကို မေတ္တာမပျက် မိမိဖက်မှ တစုံတရာ ဖြည့်ဆည်းပေးနိုင်တာ ရှိလျှင်သာ ဖြည့်ဆည်း ပေးနေချင်လေသည်။ အဲသည် ခံစားမှုကို သူက လှပ သန့်ရှင်းသည်ဟု ထင်သော်လည်း သူမကတော့ "ဖွန်ကြောင်သည်" ဟု အဓိပ္ပါယ် ကောက်ခဲ့ဟန် ရှိသည်။ ( တခု ပဲ ရှိတာက သူ ဖွန်ကြောင်တာလည်း ဖြစ်ကောင်း ဖြစ်နိုင်သလားတော့ မသိ၊ သူမ၏ အရွယ်လောက် ရှိပြီး သူမလောက်ပင် လိမ္မာ၊ ထူးချွန်၊ ထက်မြက်သော တူအရွယ် ယောက်ျားလေး တယောက်ကိုတော့ သူ အဲသည်လို စေတနာမျိုး တခါမှ မပေါ်ပေါက်ဖူးပေ :))

သူမကို လက်ဆောင်ပေးချင်ကြောင်း ပြောခဲ့ခြင်း၏ အကျိုးဆက် အဖြစ်ဖြင့် သူမသည် သူ့ကို ကိုယ်ကျင့်တရား ဖောက်ပြန်သူတယောက်ကို စိတ်မပါလက်မပါဖြင့် ဆက်ဆံနေရသလို ဆက်ဆံလာခဲ့သည်။ ဥပမာ၊ သူမ၏ facebook wall ပေါ်မှာ birthday wish ပေးခဲ့ကြ သူတိုင်းကို သူမက like နှင့် ကျေးဇူးတင်စကား ရွှန်းရွှန်းဝေအောင် ပြောသော်လည်း သူပို့ထားသည့် အရုပ်ကလေး ကိုတော့ မထိမတို့ဘဲ တမင်ချန်လှပ်ထားခဲ့ပြီး ( လူအများအလယ်မှာ ထင်းကနဲ ပေါ်လွင်နေစေကာ ) အရှက်ခွဲခြင်းမျိုး ဖြစ်သည်။ ဒါကို တချို့က နိုင်ငံကြီးသား ဖြစ်လေယောင်ဆောင်ကာ "ဟာ.. ဒါက သူ့ individual right ပဲလေ၊ သူ ပြန်ပြောချင်မှ ပြောမှာပေါ့" ဟု ဆိုကြပါလိမ့်မည်။ ဟုတ်ကဲ့.. ခင်ဗျားက လူတယောက်ကို လူပုံအလယ်မှာ တစုံတရာ လှမ်းနှုတ်ဆက်လိုက်စဉ် ထိုသူက ( မကြားလို့မဟုတ်ပါဘဲ ကြားပါလျက် သူ့ individual right ကိုသုံး၍ ) ခပ်စိမ်းစိမ်းကြည့်ပြီးမှ ဘာမှ ပြန်မပြောဘဲ ဟိုဖက်ကို မျက်နှာလှည့်သွားလျှင် ခင်ဗျားရင်ထဲ ဘယ်သို့ရှိပါမည်နည်း။ လောကတွင် "ယဉ်ကျေးသောအပြုအမူ ဆိုသည်မှာ မိမိကြောင့် လူတယောက် အိုးတိုးအန်းတန်း၊ စိတ်အနှောက်အယှက် မဖြစ်စေရအောင် မိမိ၏ အပြုအမူကို ထိန်းသိမ်းခြင်း၊ သူတပါးအပေါ် ကိုယ်ချင်းစာနာစိတ် ထားခြင်း" ဟု သူထင်ပါသည်။ သည်လိုနှင့် သူ အခု သူမကိုမုန်းတီးလို့ မဟုတ်ဘဲ သူမ၏ အလိုကို လိုက်ပေးသည့် အနေဖြင့် သူမကို ဘာမှ သွားမပြောတော့ပါ။ A relationship is mutual; one-sided relationship cannot be sustainable. သူက ဒါတွေကို စမြုံ့ပြန်ပြီး သူမကို မကျေမချမ်း ဖြစ်နေတာမျိုး မဟုတ်ဘဲ၊ သူခံတွင်း မတွေ့မိခဲ့သော "မြန်မာပဲ" အကြောင်းကို သူ့ရဲ့ နောက်ဆုံးအချိန်မှာ ပြန်လည် သတိရနေမိတာသာ ဖြစ်ပါသည်။

အခြားတယောက်သော မိန်းကလေးကိုတော့ သူတကယ်ချစ်သွားမိခဲ့တာ ဖြစ်သည်။ သည် မိန်းကလေး၏ ရယ်မောသံက ညှင်းညှင်းသွဲ့သွဲ့နှင့် အလွန်သာယာနာပျော်ဖွယ် ရှိလှသည်။ သူသည် သူမ၏ အသက်ဝင်လှသော ( lively ) ရယ်သံချိုချိုလွင်လွင်ကို ကနဦး စွဲလန်းငြိတွယ်သွားခဲ့တာ ဖြစ်သည်။ နောက်တော့ သူမ ( တခုလုံး ) ကို ချစ်သွားခဲ့တော့သည်။ သူ့၏ "မိန်းကလေး တယောက်ကို ချစ်မချစ် စမ်းသပ်နည်း" ကတော့ စိတ်ကူးထဲမှာ သူမကို အသက် ၆၀-၇၀ အရွယ်လောက် ထားလိုက်ပြီး မိမိ ( အဖိုးကြီး ) က သည်အဖွားကြီးကို ညှာတာ၊ မြတ်နိုး၊ တစိမ့်စိမ့် ကြည့်မဝချင်စိတ် ဖြစ်နေသေးလျှင် တကယ် ချစ်မြတ်နိုးသည်ဟု ယူဆလေသည်။ နောက်ပြီး သူမအပေါ် ( ဆိတ်ကွယ်ရာမှာ ) ဘယ်လောက် သစ္စာစောင့်သိချင်သလဲ ဟု ကိုယ့်စိတ်ကို တိုင်းတာကြည့်ခြင်း ဖြစ်သည်။ သူက သူမကို ချစ်ပါသည်ဆိုလျှက် အခြားမည်သည့် မိန်းကလေး အပေါ် တွင်မျှ romantically attracted မဖြစ်ချင်မိပေ။ သူမသည် အဲသည်လို အမျိုးမျိုးသော စမ်းသပ်မှုတို့ကို အစမ်းသပ်ခံနိုင်ပါပေသည်။ သူ့မှာ သူမနှင့် ပတ်သက်လာလျှင် နှမြောတသမှု၊ လောဘကြီးမှု၊ နီးစပ်လိုမှု၊ တသိမ့်သိမ့် ဆွတ်ပျံ့ကြည်နူးရမှု၊ တထိတ်ထိတ် စိုးရိမ် ပူပန်ရမှုတို့ ရှိသည်။ အလှပဆုံး မျှော်လင့်ချက်နှင့် အကြောက်လန့်ဆုံး အနာဂါတ်တို့ ရှိသည်။ သူသည် သူမကို အသေးအဖွဲ့ကလေးမျှလည်း မလိမ်ညာ၊ မထိန်ချန်ချင်မိပေ။ ဟောဒါတွေကို သူမအား ပြောပြဖူးသည်။ သူသည် အင်္ဂလိပ်လို 20's ဟုဆိုကြသည့် ၂၀-၂၉ နှစ်များအတွင်းက သူ ဆွတ်ပျံ့ကြည်နူးစွာ မြတ်နိုးမိသော မိန်းကလေး ( မန္တလေးသူ ) တယောက်ကို စာတိုက်ကနေ သူမ၏ရုံးသို့ စာတစောင်ထည့်ပြီးချစ်ရေး ဆိုဖူးသည်။ "ဒါ ပထမဦးဆုံး အကြိမ်နှင့် နောက်ဆုံး အကြိမ် ဖြစ်ပါစေ" ဟုကြိမ်းမောင်းခံရပြီး ဘာမှရှေ့မတိုး နိုင်တော့ပေ။ နောင် သုံးနှစ်ခန့် ကြာသောအခါ သူမ DSA စစ်ဗိုလ်တယောက်နှင့် လက်ထပ်သွားပြီး သူကတော့ အသက် ၂၉ နှစ် အရောက်တွင် အရက်ကို မနက်ပိုင်းပါ သောက်တတ်သည့် alcoholics အဆင့် အရက်သမားတယောက် ဖြစ်လာခဲ့လေသည်။ 30's ( ၃၀-၃၉ ) အတွင်း ဒုတိယမြောက် မိန်းကလေးတယောက်ကို ချစ်ရေးဆိုမိရာ ဇာတ်ပေါင်းသော် သူ နိုင်ငံရပ်ခြားသို့ လွင့်ထွက်လာခဲ့ရလေသည်။ ယခု 40's  (၄၀- ၄၉ ) အတွင်းမှာ သူမကို သူချစ်မိ ပြန်သည်။ ထုံးစံအတိုင်း သူမလည်း သူ့ကို မချစ်ပါ။ ဒါပေမဲ့ သူမကို ကျေးဇူးတင်ဖို့ ကောင်းသည်မှာ သူမက ပဲတော့သိပ် မများလှပါ။ "အကို ကျမကို တကယ်ချစ်တာ သိပါတယ်.. ဒါပေမဲ့ ကျမက အကို့ကိုအကိုတယောက်ထက်ပိုပြီး မချစ်နိုင်လို့ပါ" ဟု ကောင်းမွန်စွာ ပြောရှာလေသည်။ သူမ သူ့ကို အနည်းငယ် ချစ်သော်တောင်မှ "နှစ်ယောက် တဘဝ" ထူထောင်ဝံ့လောက်သည် အထိတော့ ဘယ်လိုမှ မဖြစ်နိုင်ချေ။ နောက်ပြီး သူမက အလွယ်တကူ စိတ်ထိခိုက်ခံစားလွယ်သူ ( စိတ်ဆောင်ရာ နောက်လိုက်မည့်သူ ) တယောက်လည်း မဟုတ်ပါ။ သူ့လို ဘဝကို ကလေကချေ ဆန်ဆန် ရောက်ချင်ရာရောက် ပေါက်ချင်ရာပေါက် ဖြတ်သန်းလာခဲ့သူလည်း မဟုတ်ဘဲ ဘယ်အချိန်၊ ဘယ်အသက်အရွယ်မှာ ဘာဖြစ်ရမည်ဟု အချိန်ဇယားဆွဲထားသော scheduled life တခုထဲမှာသာ ကျင်လည်ဖူးသူ၊ကျင်လည် ဦးမည့်သူ ဖြစ်ပါသည်။ အချုပ်ဆိုရလျှင် သည် ချစ်ရသူနှင့်လည်း ဘဝချင်း မပေါင်းစပ်နိုင်မည့်ဖက်က ၉၀ ရာခိုင်နှုန်းလောက် ရှိလေသည်။
                                                                                  
                                                                               ( ၂ )

သူသည် သေခြင်းတရားကို လက်ခံတွေ့ဆုံရန် ဧည့်ခန်းမဖက်သို့ ထွက်လာခဲ့သည်။ သေခြင်းတရားက သူ့ကို သက်တောင့်သက်သာ မရှိဟန်ဖြင့် မေးသည်။

"တခုခု ရေးထားခဲ့ချင်လား။ note လေး ဘာလေး တခုခု လောက်ပေါ့"
"ဟုတ်ကဲ့ .. ကျနော့် landlord ရဲတွေနဲ့ ပြသနာ ရှင်းမနေရအောင်တော့ တခုခု ရေးထားခဲ့မှ ဖြစ်မယ်"
"ဟောဒီမှာဗျ .. I testify that ...................................................................................................."
"....... ကို သတိရနေမိလား.."
"Oh, my Gosh, ကျနော့်ရဲ့ နောက်ဆုံး အချိန်မှာ သူ့ကို သတိရနေမိတဲ့ စိတ်က ဖုံးလွှမ်းနေလို့ ကျနော် ခင်ဗျားနဲ့ ရင်ဆိုင်တွေ့နေရတယ် ဆိုတာကိုတောင် သတိမပြုမိ နိုင်လောက်အောင်ပါလား။ ကျနော် ခင်ဗျားကို တုန်လှုပ်ဖို့ တောင် မေ့နေတယ်ဗျ။ ဒီလောက်ထိ သန့်သန့် ရှင်းရှင်း ချစ်တတ်တဲ့ ရင်ဘတ်တခုကို ပိုင်ဆိုင်ခွင့် ရခဲ့တဲ့အတွက် ကျနော့်ကို create လုပ်ခဲ့တဲ့ အင်္ဂျီနီယာ၊ The Law of Karma, or the God, whatever it maybe ကို လှိုက်လှိုက်လှဲလှဲကြီး ကျေးဇူးတင်မိပါတယ်ဗျာ .."
"ဒါဆိုရင် ကျုပ်ပြန်တော့မယ်"
"ရော်.. ဟိုကိစ္စက.."
"နောက်များမှပဲ တွေ့ကြသေးတာပေါ့.. "
 သည်တကြိမ် ဇာတ်ပေါင်းသော်ကား သူ ဘယ်ဆီသို့လွင့်မျောသွားရမည် မသိတော့ချေ..။

အတွေး တခု

ဘဝက ခါးသီး၊ ခြောက်သွေ့၊ အချိုရည် ခန်းခြောက်လှပေရဲ့

ဒါပေမဲ့ အဲဒီဘဝမှာ ကျုပ်တို့ ဘာလို့နေနေသေးသလဲ..။


ဟိုတနေ့က ကျနော့်ကို ကားတစီး ပွတ်တိုက်သွားခဲ့တယ်

လဲပြိုကျသွားတော့ သေရမှာ ကြောက်လိုက်တာ တုန်လို့

ငါ့နှယ် သေချင်တယ် သေချင်တယ်နဲ့

အခုတော့ ဖြစ်ပျက် နေလိုက်တာ .. ဟာဟး))

ခင်ဗျားတို့ကို ထားရစ်ခဲ့ပြီး ထွက်မသွားချင်တာလည်း ပါပါတယ်။


ဒါပေမဲ့ ခင်ဗျားတို့ကို ချစ်လွန်းလို့ လို့ မထင်ပါနဲ့  ..း))

ခင်ဗျားတို့က ပြုံးလို့ပျော်လို့ နေခဲ့ရပြီး

ကျုပ် တယောက်ထဲ ထွက်သွားရမှာလား ဆိုတဲ့ jealousy မျိုးနဲ့ ပါ..း))


မနက်ဖြန်ကမ္ဘာပျက်ပြီး လူတွေအားလုံး သေမယ်ဆိုတာ သေချာတယ် ဆိုပါတော့

ဘယ်သူကမှ သေမှာကို ခုလောက်ကြောက်ကြမယ် မထင်..။


အဲသလို ခင်ဗျားတို့ကို ပစ်မထားခဲ့ချင်စိတ်နဲ့ ပဲ

အချိုရည် ခန်းခြောက်သွားတဲ့ ပီကေတခုကို လှိမ့်ပိန့်ပြီး ဝါးနေရလေ၏း))


[ လူတို့၏ သေခြင်းတရား အပေါ် သဘောထားကို ကျနော် ဆင်ခြင်မှန်းဆမိသမျှ ရေးဖွဲ့ ထားခြင်း ဖြစ်ပါသည်။ ကဗျာဓါတ် အတော် ခန်းခြောက် နေသော ကဗျာတပုဒ်မှန်း သိပါ၏။ ]

ဧရာဝတီ မြစ်ဆုံရေကာတာ စီမံကိန်း လုပ်ငန်းခွင် ဗီဒီယို

ဧရာဝတီ မြစ်ဆုံ ရေကာတာစီမံကိန်း လုပ်ငန်းခွင်ဗီဒီယို ( ခရီးပေါက်ရောက်နေမှု အခြေအနေ ) ဖြစ်ပါ သည်။ ဧရာဝတီကို ရောင်းစားခဲ့သူ အချို့ကလွဲပြီး မြန်မာနိုင်ငံသားတိုင်း ဧရာဝတီကို ချစ်ကြသည်သာ ဖြစ်၍ ကျနော်လည်း ဧရာဝတီကို အများနည်းတူ ချစ်ရုံမျှဖြင့် ပို၍ လူရာဝင်မလာနိုင်ပါ။ အရောင်လည်း ပိုထွက် မလာနိုင်ပါ။ ဈေးလည်း ပိုတက် မလာနိုင်ပါ။ တကယ်တော့ ကျနော်ကလည်း ရောင်းရန်မဟုတ်သော ( not for sale ) ခပ်မှိန်မှိန် ပန်းချီကားတချပ်သာ ဖြစ်ပါသည်။ ထို့ကြောင့် လူရာဝင်ချင်လို့ “ဧရာဝတီ” ဆိုသော နာမတော် ကို ရွတ်ဆိုခြင်း မဟုတ်ရပါ ကြောင်း၊ ကျနော့် ဒုတိယ comment ပါ ပုဂ္ဂိုလ်အတွက် နေရာတခု ဖန်တီးရပေးခြင်း ဖြစ်ပါကြောင်း၊ ဒါပေမဲ့ ကျန်ပုဂ္ဂိုလ်များ လည်း မိမိတို့၏ ထင်မြင်ချက်များကို ဝင်ရောက်သွန်ချ သွားနိုင်ပါကြောင်း ကြိုတင်ဖြေရှင်း အပ်ပါသည်း))

၂ ၃ နှစ် သား တော် လှန် ရေး

ကျုပ်က ဒီ ရှစ်လေးလုံးကို အကြောင်းပြု လက်သီးလက်မောင်း တန်းနေရအောင်
ကျုပ် အဲဒီတုန်းက ဘယ်ထောင့် ဘယ်နေရာကမှကို မပါဖူးပါဘူး ..
ကျုပ် မပါဖူးမှန်း ခင်ဗျားက မသိတောင် ... ( ဩော် .. ပါဖူးတယ် ထင်နေတယ်လား .. ဟာဟး))
ကျုပ် လိပ်ပြာက သိပါတယ်။

ခင်ဗျား ကိုယ့်ဘဝကို ပိုမိုကောင်းမွန်၊ လွတ်လပ်ချင်တဲ့အထဲ မပါဘူးလား ပြော
ခင်ဗျားလိုပဲ ကျန်တဲ့လူတွေလည်း ပိုမိုကောင်းမွန်၊ လွတ်လပ်တဲ့ဘဝ မလိုချင်လောက်ဘူးလား ပြော
ခင်ဗျားအတွက်ပါ ပိုကောင်းလိမ့်မယ်လို့ ထင်တဲ့ လူ့ဘောင်တခုကို သူတို့တောင်းခဲ့ကြတယ်
ခင်ဗျား အဲဒီ အဖြစ်အပျက်ကြီးကို ရွှေရောင်အတိပြီးသော ခမ်းနားမှုလို့ ဘာကြောင့် မထင်နိုင်ရတာလဲပြော

သူတို့ အနည်းဆုံးတော့ သူတို့ရဲ့ အသက်ကို စွန့်ခဲ့ကြတယ်။
သူတို့ရဲ့ ငယ်ရွယ်ပျိုမျစ်မှုကို စတေးခဲ့ကြတယ်။
သူတို့ တကိုယ်ရည်၊ တမိသားစုအတွက် မဟုတ်တဲ့ အလုပ်ကို လုပ်ခဲ့ ကြတယ်။
သူတို့ကို ကျုပ် ကျေးဇူး အထူးတင်၊ အောက်မေ့၊ ဦးညွှတ်ရိုကျိုး လိုက်ပါပေရဲ့ ..

( ကျနော် မပါဝင်ခဲ့ဖူးသော ၈. ၈. ၈၈ အရေးတော်ပုံသို့ အလွမ်းဖြင့် .. )

မတူကွဲပြားစွာနှင့်ပင် ရှေ့သို့အတူတကွ ချီတက်ခြင်း

မနေ့က ကျနော်တို့ မြို့မှာ မြန်မာတွေ စုပြီး (၂၃) နှစ်မြောက် ၈၈၈၈ ပြည်သူ့အရေးတော်ပုံ အထိမ်း အမှတ် အခမ်းအနားတခုကို ကျင်းပ ခဲ့ကြပါတယ်။ ဒီမှာ အခါကြီး ရက်ကြီးတွေ ရောက်လာလို့ အခမ်းအနားတခု ပြုလုပ်ကြမယ် ဆိုရင် လူတိုင်းလောက် နီးပါး အား လပ်ကြမဲ့ စနေ၊ တနင်္ဂနွေ တရက်ရက် ကို ရွေးကြရပါတယ်။ ဒီနှစ်မှာတော့ ဩဂုတ်လ ( ၈ ) ရက်က တနင်္လာနေ့ မှာ ကျရောက်ပြီး အခု အချိန် ( နွေရာသီ ) ရဲ့ ကျနော်တို့ပြည်နယ် စံတော်ချိန်က မြန်မာပြည်ထက် ၁၃း၃၀ နာရီ နောက်ကျတာမို့ ဒီမှာ တနင်္ဂနွေ နေ့ အခမ်းအနား ကျင်းပနေချိန်ဟာ မြန်မာပြည်မှာ ဩဂုတ်လ (၈) ရက်နေ့ ဖြစ်နေရော့ မယ် ဆိုပြီးတော့ တနင်္ဂနွေ နေ့မှာ ကျင်းပဖို့ ပိုမို ဆန္ဒရှိခဲ့ကြပါတယ်။ ဒါပေမဲ့ အခမ်းအနားအတွက် ခန်းမငှားရာ မှာ တနင်္ဂနွေနေ့ မရနိုင်တော့ လို့လားတော့ မသိ၊ ဩဂုတ် ( ၆ ) ရက် စနေနေ့ မှာပဲ အခမ်းအနားကို ကျင်းပ ဖြစ်ခဲ့တယ်။ အဲဒီ အခမ်းအနားကို ကျနော်လည်း တက်ခဲ့ပါတယ်။ တက်ဖြစ် ရုံမျှမက အခမ်းအနား စီစဉ်သူ တွေက ( ထွန်းပြောင်တဲ့သမိုင်းကြောင်း ဘာမှ မရှိပေမဲ့ စစ်သားဟောင်း တယောက်ရဲ့အသံကို လိုချင်လို့ နဲ့တူရဲ့ ) ကျနော့်ကိုလည်း စကားပြော မဲ့ သူများ စာရင်းထဲမှာ ထည့်ထားကြလို့ ကျနော် စကားလည်း နည်းနည်း ဝင်ပြောလိုက်ရပါတယ်။

ပထမဦးစွာ မြို့ခံ ဝါရင့်နိုင်ငံရေးသမား အဘတဦးက “မြန်မာပြည် ဒီမိုကရေစီတော်လှန်ရေး အခုထိ မအောင် မြင်သေးတာ အချင်းချင်း ညီညွတ်မှုမရှိလို့ ဖြစ်ကြောင်း၊ ဒါကြောင့် မြန်မာတွေ စုစုစည်းစည်း၊ ညီညီ ညွတ်ညွတ်နဲ့ အလုပ်လုပ်နိုင်အောင် အဖွဲ့အစည်းတခု ဖွဲ့စည်း ထူထောင်သွားကြဖို့ လိုအပ်ကြောင်း”တိုက်တွန်း သွားပါတယ်။ ကျနော် စကားပြောဖို့ အလှည့်ကျတဲ့အခါ ဒီအကြံပြုချက်အပေါ် ကျနော့်ရဲ့ အမြင်ကို အတိုချုပ် ထည့်ပြောဖြစ်ပါတယ်။ ဒါပေမဲ့ စကားပြောဖို့ ခွင့်ပြုချိန် တဦးလျှင် ၅ မိနစ်ခန့်ပဲရလို့ ရင်ထဲရှိသမျှ၊ ခေါင်းထဲရှိသမျှ အကုန်လုံးကို ထည့်ပြောဖို့ မဖြစ်နိုင်ပါဘူး။ ဒါကြောင့် ပြောချင်နေသေးတာကို ဒီ post မှာ ပြောကြည့်လိုက်ပါတယ်။

သွေးစည်းညီညွတ်ခြင်းဟာ ကောင်းမြတ်တဲ့၊ လိုလားအပ်တဲ့၊ နှစ်လိုဖွယ်ရာရှိတဲ့ မင်္ဂလာတရား တပါးဖြစ်ပါ တယ်။ ဒါပေမဲ့ ကျနော်တို့ ဘယ်လောက်အထိ တကယ် ညီညွတ်နိုင်ကြမလဲ ဆိုတာကို ဆန်းစစ်ကြည့် သင့်တယ်လို့ ထင်ပါတယ်။ ကျနော် အပါအဝင် လူအတော် များများရဲ့ မူလ စိတ်နေစရိုက်ဟာ  perfectionism ဆန်ချင်တဲ့သဘော ရှိတယ်လို့ ထင်ပါတယ်။ ( မိမိယုံကြည်တဲ့ အတိုင်း အားလုံးကလည်း တက်ညီလက်ညီ၊ ထထကြွကြွ ယုံကြည်နေကြမှ ကျေနပ်တတ်ကြတယ်လို့ ဆိုလိုတာပါ။ ) ဒီနေရာမှာ နိုင်ငံရေး ဝေဖန်ချက်တရပ် အနေနဲ့ မဟုတ်ဘဲ လူရဲ့ စိတ်သဘာဝကို သိသာစေရုံမျှ ကျနော့် ကိုယ်တွေ့ ဥပမာတခုကို ပြောပြပါမယ်။ ကျနော်က ၂၀၀၈ နှစ် မြန်မာနိုင်ငံ ဖွဲ့စည်းပုံ အခြေခံ ဥပဒေကို လုံးဝ လက်ခံလို့မရပါဘူး။ ဖတ်ကြည့်လိုက်တိုင်း ဒေါသတလိပ်လိပ် ထွက်မြဲ၊ ထွက်ဆဲ ဖြစ်ပါတယ်။ ဒါကြောင့် အဲဒီဥပဒေ အရ ပြုလုပ်တဲ့ ၂၀၁၀ ရွေးကောက်ပွဲကို NLD က သပိတ် မှောက်ခဲ့တာဟာ ဦးဆောင်ပါတီကြီး တရပ်ရဲ့ ဂုဏ်သိက္ခာ ရှိတဲ့ အပြုအမူ၊ အင်မတန် လုပ်သင့်တဲ့၊ အနစ်နာခံပြီး လုပ်ကိုလုပ်ရမဲ့ ကိစ္စလို့ မြင်ပြီး ကျနော် ထောက်ခံပါတယ်။

အဲဒီလို ယူဆတာကြောင့် NDF က NLD က ခွဲထွက်ပြီး ၂၀၁၀ ရွေးကောက်ပွဲ ဝင်ခဲ့တာကို ကျနော် အရင်က သိပ် အစာကြေမိပါဘူး။ ဒါပေမဲ့ အခုတော့ NLD က ရွေးကောက်ပွဲ မဝင်ခဲ့တာဟာ သူ့အဖို့ မှန်ကန်ပြီး  NDF က ရွေးကောက်ပွဲ ဝင်ခဲ့တာဟာလည်း မမှားပါဘူးလို့ ထင်လာပါတယ်။ ဘယ်လို ဖြစ်တာတုန်း..။ ရွေးကောက်ပွဲ မဝင်တာလည်း မှန်တယ်။ ဝင်တာလည်း မမှားဘူးဆိုရင် မှားတာ ဘာရှိတော့ သတုန်း လို့ မေးစရာ ရှိပါတယ်။ NDF အနေနဲ့ “ဗိုလ်ချုပ်မှူးကြီး သန်းရွှေ ရဲ့ နိုင်ငံတော်အပေါ် ထားရှိတဲ့ စေတနာအစစ်အမှန်ကို သိမြင် နားလည်လာလို့ ကျနော်တို့ သူ့အစီအမံကို လက်ခံလိုက်ခြင်း ဖြစ်တယ်” လို့ပြောနေရင်တော့ ကျနော့်အမြင်မှာ ( ကျနော့် စံချိန်၊ တန်ဖိုးထားမှုအရ ) မလုပ်ကောင်းဘူးလို့ ထင်မိပါလိမ့်မယ်။ ဘာဖြစ်လို့လဲ ဆိုတော့ တရားမမျှတမှု ( ဝါ ) တရားမမျှတသူကို “တရားမျှတတယ်” လို့ ဘယ်သောအခါမှ၊ ဘယ်သူကမှ မပြောကောင်းဘူးလို့ ကျနော်ထင်လို့ပဲ ဖြစ်ပါတယ်။

ဒီ NLD, NDF ကိစ္စကိုပဲ မြင်သာအောင် ဥပမာပေးရမယ်ဆိုရင် (က)  မြို့ ဟာ အာဏာရှင် အုပ်စိုးတဲ့ မြို့တမြို့ ဆိုပါစို့။ (ခ) မြို့ ကတော့ ဒီမိုကရေစီ ထွန်းကားတဲ့ မြို့တမြို့ ဆိုပါစို့။ ကျနော့်မှာ ယခုနေထိုင်နေတဲ့ (က) မြို့ ကနေ (ခ) မြို့ကို ပြောင်းရွှေ့လိုတဲ့ ပြင်းထန်သော ဆန္ဒရှိ သလို ခင်ဗျားမှာလည်း အဲဒီဆန္ဒ အစစ်အမှန်ရှိတယ် ဆိုပါစို့။ ဒါဆိုရင် ခင်ဗျားကော ကျနော်ကော နှစ်ယောက်စလုံးဟာ ဒီမိုကရေစီ လိုလားသူများ ဖြစ်ကြပါတယ်။ ခင်ဗျားက (ခ) မြို့ ကို ဆိုင်ကယ်နဲ့သွားချင် ပြီး ကျနော်က ကားနဲ့သွားချင်စေကာမူ၊ အခြားအဖွဲ့တွေကတော့ လှည်းလမ်းကြောင်း၊ လှေ ( ရေ ) လမ်း ကြောင်းက သွားနေကြစေကာမူ ကျနော်တို့ဟာ တခရီးတည်းသွား မိတ်ဆွေတွေပဲ ဖြစ်ကြပါတယ်။ ဒီနမူနာနဲ့ NLD ၊ NDF ကို တခရီးတည်းသွားတွေပဲ လို့ ကျနော် မြင်လာတာ ဖြစ်ပါတယ်။ ကျနော် ပြောချင်တာက ကျနော်တို့ ရွေးချယ် ထားတဲ့လမ်းတွေ မတူရင်တောင်မှ၊ စီးသွားမဲ့ ယာဉ်တွေ  မတူရင် တောင်မှ ဆုံရပ်ချင်းလောက် တူနေရင်ကို ညီညွတ်တယ်၊ အကျိုး စီးပွားချင်း ထပ်တူ ဖြစ်တယ်လို့ မှတ်ယူသင့် ကြတယ်လို့ ဖြစ်ပါတယ်။

ဒါပေမဲ့ ကျနော်တို့မြန်မာ လူမျိုးအများစု တွေးမိတတ်ကြပုံက “အားလုံး ကားစီးပြီးသွားရအောင် ဘတ်စ်ကား အစီး ( ၁၀၀ ) လောက် စုပြီးငှားကြမယ်လို့ ပြောတာကို ကိုယ့်လူတွေက မညီညွတ်ကြဘူးလေ။ ဆိုင်ကယ်နဲ့သွားချင် တဲ့လူနဲ့၊ ဆိုက်ကားနဲ့ စက်ဘီးနဲ့ သွားချင် တဲ့လူနဲ့၊ ကုန်းကြောင်း လျှောက်ချင်တဲ့လူနဲ့။ ငွေရှိတဲ့လူတွေက အပင်ပန်း မခံနိုင်ဘူးဆိုပြီး တကိုယ်ကောင်းဆန်ဆန် လေယာဉ်နဲ့ သွား ချင်ကြတာက ရှိသေးတယ်။ ဒီလို မညီမညွတ် ဖြစ်နေလို့ မြို့ (ခ) ကို မရောက်နိုင်တာ” လို့ပြောသလို များ ဖြစ်နေတတ်တာ များသလားလို့ တွေးမိပါ တယ်။ ကျနော့် အယူအဆက ဘတ်စ်ကား အစီး (၁၀၀)စာ လူစုမိမှ မြို့ (ခ) သို့ သွားသင့်တာ မဟုတ်ပါဘူး။ ကိုယ်ပိုင်ကား ရှိသူက ကိုယ် ပိုင်ကားနဲ့၊ ဆိုင်ကယ် ရှိသူက ဆိုင်ကယ်နဲ့၊ စက်ဘီး၊ ဆိုက္ကားသာ ရှိသူက စက်ဘီး၊ ဆိုက္ကား နဲ့၊  ကုန်းကြောင်းသာ လျှောက်နိုင်သူက ကုန်း ကြောင်းခရီးနဲ့ ဒီ (က ) မြို့ကနေ အမြန်ဆုံး ခွာချင်တဲ့ စိတ် ကိုယ်စီ ကိုယ်စီ ရှိကြဖို့နဲ့ (ခ)  မြို့ကို မိမိ သန်ရာသန်ရာ နည်းလမ်းနဲ့ ကိုယ်စီကိုယ်စီ သွားနေကြဖို့သာ လိုတယ်လို့ ထင်ပါတယ်။ ဒီလိုသွားနေမှ (ခ) မြို့ကိုရောက်ဖို့ ပိုမြန်ဆန်မယ်လို့ တွေးမိ ပါတယ်။

ကျနော် မကြာခဏ ကြားရလေ့ရှိတာက “ဒေါ်စုကလည်း ဒီစစ်တပ်ကို လူလိုသူလို သဘောထားပြီး non- violence ၊ အမျိုးသား ရင်ကြား စေ့ရေး တွေ သွားလုပ်နေတယ်။ မရဘူး။ ကိုယ့်ဖက်က power balance မလုပ်နိုင်ဘဲနဲ့ သူတို့ ဖြုံမှာ မဟုတ်ဘူး” ဆိုတာမျိုးတွေ ဖြစ်ပါတယ်။ ဒီတော့ ဒေါ်စုကပဲ ခိုင်းတာလုပ်တတ်တဲ့ စစ်တပ်တခု ပိုင်ထားတဲ့ အစိုးရနဲ့တူညီတဲ့ power- balance ရအောင် “လက်နက်ကိုင် တော်လှန်ရေးသာ လုပ်ကြဦးစို့ရဲ့။ ကျမတို့ လူငယ်တွေ ဗုံးခွဲနိုင်သူကလည်း ခွဲကြပါ” လို့ ပြောရမလို ဖြစ်နေပါတယ်။ ဒေါ်စုကလည်း အဲဒီလို ဘယ်တော့မှ ပြောလိမ့်မည် မဟုတ်ပါ။ ကျနော့် သဘောကတော့ ဒေါ်စုက ဒေါ်စုမို့ အခုလို သွားမှသာ မှန်မှာပါ။ အဲဒါကြောင့် “နှေးနေတယ် အစိုးရ ယန္တရား ရဲ့ ဒေါက်တိုင်တွေ ဖြစ်တဲ့ ကြံဖွံ့ရုံးတို့ ၊ အစိုးရရုံးတို့ ဘာတို့ကို အဖဂနစ္စတန်မှာလို ဗုံးသွားခွဲတာကမှ အဖြေမြန်မြန် ပေါ်မယ်” လို့ ထင်ရင်လည်း အဲဒီလို လုပ်ချင်တဲ့ လူတွေက လုပ်ကြဖို့ပဲ ဖြစ်ပါတယ်။ အခုတော့ “ဘယ်သူတွေက ဘယ်လို မူဝါဒ မှားယွင်းနေကြလို့” ဆိုတာတွေ ပြောရင်း သူတို့ မူဝါဒ မှားယွင်း နေကြရင် သူတို့ကို အားမရလို့ ကိုယ် ဒီလိုလုပ်လိုက်ဦးမယ် ဆိုတာတော့ မရှိသလောက် ဖြစ်နေပါတယ်။ ကိုယ့်မှာ better method တခု မရှိဘဲနဲ့၊ ချမပြနိုင်ဘဲနဲ့ old method က “ချာလှတယ်” လို့ ပြောသူတွေချည်းနဲ့ပဲ တွေ့နေရတယ်လို့ ထင်မိပါ တယ်။

ဘတ်စ်ကား အစီး ၁၀၀ လောက်နဲ့ လူတိုင်းစေ့ ခွပ်ဒေါင်းနဖူးစည်း စည်းပြီး ခွပ်ဒေါင်းအလံ တလူလူလွှင့်ထူ လို့ “ကမ္ဘာမကျေဘူး” သီချင်း သီဆိုရင်း (ခ)မြို့ကို ပြိုင်တူ ညီညာစွာ ချီတက်သွားနိုင်ရင်တော့ တော်တော် smart ကျမှာပဲပေါ့။ ဒါပေမဲ့ ဘတ်စ်ကား ငှားမရ လည်း ရရာနည်းနဲ့ (က) မြို့က ထွက်ခွာသွားနေရင် လမ်း ခရီးမှာပဲ ကားသမားများအစုက ကားသမားသမဂ္ဂ၊ ဆိုင်ကယ်စီးသူများသမဂ္ဂ၊ ဆိုက္ကားသမဂ္ဂ၊ စက်ဘီးသမဂ္ဂ၊ ကုန်းကြောင်းချီတပ် တွေကို ဖွဲ့မိရက်သား ဖြစ်သွားမယ် ထင်ပါတယ်။ ဒီ သီအိုရီကို လက်တွေ့ ဥပမာ တခု လောက် ပြပါဦးလို့ ဆိုရင် အခုအချိန်မှာ တစုံတယောက်ကသာ -

(၁) “ မြန်မာ အစိုးရနှင့် တိုင်းရင်းသား လက်နက်ကိုင်တပ်ဖွဲ့များ အမြန် ဆုံးတွေ့ဆုံဆွေးနွေး၍  နိုင်ငံရေးအရ ညှိနှိုင်း အဖြေရှာရာတွင် ဒေါ် အောင်ဆန်းစုကြည် ကြားဝင်ဆောင်ရွက်ပေးမည်ကို သင် လိုလား/ ထောက်ခံပါ သလား” [ ဒါ ဒေါ်အောင်ဆန်းစုကြည်ကို ကိုးကွယ်နေတာ မဟုတ်ဘူးလို့ ထင်ပါတယ်။ အမျိုးသားရေး ပြဿနာကို အဖြေ ရှာတဲ့နေရာမှာ မိမိလည်း ထိုင်ရာက မထ ဝင်ရောက် ပါဝင်လိုက်ခြင်းသာ ဖြစ်ပါတယ်။ အဲဒီလို မလုပ် သင့်ဘူးထင်ရင် ဒီထက်ကောင်းတဲ့ နည်းကလေး တခုလောက်များ ရှိကြရင်လည်း ကြားချင်မိပါတယ်။ ]

(၂) “အေ*ရာဝတီ မြစ်ဖျား ( ကျနော့်ကွန်ပြူတာမှာ (*) ကို ရိုက်မရ လို့ပါ ) ဖက်တွင် တရုတ်ပြည်အတွက် လျှပ်စစ် ဓါတ်အား ထုတ်လုပ်ရန် မြစ်ဆုံရေကာတာ တည်ဆောက်မည်ကို လိုလား / ထောက်ခံပါ သလား”

“(၃) “မြန်မာနိုင်ငံမှာ နိုင်ငံရေးအကျဉ်သားမရှိ ( ပြစ်မှုဆိုင်ရာ အကျဉ်းသားသာ ရှိသည် ) ဟုဆိုလျှင်ပင် ယခု ကိုမင်းကိုနိုင် အစ ရှိ သော ကျောင်းသားခေါင်းဆောင်များအား ချမှတ်ထားသည့် ထောင်ဒါဏ် ၆၅ နှစ်သည် တရားမျှတသည်ဟု သင် ထင်ပါသလား။ သူတို့ အား ကျခံနေရသည့် ပြစ်ဒါဏ်များမှ လွှတ်ပေးသင့်သည်ဟု သင် ထင်ပါသလား။

(၄) “ဦးသိန်းစိန် အစိုးရမှ ဤအမျိုးသားရေးကိစ္စများ ( national issues ) တို့ကို ( - ) လအတွင်း သင့်မြတ် လျော်ကန်စွာ မစဉ်းစား၊ မလိုက်လျောပေးခဲ့ပါက ပြည်လုံးကျွတ် ဆန္ဒပြသင့်သည်ဟု သင် ထင်မြင်ယူဆ မိ ပါသလား” ( ထင်ပါသည် / မပြောတတ်ပါ / မထင်ပါ ) စသည်ဖြင့် FB account ရှိတဲ့ လူငယ်တွေက ထိုင်ရာ က မထ လုပ်နိုင်ကြပါတယ်။ လုပ်လည်း လုပ်ကြစေချင်ပါတယ်။

ဒါဆိုရင် ခင်ဗျားကြီး ကိုယ်တိုင်ကော ဘာ လို့ မလုပ်သလဲလို့ မေးစရာ ရှိပါတယ်။ ကျနော့်က မိတ်ဆွေ ၁၀၀ ကျော် လောက်ပဲရှိတဲ့ မထင်ရှားသူ၊ အရှိန်အဝါမကြီးသူ တယောက်သာ ဖြစ်တာမို့ လုပ်သာလုပ်ပြီး ဘာမှ အရာမရောက်လိုက်မှာ စိုးမိလို့ပါ။ အကြောင်းကြောင်း ကြောင့် ကိုယ်တိုင် မလုပ်နိုင်တဲ့ အတွက် ဒီလို လုပ်ရင် ကောင်းမလား လို့ အကြံပြုကြည့်တာပါ။ ဒါကို ကြိုက်တဲ့သူရှိရင် လုပ် သွားကြလိမ့်မယ်လို့ ယုံကြည် မိပါတယ်။ ပြီးတော့ ကျနော်က ဖြစ်နိုင်ရင် group တွေ ဘာတွေဖွဲ့ တာမျိုးလည်း သိပ်မလုပ်ချင် လို့ပါ။ ကျနော့်မှာ တချိန်ချိန်မှာ ကိုယ့်ပြည် ကိုယ့်မြေအတွက် လုပ်ချင်တာ တချို့ စိတ်ကူထားတာ ရှိပါတယ်။ အဲဒီ အချိန်ကျမှ တိုင်းပြည်ကို သေချာ ချစ်ပါတော့မယ်း))

ဟိုတလောတုန်းက “မောင်ထိပ်ကွက်” ကိစ္စ FB မှာ ဟိုးလေးတကြော် ဖြစ်သွားတာကြောင့် အဲဒီအမှု ပြီးပြီး ပျောက်ပျောက် မဖြစ်သွားဘဲ မြန်မြန်ဆန်ဆန် အပြစ် ပေးခံရတာလို့ ထင်ပါတယ်။ ဒါကို Citizen Journalism ပုံစံတမျိုးလို့ ဆိုနိုင်ပါတယ်။ အဲဒီတုန်းက ဒီကိစ္စကို ငါတို့  လုပ်ကြရအောင် ဘယ်သူက ဥက္ကဌ၊ ဘယ်သူက အတွင်းရေးမှူး တာဝန်ယူပါ ရယ်လို့ organization ဆန်ဆန် လှုပ်ရှားခဲ့ကြတာ မဟုတ်ပါဘူး။ ဒါပေမဲ့ ကျနော်တို့ရဲ့ common sense က unfair ဖြစ်တဲ့ ကိစ္စမျိုး ကို လက်ပိုက်ကြည့်နေတတ်လေ့ မရှိပါ ဘူး။ အာရပ် ကမ္ဘာမှာ ဒီမိုကရေစီလှိုင်း ထကြွလာတာကလည်း သာမန်ဆင်းရဲသား လူငယ်တယောက် ( ဆိုလိုတာက ဘာမှ နိုင်ငံရေး အရှိန်အဝါ မရှိ သူ ) က လုပ်စားရင် မိုးခေါင်၊ တောင်းစားရင် ခွေးဟောင်လွန်း လို့ ကိုယ့်ကိုယ်ကို မီးရှို့သတ်လိုက်တာကို လူတွေရဲ့ common sense က မခံမရပ်နိုင်လွန်းလို့ စခဲ့တာပါ။

ဒါကြောင့် နိုင်ငံရေး စိတ်ဝင်စားသူရော၊ စိတ်မဝင်စားသူရော ကျနော်တို့အားလုံးရဲ့ အကျိုးစီးပွားကို သိသာ ထင်ရှားစွာ ထိခိုက်စေတဲ့ အကြောင်းရပ်တွေကို public awareness ရအောင် လုပ်ခြင်းသည်လည်းပဲ ကိုယ့် နိုင်ငံ ကောင်းစားဖို့ လုပ်တာပဲ လို့ထင်ပါတယ်။ အဲဒီတော့ ခုနက ကျနော် ရည်ညွှန်းခဲ့တဲ့ အဘက ပြောသွားတဲ့ “မြန်မာနိုင်ငံ အသင်းချုပ်” မျိုး မဖွဲ့နိုင်သေးခင်မှာ ကျနော်တို့ နိုင်ငံသားတိုင်း တဦးစီ၊ တဦးစီ ကိုယ်နိုင်သရွေ့လေးလောက် အဲဒီလိုမျိုး လုပ်ကြပါဦးလို့ ဆရာလုပ်တာ မဟုတ်ဘဲ “ပညာရှိ သတိဖြစ်ခဲ” ဆို သလို ပညာရှိ ကိုကို မမ၊ ညီ ညီမ တွေကို လက်တို့ လိုက်ပါတယ်။ အဲဒီလို လုပ်ကြမယ်ဆိုရင် ခုနကပြောခဲ့သလို စက်ဘီးနဲ့၊ ကုန်း ကြောင်း နဲ့ (ခ)မြို့ကို သွားနိုင်တဲ့သူက သွားနေတဲ့ သဘောပဲလို့ ယူဆမိပါတယ်။ ကုန်းကြောင်း လျှောက်နေသူတွေ ကို တွေ့ရင် နောက် က ကားနဲ့လာတဲ့သူလည်း လိုက်လာကြပါလိမ့်မယ်။

ကျနော်တို့ မြန်မာလူမျိုးတွေက ဘာအဖွဲ့ ဥက္ကဌ၊ ညာအဖွဲ့ လူကြီး ဆိုတာတွေကို တယ် မက်မော တတ်ကြပါတယ်။ ကျနော်လည်း လူတယောက်ပဲမို့ ဘဝင်မြင့်ချင်တဲ့စိတ်၊ proud ဖြစ်ချင်စိတ် ရှိပါတယ်။ ဒါပေမဲ့ ကျနော်က ကိုယ့် status အတွက် မဟုတ်ဘဲ ကိုယ့်ရဲ့ dedication / commitment/ moral/ intelligence/ good-heartedness တွေအတွက်ပဲ proud ဖြစ်ချင်မိပါတယ်။ ကိုယ့်ကိုယ်ကို ဘာ status မှ မရှိဘဲနဲ့လည်း ကိုယ့်ရဲ့ personality ကြောင့်ပဲ မြင့်ပြီးသားပဲလို့ တကယ်ယုံကြည် နေနိုင်ရင် လူကြီးဖြစ်ချင်တဲ့၊ လူရာဝင်ချင်တဲ့၊ status ရူးတဲ့ရောဂါ နည်းနည်း သက်သာသွားပါလိမ့်မယ်။ ကျနော်က team work လုပ်တဲ့ဖက်မှာ အားနည်းမှု ရှိပါတယ်။ ဒါကြောင့် ကျနော် နိုင်ငံ့အတွက် အကျိုးပြုရင်လည်း ကိုယ့်ဖာသာကိုယ် individually ပဲ ပြုတော့မယ်လို့ တွေးထားပါတယ်။ ကိုယ် တွေးမိတာလေး၊ ကိုယ်ယုံကြည်တာလေး လွတ်လွတ်လပ်လပ် ပြောပြရင်း၊ ဝေမျှရင်း  ကိုယ်ရည်သွေးတီးလုံး သံကြောင် ကလေးများ တီးမိနေပြီလား။ ခွင့်လွှတ်ကြပါလေကုန်..း)))

( ၈-၈-၈၈ ပြည်သူ့ အရေးတော်ပုံအတွင်း ကျဆုံး၊ အနစ်နာခံခဲ့ကြဖူး၊ အနစ်နာခံနေကြဆဲ ဂုဏ်ပြုအပ်သော မြန်မာနိုင်ငံသားများသို့ )

မြင်ချင်သည် ရွှေပြည်ကြီးကိုလ ( ၅ )

[ ယခုတလော ကချင်ပြည်နယ်အတွင်း နှစ်ဖက် တိုက်ခိုက်နေကြသည့် ကိစ္စ မကြာခဏ ခေါင်းထဲ ရောက် ရောက် လာတတ်ပါသည်။ ယနေ့လည်း ဤ plot လေး ခေါင်းထဲ လက်ကနဲ ဝင်လာ၍ မရေးတာ ကြာနေပြီ ဖြစ်သည့် “မြင်ချင်သည် ရွှေပြည်ကြီးကိုလ” ( ၅ ) အဖြစ် ဤ စိတ်ကူးယဉ် ဝတ္ထုကို ရေးလိုက်ပါသည်။ စစ်ဗိုလ် အကြောင်း အကောင်း ရေးထားသည်ဟု အပြစ်တင် မစောစေလိုပါ။ “မြင်ချင်သည်” ဟု ဆိုသဖြင့် “မမြင်ဖူးသေး” သည် မှာထင်ရှားပြီး ဖြစ်ပါသည်း)) ]

(၁)

တိုင်းရင်းသား လက်နက်ကိုင် တော်လှန်ရေးသမားများလို့ ဂုဏ်ပြုပြီးတော့ ခေါ်ခေါ်၊ သောင်းကျန်းသူလို့ တဖက်သတ် စွပ်စွဲပြီးတော့ ခေါ်ခေါ်၊ သူပုန်လို့နှိမ့်ချပြီး တော့ပဲ ခေါ်ခေါ် ( အဓိက အခြင်းအရာ အားဖြင့် ) ပြည်ထောင်စုဗဟိုအစိုးရကို လက်နက်ဖြင့် တော်လှန်တိုက်ခိုက်သော မည်သည့် လက်နက်ကိုင်တပ်ဖွဲ့မျိုးမှ မြန်မာပြည်တဝန်းလုံးမှာ မရှိတော့သည်မှာ တနှစ်ခန့်မျှ ကြာခဲ့လေပြီ။ လွန်ခဲ့သည့်နှစ်က မြန်မာ့တပ်မတော် နှင့် ကေအိုင်အေ တပ်ဖွဲ့တို့ နှစ်ဖက် တိုက်ပွဲ ဖြစ်ပွား စဉ် မိုင်းထိမှန်၍ မစွမ်းမသန် ဖြစ်ခဲ့သော ဗိုလ် ကျော်မောင် နှင့် KIA တပ်ဖွဲ့ဝင်ဟောင်း ဒေါက်တာ (မ) ဂျနူး ( ဗိုလ်ကြီး အဆင့် ) တို့၏ လက်ထပ်မင်္ဂလာပွဲကို ယနေ့ မြစ်ကြီးနားမြို့ ပေါ်ဟိုတယ်တခုတွင် ကျင်းပသည်။ လက်ထပ် မင်္ဂလာပွဲသို့ ကချင် ပြည်နယ် ဝန်ကြီး ချုပ်၊ ယခုအခါ နာမည်သစ်တခုဖြင့် အင်အားကြီးမားသည့် နိုင်ငံရေးပါတီတရပ်အဖြစ် ရပ်တည်နေသော ကေအိုင်အိုတဖြစ်လဲ ကချင်ပါတီမှ ဥက္ကဌ နှင့် မြောက်ပိုင်းတိုင်း စစ်တိုင်းမှူးတို့တက်ရောက် ချီးမြှင့်ကြ လေသည်။ မြစ်ကြီးနား မြို့ပေါ်မှ မြို့မိမြို့ဖ၊ လူချမ်းသာ ကြေးရည်တတ်များလည်း ပျော်ပျော် ရွှင်ရွှင်နှင့် လာရောက်ချီးမြှင့်ကြသည်။ ကျောက်ကုန်သည် တဦးကဆိုလျှင် သည် ဇနီးမောင်နှံစီးဖို့ အဖိုးတန်ကား အသစ်ကြီးတစီး လက်ဆောင်ဖွဲ့ လိုက်သေးသည်။ သည်ကနေ့ ညနေပိုင်းထုတ် “မြစ်ကြီးနား နေ့စဉ်” သတင်းစာတွင် ပါလာသည့် မြန်မာစစ်ဗိုလ် ( ဗိုလ်ကျော်မောင်က ဗမာလူမျိုး တော့မဟုတ်ပါ ) နှင့် ကေအိုင်အေ ဗိုလ်ကြီးမမ တို့၏ မင်္ဂလာသတင်းက မြစ်ကြီးနားတွင် ကြည်နူး၊ မုဒိတာပွားစရာ မင်္ဂလာ သတင်းလေး တခုအဖြစ် ရေပန်းစားနေလျှက် ရှိသည်။

မြစ်ကြီးနားတက္ကသိုလ်ဝင်း အတွင်းရှိ လဘက်ရည်ဆိုင်တခုအတွင်း ကျောင်းသားတစု လဘက်ရည် သောက် နေကြသည်။ ခွန်ဆိုင်းက စားပွဲပေါ်မှာတွေ့သည့်  “မြစ်ကြီးနားနေ့စဉ်” သတင်းစာကို ကောက် ဖတ်နေရာမှ ဝမ်းသာအားရနှင့်..

“ဟား..ဟား.. ကောင်းလိုက်တာကွာ..။ ဟေ့ကောင်တွေ.. ငါတို့ မြစ်ကြီးနားတက္ကသိုလ်ကို Berkeley တက္ကသိုလ်က စီးပွားရေး နိုဘယ်လ်ဆုရ ပါမောက္ခကြီး တယောက် လာဟောပြောဖို့ တက္ကသိုလ် အုပ်ချုပ် ရေး ကောင်စီက ဖိတ်ထားတယ်တဲ့ကွ။ ရှေ့လ (၅) ရက်နေ့ ဂျင်းဖောဟောလ် မှာတဲ့နော်။ ဟိုက်.. ရှာလပတ် ရည်.. ဒီမှာလည်း သတင်းအဆန်းတခု.. “လက်ထပ်မင်္ဂလာ ကျေးဇူးတင်လွှာ..“ဗိုလ်ကျော်မောင် ( ခလရ ... ) နှင့် ဗိုလ်ကြီးဂျနူး ( M.B.B.S (Mdy.), KIA )” တဲ့ကွ။ ကောင်းရော့.. အခု မြန်မာနိုင်ငံမှာ မြန်မာ စစ်သားနဲ့ ကချင်သူပုန်မ ယူကုန်ကြပြီကွ.. ဟဲ..ဟဲ.. ”

“ဟင်.. ဟုတ်လား..။ ငါတို့ကိုလည်း ပေးပါဦးကွာ.. ဖတ်ကြည့်ရအောင်”

ဟု ဆိုကာ သူငယ်ချင်းတွေက ခွန်ဆိုင်းလက်ထဲက သတင်းစာကို အတင်းယူသွားပြီး အလုအယက် ဖတ်နေ ကြသည်။

“အဲဒီ စစ်ဗိုလ်က တိုက်ပွဲမှာ မိုင်းထိလို့ KIA က သုံ့ပန်းအဖြစ်နဲ့ ဖမ်းမိသွားပြီး သူ့အသက်ကို ကယ်လိုက် တာကနေ အခု သူ့မိန်းမဖြစ်လာမဲ့ KIA ဆရာဝန်မနဲ့ တွေ့ပြီး ချစ်သွားကြတာလို့ ကြားတယ်။ သူတို့ အရမ်း ကို ချစ်ကြတယ်လို့ ပြောကြတယ်”

“ဟုတ်လား..။ ရန်သူကနေ ချစ်သူ ဖြစ်သွားကြတာဆိုတော့ သူတို့ ချစ်ဇာတ်လမ်းလေးက တော်တော် romantic ဖြစ်မှာပါ ကွာ...”

သူ့ သူငယ်ချင်းတွေက တယောက်တပေါက် ပြောနေကြသည်။

သူတို့တက္ကသိုလ်မှ ကျောင်းသားသတင်းစာက တပါတ်တကြိမ်သာ ထုတ်ရာ ဤ နိုဘယ်ဆုရပါမောက္ခကြီး လာရောက်မည့်သတင်းက လာမည့်အပတ် သတင်းစာ မှာမှ ပါလာတော့မည် ထင်သည်။ အင်း.. သတင်းစာ ဆိုမှ သတိရမိသည်။ ခွန်ဆိုင်း၏ချစ်သူ အဲယ်လ်နန်းရီက လက်ရှိနိုင်ငံတော်သမ္မတ၏ အထူး တိုက်တွန်းချက် အရ တနိုင်ငံလုံးရှိ တက္ကသိုလ်တိုင်းမှာ သည်စာသင်နှစ်မှစတင်ကာ ဖွင့်လှစ်ခဲ့သော သတင်းစာပညာ ( journalism ) ဘာသာရပ်ကို တက်ရောက် သင်ယူနေလေသည်။ သူမ၏ newspaper production အတန်း အတွက် assignment က တပတ်လျှင် သတင်း (သို့ ) ဆောင်းပါးတပုဒ် ရေးပေးရခြင်း ဖြစ်သည်။ journalism ကျောင်း သား ကျောင်းသူတို့၏ ထိုသတင်း/ ဆောင်းပါးများကို ကျောင်းသတင်းစာတွင် ပုံနှိပ် ဖော်ပြပေးသည်။ မနေ့က သူနှင့်တွေ့ခဲ့စဉ် သူမက “ဒီတပါတ် assignment အတွက် ဘာအကြောင်း ရေးရ မလဲမသိဘူး၊ ရေခဲတောင်ပေါ်သွားပြီး ရှားပါးသစ်ခွတွေ အကြောင်း photo story တင်ရမလို ဖြစ်နေပြီ” ဟု ညည်းညူနေတာ ကြားခဲ့ ရသည်။ “ကိုယ့်ကို အင်တာဗျူးလိုက် ပါလား” ဟုသူက နောက်တော့ “ကိုက high-profile မှ မဟုတ်တာ။ ကိုနဲ့ဗျူးလို့ သတင်း ဘယ်ဖြစ်လာမလဲ။ သတင်းဖြစ် ချင်ရင်တော့ ကိုက ခါကာဘိုရာဇီတောင်ကို တက်မယ်လို့ ပြောလိုက်လေ” ဟု သူမက သူမခံချင်အောင် ရယ်ဟဟ ပြောခဲ့သည်။ အခုတော့ သူစဉ်းစားမိပြီ။ ထူးထူး ဆန်းဆန်း ဖူးစာဆုံကြသော ဗိုလ်ကျော်မောင်တို့ ဇနီးမောင်နှံကို သွားပြီး အင်တာဗျူးလုပ်ဖို့ သူမကို ပြောရမည်။ အုတ်အော်သောင်းနင်း သတင်းကြီးမျိုး မဟုတ် သည့်တိုင်အောင် အချင်းချင်း တိုက်ခိုက်နေခဲ့ကြသည့် အုပ်စုနှစ်ခုမှ အုပ်စုဝင်နှစ်ယောက်၏ ချစ်စဖွယ်ကောင်းသည့် romance တခုတော့ ဖြစ်ဖွယ် ရှိလေသည်။ အထူးသဖြင့်ကား ပါးစပ်ကသာ အော်လေ့ရှိခဲ့ပြီး တခါမှ လက်တွေ့ မလုပ် သွားဖူးသည့် အရင်အစိုးရ အဆက်ဆက်တို့၏ “ပြည်ထောင်စု မပြိုကွဲရေး၊ တိုင်းရင်းသား စည်းလုံး ညီညွတ် ရေး၊ အမျိုးသား ပြန်လည်သင့်မြတ်ရေး” ဆိုသော ကြွေးကြော်သံတွေကို ကိုယ့်ချစ်သူက သူမ၏လက်ကလေး နှင့် တနိုင်ဝန် ဝင်ထမ်း (ရေး) နေတာ ကို မြင်ချင်တာ ဖြစ်လေသည်။

( ၂ )

မေး။ ။ ကျမက ဒီ မြစ်ကြီးနား တက္ကသိုလ်မှာ သတင်းစာပညာ ( journalism ) သင်ယူနေတဲ့ ကျောင်းသူ တယောက်ပါ ရှင့်။ ကျမနာမည်က အယ်နန်းရီဖြစ်ပါတယ်။ အခု ဒီ အင်တာဗျူးကို ကျမတို့ကျောင်းက အပါတ် စဉ်ထုတ် သတင်းစာအတွက် လုပ်တာပါ။ ကဲ..အဲဒီတော့ ကျမတို့ စလိုက်ကြရအောင်နော်။ ပထမဦးဆုံး အနေနဲ့ ဗိုလ်ကြီးရဲ့ ကိုယ်ရေး အကျဉ်းလေး အရင်ပြောပြပေးပါလား ရှင်..။

ဖြေ။ ။ ....................................................................................................

မေး။ ။ ကဲ..မမ ကလည်း မမရဲ့ ကိုယ်ရေး အကျဉ်းလေး နည်းနည်းလောက် ပြောပြပေးပါဦး နော်..။

ဖြေ။ ။ .....................................................................................................

မေး။ ။ ဟုတ်ကဲ့.. အခု ဗိုလ်ကြီးနဲ့ မမတို့ ဘယ်လိုစတွေ့၊ ချစ်ကြိုက်ပြီးတော့ ယူဖြစ်သွားကြတာလဲ ဆိုတာကို ဗိုလ်ကြီးက အရင် ရှင်းပြ ပေးပါဦးရှင့်..။

ဖြေ။ ။ လွန်ခဲ့တဲ့နှစ် ဇွန်လ ၂၂ ရက်နေ့မှာ ကျနော်တို့တပ်ရင်းနဲ့ KIA တပ်ဖွဲ့ဝင်တွေနဲ့ လိုင်ဇာ မရောက် ခင် စစ်မြေပြင်တနေရာမှာ ရင်ဆိုင်တိုက်ပွဲ ဖြစ်ခဲ့ပါ တယ်။ အဲဒီတိုက်ပွဲမှာ ကျနော် မိုင်းထိပြီးလဲနေတုန်း ကျနော်တို့ စစ်ကြောင်းက သတ်ကွင်းထဲ ရောက်နေလို့ နောက်ပြန် ဆုတ်သွားပါတယ်။ ကျနော်ရယ် သေနတ် ဒါဏ်ရာ ရနေတဲ့ ရဲဘော်တယောက်ရယ်ကို KIA ဖက်က ဖမ်းမိသွားခဲ့ပါတယ်။ တော်သေးတာက သူတို့က အပြည်ပြည် ဆိုင်ရာ စစ်မြေပြင် ကျင့်ထုံးကို အတိအကျ လိုက်နာကြတယ်ဗျ။ သူတို့ ကျနော်တို့ နှစ်ယောက်ကို သတ်ပစ်လိုက်လို့ရတယ်။ ဒါပေမဲ့ မသတ်ကြဘူး။ သွေးတိတ်အောင် အရင် လုပ်ပေးပြီး ကျနော်တို့ကို သူတို့ ဌာနချုပ် လိုင်ဇာကို ထမ်းခေါ်သွားကြတယ်။ အဲဒီမှာ ဆေးကု ပေးကြတယ်။ ကျနော် တို့ စစ်တပ်က ဒါမျိုးဆို အရှင်မထားဘူး။ ထမ်းလည်း ခေါ်မနေဘူး။ သူပုန်ဆိုရင် တွေ့တဲ့နေရာမှာ သတ်ပစ် လိုက်တာပဲ။ သူတို့ကတော့ အဲဒါတခု ကျနော်တို့ စစ်တပ်ထက် အများကြီး ပိုယဉ်ကျေးကြပါတယ်။ နောက် ဆေးတွေ ဘာတွေလည်း ကောင်းကောင်းမွန်မွန်၊ စေတနာပါပါနဲ့ ကုပေးကြပါတယ်။ ဥပမာ ဆိုပါတော့။ ကျနော်က အိုသွေးဗျ။ ကျနော့် အတွက်သွေးလိုရင် သူတို့ရဲဘော် တွေပဲ လာလှူ ကြတာပဲ။

မေး။ ။ ဟုတ်ကဲ့.. အခု အစ်မက တလှည့်ပြောပါဦး။ ဗိုလ်ကြီးနဲ့ စတွေ့ပြီး ဘယ်အချိန်လောက်မှာ သူ့ကို အစ်မက စချစ်သွားမိတယ်လို့ ထင်ပါသလဲ။

ဖြေ။ ။ သူ့ကို စတွေ့တာ ခွဲစိတ်ခန်းထဲမှာ ရန်သူ စစ်ဗိုလ် တယောက်အနေနဲ့ပါ။ မမ ဆရာဝန်တယောက် အနေနဲ့ သူ့လို အသည်းအသန် ဒါဏ်ရာရလူနာမျိုးကို မကြာခဏ တွေ့ဖူးပါတယ်။ ဒါပေမဲ့ သူတို့က ကိုယ့် ပိုင်နက် နယ်မြေထဲမှာလေ။ သူကတော့ ဒါသူ့နယ်မြေ မဟုတ် ဘူး။ တစိမ်းတရံစာ နယ်မြေ၊ ပြောရမယ် ဆိုရင် ရန်သူ့နယ်မြေမှာ ရောက်နေတာ ဆိုတဲ့အသိနဲ့ သူ့ကို သနားတဲ့စိတ်ကလေး စဖြစ်မိပါတယ်။ နောက်ပိုင်းမှာ သူ့ရဲဘော်က မမတို့ဆေးရုံမှာ ဆုံးသွားတော့ KIA ရဲ့ ရန်သူဆိုလို့ သူတယောက်တည်းပဲ ကျန်တယ် လေ။ ဒီတော့သူ အားငယ် နေရှာပါမယ်လေလို့ သူ့ကို အ*ည့်သည် တယောက်လို ပြုစု စောင့်ရှောက် ရင်းနဲ့ သံယောဇဉ် ပိုသွားမိတာပါပဲ။ ဒါပေမဲ့ ပေါင်းစပ်ဖို့ မဖြစ်နိုင်တဲ့ဘဝတွေလို့ ကိုယ်စီသိ နေကြတော့ ဘာမှ ဖွင့်မပြောဖြစ်ကြပါဘူး။ ဒီကြားထဲမှာ အားလုံးသိကြတဲ့ အတိုင်း မြန်မာပြည်မှာ မမျှော်မှန်း နိုင်တဲ့ နိုင်ငံရေး အပြောင်းအလဲတွေ ဖြစ်လာခဲ့တယ်။ We were no longer enemies. ဒါပေမဲ့ သူက မသန် စွမ်းတော့လို့ မမကို ချစ်ရဲ့သားနဲ့ ချစ်တယ်လို့ ပြောမထွက်ဘူး။ ဒါကို သူ့မျက်လုံးတွေ၊ အမူအရာတွေ ကြည့်ပြီးတော့ မမသိပါတယ်။ ဒါနဲ့ မမကပဲ သူ့ကို ချစ်ကြောင်း ပါးစပ်က တိုက်ရိုက်ဖွင့် မပြောရုံတမယ် ပြခဲ့ရပါတယ်တော်..။ အောင်မယ်.. သူက ပဲကလေးနဲ့ လုပ်နေသေးတာ..း))

မေး။ ။ ဒါဆို ကျမတခု တည့်တည့်ပဲ မေးမယ်နော် မမ..။ ဗိုလ်ကြီးကော မမကော စိတ်တော့ မဆိုးကြပါနဲ့..။ ကျမမေးချင်တာက ဒီလိုပါ။ ဗိုလ်ကြီးက ခြေထောက် တဖက်လည်း မရှိတော့ဘူး။ လက်တဖက်ကလည်း လက်ကောက်ဝတ်လောက်က ဖြတ်ထားရတယ်။ ဒီလူတယောက်က မထုံတက်တေးလည်း လုပ်နေလိုက် သေး တယ်၊ ဒါကို မမက “ဒါဆို လည်း ရှင့်ထိုက်နဲ့ ရှင့်ကံပဲ တော်ရေ့” ဆိုပြီး ဘာဖြစ်လို့ ပစ်မထားနိုင်ခဲ့ တာလဲ မမ..။

ဖြေ။ ။ အဲဒါက ချစ်လို့ပေါ့ ညီမလေးရယ်။ မမက သူ့ကို ကိုယ့်အကိုအကြီးဆုံး တယောက်လို အားကိုးတကြီး၊ ယုံယုံကြည်ကြည်နဲ့လည်း ချစ်တယ်။ သူက အရမ်းကို တည်ကြည်တဲ့၊ သူတကယ် ရည်ရွယ်တာကိုမှ ပြော တတ်တဲ့ ယောက်ျား တယောက်မို့ပါပဲ။ ပြီးတော့ တခါ ကိုယ့်မောင်အငယ်ဆုံးလေး တယောက်လို စိုးရိမ် တကြီး၊ ကြင်ကြင်နာနာနဲ့လည်း ချစ် တယ်။ ဒီနေရာမှာ တချက် စဉ်းစားကြည့်ရအောင်၊ ညီမမှာ အဲဒီလို သိပ် လေးစားရတဲ့ အကိုကြီးတယောက် ဖြစ်ဖြစ်၊ သိပ်ကြင်နာရတဲ့ မောင်ငယ်လေးတယောက် ဖြစ်ဖြစ် ရှိတယ် ဆိုပါတော့။ သူဟာ တနေ့မှာ ဖွဟဲ..လွဲပါစေ၊ ဖယ်ပါစေ၊ အက်ဆီးဒင့် တခုခုဖြစ်လို့ အခု သူ့လို မစွမ်းမသန် ဖြစ်သွား တယ်ဆိုပါတော့။ ညီမ သူ့ကို နဂို ချစ်တာ လျော့သွားမလား။ မလျော့သွားလောက်ဘူး နော်။ မမလည်း အဲလိုပဲ။ ကဗျာ ဆန်ဆန် ပြောရရင် သူက မမ သူ့ဘေးနား က ဘယ်မှ ထွက်ပြေးသွားဖို့ မဖြစ်နိုင်လောက်အောင် မမကို ဖွဲ့နှောင်ထားနိုင်ပါတယ်။  ( ရယ်လျှက် )

အယ်လ်နန်းရီ။ ။ ( ခွန်ဆိုင်းဖက်သို့ လှည့်လျှက် ) ကို သူတို့ကို ဘာမေးချင်သေးလဲ။

ခွန်ဆိုင်း။ ။ ဗိုလ်ကြီး.. ကျနော် ဗိုလ်ကြီးရဲ့နိုင်ငံရေးအမြင်ကို နည်းနည်း မေးကြည့်လို့ ရမလား။ ဒီလို မေးရ တာက ဗိုလ်ကြီးက စာတော်တော်ဖတ်တယ် ထင်တယ်။ ဗိုလ်ကြီးတို့ အခန်းက လူနေအိမ်ခန်း တခုထက် စာကြည့်တိုက် အသေးစားကလေး တခုနဲ့ ပိုတူနေပါတယ်။ ပွင့်ပွင့်လင်းလင်း ပြောရရင်တော့ ဗိုလ်ကြီးဟာ ကျနော် မြင်ဖူးတဲ့ စစ်သားတွေနဲ့ မတူပါဘူး။ ဒါကြောင့် ကျနော် ဗိုလ်ကြီးရဲ့ နိုင်ငံရေးအမြင် ဘယ်လို ရှိလေ မလဲလို့ စူးစမ်းချင်လာမိတာပါ။ ကျနော်က ကျောင်းမှာ နိုင်ငံရေး သိပ္ပံ ( Political Science ) မေဂျာ ယူထား တာပါ ဗိုလ်ကြီး။

ဗိုလ်ကျော်မောင်။ ။ ဟုတ်ကဲ့။ ရပါတယ်။ မေးကြည့်ပါ။

မေး။ ။ ဗိုလ်ကြီးရဲ့ ကိုယ်ပိုင်စာကြည့်တိုက်မှာ စစ်နှင့် ငြိမ်းချမ်းရေး၊ လေရူးသုန်သုန်၊ အရှေ့က နေဝန်းထွက် သည့်ပမာလို စာအုပ် ကောင်းတွေချည်းပဲ တွေ့ရပါ တယ်။ ဒီတော့ ကျနော် ပထမဆုံး မေးချင်တာက စစ်သားဘဝနဲ့ ဒီလောက်များပြားတဲ့ ရှားပါးစာအုပ်တွေကို ဘယ်လို စုဆောင်းခဲ့တာပါလဲ ခင်ဗျ။

ဖြေ။ ။ ( ရယ်လျှက် ) ဒီစာအုပ်တွေက ကျနော့် လစာနဲ့ ဝယ်တာမဟုတ်ဘူးဗျ။ ကျနော့် အကိုက ဝယ်ပေး တာပါ။ သူက အမေရိကမှာနေပါတယ်။ ကျနော် မိုင်းထိ တယ်လို့ သူကြားတော့ ဒေါ်လာတထောင်နဲ့ ဝယ်ရ မဲ့ စာအုပ်စာရင်းတခု ပို့ပေးလိုက်ပါတယ်။ သူက မြန်မာနိုင်ငံသား တယောက်ဟာ မြန်မာ့သမိုင်းကို ၁၇၅၂- မှာ အလောင်း မင်းတရားက စတင်ထူထောင်ခဲ့တဲ့ ကုန်းဘောင်ခေတ်ကနေ ဒီကနေ့ခေတ်ထိလောက်တော့ သိသင့်တယ်၊ သမိုင်းအမှန်ကို နားမလည်ရင် ကြည်လင်၊ မျှတတဲ့ မျိုးချစ်စိတ်ဓါတ် မရှိနိုင်ဘူးလို့ ဆိုပြီး အဲဒီ နှောင်းခေတ် မြန်မာ့သမိုင်းအကြောင်း ရှင်းပြထားတဲ့ စာမျက်နှာ ၅၀ လောက်ပါတဲ့ စာတစောင်လည်း ရေး ပေး လိုက်ပါသေးတယ်။ အဲဒီစာက ဟောဒါဗျ။ ဖတ်ကြည့်ချင်ရင် ယူသွားနိုင်ပါတယ်။ ကျနော် photo ဆွဲထား တာပါ။ ဒီစာထဲမှာ ကျနော်တို့ မိသားစု ရေးရာကိစ္စတွေ မပါပါဘူး။ စာဖတ်တာကတော့ ကျနော်တို့ ညီအကို တွေက ငယ်ငယ်ကတည်းက ဝါသနာပါကြတာပါ။ ဒါပေမဲ့ သေချာ critically စာဖတ်တတ်လာတာ သိပ် မကြာသေးပါဘူး။ ဒါလည်း ကျနော့် အကို ကျေးဇူးကြောင့်ပါပဲ။ သူက စစ်ဗိုလ်ဆိုရင် လူမမယ်ကလေး လောက် သဘောထားတာဗျ။ အကုန်သင်ပေး တော့တာပဲ။ 

မေး။ ။ ဟုတ်ကဲ့.. အဲဒါဆို ကျနော် ဗိုလ်ကြီးအကိုရဲ့စာ မိတ္တူကို ယူသွားလိုက်ပါ့မယ်။ အခု ကျနော် ဗိုလ်ကြီး ကို မေးခဲ့ချင်တာက မြန်မာပြည်မှာ ( စစ်တပ်ကလို့ ကျနော်မပြောဘူးနော် )  ဗိုလ်ချုပ်ကြီးနေဝင်းက ၁၉၆၂ ခု မတ်လ ၂ ရက်နေ့ အာဏာသိမ်းခဲ့တဲ့ ကိစ္စမှာ ကောင်းမွန်၊ လုံလောက်တဲ့ အကြောင်းတရား ရှိခဲ့တယ် လို့ ထင်ပါသလား။ ဆိုလိုတာက အဲဒီအချိန်တုန်းက သူအာဏာသိမ်းဖို့ တကယ်လိုအပ်ခဲ့တယ်လို့ ထင်ပါ သလား။

ဖြေ။ ။ လုံးဝ မထင်ပါဘူး။ ၁၉၆၂ ခု ဖေဖေါ်ဝါရီလ (၂၄) ရက်နေ့ကနေ ဗိုလ်နေဝင်း အာဏာမသိမ်းခင် တရက်အလို မတ်လ (၁) ရက်နေ့အထိ မြန်မာ့အသံခန်းမ မှာ ( ၁ ) ဖက်ဒရယ်မူကို တင်ပြကြတဲ့ တိုင်းရင်း သားလူမျိုးစု ကိုယ်စားလှယ်တွေရယ်၊  ( ၂ ) ပထစအစိုးရကိုယ်စားပြု ဝန်ကြီးချုပ် ဦးနုရယ်၊ ( ၃ ) ဖဆပလ၊ ပမညတ စတဲ့ပါတီတွေက ခေါင်းဆောင်တွေ ဖြစ်ကြတဲ့ ဦးဗဆွေ၊ ဝိဓူရ သခင်ချစ်မောင်တို့ရယ်ဟာ အချင်း ချင်း အမြင်မတူကြတာတွေ ရှိကြပေမဲ့ “ပြည်ထောင်စု စစ်စစ်မူ ( ဖက်ဒရယ်မူ )” ကို အေးအေး ချမ်းချမ်း၊ ချစ်ချစ်ခင်ခင်နဲ့ လူကြီးလူကောင်းဆန်ဆန်၊ ညီရင်းအကိုတွေလို ဆွေးနွေးနေခဲ့ကြပါတယ်။ ဒါဟာ ပင်လုံ စာချုပ် ပြီးတဲ့နောက်ပိုင်း တိုင်းရင်းသား၊ အစိုးရ၊ နိုင်ငံရေးပါတီများကြားမှာ အရေးအကြီးဆုံး သုံးပွင့်ဆိုင် ဆွေးနွေးပွဲကြီး တခုလို့ ကျနော်မြင်မိပါတယ်။ ဒီဆွေးနွေးပွဲကနေ win-win resolution တခုကျလာဖို့ ဆိုတာ အင်မတန် ဖြစ်နိုင်တဲ့ အနေအထား၊ စစ်မှန်တဲ့ ပြည်ထောင်စုစနစ်တခုဆီကို သွားဖို့ လက်တကမ်း သာလို တော့တဲ့ အနေအထားမှာ ရှိနေခဲ့ပါတယ်။ ဒါကြောင့် “တိုင်းပြည်ချောက်ထဲကျဖို့ လက်တလုံးအလို” မဟုတ်ပါဘူး။ “တိုင်းပြည် တောင်ထိပ်ကိုရောက်ဖို့ လက်တလုံးအလို” မှာ ဗိုလ်နေဝင်းက တိုင်းပြည်ကို ချောက်ထဲ ဆွဲချခဲ့တာ ဖြစ်ပါတယ်။ ကျနော်လည်း အရင်တုန်းက ဒါတွေကို မသိပါဘူး။ ကျနော့်အကို ညွှန်လို့ ၂၄/ ၂/ ၁၉၆၂ - ၁/ ၃/ ၁၉၆၂ အတွင်း မူရင်းဆွေးနွေးချက်တွေကို ဖတ်ကြည့်လိုက်တော့မှ ဇာတ်ရည်လည် သွားတော့တာပါ။ ( ဒီနေရာ မှာ ဖတ်နိုင်ပါတယ်။ )

 ဒီ ဆွေးနွေးပွဲအတွင်း တိုင်းရင်းသားတွေဖက်က တင်ပြခဲ့ကြတဲ့ ဖက်ဒရယ်မူ ဆိုတာကလည်း ဗိုလ်နေဝင်း လိမ်ရေးသွားတဲ့ သမိုင်းလောက်သာ သင်ခဲ့ဖူးတဲ့သူ တွေက ထင်နေကြသလို ရှမ်းတွေက ပင်လုံစာချုပ် ဆယ်နှစ်ပြည့်လို့ ခွဲထွက်ခွင့်တောင်းလာခြင်း ဆိုတာ လုံးဝမမှန်ပါဘူး။ ဒါဟာ တကယ်တော့ ဗိုလ်နေဝင်းက သူအာဏာ မသိမ်းချင်ဘဲနဲ့ သိမ်းရတဲ့အကြောင်း ဆင်ခြေတခုလည်း ဖြစ်စေ၊ ဗိုလ်ချုပ်အောင်ဆန်း ကမ ကထ လုပ် ချုပ်ဆိုခဲ့တဲ့ ပင်လုံစာချုပ်နဲ့ သက်ရှိထင်ရှား မရှိတော့တဲ့ ဗိုလ်ချုပ်အောင်ဆန်းကို ပြဿနာမီး မွေးခဲ့တယ်လို့ အပြစ်ဖို့ပြီးသားလည်း ဖြစ်စေ၊ ၁၉၄၇ ဖွဲ့စည်းပုံကို ရုပ်သိမ်းဖို့ အကြောင်းပြချက် လည်း ဖြစ်စေ၊ တချက်ခုတ် သုံး-လေးချက်ပြတ် အနေနဲ့ ရှမ်းတိုင်းရင်းသားတွေကို သက်သက် လက်ညှိုးထိုး အပြစ် ဖို့ခဲ့တာပဲ ဖြစ်ပါတယ်။ ဒီလိုလူမျိုးရဲ့ ပါးစပ်က တိုင်းရင်းသား စည်းလုံးညီညွတ်ရေးလို့ တွင်တွင် ပြောထွက်ခဲ့ တာကို အံ့ဩလို့ မဆုံးပါဘူး။ ရှမ်းလူမျိုးထဲက စော်ဘွားတဦးတလေမှာ ခွဲထွက်ဖို့အကြံ ရှိကောင်း ရှိနိုင် ပါတယ်။ ဒါပေမဲ့ ၁၉၄၇ ဖွဲ့စည်းပုံမှာ ပြည်နယ်တခုက အဲသလို ဗြုန်းကနဲ ခွဲထွက်လို့ မရအောင် အဆင့်ဆင့် restrict လုပ်ထားပြီးသားပါ။ “ငါတို့ ထွက်တယ်ကွာ” ဆိုပြီး ချက်ချင်း ထွက်လို့ရတာမျိုး မဟုတ်ပါဘူး။ အဲဒီ အချိန်မှာ တပ်က ( ဗိုလ်နေဝင်းက ) တိုင်းပြည်ကို တကယ် ချစ်ခဲ့ရိုးမှန်ရင် သူအလွန်ဆုံး ပြောသင့်တာက အဲလို unconstitutionally အတင်းထွက်သွားရင် တပ်က ပြည်ထောင်စုအပြိုကွဲ မခံနိုင်လို့ အင်အားသုံး ဖြေရှင်းမယ်၊ အဲဒီ စာအုပ်ပေါ်မှာ ရှိနေတဲ့ ခွဲထွက်ခွင့် ဆိုတာကို လည်း နိုင်ငံရေးသမားတွေက ဖြုတ်ဖို့ လုပ် သင့်ပြီ ဆိုတာလောက် ပါပဲ။ 

အဲဒီတော့ ခုနက ပြောတဲ့ ၂၄/ ၂ / ၁၉၆၂ ကနေ ၁/ ၃/ ၁၉၆၂ ရက်နေ့ထိ ကျင်းပတဲ့ “ပြည်ထောင်စု စစ်စစ်မူ ( ဖက်ဒရယ်မူ )” ဆွေးနွေးပွဲမှာ တိုင်းရင်းသားတွေ ဖက်က တရားဝင်ဆွေးနွေးတင်ပြခဲ့ကြတာကို လေ့လာ ကြည့်လိုက်မယ်ဆိုလို့ရှိရင် သူတို့က အခု အိန္ဒိယ၊ အမေရိကန်ပြည်ထောင်စု၊ ကနေဒါတို့မှာ ရနေကြ သလောက် ပြည်ထောင်စုစစ်စစ်မျိုးတခု ဖွဲ့စည်းရေးကို အဆိုပြုခဲ့ကြတာသာ ဖြစ်ပါတယ်။ ဒါဟာ မတောင်းကောင်းတဲ့ ကိစ္စ မဟုတ်ပါဘူး။ တောင်းတာမရရင် ပြည်ထောင်စုထဲက ခွဲထွက်မယ်လို့လည်း သူတို့ အဲဒီဆွေးနွေးပွဲမှာ လုံးဝ မခြိမ်းခြောက် ခဲ့ကြရုံသာမက ကချင်ကိုယ်စားလှယ်ကဆိုရင် ကျနော်တို့ဟာ သီးခြား နိုင်ငံငယ် ဆန်တဲ့ confederation တခုကို တောင်းဆိုနေကြတာ မဟုတ်ပါဘူးလို့ အတိအလင်း ပြောသွားခဲ့တာတောင် ရှိပါတယ်။ ကျန်တဲ့ ရှမ်း၊ ချင်း၊ ကရင်နီ ကိုယ်စားလှယ်တွေကလည်း ကျနော်တို့က အကိုကြီးတယောက် ( ဗမာလူမျိုး ) ဆီ ညီလေးတွေက ကိုယ်လိုချင်တာ စဉ်းစားပေးဖို့ တင်ပြတဲ့ သဘော ပါလို့ နှိမ့်နှိမ့်ချချနဲ့ ပြောဆိုခဲ့ကြပါတယ်။ ဒီ “ဖက်ဒရယ်မူ” ရဲ့ တရားဝင် မြန်မာနာမည်ကိုက “ပြည်ထောင်စု စစ်စစ်မူ” ပါ။ “ခွဲထွက်ရေး” ဆိုရင် “ပြည်ထောင်စု” ဆိုတဲ့ စကားလုံးကို သုံးနေစရာ မလိုပါဘူး။ ဒါကြောင့် ဗိုလ်နေဝင်း လက်ထက်တုန်းက “ဖက်ဒရယ်မူ” ဟာ နိုင်ငံ့အတွက် အန္တရာယ်ရှိတယ်ဆိုရင် ဘယ်လိုရှိတာလဲ လို့ ကျောင်းသုံးစာအုပ်တွေမှာ “ဖက်ဒရယ်မူ” မူရင်း၊ ပင်လုံစာချုပ် မူရင်းတို့ကို ထုတ် မပြဝံ့တာပါပဲ။

မေး။ ။ ၁၉၈၈ လူထု အုံကြွမှုကို အကိုဘယ်လို သဘောထားပါသလဲ။

ဖြေ။ ။ အဲဒီတုန်းက လူမမယ်လေးပဲ ရှိပါသေးတယ်။ ဒါပေမဲ့ အခု စာတွေ ဖတ်လို့ သိလာ ရ သလောက် ဒီလူထုအုံကြွမှုကြီးဟာ အကြောင်းတွေ ပေါင်းစုပြီး အချိန်သင့် အခါသင့် ပေါ်ပေါက်လာခဲ့တဲ့ လူထု အရေးတော်ပုံကြီးတခု ဖြစ်ပါတယ်။ ကျနော်တို့နိုင်ငံက စလိုက်တဲ့ ဒီမိုကရေစီဆိုတဲ့အသံ၊ inspiration ဟာ အရှေ့ ဥရောပတလွှား၊ ဆိုဗီယက်ယူနီယံ နဲ့ တရုတ်နိုင်ငံတွေဆီကိုပါ တနည်းတဖုံအားဖြင့် ရိုက်ခတ်ခဲ့ တယ်လို့ ထင်ပါတယ်။ အဲဒီတုန်းကတည်းကသာ တပ်နဲ့ ပြည်သူ ( တကယ် ) ချစ်ကြည်ဖြူကြခဲ့ရင် ကျနော် တို့ ခုနေခါမှာ အာဆီယံနိုင်ငံတွေထဲက ထိုင်း၊ မလေးရှားတို့နဲ့ မတိမ်းမယိမ်း ဖြစ်နေလေမလားပဲ။ ဒါပေမဲ့ “တပ်”က “မတော်” ခဲ့ပါဘူး။ တပ်က ပြည်သူ့တပ်မတော် မဖြစ်ဘဲ ဗိုလ်နေဝင်းရဲ့ ခါးပိုက်ဆောင်တပ်ပဲ ဖြစ် ခဲ့ပါတယ်။ ဒါပေမဲ့ ပြည်သူတွေကတော့ အဲဒီတုန်းက တပ်ကို တကယ်မျိုးချစ် စိတ်ဓါတ်ရှိတဲ့၊ ကြားမှာ သမာ သမတ်နေပေးမဲ့ အဖွဲ့အစည်း ( patriotic mediator ) တခုလို့ အားကိုးခဲ့ပုံပါ။ ဘာဖြစ်လို့လဲ ဆိုရင် မြန်မာ နိုင်ငံဝန်ကြီးချုပ်ဟောင်း ဦးနုက သူ့အရင်အစိုးရကို ပြန်အသက်သွင်းတယ်လို့ ကြေညာခဲ့တာကို ပြည်သူ တွေက လှိုက်လှိုက်လှဲလှဲ မထောက်ခံခဲ့ကြပါဘူး။ ကျနော့် အကိုကတော့ ပြောဖူး ပါတယ်။ သူ အဲဒီတုန်း ကတည်းက “ဒါဆိုရင်တော့ စစ်တပ် နိုင်ငံ့အရေးထဲ ပါလာတော့မယ်” ( မကြာခင် စစ်တပ်က အာဏာသိမ်း ဖို့ပဲ ရှိတော့တယ် ) လို့ တွေးမိပြီး မြန်မာပြည်ရဲ့ အနာဂါတ်အတွက် ရင်လေးမိခဲ့တယ်တဲ့ ။ သူ့လိုပဲ အဲဒီ တုန်းက လူထုခေါင်းဆောင် တွေကလည်း တွေးမိကြမှာပါပဲတဲ့။ ဒါပေမဲ့ သူတို့က စစ်တပ်ကို patriotic mediator ဖြစ်လာလိမ့်မယ်လို့ မျှော်လင့် တွက်ဆခဲ့ကြဟန်တူတယ်လို့ သူပြောပါတယ်။ ကျန်တာတွေ ကတော့ လူတိုင်း သိပြီးသားမို့ ကျနော် သိပ်မပြောတော့ပါဘူး။

မေး။ ။ ၁၉၈၈ နောက်ပိုင်း တက်လာတဲ့ နဝတ/ နအဖ စစ်အစိုးရတွေကို အကို ဘယ်လို သဘောထား ပါသလဲ။

ဖြေ။ ။ အဲဒီအစိုးရတွေက ကျနော်လည်း ဝင်ပါခဲ့တဲ့ တပ်က လုပ်ခဲ့တာတွေ ပါပဲ။ ဒါပေမဲ့ ၁၉၉၀ ပြည့်နှစ် ရွေးကောက်ပွဲမှာ အမျိုးသားဒီမိုကရေစီ အဖွဲ့ချုပ် အပြတ် အသတ် အနိုင်ရခဲ့တာကို အာဏာလွှဲ မပေးခဲ့တာ၊ အနည်းဆုံး သူတို့ကို အုပ်ချုပ်ရေး အာဏာ ( Executive Power ) လွှဲပေးဖို့ Election လုပ်ခဲ့တာ မဟုတ် ပါဘူး၊ Constitution ဆွဲဖို့ ရည်ရွယ်ချက်နဲ့ ရွေးကောက်ပွဲ လုပ်ပေးခဲ့တာပါ ဆိုရင်လည်း သူတို့ကို လွှတ်တော် ခေါ်ပြီး ဟန်ပြပဲ ဖြစ်ဖြစ် ဖွဲ့စည်းပုံ အခြေခံဥပဒေ ရေးဆွဲ စေတာမျိုး ဘာတခုမှ မလုပ်ခဲ့တဲ့ အတွက် မြန်မာ့သမိုင်းမှာ တပ်မတော်ကို အိုးမည်းသုတ်ခဲ့တဲ့၊ တိုင်းပြည်ကို တရုတ်လက်ထဲ လက်ညှိုးထိုး ရောင်းစားခဲ့တဲ့ အစိုးရတွေလို့ ထင်ပါတယ်။

မေး။ ။ အခု လက်ရှိအစိုးရကိုကော လယ်လို ထင်ပါသလဲ။

ဖြေ။ ။ ကိုယ် မမွေးခင်ကတည်းက ခရီးထွက်သွားတဲ့ ကိုယ့်အဖေ အခု အမေ့အတွက်နဲ့ ညီအကို မောင်နှမ တွေအားလုံးအတွက် လက်ဆောင်တွေ တပွေ့တပိုက် နဲ့ အိမ်ပြန်ရောက်နေသလို ခံစားမိပါတယ်။ စိတ်ထဲ မှာ လုံခြုံပြီး ပျော်ရွှင်ပါတယ်ဗျာ။

( ၃ )

“... ဒါကြောင့် ညီလေးမှတ်ထားဖို့က ခရစ်သက္ကရာဇ် ၁၇၅၂ မတိုင်ခင်အထိ ယခု ရန်ကုန်၊ ပဲခူး၊ ပုသိမ်၊ သထုံ၊ မော်လမြိုင် စတဲ့ အောက် မြန်မာပြည်တခြမ်းလုံးဟာ မွန်တို့ဌာနေ မွန်တိုင်းပြည် ဖြစ်တယ်။ အလောင်း မင်းတရားက ဒဂုံမြို့ကို ၁၇၅၅ ခုမှာမှ သိမ်းပိုက်မိပြီး “ရန်-ကုန်” လို့ အမည်သစ်ပေးခဲ့တာ ဖြစ်တယ်။ အဲဒီတုန်းက ဗမာစစ်သားတွေက မွန်တွေကို အခုခေတ်စကားနဲ့ ပြောရရင် လူမျိုးတုံးသတ်ဖြတ်မှု ( genocide ) လုပ်ခဲ့ကြတယ်လို့ မွန်တွေက ယုံကြည်ကြတယ်။ အဲဒီတုန်းက စစ်နိုင်သူက လုပ်ချင်ရာ လုပ်စတမ်း ခေတ်ကြီး ဖြစ်လို့ အဲဒါ အများကြီး ဖြစ်နိုင်တယ်လို့ ယူဆပါတယ်။ အဲဒီလို ဗမာမင်းရဲ့ ရန်ကြောင့် မြစ်ဝကျွန်းပေါ်ဒေသက မွန်လူမျိုးတွေဟာ သထုံ၊ မော်လမြိုင်နဲ့ ထိုင်းနိုင်ငံဖက်ကို ထွက်ပြေး ခိုလှုံ ခဲ့ကြရတယ်။ အဲဒီအချိန်မှာ အနောက်ဖက်မှာလည်း ရခိုင်ပြည်ဟာ လွတ်လပ်တဲ့ ကိုယ့်မင်းကိုယ့်ချင်း နိုင်ငံတခုပဲ ဖြစ်ပြီး နှစ်ပေါင်းထောင်ချီ တည်တန့်လာခဲ့တဲ့ ရခိုင်ထီးနန်းဟာ အလောင်းမင်းတရားရဲ့ သားတော် ဘိုးတော်ဘုရားလက်ထက် ခရစ်သက္ကရာဇ် ၁၇၈၄ ခုနှစ်မှာမှ ကျဆုံးခဲ့ရတာ ဖြစ်တယ်။ ဒါတွေ ဟာ နှစ်ပေါင်း ၂၀၀ ကျော်၊ ၂၅၀ လောက်ပဲ ကြာမြင့်သေးတဲ့ သမိုင်းတွေ ဖြစ်တယ်။

ဒါကြောင့်မို့ ဒီလူမျိုးတွေရဲ့ရင်ထဲမှာ “ငါတို့ ထီးကျိုးစည်ပေါက် ဖြစ်ခဲ့ရလေခြင်း၊ လွတ်လပ်ရေး ဆုံးရှုံးရ လေခြင်း” လို့ ရင်ထုမနာ ဖြစ်နေကြတာကိုတွေ့ရင် သမိုင်း ကို သိတဲ့၊ နားလည်တဲ့လူက သူတို့ကို ကိုယ်ချင်း စာနိုင်တယ်။ ကိုယ်ချင်းစာသည့် အားလျော်စွာ သူတို့ကို ဘယ်လို ဖြေသိမ့်ရာ ( remedy ) ပေးနိုင်မလဲ လို့လည်း တွေးတယ်။ သမိုင်းကို နားမလည်တဲ့သူတွေကတော့ ဒီတိုင်းရင်းသားလူမျိုးစုတွေဟာ အကြောင်းမရှိ အကြောင်းရှာပြီး မဖြစ်နိုင်တာတွေကို တောင်းဖို့၊ ဆူဆူပူပူ လုပ်ကြဖို့ပဲသိတယ် လို့မြင် တယ်။ ဒါဟာ ဇစ်မြစ် ကို သေချာ မသိဘဲနဲ့ အထက်စီးက မြင်လိုက်ပုံမျိုးဖြစ်တဲ့၊ unfair ဖြစ်တဲ့ အမြင်မျိုး ဖြစ်တယ်။ မင်းမေးထားတဲ့ မြန်မာပြည် ကို ဖက်ဒရယ် ပြည်ထောင်စုတခုအဖြစ် ဖွဲ့စည်းဖို့ ဘာဖြစ်လို့ လိုအပ်တာလဲ ဆိုတာ ဒီလို တိုင်းရင်းသား ညီအကိုတွေရဲ့ suffering, pain, insecurity and dignity ကို ထည့်သွင်း စဉ်းစားပေး တဲ့အနေနဲ့ ဆိုတာကို နားလည်စေချင်တယ်။ ဒီလိုပြောလို့ အခုနေ ဓညဝတီနိုင်ငံတော်၊ ဟံသာဝတီ နိုင်ငံတော်တို့ကို ပြန်လည်ထူထောင်  အသက်သွင်းချင်တယ်ဆိုရင် တရားတယ်လို့ အကို မပြောဘူး။ အကို့ရဲ့ လက်ရှိသဘောထားကတော့ အရင်တုန်းက အဲဒီလို သမိုင်းရှိခဲ့တာကို အသိအမှတ်ပြုတယ်။ သို့ပေမဲ့ အခုအချိန်မှာတော့ အကြောင်းကြောင်း ကြောင့် ဘယ်တိုင်းရင်းသားလူမျိုးစုကမှ ဒီပြည်ထောင်စု ထဲက မခွဲထွက်သင့်တော့ဘူးလို့ ယူဆတယ်။ ညီလေးကိုလည်း တစုံတရာကို ဇစ်မြစ်ကနေ ဂဂနနသိပြီးမှ တစုံတရာ reasonably သဘောထားတဲ့သူ ဖြစ်စေချင်တယ်။”

“... အကိုက ဒီကကျောင်းတွေမှာ “အမေရိကန် ပြည်ထောင်စုသမိုင်း” ကို သင်ခဲ့ရတာ ရှိပါတယ်။ အမေ ရိကန် တွေက သူတို့ဘိုးဘေးတွေ ဌာနေအင်ဒီယန်းတွေကို လက်နက်အားကိုးနဲ့ မျိုးပြုန်းလုနီး သတ်ဖြတ် ခဲ့ကြတာ၊ အစောပိုင်းတုန်းက မိန်းမတွေ မဲပေးခွင့်မရခဲ့တာ၊ မာတင်လူသာကင်း မတိုင်ခင်က လူဖြူ လူမည်း ခွဲခြားမှု တော်တော် ဆိုးဆိုးရွားရွား ရှိခဲ့တာတွေကို ဖုံးကွယ်ဖို့ မကြိုးစားကြပါဘူး။ သမိုင်းဆိုတာ ရာစုနဲ့ချီ လိမ်ထားလို့ မရပါဘူး။ မရမဲ့ အတူတူ မလိမ်ကောင်းဘူးလို့ အကို ထင်မိပါတယ်။”

Buddha Puzaniya ( ရခိုင် ရိုးရာ ဗုဒ္ဓပူဇနိယ)RAKHINE

အပေါ်က ဗီဒီယိုက ( ချမ်းချမ်း က ) ဗမာလို ဆိုထားတဲ့ ဗမာ ဗားရှင်းပါ။ အောက်က ဗီဒီယို ကတော့ ရခိုင်လို ဆိုထားတဲ့ ရခိုင်ဗားရှင်းပါ။ ရခိုင်အသံထွက်ကို တစေ့တစောင်း လေ့လာကြည့်နိုင်ပါတယ်။