ကောင်းတာတွေကိုယူသော် မကောင်းလော့ ( ၁ )

ကမ္ဘာလုံးဆိုင်ရာ လူ့ကိုယ်ကျင့် သီလ ( Universal human ethic )

( စကားဦး။ ။ ကျနော် ယခုရေးမည့်စာမှာ အမေရိကန်တွေကို အထင်ကြီးနေသည်ဟု ယူဆလိုသူတို့က ယူဆ နိုင်လောက်ဖွယ် ရေးသားချက်များ ပါဝင်ပါသည်။ ထို့ကြောင့် ကြိုတင်ပြောပြထားလိုသည်မှာ ကျနော် ကိုယ့်မြန်မာလူမျိုးတွေကို ညံ့လှချည့်ဟု မထင်ပါ။ ကျနော်တို့မြန်မာနိုင်ငံသားများသည် “အကောင်း၊ အစစ်၊ တရားမျှတမှု နှင့် ဓမ္မ” ကို အလွန်ချစ်သူများ ဖြစ်ကြပါသည်။ ဥပမာပြရလျှင် သူတို့က တရားမျှတမှု ( ဓမ္မ ) ကို ချစ်လှသဖြင့် တရားမဲ့အနိုင်အထက်ပြုလေ့ရှိသည်ဟု သူတို့ခံစားမိကြသော ( အထူးသဖြင့် ) ယခင်စစ်အစိုးရ၊ ကြံ့ဖွံ့ပါတီတို့ကို ခါးခါးသီးသီးမုန်းတီးကြပြီး၊ ထိုသူတို့၏ တရားမဲ့အနိုင်ကျင့်ခြင်းကိုခံရသော၊ တရားရှိသော၊ အသိဥာဏ်ကြီးသော ဒေါ်အောင်ဆန်းစုကြည်ကိုတော့ သူတို့၏ “အမေ” တယောက်သဖွယ် အားကိုးချစ်ခင် ကြပါသည်။ ဒါက “အကောင်း၊ အစစ်” ကိုသိမြင်မှု ဖြစ်ပါသည်။ ကျနော့် အမြင်အရ “အကောင်း၊ အစစ်” ကိုသိသော၊ “တရားမျှတမှု” ( fairness ) ကို ချစ်သော၊ မတရားမှုကို မတရားမှုမှန်းသိသော လူမျိုးတမျိုးသည် ဘယ်လိုမှ နှယ်နှယ်ရရ၊ ခပ်နိမ့်နိမ့် လူမျိုးတမျိုး မဟုတ်နိုင်ပါ။ ထို့ကြောင့် ကျနော့်လူမျိုး၏ ဦးခေါင်းနှင့် နှလုံးသားကို ကျနော် အထင်မသေးပါ။ မိမိလူမျိုးကို အထင်မသေးသောသူသည် အခြားတပါးသောလူမျိုးကို ပစ္စလက်ခတ်ကြီး အထင်မကြီးနိုင်ပါ။ ကျနော်လည်းအမေရိကန်တွေကို “အကုန်သိ၊ အကုန်တတ်၊ အကုန်တော်၊ အကုန်ကောင်း” ဟုမထင်ပါ။  

     
     ဒါပေမဲ့ ကျနော်တို့နိုင်ငံသားတွေက တံခါးပိတ်ပြီး နှစ်ပေါင်း (၅၀) လောက်နေလာကြတာ ဖြစ်၍ ( အမေရိကန် တွေကမှမဟုတ် ) တကမ္ဘာလုံးက စံအဖြစ်လက်ခံထားသော “တကမ္ဘာလုံးဆိုင်ရာ လူ့ကိုယ်ကျင့်သီလ” ( universal human ethic ) အချို့ကို အကျွမ်းတဝင် မရှိသေးဟု ထင်မိပါသည်။ ကျနော်တို့နိုင်ငံမှာ “စီးပွားရေးမဖွံ့ဖြိုးသော ခေတ်စနစ်တခုထဲမှာ နေခဲ့ရစဉ်က လူတဦးအသက်ရှင်ရပ်တည်ဖို့ ထားရှိရသည့်သဘောထားစံ” ( attitudes for one’s survival in an age of poverty ) - ဥပမာ၊ လာဘ်စားတာကို ရုံးလုပ်ထုံးလုပ်နည်းတခု ( သိပ်မဆိုးလှ ) ဟု ထင်နေတော့တာ၊ အာဏာရှိသူက အာဏာပြ တာကို လူ့သဘာဝ ( ရှက်ဖွယ်မရှိ ) ဟု ထင်နေတော့တာတွေကသာ အားကောင်းနေဆဲဟု ထင်ပါသည်။ သို့ဖြစ်၍ ကျနော်တို့ ပြည်ပရောက်နေကြသည့် မြန်မာတွေအနေဖြင့် ကိုယ့်နိုင်ငံကို ကမ္ဘာနှင့် တကယ် ရင်ဘောင်တန်းစေလိုကြလျှင် ကမ္ဘာ့စံဖြင့်လူတိုင်းထားရှိသင့်သည့် “ကမ္ဘာလုံးဆိုင်ရာ လူ့ကိုယ်ကျင့် သီလ” ( universal human ethic ) တွေကိုလည်း ကြားခဲ့သူ၊ မြင်ခဲ့သူတို့က ပြန်လည် ဖြန့်ဖြူး မျှဝေကြရန် ဝတ္တရားရှိသည်ဟု ယူဆပါသည်။ ထိုသို့ ယူဆသည့်အလျောက် ကျနော် နှစ်သက်မိသော အမေရိကန်တွေ၏ ( ကမ္ဘာ့နိုင်ငံသားတွေ၏ ) ကိုယ်ကျင့်သီလအချို့ကို ပြန်လည်မျှဝေ ( ပြောပြ ) ခြင်းသာ ဖြစ်ပါသည်။

      
     ထိုသို့ ပြန်လည်ပြောပြရာတွင် ကျနော့်အဖို့ အလွယ်ကူဆုံးနည်းလမ်းမှာ ကျနော့်အကြောင်း ( အတတ်နိုင်ဆုံး အကျဉ်းချုပ်လျှက် ) ပြောပြရင်း မိမိတွေ့ကြုံခဲ့ရပုံကို ပြောပြခြင်း ဖြစ်ပါသည်။ မည်သို့ပင် အကျဉ်းချုပ်သည် ဆိုစေကာမူ ကျနော့်အကျင့်ဆိုးအရ ကိုယ့်အကြောင်းပြောဖြစ်လျှင် ဟိုဟာလည်း ပါစေချင်၊ ဒီဟာလည်း ပါစေချင်ကာ အကျဉ်းချုပ်နေသည့်ကြားမှ ပေရှည်သွားတတ်ပါသည်။ အဲဒါအတွက်တော့ ခွင့်လွှတ်တော် မူကြပါကုန်။ ခင်ဗျားတို့အဖို့ ခရီးသွားဆောင်းပါးလည်း ဖြစ်သေးတာပေါ့ဗျာ..း)) ဒါပေမဲ့ ဒီနေရာမှာ နားလည်မှု ရှိစေချင်တာက ကျနော့်အကြောင်း ပြောပြချင်လို့ ကျနော် ဒီစာကိုရေးတာတော့ မဟုတ်ပါ။ ဤ post မှာတော့ ကျနော့်ဘဝတကွေ့မှာ အဲသည်လို ethical ဖြစ်တဲ့လူတွေ တွေ့ခဲ့ရပါသည်လို့ ပြောချင်တာကသာ အဓိက ဖြစ်ပါသည်။ ထိုအကြောင်းကို ကိုယ့်အကြောင်း ထည့်မပြောပြဘဲ ပြောလို့မရ ( ကျနော် မပြောတတ် ) သဖြင့် ကိုယ့်အကြောင်း ကျွဲကူးရေပါ ထည့်ပြောခြင်း ဖြစ်ပါသည်။ နည်းနည်းလောက် ကြီးကြီးကျယ်ကျယ်ပြောရလျှင် ကျနော် ကိုယ့်အကြောင်းပြောချင်လို့ထက် ကိုယ့်မွေးတိုင်းပြည်ကို ချစ်ခင် သော၊ အကျိုးများစေလိုသော စေတနာဖြင့်သာလျှင် ဤစာကိုရေးပါသည်။ “ကျုပ်ကဟောဒီလို၊ ကျုပ်တို့ အမေရိကမှာ ဟောဒီလို .. ” ဟု အနှစ်မဲ့ ကြွားလိုရင်းစွဲနှင့် ရေးတာမဟုတ်ရပါကြောင်း..း))

……………………………………………………..

( ၁ )

     ၂၀၀၄ -ခုနှစ် ဒီဇင်္ဘာလ ( ဆူနာမီငလျှင် မလှုပ်သေးမီကလေး ) တွင် ကျနော် ထိုင်းနိုင်ငံ မဲဆောက်မြို့သို့ ရောက်ပါသည်။ မဲဆောက်ကို သွားလည်ချင်လျှင် မြဝတီ မြန်မာ-ထိုင်း ချစ်ကြည်ရေးတံတားဂိတ်မှာ မြန်မာငွေ ၅၀၀-၁၀၀၀ ကြားလောက် တရားဝင်ဝန်ဆောင်ခပေးပြီး ဓါတ်ပုံရိုက်၊ Pass ယူတာတို့ လုပ်ရပါသည်။ ဒါပေမဲ့ နိုင်ငံခြားသွားမည့်ကျနော့်မှာ ရန်ကုန်ကနေ မြဝတီထိ ကားစီးလာပြီး၊ ဘုန်းကြီးကျောင်းတခုမှာ တညတည်းခို၊ ထမင်းတနပ် ဝယ်စားပြီးနောက်  မြန်မာငွေ (၆၀) ကျပ်ပဲ ကျန်ရှိတော့ရာ လူတယောက်က ရခိုင်လဘက်ရည် ဆိုင်တခုမှာ Pass အတွက် လိုအပ်ငွေကို အကူအညီတောင်းလို့ရလိုရငြား ကျနော့်ကိုလိုက်ပြပြီး ဆိုင်ရှင်နှင့် လည်းမိတ်ဆက်ပေးပါသည်။ ဒါပေမဲ့ထိုရခိုင်ဆိုင်ပိုင်ရှင်က ကျနော့်လိုမသန်စွမ်းသူတဦးအနေဖြင့် Pass အတွက် တံတားဂိတ်ကလူတွေကို ပြောပြပြီး ကင်းလွတ်ခွင့် ရမည်ထင်ကြောင်း၊ ထို့ကြောင့် Pass အတွက် မဟုတ်ဘဲ ဟိုဖက်ကမ်းမှာ မဲဆောက်သွား လိုင်းကားစီးဖို့အတွက် ထိုင်းဘတ် ( ၂၀ ) ( မြန်မာငွေ ၅၀၀ ကျပ်ခန့် ) ပဲ ပေး ချင်ကြောင်းပြောပြီး ဘတ် ( ၂၀ ) လှူဒါန်းလိုက်ပါသည်။ သူပြောသည့်အတိုင်း တံတားဂိတ်မှာတွေ့သည့် လဝက အရာရှိတွေကို အလေးတွေဘာတွေပြု၊ “ဗိုလ်ကြီး.. ကျနော် ဟိုဖက်ကမ်း ခဏသွားချင်လို့၊ ဒါပေမဲ့ ငွေလည်း မပြည့်ဘူး ဖြစ်နေလို့” ဟု ပြောပြရာ “သွားပါဗျာ” ဟု ခွင့်ပြုလိုက်ပါသည်။ သို့နှင့် ကျနော် ကျောပိုးအိတ် နှစ်လုံးပိုးပြီး တံတားပေါ် လမ်းလျှောက်လာရာ တံတားအလယ်လောက် ရောက်တော့ အမျိုးသမီး တယောက်က “ဦး ပိုက်ဆံလဲ ဦးမလား” ဟုမေးပါသည်။ ကျနော်က “မလဲတော့ဘူး” ဟု နှုတ်ကပြောရင်း စိတ်ထဲမှာတော့ “ငါ့ မြန်မာငွေ ၆၀ ကိုလဲလိုက်ရ မကောင်းပဲ ရှိရော့မယ်။ ထိုင်းငွေ ၂ ဘတ်လောက်တော့ ရမယ် ထင်ပါရဲ့” ဟု ခပ်ပြုံးပြုံးလေး တွေးနေမိပါသည်။ ကျနော်ကား ထိုင်းနိုင်ငံကို အဲသည်လို “အရပ်ကယ်ပါ၊ လူဝိုင်းပါ” နှင့် ရောက်သွားလေသူတည်း။

    
     ဇာတ်လမ်းကို ချုံ့သော် “အရပ်ကယ်ပါ လူဝိုင်းပါ” နှင့်ပင် ကျနော် ထိုည မဲဆောက်နှင့် ကီလိုမီတာ ( ၅၀ ) ခန့် ဝေးသော “Mala refugee camp” ( ဘဲကလောစခန်းဟု အခေါ်များ )  သို့ရောက်သွားပါသည်။ သူတို့က ကျနော့်မှာ ဘာဆွေမျိုး၊ အသိအကျွမ်းမှ မရှိဘဲနှင့် သူတို့စခန်းသို့ တန်းတန်းမတ်မတ် ရောက်လာသဖြင့် မသင်္ကာ ဖြစ်ကာ ကျနော့်ကို အချုပ်ထဲထည့်ထားလိုက်ကြပါသည်။ အဲသည်မှာ ( ၂ ) ပတ်လောက်နေပြီး ကျနော့်ကို လာတွေ့သော ရခိုင်အဖွဲ့အစည်းတခု၏ ထောက်ခံချက်အရ ဖြစ်ဟန်တူပါသည်။ သူတို့ ကျနော့်ကို မဲဆောက်မြို့သို့ ထွက်သွားရန် သတ်မှတ်ချက်ဖြင့် ပြန်လွှတ်ပေးလိုက်ကြပါသည်။ ( သူတို့ကျနော့်ကို မနှိပ် စက်ကြပါ။ ဒါပေမဲ့ အခန့်မသင့်လျှင် ……. ခံရနိုင်သည်ဟု နောင်အခါတွင်မှ သိပါသည်။ ကျောချမ်းစရာပေ..း)   

     
     သည်လိုနှင့် ကျနော်မဲဆောက်သို့ ရောက်လာပါသည်။ မဲဆောက်မြို့ကား မြန်မာလူဦးရေသိန်းချီရှိသော၊ မြန်မာစကားသံ ဆူညံနေသော၊ မြန်မာ ထမီဝတ် သော မြို့ဖြစ်ပါသည်။ ကျနော်အဲသည်မှာ မြန်မာတွေ အဖြတ်အသန်းများသော ထိုင်းဘုန်းကြီးကျောင်း ဝင်း တခုသို့သွားပြီး စာရွက်တရွက်ပေါ်မှာ လက်ရေးနှင့် “ဗေဒင်ဟောသည်။ ဟောခ.. စေတနာကြေး” [ “Mr. Fortune-teller; Service Charge: Up to You!” ] ဟု ကြော်ငြာလိုက်ရာ ပထမဟောသည့်နေ့မှာပင် မြန်မာအလုပ်သမ ၄-၅ ယောက်လောက် ဟောရပြီး သူတို့က ပျမ်းမျှ ( ၂၀ ) ဘတ်လောက်စီ ပေးသွားကြသဖြင့် ဘတ် ( ၁၀၀ ) နီးပါးလောက် ရလေသည်။ မဆိုးလှ။ ဘတ် ( ၁၀၀ ) ဆိုသည်မှာ မြန်မာအလုပ်သမား ( ပန်းရံ စသည် ) တယောက်၏ တနေ့ လုပ်ခလစာလောက် ရှိပါသည်။ ( ကျနော်က ဆရာကြီးမင်းသိင်္ခ ဗေဒင်သင်တန်း တကြိမ်တက်ဖူးသည်။ တကြိမ်တည်း တက်ရုံနှင့် သားတပည့် တွေဘာတွေ လုပ်ခွင့်မရှိသဖြင့် ဘယ်သူ့သားတပည့် ဆိုတာတွေ ထည့်မရေးဖြစ်ပါ ) ထိုနေရာသို့ နေ့တိုင်း သွားနေရာ ကျနော့်ဆီ အပျော်တမ်း ဗေဒင်လာမေးသော ကျောင်းထိုင်ဆရာတော်က မြန်မာကပ္ပိယမှ တဆင့် “အဲသည် မြန်မာပြည်က ဗေဒင်ဆရာ ဤကျောင်းသို့ ပြောင်းလာလိုက ပြောင်းလာစေ.. သူ့ကို အခန်းတခု စီစဉ်ပေးလိုက်” ဟုမိန့်ကြားသည်ဟု သိရပါသည်။ သည်လိုနှင့် ကျနော် မဲဆောက်ရောက်ပြီး ( ၁၀ ) ရက် လောက်အကြာမှာ ထိုင်းဘုန်းကြီး ကျောင်းတခုသို့ ရောက်လာပါသည်။ နေစရိတ်၊ စားစရိတ် အတွက် ပူစရာ မလိုတော့ပေ။

     
     အဲသည် အချိန်မှာ ကျနော် journalism ကို စိတ်ဝင်စားသည်ဟု ပြောမိသော နိုင်ငံခြားသား (NGO တခုမှ ) တယောက်က ဇင်းမယ် ( Chiang Mai ) မှာ သွားဖြေရမည့် J-School Entrance Test တခုအတွက် လျှောက်လွှာကို ကမကထ လုပ်၍ တင်ပေးလိုက်ပါသည်။ အဲသည် test ဖြေရဖို့ နီးလာချိန်မှာတော့ Harvard University မှာ သင်္ချာနှင့် ကျောင်းပြီးထားပြီး၊ ( ကျနော် သဘောပေါက်မိသလောက် ) ကမ္ဘာအရပ်ရပ် မှာ သင်္ချာကို ဘယ်လိုသင်ပေး၊ သင်ယူကြသလဲလို့ သူတို့ကျောင်းက sponsor လုပ်ကာ သုတေသနလုပ် ခိုင်းသည့် ဂျူးလူမျိုး အမေရိကန်တယောက်နှင့် ဘုန်းကြီးကျောင်းဝင်းထဲမှာ တွေ့၍ခင်သွားပါသည်။ သူက ကျနော်တို့ကျောင်းက ထိုင်းဘုန်းကြီးတွေကို ဓါတ်ပုံရိုက်ခွင့်တောင်းနေရာ မဲဆောက်ကဘုန်းကြီးတွေက အင်္ဂလိပ်လိုမရကြ၍ ကျနော့်ကိုခေါ်ရာမှ “ဟ.. ခင်ဗျား အင်္ဂလိပ်လို ရသားပဲ” ဆိုကာ ခင်သွားတာ ဖြစ်ပါသည်။ သူက ထိုည restaurant တခုမှာ ထမင်းကျွေးပြီး ကျနော့်ကို interview လုပ်ချင်သေးသည် ဆိုသဖြင့် ကျနော် က လက်ခံကာ ဘန်းကြီးကျောင်းဝင်းထဲသို့ ပြန်လာကြပြီး သူမေးတာတွေကို ဖြေပါသည်။ သူက အဲဒါကို ဗီဒီယို ကင်မရာနှင့် ရိုက်ထားပါသည်။ အဲသည်မှာ “လောလောဆယ် ဘာတွေလုပ်နေလဲ” မေးခွန်းကို ဖြေသောအခါ  J-School လျှေက်ထားသည့်ကိစ္စ ပါသွားပါသည်။ “ကျနော်တို့ နိုင်ငံမှာ လောလောဆယ် ပုဂ္ဂလိက သတင်းစာ မရှိဘူး၊ နောင်တချိန် ရှိလာလိမ့်မယ်။ တချိန်မှာ journalism နဲ့ တိုင်းပြည် တည်ဆောက်တဲ့ထဲ ကျနော်လည်း ဝင်ပါချင်လို့ journalism ကို စနစ်တကျ တတ်ထားချင်တာပါ” ဆိုတာကို သူ နှစ်ခြိုက်ပါသည်။

     
      ထို့ကြောင့် သူထိုကိစ္စကို အရမ်းစိတ်ဝင်စားသွားပြီး ကူညီမည်ဟု ဆိုလာပါသည်။ ချင်းမိုင်တက္ကသိုလ်မှာ သူ့ကျောင်းနေဖက် မြန်မာမလေးတယောက် တက္ကသိုလ်ဆရာမ လာလုပ်နေတာရှိပါသတဲ့။ ဆရာဝန်မိဘ နှစ်ပါး၏သမီး ဟုဆိုပါသည်။ သူမကို ( ကျနော့်အား ကူညီစောင့်ရှောက်ဖို့ ) သူမှာမည်ဟုဆိုသည်။ အခြေအနေ ကို သိရအောင် ကျနော့်ရှေ့မှာပဲ သူဖုန်းဆက်လေသည်။ ဟိုဖက်က “လာခဲ့ပါ။ ငွေတော့ မကူညီနိုင်ပါ။ ကျန်တာ ကူညီနိုင်ပါသည်” ဟု အဖြေရသဖြင့် ချင်းမိုင်သွားလမ်းစရိတ်နှင့် ဟိုမှာနေမည့် ၂-လစာလောက် နေထိုင် စားသောက်စရိတ် ငွေကြေးကို သူတာဝန်ယူမည်ဟု ကျနော့် ရှေ့မှာပင် သူမကို ကတိပေးလိုက်သည်။ မြန်မာတယောက် ချင်းမိုင်၊ ဘန်ကောက်တို့ကို သွားလိုလျှင် ဆိုင်ရာပိုင်ရာ ( ထိုင်းထောက်လှမ်းရေး ) နှင့်ပေါင်းပြီး၊ ငွေခင်းပြီးသွားရတာ ဖြစ်ပါသည်။ ကျနော် အဲဒါကို ပြောပြရာ ထိုငွေကို သူခင်းပါမည်ဟု ဆိုလေ၏။ ကြားဖူးတာက ဂျူးလူမျိုးဆိုတာ အင်မတန် ကပ်စေးနည်းလှသည်ဟု။ ကျနော့် ဒီသူငယ်ချင်း ကတော့ အားနာဖို့ ကောင်းလောက်အောင်ပင် ရက်ရောသူ ဖြစ်ပါသည်။ နောက်တနေ့ refugee camp တွေမှာ သင်္ချာကို ဘယ်လို သင်သလဲ၊ ဘာသင်ရိုးအတိုင်း သင်သလဲ သိချင်လို့ သူသွားလေ့လာချင်သည့် မဲဆောက်မြို့ မြောက်ဖက် ၂၅၀ ကီလိုမီတာ အကွာလောက်မှာ ရှိသောမဲလဦးစခန်း ( refugee camp ) ခရီးမှာ ကျနော့်ကို စကားပြန်ဟုဆိုကာ ခေါ်သွားပါသည်။ အဲသည် စခန်းတည်ရှိသည့် “မဲစရီယန်း” မြို့နယ် အုပ်ချုပ်ရေးမှူးက စခန်းထဲသို့ တာဝန်မရှိ သော နိုင်ငံခြားသားကို ပေးမဝင်စေလိုသဖြင့် နှစ်ရက်လောက် စောင့်ပြီး၊ မဝင်ရဘဲ ကျနော်တို့ မဲဆောက်သို့ ပြန်လာကြပါသည်။

     
     ထို့နောက် မဲဆောက်ရှိ မြန်မာနိုင်ငံရေးရုံးတခုသို့ ချင်းမိုင်ကိုသွားရသည့်လမ်းကြောင်းကို သွားရောက် စုံစမ်းကြရာ ဓါတ်ပုံ ( ၃ ) ပုံနှင့် ဘတ် ၅၀၀၀ ပေးရမည်ဟု ဆိုပါသည်။ ထိုင်းထောက်လှမ်းရေးတွေက ကျနော့် ကို စစ်ဆေးမေးမြန်းစရာရှိသည့် တရားခံတဦးအနေဖြင့် ချင်းမိုင်ထိ ခေါ်သွားလိမ့်မည်ဟု ဆိုပါသည်။ ထိုစကား ကို သူကြားရပြီဖြစ်၍ အဲသည်ရုံးကပြန်လာပြီးနောက် ( အဲသည်နေ့ ညနေမှာ သူ ဘန်ကောက်သွား လေယဉ် စီးရဖို့ရှိရာ လေယဉ်ကွင်းမသွားမီ ကျနော့်ကို ထိုင်းဘတ် ၈၀၀၀ ( US $ 200 ဖိုး ဖြစ်မည်၊ ထိုစဉ်က ဒေါ်လာ တရာ ဘတ်လေးထောင်ခန့်ရပါသည်။ ) ပေးထားခဲ့ပါသည်။ “ဒါ လမ်းစရိတ် အတွက်ပဲ။ နည်းနည်းပိုတဲ့ငွေနဲ့ ဖုန်းတလုံး ဝယ်လိုက်ပါ။ ကျနော် မနက်ဖြန်လောက်ဆို ဂျပန်ရောက်နေရော့မယ်။ ဂျပန်ကနေ ကျနော် မ….. ( မြန်မာမလေး) ဆီကို ခင်ဗျားနေရေးထိုင်ရေးအတွက် Apartment တခန်းငှားဖို့ရယ်၊ အစားအသောက် အတွက် ရယ် ငွေပို့ပေးထားပေးမယ်.. ဖုန်းနံပါတ်နဲ့ အခြေအနေ အရပ်ရပ်ကို ကျနော့်ဆီ email ရေးပါ။ ခင်ဗျား ချင်းမိုင် ရောက်သွားရင် ဖုန်းနဲ့ မ….. ကို အသိပေးပါ” ဟုမှာသွားပါသည်။  

     
     ထိုစဉ် ကျနော့်အတွက် ချင်းမိုင်ခရီး စီစဉ်ပေးမည့် မြန်မာရုံးမှ ဘတ် ၅၀၀၀ နှင့် မရနိုင်တော့ကြောင်း၊ ၆၀၀၀ နှင့်မှရမည်ဖြစ်ကြောင်း ( ကျနော်ပေးထားခဲ့သည့် ထိုင်းဦးဇင်းဖုန်းသို့ ) ဖုန်းဝင်လာပါသည်။ ထိုဦးဇင်းက “ဘာတဲ့လဲ” မေးလို့ ၆၀၀၀ သို့ ဈေးတက်သွားကြောင်း ပြောပြရာ.. “ဒကာကြီး.. ဘာမှ ၆၀၀၀ တွေ ဘာတွေ ပေးမနေနဲ့.. ဒကာကြီးတို့ ဟိုတနေ့ကသွားတဲ့ မဲစရီယန်းကို ပြန်သွား၊ အဲဒီကနေ ဟိုဖက် အဖမ်းအဆီး မရှိတော့ဘူး။ ချင်းမိုင်ကားစီးလိုက်ရင် ချင်မိုင်ရောက်ကရော့။ ကားခနှစ်ရပ်ပေါင်း ၃၀၀ ပဲကုန်မယ်” ဟု မြှောက်ပေးလေသည်။ သည်လိုနှင့် နောက်တနေ့ ကျောင်းရှိဘုန်းကြီးတွေကို ကန်တော့၊ ဗေဒင်ဆိုင်းဘုတ်တွေ ဘာတွေ ဖြုတ်ပြီး ဆိုခဲ့သည့်လမ်းကြောင်း အတိုင်းလာခဲ့ရာ ထိုညသန်းခေါင်ကျော်ခန့်တွင် ချင်းမိုင်သို့ ရောက်လေသည်။ တုတ်တုတ် ( ၃ ဘီးကား ) တစီးငှားပြီး တည်းခိုခန်း တခုသို့သွားပါသည်။ ချင်းမိုင်ကား မဲဆောက်နှင့်မတူ၊ အင်္ဂလိပ်စကား ပြောတတ်လေသည်။ နောက်တနေ့ လမ်းဘေးမှာတွေ့သည့် ဆိုင်တဆိုင် မှာ “Nokia” ဖုန်းတလုံး ဝယ်လိုက်ပါသည်။ မြန်မာပြည်မှာ ဆိုလျှင် ဖုန်းတလုံးရဖို့ အစိုးရကို လျှောက်ရ တာနှင့်၊ ရပ်ကွက်လူကြီးတွေဆီက အကျင့်စာရိတ္တကောင်းမွန်ကြောင်း ထောက်ခံချက် ယူရတာနှင့် တော်တော် ရှုပ်မည့် ကိစ္စပေ။ ထိုင်းနိုင်ငံမှာကား အဲဒီကိစ္စတွေအားလုံး ၅ မိနစ်လောက်နှင့် ကိစ္စပြတ်၊ ပြီးစီးသွားလေသည်။ ဖုန်းရပြီမို့ မဲဆောက် မြန်မာနိုင်ငံရေးရုံးက အစ်မကြီးထံသို့ ကျနော် ဘတ် ၆၀၀၀ မတတ်နိုင်သဖြင့် ဘတ် ၃၀၀ နှင့် စွန့်စား၍လာပြီး ယခုအခါ ချင်းမိုင်သို့ရောက်နေပြီဖြစ်ပါကြောင်း၊ ပြောထားသည့်ကိစ္စကို cancel လုပ်လို ပါကြောင်း အကြောင်းကြားလိုက်၏။ ထိုအစ်မကြီးက ကျနော့်ကို “ကတိမတည်သူ၊ တခါစားလုပ်သွားသူ၊ နောင် ဘယ်တော့မှ အကူအညီ လာမတောင်းပါနဲ့” ဟု ပြင်းထန်စွာ ပြစ်တင် ရှုတ်ချနေလေသည်။ ကျနော်လည်း “ကတိမတည်သူက ကျွန်ုပ် ဖြစ်နေပါပေါ့လား” ဟု အံ့အားသင့်နေမိလေသည်။ ထို့နောက် တက္ကသိုလ်ဆရာမ အမေရိကန် မြန်မာမလေးထံသို့ ဖုန်းဆက်၏။

“Hello, I’m Aye Kyaw Zan, a friend of Jonathan. Are you Ms. ….., and do you speak Burmese?” ဟု ကျနော်က မေးရာ-

“Yes, I am, and I speak Burmese. ဟုတ်ကဲ့ .. um.. ကျမ မြန်မာစကား ပြောပါတယ် .. ဒီနေ့မအားသေး ပါဘူး.. ဒီ week-end မှာ လာတွေ့လို့ ရမလား”

ဟု သူမက ပြန်ဖြေပါသည်။ ထို့နောက် ကျနော် တည်းခိုနေသည့် နေရာ၊ သူမ၏ နေရာ၊ တွေ့ဆုံမည့် အချိန်တို့ကို သတ်မှတ်ကြပြီးနောက် သတ်မှတ်သည့်နေ့တွင် ကျနော်က သူမကို သွားတွေ့ပါသည်။ ကျွန်ုပ် ကောင်းစားနေလိုက်ပုံမှာ ကျနော့်မိတ်ဆွေ Jonathan ထံမှ ထိုင်းဘတ်ငွေ ၁,၃၅၀၀ ဖိုး  ဤ မြန်မာဆရာမလေး ထံသို့ ရောက်နေလေသည်။ သူမက “တသောင်း” လို့ မပြောတတ်သဖြင့် “ရော့.. အခု ဆယ်ထောင် (= ten thousand  ) ယူသွားပါ အကို.. ကျန်တဲ့ ၃၅၀၀ ကို Apartment ရရင်ပေးဖို့ ဒီမှာ ထားမယ်” ဟု ပြောပါသည်။ သူမ စာမေးပွဲစစ်နေရလို့ မအားသဖြင့် ကျနော့်ဖာသာ Chiang Mai Night Bazaar ကိုသွားပြီး ( အဲဒီမှာ မြန်မာတွေ ရှိပါသည် ) Apartment ရှာဖို့လည်း အကြံပြုလိုက်ပါသည်။

     
     သူမ ဘယ်လောက်ရိုးသား၊ အပြစ်ကင်းစင်လိုက်သလဲဆိုလျှင် ( ကျနော်က apartment အမြန်ရမှ ကောင်း မယ်။ မရသေးရင် တရက်ကို ဘတ် ၂၅၀ စီ တရိပ်ရိပ် တက်နေတော့မှာဟု ပူပန်စွာ ပြောမိရာ ) “umm.. ကျမ အခန်းကလည်း လူနှစ်ယောက်နေဖို့ နည်းနည်းကျဉ်းနေတယ်။ နည်းနည်းကျယ်ရင်တော့ အကို့ကို ထားလို့ရ ပါတယ်” ဟူ၏။ ကျနော် သတိထားမိသလောက် အမေရိကန်သူတွေက ယောက်ျားတွေကို ( ကြိုတင်ပြီး ) မယုံကြည်သလိုလို ဘာလိုလို အမူအရာမျိုး ပြသလေ့ မရှိကြပါ။ သူတို့က ယောက်ျားတွေကို ယောက်ျား တယောက် ဆိုတာထက် ( သူ့ ego ကိုဒါဏ်ရာ မရစေသင့်သည့် ) “လူသားတယောက်” ( ignoring one’s sex ) အဖြစ်နှင့်သာ သဘောထားကြတာက ပိုသည်ဟု ထင်မိပါသည်။ ဒီ မြန်မာမလေး အကြောင်း ဆက်ရ သော် သူမက အသက် ၂၀-၂၅ ကြားခန့်၊ Harvard မှ Chemistry နှင့် ကျောင်းပြီးကာစ၊ ချင်းမိုင် တက္ကသိုလ် မှာတော့ American- native speaker တယောက် အနေဖြင့် အင်္ဂလိပ်စာပြဆရာမ ( တနှစ်စာချုပ်နှင့် ) လာလုပ်တာ ဖြစ်ပါသည်။ သူမနေထိုင်သော ကွန်ဒိုမီနီယံက တော်တော် အဆင့်မြင့်ပြီး rent တလ ဘတ် ၉၀၀၀ ပေးရသည် ဟု သိရပါသည်။ ဒါပေမဲ့ ပဲမများလှပဲ ခြေတု၊လက်တုဝတ်ထားသော ကျနော့်မှာ လှေခါး အတက်အဆင်းတို့ တွင် အကူအညီလိုမှန်း သိသည့်အလျောက် သူမ၏ ပခုံးတဖက်ကို ကျနော် လက်တင်ထား နိုင်ရန် အလိုက်သင့် လာရပ်ပေးသူ ဖြစ်ပါသည်။ နောင်အခါ တွေ့ကြသည့် အခါတိုင်းလည်း လှေခါး အတက် အဆင်းတို့တွင် သူမ၏ပခုံးကို ကိုင်ဖို့ အဲသည်လို လာရပ်ပေးမြဲ ဖြစ်ပါသည်။ တခါက မြန်မာဘုန်းကြီးကျောင်း တခုကိုသွားကြရာ ကျနော် ကိုယ့်ဖာသာ ဘိနပ်ချွတ်ရတာ အဆင်မပြေသဖြင့် ဤ ဟားဗတ်တက္ကသိုလ် ကျောင်းသူက မြေကြီးပေါ် ဒူးထောက်ထိုင်ပြီး ဖိနပ်ချွတ်ပေး ရှာလေသည်။ ( သူမ ဘုန်းကြီးကို မရှိခိုးဘဲ နေရာ မှ “ကျမက ခရစ်ယာန် ဘာသာဝင်ပါ အကို” ဟု ခပ်တိုးတိုးပြောပါသည်။ ) ကျောင်းပေါ်မှ ပြန်ဆင်းလာကြ တော့လည်း သူမကပဲ ကျနော့်ကို ဖိနပ်ဝတ်ပေးရပြန်ပါသည်။

     
     သူမ၏ အကြံပြုချက်အတိုင်း ကျနော် ညဈေးကို tok-tok စီးသွားပြီး မြန်မာလို့ ထင်ရသူ၊ မြန်မာစကား ပြောနေကြသူတွေကို apartment တခန်းလောက် ဘယ်မှာငှားလို့ရနိုင်မလဲ မေးကြည့်ရာ သူတို့က Apartment ငှားလို့ရသည့်နေရာတွေကို သိပ်မသိကြပါ။ နောက်ဆုံး ကျနော်အိတ်တလုံးဝယ်သည့် ထိုင်းမလေး ကို မေးကြည့်တော့မှ သူမက tok-tok စီးပြီး ဒီလိပ်စာကို သွားကြည့်လိုက်ပါ ဟု လမ်းညွှန် လိုက်ပါသည်။ ဟိုရောက်တော့ ကျနော့်မှာ passport မရှိဘဲ UNHCR Refugee slip တခုသာရှိသဖြင့် အကျိုးအကြောင်း ရှင်းပြ ပြီးနောက် တလဘတ် ၁၈၀၀ နှုန်း ဖြင့် ( ၂ ) လအတွက် ငှားဖြစ်လိုက်ပါသည်။ ( Apartment manager ကို passport ရနိုင်ရင် အဲဒီလူ refugee တောင်မဖြစ်ဘူးဟု refugee တရားကလေး ဟောလိုက်ရလေသည်း) ကျနော်အိမ်ခန်းရပြီ ဖြစ်ကြောင်း အမေရိကန်မြန်မာမလေးကို ဖုန်းနှင့်ပြောလိုက်ရာ သူမက ကျနော့် တည်းခိုခန်း သို့ လိုက်လာပြီး တရက်လျှင်တည်းခိုခ ( ဘတ် ၂၅၀ × ၄ ရက်အတွက် ) ကျသင့်ငွေ ဘတ် ၁၀၀၀ ကို သူမအိတ်ထဲကပဲ စိုက်ပေးလိုက်ပါသည်။ သူမ Apartment ရှာမပေးနိုင်တာအတွက် အပြစ်မကင်းဟု သူမ ခံစားမိပုံရပါသည်။

     
     သည်လိုနှင့် တလခန့်အကြာတွင် J-School စာမေးပွဲကို ရေးဖြေဖြေပြီးနောက် နောက်တနေ့ လူတွေ့ စစ်ဆေး မေးမြန်းခြင်းခံရစဉ် ကျနော့်ကို Interviewer အဖြူမက “ကျမတို့ လိုချင်တာက ငယ်ရွယ်ပြီးတော့ ဗီဒီယိုကင်မရာတလက်နဲ့ ပြေးပြေး လွှားလွှားလုပ်နိုင်မဲ့ reporter လူငယ်တွေပါ။ ရှင်က အဲလိုလုပ်နိုင်ဖွယ် မရှိတော့ ရှင်ဘာလုပ်နိုင်မယ်လို့ ပြောချင် ပါသလဲ” ဟုမေးပါသည်။ ကျနော်က editor, columnist, စသည်တို့ လုပ်နိုင်ပါသည်ဟု ဖြေခဲ့ပါသည်။ ထိုစဉ်ကတည်းက ကျနော် အရွေးမခံရနိုင် လောက်သည်ကို ရိပ်မိပါသည်။ တကယ်လည်း အရွေးမခံရပါ။ အရွေးခံရလျှင်တော့ ချင်းမိုင်မြို့ မှာ ( ၈ ) လခန့် J-school တက်ပြီး နယ်စပ်ဒေသ journalism field မှာ နှစ်နှစ်ခန့် တာဝန်ထမ်းရမည် ဖြစ်ပါသည်။ ဥပမာ.. ဧရာဝတီ မဂ္ဂဇင်းမှာ internship ဆင်းတာမျိုးလည်း ဖြစ်နိုင်ပါသည်။ test ဖြေပြီးနောက် အောင်စာရင်း ထွက်မှာကို တလလောက် ထပ်စောင့်နေရပါသည်။ ထိုသို့ ချင်းမိုင်မှာ ရှိနေစဉ် ကျနော် email ပို့နည်း၊ Googling လုပ်နည်း၊ Website တွေသို့ သွားလည်နည်းတို့ကို အင်တာနက်ဆိုင်ပိုင်ရှင် ထိုင်းအမျိုးသမီး၏ ( ၅ ) မိနစ်လောက်ကြာသော သင်တန်းအားဖြင့် တတ်မြောက်သွားပါသည်။ ထို့နောက် တနေကုန်နီးပါး အင်တာနက်ဆိုင်ထိုင်သည့် အကျင့်စွဲ လာပါသည်။ အဲဒီဆိုင်က နိုင်ငံခြားသားတွေကို ထိုင်းစာသင်ပေးသဖြင့် ထိုင်းစာ အခြေခံကို သိရအောင် ( ၅ ) ရက်လောက် သင်တန်းတက်လိုက်ပါသေးသည်။ မြန်မာမှာ ( က+ -ု = ကု ) ရသကဲ့သို့ပင် ထိုင်းမှာလည်း ( ကောကိုင်+ သရ ဥ = ကု ) ဖြစ်ကြောင်းလောက်ပဲ မှတ်မိပါတော့သည်။ ထို့နောက် ကျနော်က J-School test မအောင်၍ မဲဆောက်သို့ ပြန်တော့မည် ဖြစ်ကြောင်း အဲသည်မြန်မာမလေးကို သွားရောက် နှုတ်ဆက်ပါသည်။ သူမလည်း ကျောင်းပြန်တက်ရန် မကြာမီ အမေရိကပြန်တော့မည်ဟု ပြောပါသည်။ ထို့နောက် ကျနော်တို့ ချင်းမိုင်ရောက် အမှတ်တရအနေဖြင့် ချင်းမိုင်တက္ကသိုလ်ကို အုပ်မိုးထားသော “ဒွိုင်ဆူထက်” ( တန်ခိုးကြီး စေတီတော်တွေ ရှိသည် ) တောင်ပေါ်သို့ သွားကြပါသည်။ သူမ၏ အစစ အရာရာ စောင့်ရှောက်မှုအတွက် ကျနော်က သူမကို ချင်းမိုင် ( ထိုင်း ) အမှတ်တံဆိပ်ဖြစ်သော ဆင်ဖြူတော်ရုပ် မိန်းကလေးကိုင်အိတ် တလုံးကို လက်ဆောင်ပေးရာ သူမကလည်း ဆင်ဖြူတော် ရုပ်နှင့်ပင် ဖြစ်သော ဒိုင်ယာရီ တအုပ်ကို ကျနော့်ကို လက်ဆောင် ပေးပါသည်။   

( ၂ )

     ကျနော့်မှာ ယခင်က အိုးဝေဦးညိုမြ တက်သွားဖူးသည်ဟုသိရသော နယူယောက်မြို့ Columbia University Journalism School မှာ ကျောင်းတက်ချင်သည့် ရောဂါတခု ရှိသည်။ အဲဒါနှင့် ယမန်နှစ်က ကျနော် အဲသည် ကျောင်းကို ဝင်ခွင့် လျှောက်ထားခဲ့ပါသည်။ ဒါပေမဲ့ ထိုကျောင်းကို တက်ဖို့ ( Journalism School က M.S နှင့် M.A မဟာဘွဲ့တွေကိုသာ ပေးပါသည်။ Bachelor’s Degree မရှိပါ ) Toefl မှာ paper based test ဆိုလျှင် (၆၅၀/ ၆၇၂) မှတ်နှင့် အထက်၊ computer based test ဆိုလျှင် (၂၈၀/ ၃၀၀) မှတ်၊ Internet based test ဆိုလျှင် (၁၁၄/ ၁၂၀) မှတ် အနည်းဆုံး ရရှိရမည် ဖြစ်ပြီး မိမိကို ကောင်းစွာသိ သော ပညာရေးနယ်ပယ် ထဲက ပုဂ္ဂိုလ် ( ၃ ) ဦးထံမှ ထောက်ခံစာ၊ မိမိ ရေးသားခဲ့ဖူးသော သတင်း စသည်များ ကို ပူးတွဲ တင်ပြဖို့ လိုအပ်ပါသည်။ ကျနော်က ထိုစဉ်က Baltimore, Maryland က Community College တခုမှာ Newspaper Production အတန်းတခု ယူထား၍ ကျောင်းသတင်းစာမှာ ( assignment အဖြစ်ဖြင့် ) တလလျှင် သတင်း/ ဆောင်းပါး ( ၂ ) ပုဒ်စီ ရေးပေးရပါသည်။ ထို သတင်း၊ ဆောင်းပါးတွေကို မိမိရေးဖူးသော စာတွေ အဖြစ်ပြပါသည်။ ထို့နောက် အဲသည် Newspaper Production Professor ထံမှ ထောက်ခံချက် တခု ယူပါသည်။ ယခုအခါ နယူးယောက်မြို့ ကိုလံဘီယာ တက္ကသိုလ်မှာ Ph.D ( Maths ) လုပ်နေသော ကျနော့် မိတ်ဆွေ Jonathan က ထောက်ခံစာတခု ရေးပေးပါသည်။

    
     နောက်တခုပဲလိုတော့ရာ ယင်း အတွက် ယခုအခါ Pittsburgh, Pennsylvania မှာ ဆေးကျောင်း တက်နေ သော ချင်းမိုင်မှာတွေ့ခဲ့သည့် မြန်မာဆရာမလေးထံသို့ email ရေးလိုက်ပါသည်။ သူမက အဲသည်မြို့မှာ သူမ၏ချစ်သူ နှင့်အတူ နေထိုင်သည်ဟု ထင်ပါသည်။ သူမ၏ ပြန်စာကို မြန်မာပြန်သော် အနှစ်ချုပ်မှာ “အကိုအေးကျော်ဇံ.. ကျမ ချင်းမိုင်တက္ကသိုလ်မှာ တာဝန်ထမ်းခဲ့တာက a fully registered faculty တယောက် အနေနဲ့မဟုတ်ပါ။ အကိုက ကျမ၏တပည့်လည်း မဖြစ်ဖူးပါ။ နောက်ပြီး ရိုးသားစွာပြော ရလျှင် ကျမအကို့ရဲ့ journalism နှင့် ပါဝင်ပတ်သက်မှုကို လုံးဝသိသူ တယောက်မဟုတ်ပါ။ ဒီ အကြောင်းတွေကြောင့် ကျမ အကို့ ကိုထောက်ခံလျှင် ethical ဖြစ်မည် မထင်ပါ။ အကို့ကို မထောက်ခံနိုင်သည့် အတွက် ဝမ်းနည်းပါသည်” ဟူ၏။ အဲဒါနှင့် ယခင်ကယူဖူးသည့် News Gathering ဆိုသောအတန်း ဆရာမထံမှ ထောက်ခံစာဖြင့် ကျောင်း ဝင်ခွင့် လျှောက်လွှာကို တင်လိုက်ရပါသည်။ ( ထို ကျောင်းဝင်ခွင့်အတွက် နယူးယောက်မြို့ ကိုလံဘီယာတက္ကသိုလ်သို့  ဝင်ခွင့် စာမေးပွဲ သွား ဖြေရပါသည်။ ဒီစာမေးပွဲလည်း မအောင်ပြန်ပါ။ လျှောက်သူက ထောင်ချီရှိပြီး ရွေးတာက လူ ( ၂၀၀ ) ကျော်လောက်သာမို့ ကျောင်းဝင်ခွင့် ရဖို့ သူတို့အဖြူတွေပင် တော်တော် တော်နေဖို့ လိုအပ်ပါ သည်။ ကျနော့် မိတ်ဆွေ/ ကျေးဇူးရှင် Jonathan နဲ့ ပြန်တွေ့တာ၊ နယူးယောက်ကို ရောက်ဖူးသွားတာ၊ နယူးယောက်၏ ယခုအမြင့်ဆုံး အဆောက်အဦး အင်ပါရာ စတိတ် ၈၆-ထပ်ကို ရောက်ခဲ့တာပဲ အမြတ်ဟု ဆိုရပါမည်။း))

     ဤနေရာတွင် ကျနော့်ထင်မြင်ချက်ကို ထည့်ပြောချင်သည်မှာ ကျနော့် မိတ်ဆွေ ထိုမြန်မာမလေးထံမှ ထောက်ခံစာ ( recommendation ) မရသော်ခဲ့လည်း  ကျေနပ်မှု ရှိပါသည်။ အကြောင်းမှာ ကိုယ်လုပ်တဲ့ကိစ္စတခု ethical ဖြစ်/ မဖြစ် စိစစ်တတ်သည့်အကျင့်၊ ethical မဖြစ်လျှင် လိုက်မလုပ်သည့် အကျင့်သည် “တကမ္ဘာလုံး ဆိုင်ရာ လူ့ ကိုယ်ကျင့်သီလ” ( universal human ethic ) ဖြစ်သောကြောင့် ဖြစ်ပါသည်။ တကယ်ဆို ဒီမြန်မာမလေးသည် သိပ်ကို စိတ်နှလုံး နုညံ့သိမ်မွေ့သူ၊ မမောက် မာသူ၊ ပဲမများသောသူဆိုတာကို ကျနော်ကောင်းစွာ သိပါသည်။ ဒါပေမဲ့ unethical ဖြစ်သည်ဟုသူမ ထင်သော ကိစ္စတခုကိုတော့ ပြတ်သားစွာ ငြင်းလိုက်ပေသည်။ ကျနော်တို့နိုင်ငံမှာလည်း ဒီလို နိုင်ငံသားတွေ များလာဖို့ လိုအပ်သည်ဟု ထင်ပါသည်။ ဒီနိုင်ငံမှာ၊ ကနေဒါမှာ၊ အခြားဥရောပနိုင်ငံတွေမှာတော့ သည်လို ကိုယ့် လိပ်ပြာကိုယ် သန့်ချင်သော၊ ဘယ်လို အကြောင်းနှင့်မှ ကိုယ့်လိပ်ပြာကို အညစ်နွမ်း မခံသော နိုင်ငံသား တွေက အများစု ဖြစ်သည်ဟု ထင်ပါသည်။ သူတို့က ကိုယ့် “အတ္တ” ( ego or identity ) ကို ကိုယ်လေးစား နိုင်ရေး၊ သူတပါး၏ “အတ္တ” ကိုလည်း မနာကျင်စေရေး ( ဝါ ) လေးစားဂရုစိုက်ရေးမူ ဖြင့် နေထိုင်ကြသည်ဟု ထင်ပါသည်။ ယင်းတို့မှာ ကောင်းသော စိတ်အမူအရာဟု ထင်ပါသည်။


     ကျနော် လက်ရှိနေထိုင်သည့် Oregon ပြည်နယ်မှာ နံနက် ၂း၃၀ နာရီမှ ၇း၀၀ နာရီ အထိ အရက်သေစာ ရောင်းချခွင့် မရှိပါ။ ဒါကြောင့် သူတို့ကို ( ၂ ) မိနစ်လောက် အလို၊ အပိုမှာပင် ရောင်းပေးဖို့ ညှိနှိုင်း၍ မရတတ်ပါ။ “We’re sorry, but it’s illegal according to the State law, to sell alcohol beverage at this time.” လို့ပဲ ပြောကြပါလိမ့်မည်။ သူတို့က သူတို့၏ ပြည်နယ် အစိုးရ၊ ဖက်ဒရယ်အစိုးရက ထုတ်သော ဥပဒေကို ကွယ်ရာမှာပင် ဖောက်ဖျက်ချင်သည့် အတွေးမျိုး ရှိကြဟန်မတူပါ။ ဒေါ်စု ပြောသည့် “တရားဥပဒေ စိုးမိုး ရေး” မှာ ဒီသဘောတွေ ပါနေမည် ဟု ထင်ပါသည်။ ကောင်းတာတွေကို ( ဘယ်နေရာမှာ ပဲတွေ့တွေ့၊ တွေ့တဲ့နေရာက ) ယူသော် မကောင်းပါလော့..။

( ဆက်လက် ရေးသားပါဦးမည်။ )

မျက်မမြင် ပုဏ္ဏားတယောက်က စမ်းမိတဲ့အချစ်

      ဆယ့်သုံးနှစ်သား အစ်ကိုက
သုံးနှစ်သမီး သူ့ညီမလေးကို ချစ်သလိုမျိုး
သူမကို ညှာညှာတာတာ ချစ်လိုက်ရတာလေ..
“ကိုကို.. မီးမီး ကုန်းပိုးချင်တယ်” ဆိုလည်း ကုန်းပိုးရ
“ကိုကို.. မီးမီး ဗိုက်ဆာတယ်” ဆိုလည်း ထမင်းခွံ့ကျွေးရ
“ကိုကို.. မီးမီး အမြင့်ကခုန်ချကြည့်ချင်တယ်” ဆိုရင်တော့
( မခုန်ချဖို့ ) ချော့မော့ ဖြောင်းဖြရနဲ့
ကိုယ်မြင်နေချင်တာက သူမ မျက်နှာမညှိုးဘဲ
အစဉ် တခစ်ခစ် ရယ်မောနေခြင်းသာ
ဒီ ညီမလေးကို အကို ချစ်လိုက်ပုံက
ဒီလောက် ချစ်တတ်တဲ့ ကိုယ့် ကို ကိုယ်တောင်
အံ့ဩ ..  ကြည်ညို .. လေးစားမိ ရတဲ့ အထိပါပဲကွယ်..။

     သူမကို ( စိတ်ထဲကတောင် ) ပိုးစိုးပက်စက် မပြစ်မှား ရက်တာမို့
ညီမလေးလိုသာ ချစ်တာလို့ တကယ်ယုံကြည်နေချိန်မှာ
စိတ်ပညာ ဆရာကြီးတွေက ဒီလို ပြောကြရဲ့..
“အချစ်” ဟာ ဟောဒီနှစ်မျိုးစလုံး ဖြစ်နိုင်သတဲ့
Compassionate Love vs. Passionate Love
Unselfishness vs. Selfishness
“သူ့အတွက်ကိုသာ ကြည့်ချင်တာ” နဲ့ “ကိုယ့်အတွက်ကိုသာ ကြည့်ချင်တာ” မျိုး

     ချစ်နှမ..
ငါသည်ကား သင့်ကို Zick Rubin ရဲ့ Romantic Love မျိုးနဲ့
Elaine ရဲ့ Compassionate Love တို့နဲ့ ချစ်ခင် နေမိတော့ရဲ့..

     ဒါပေမဲ့..
ခြားနေတဲ့ တောင်တန်းတွေကလည်း မတ်စောက်လွန်း ပေရဲ့ ..။

( ၂၀၁၂ - ဖေဖေါ်ဝါရီလ - ၁၂  ရက်နေ့က ဖဘမှာ ရေးဖြစ်ခဲ့သော ကဗျာ )

                              .....................................

 Ref: http://psychology.about.com/od/loveandattraction/a/theoriesoflove.htm

“Romantic love is made up of three elements: attachment, caring and intimacy.”  

( by Psychologist Zick Rubin )

1.       Attachment: The need to be cared for and be with the other person. Physical contact and approval are also important components of attachment.

2.       Caring: Valuing the other persons’ happiness and needs as much as your own.

3.       Intimacy: Sharing private thoughts, feelings, and desires with the other person.

According to psychologist Elaine Hatfield and her colleagues, “there are two basic types of love: compassionate love and passionate love.”

1. Compassionate love  is characterized by mutual respect, attachment, affection and trust. It usually develops out of feelings of mutual understanding and shared respect for one another.
2. Passionate love is characterized by intense emotions, sexual attraction, anxiety and affection. When these intense emotions are reciprocated, people feel elated and fulfilled. Hatfield suggests that passionate love is transitory, usually lasting between 6 and 30 months.

( ဟော်မုန်းကြောင့် ဖြစ်လာသည့် ( ၂ ) နှစ်သက်တမ်းသာ ရှိသည်ဆိုသော အချစ်မှာ သည်အချစ်ပဲ  ဖြစ်ပုံရလေသည်။ ဤနေရာတွင် မှတ်သားရန်မှာ Compassionate Love လည်း ၂- နှစ်သာ ခံသည်ဟု ဤ သုတေသနက မဆိုထားပေ။ compassionate love, which is far more enduring. ဟု ဆိုထားသည် ကိုသာ တွေ့ပါသည်။ ကျနော်၏ တဦးချင်း အမြင်အရ Hormone theory ကို အခါခပ်သိမ်း အားထား ယုံကြည် အပ်သည် ဟု မထင်မိပါ။ အနည်းဆုံး ကျနော့် အတွက်တော့ အဲသည် သီအိုရီက မှားပါသည်။ ကျနော်က လူတယောက်မှာ Compassion အကြည်ဓါတ် ရှိနေသရွေ့ Compassionate Love သည် မခန်းခြောက်နိုင်ဟု ယူဆပါသည်။ )

[ စာကြွင်း။ ။ သည်ကနေ့ "အမေရိကန် အရင်းရှင်စနစ် အကြောင်း" ရေးနေတုန်း ကျနော့် ရင်ထဲသို့ ( ကြေကွဲမိသလို ရှိသော်လည်း မပူလောင်လှသော ) လူသားဆန်သည့် အေးအေးချမ်းချမ်း ခံစားမှုတခု တိုးဝင်လာရာ၊ တမင်ကဗျာတပုဒ် ရေးအံ့ဟု အားထုတ်ပြီး ရေး တာ မဟုတ်ဘဲ ထိုခံစားချက်ကို ဘေးကနေ လိုက်မှတ်ထားရုံဖြင့်  ဤကဗျာ ဖြစ်လာပါသည်။ ပြည်ထောင်စု နေ့မှာ၊ ( မြန်မာပြည် မှာတော့ ဗိုလိချုပ်မွေးနေ့ မှာ ) "ချစ်သူ များနေ့" နှင့် ပိုမို သက်ဆိုင်ဖွယ် ရှိသော ကဗျာတပုဒ်ကို တမင် အားမထုတ်မိပါဘဲ ရေးဖြစ်သွားခြင်းကို ခွင့်လွှတ် ကြပါကုန်။ နည်းနည်းလောက် ရှက်တက်တက် ရှိသဖြင့် မည်သူ့ကိုမျှ မ tag တော့ပါး)) ]

အမေရိကန် အရင်းရှင်စနစ်အကြောင်း ကျနော်ကြားမိသမျှ

 ( တစ် )

( စကားဦး။ ။ ဒီစာဟာ အမေရိကန် စီးပွားရေး ပညာရှင် ပါမောက္ခ Prof. Richard Wolff ရဲ့ “Capitalism Hits the Fan” ဆိုတဲ့ ဟောပြောချက် ( lecture ) ကို လိုရင်းလောက် ဘာသာပြန်ထားတာ ဖြစ်ပါတယ်။ မဖြတ် မတောက်ဘဲနဲ့ ဆိုရင် သူ့မူရင်းက ဟောပြောချိန် ၁း ၄၄ နာရီ၊ စာနဲ့ A4 ဆိုက်စက္ကူ ( ၁၄ ) မျက်နှာလောက် ရှိပါတယ်။ အဲဒီလောက် အရှည်ကြီးကို ကျနော် တလုံးချင်း word by word ဘာသာပြန်ရမှာ ပျင်းမိလို့၊ တချို့ ဟာတွေကို ကျနော်လည်း လုံးစေ့ပတ်စေ့ သိပ်နားမလည်လို့ သူပြောချင်တဲ့ အနှစ်ချုပ်ကိုပဲ ပြန်ဆိုထားတာ ဖြစ် ပါတယ်။ )

( ဟောပြောချက် အစ )

      

 “ကျနော်တို့ အမေရိကန် ပြည်ထောင်စုဟာ ကမ္ဘာ့စီးပွားရေး ဇာတ်ခုံပေါ်မှာ ကြီးမားတဲ့ အခန်း ကဏ္ဍကနေ ပါဝင်ကပြနေရတာနဲ့အညီ အမေရိကန် စီးပွားရေး ဘာတွေဖြစ်နေသလဲ၊ ကျနော်တို့ အခု ဘယ်အခြေဆိုက်နေ ကြသလဲ၊ ဒီအခြေကို ကျနော်တို့ ဘယ်လိုလုပ် ရောက်လာ ခဲ့ကြသလဲ၊ ကျနော်တို့ ဒီ အခြေကနေ ကော ဘယ်ဆီကို ဆက်သွားကြ၊ ရောက်ကြဦးမှာလဲ ဆိုတာတွေကို ဒီကနေ့ည ခင်ဗျားတို့ကို ကြိုးစားပြီး ပြောကြည့်ဦးမယ်လို့ ကျနော် စဉ်းစားထားပါတယ်။

ဒီစီးပွားရေး အကျပ်အတည်းဟာ ဒီ ( ၃ ) ခုတော့ မဟုတ်

( 3 Things the Economic Crisis Is Not )

       
ကျနော့် ဘဝတသက်တာလုံး မြင်ဖူးသမျှထဲမှာ ဒီ စီးပွားရေး အကျပ်အတည်းဟာ အဆိုးရွားဆုံး၊ အပြင်းထန်ဆုံး ပါပဲ။ ကိုင်း.. အခု ဒီ စီးပွားရေးအကျပ်အတည်းသည် “ဘာတော့ မဟုတ်ဘူး” ဆိုတာနဲ့ ကျနော် စ လိုက်ပါ ရစေ..။ ( တစ် ) ဒါသည် ဘဏ္ဍာရေး အကျပ်အတည်းတရပ် မဟုတ်ပါဘူး။  ( It’s not a financial crisis. ) ဒါကို လူတွေက တချိန်လုံး ဒီနာမည်နဲ့ပဲ ခေါ်နေကြပေမဲ့ ဒီ အချင်းအရာကို ဘဏ္ဍာရေး အကျပ် အတည်း လို့ခေါ်ရင် အဓိပ္ပါယ် မရှိပါဘူး။ ခင်ဗျားတို့ လည်း သိကြမှာ ဖြစ်တဲ့ အတိုင်း ဒါဟာ ကျနော်တို့ အမေရိကန် ပြည်ထောင်စုရဲ့ အရင်းရှင် စနစ်ကြီး တခုလုံးဆီကနေ  လာတာ ဖြစ်ပါတယ်။ ဘဏ်တွေဆီကနေ လာတာ၊ ဘဏ်တွေက စခဲ့ ကြတာ မဟုတ်ပါဘူး။ အဲဒါဟာ ဘဏ်အဝိုင်းအဝန်းလောက်မှာတင် ရှိနေတာမဟုတ်ပါဘူး။ အဲဒါဟာ ဘယ်အချိန် ဘယ်ကာလ မှာမှ၊ ဘယ်လိုနည်းနဲ့မှ၊ ခရက်ဒစ်ကတ်ဈေးကွက်၊ ဘဏ်လုပ်ငန်း၊ အာမခံလုပ်ငန်းလောက်မှာတင် ကန့်သတ်ထားတဲ့ကိစ္စ မဟုတ်ခဲ့ပါဘူး။ ( အဲဒီထက် ကျယ်ပြန့် ပါတယ်။ )

      

( နှစ် ) ဒုတိယအချက်က ဒါဟာ ယာယီ မဟုတ်ပါဘူး။ ရိပ်ကနဲ ဖြတ်သန်းသွားတဲ့ အရာ၊ တိုတောင်းတဲ့အချိန် အတွင်းမှာ ပြီးသွားလိမ့်မဲ့ကိစ္စ မဟုတ်ပါဘူး။ ( The second thing it isn’t is temporary, or fleeting, or short. ) အဲဒီလို တွေးရင် စောစောတုန်းက “ဒါသည် ဘဏ္ဍာရေး ကိစ္စလောက် သာလျှင် ဖြစ်တယ်” လို့ တွေးတာ စိတ်ကူယဉ်ရာ ရောက်သလိုပဲ ကိုယ်လိုရာ၊ ကိုယ် ဖြစ်စေချင် တာကို တွေးတာသာလျှင် ဖြစ်ပါလိမ့်မယ်။ ဒါနဲ့ ပတ်သက်ပြီး ကျနော် သမိုင်းထဲက အဖြစ်အပျက် နှစ်ခုကို ထုတ်ပြပါရစေ။ ပထမတခုက အခု ကျနော်တို့ ဖြစ်နေတာနဲ့ ကွက်တိနှိုင်းယှဉ်လို့ရတဲ့ ၁၉၃၀ စီးပွားပျက် ကပ်ကြီးပါ။ အဲဒီ စီးပွားပျက်ကပ်ဟာ ၁၉၂၉ လောက်မှာ ဗုံး ပေါက်ကွဲသလို ပေါက်ကွဲခဲ့ ပါတယ်။ အဲဒီ အချိန် ကနေ ၁၉၃၉ အထိ၊ သမ္မတဟူးဗား နဲ့ ရုစဗဲ့တို့ရဲ့ သမ္မတသက်တမ်း နှစ်ဆက်၊ ၁၀ နှစ်တိုင်တိုင် အခု ဝါရှင်တန် ( ဒီစီ ) မှာ လုပ်နေတာတွေနဲ့ တထပ်တည်းနီးပါး အတူတူလောက် ဖြစ်တဲ့   မြောက်မြားလှစွာသော ငွေကြေး၊ ဘဏ္ဍာရေး အစီအမံ တွေကို ပြုလုပ် ခဲ့ကြပါတယ်။ ဒါပေမဲ့ တခုမှ အလုပ် မဖြစ်၊ မအောင်မြင်ခဲ့ပါဘူး။ ကျနော်တို့ နိုင်ငံဟာ ဆယ်နှစ်လုံး အဲဒီ စီးပွားပျက်ကပ် ကနေ ရုန်းမထွက် နိုင်ခဲ့ ပါဘူး။ အဲဒီလိုနဲ့ နောက်ဆုံး အဲဒီ စီးပွားရေး အကျပ်အတည်း ကနေ ကျနော်တို့ကို ဆွဲထုတ် သွားခဲ့တာက လိမ်မာရေးခြားရှိတဲ့ မူဝါဒ တချို့ မဟုတ်ခဲ့ ပါဘူး။ ကျနော်တို့ကို ဆွဲထုတ်သွားခဲ့တာက လူ့အဖွဲ့အစည်းရဲ့ မဟာ အပြောင်းအလဲကြီး ဖြစ်တဲ့ “ဒုတိယ ကမ္ဘာစစ်ကြီး” ပါ။ ဒီလို ပြောတော့ ခင်ဗျားတို့က ဘယ်ပေါ်လစီ နဲ့မှ ဆေးမတိုးတဲ့ စီးပွားပျက်ကပ် တွေဟာ ရှေးရှေးတုန်းက ဖြစ်ခဲ့တာတွေပါလို့ ထင်နေကြမှာစိုးလို့ ကျနော့်ကို နောက် ဥပမာတခုကို ပြခွင့် ပြုပါ။  

       
၁၉၈၉ ခုနှစ်မှာ ကမ္ဘာပေါ်မှာ ဒုတိယအရေးအပါဆုံး စက်မှုနိုင်ငံ ဖြစ်တဲ့ ဂျပန်နိုင်ငံဟာ စီးပွားရေး ဆုတ်ယုတ်မှု လက္ခဏာတွေနဲ့ ကြုံတွေ့လာခဲ့ရ ပါတယ်။ အတော် ပြင်းပြင်းထန်ထန်ပါပဲ။ အခု ၁၈ နှစ်ကျော် လာခဲ့ပြီ။ Mr. Paulson နဲ့ Mr. Bernanke တို့ ကြိုးစားထားတဲ့ စီးပွားပျက်ကပ်ကုသရေး ဆေးနည်းစာရင်း ထဲ မှာ ပါလာသမျှ ငွေကြေး နဲ့ဘဏ္ဍာမူဝါဒတိုင်းကို တခုပြီးတခု ပြောင်းသုံး စမ်းကြည့်ခဲ့ပြီး ပေမဲ့လည်း ဂျပန်ဟာ အဲဒီ စီးပွားရေး ဆုတ်ယုတ်မှု ထဲ ရှိနေသေးဆဲပါ။ ဒါကြောင့် ဒါဟာ V- shaped ပုံစံနဲ့ ခပ်တိုတိုကာလမှာ ပြီးသွားမဲ့ ကိစ္စ၊  U- shaped ပုံစံနဲ့ ပြန်လည် ဦးမောလာမဲ့ ကိစ္စလို့ ထင်တာဟာ စိတ်ကူးယဉ်ပြီး ကိုယ်လိုရာ တွေးတဲ့ မျှော်လင့်ချက် တွေသာ ဖြစ်ပါတယ်။

      
( သုံး ) တတိယ အချက်ကတော့ ဒီ စီးပွားရေး အကျပ်အတည်း ဟာ လျှင်မြန်စွာနဲ့ လွယ်လင့်တကူ ပြင်ဆင် လို့ရတဲ့ အကျပ်အတည်းမျိုး မဟုတ်ပါဘူး။ ( The third thing it isn’t is quickly and easily fixable. ) အဲဒါ ကို ကျနော်တို့ မြင်ခဲ့ရပြီးပါပြီ။ လွန်ခဲ့တဲ့နှစ် နွေရာသီ Bear Sterns ( ဘဏ် / ငွေကြေးဆိုင်ရာ ကုမ္ပဏီ တခု ) အရေးက စလို့ အမေရိကန် ပြည်ထောင်စု အစိုးရဟာ ငွေကြေးမူဝါဒတွေကို တခုပြီး တခု စမ်းသပ်ကြည့် နေ ခဲ့ပါတယ်။ ပထမ ဘဏ် အတိုးနှန်း လျှော့ချ ကြည့်တယ်။ နောက် အမေရိကန် စီးပွားရေးလောက ကို ငွေအများ ကြီးထုတ်ပေးကြည့်တယ်။ ခင်ဗျားတို့ မှတ်မိ ကြမှာပါ။ လွန်ခဲ့တဲ့နှစ် နွေရာသီတုန်းက စီးပွားရေးကို နှိုးဆွပေးတဲ့ အနေနဲ့ ဘုရ်ှအစိုးရက မိမိတို့ရဲ့ အခွန်ငွေပေးသွင်းမှုထဲက ဒေါ်လာ ၃၀၀၊ သို့မဟုတ် ၆၀၀ ပြန်အမ်း ပေးတာကို ခင်ဗျားတို့ထဲက လူအတော်များများ ရဖူးလိုက်ကြမှာပါ။ ဒါပေမဲ့ အစပိုင်းမှာ လေကြီးမိုးကြီးနဲ့ တော်တော်ပဲ ဟုတ်တော့မလိုလို လက်ရှိအခက်အခဲ ကြီးကို ဖြေရှင်းပေးနိုင်မယ်ဆိုတဲ့ ဒီ မူဝါဒတွေဟာ အဆုံးမှာ မအောင်မြင်ခဲ့တာ ချည်း တွေ့ရ ပါတယ်။ ရှေ့ကတခု မအောင်မြင်တာကို  နောက်က လိုက်လာတဲ့ တခုက ခြေလှမ်း ပိုကျယ်လာတာနဲ့ သိနိုင်ပါတယ်။ ဒါကြောင့်မို့လို့ အလျှင်အမြန် တည့်မတ် ပြင်ဆင်နိုင်မှု၊ ဒါမှမဟုတ် အတိုးနှုန်းလျှော့ချမှု၊ ဒါမှမဟုတ် ငွေထုတ်ကြီး ပုံအောပေးမှု၊ အိုဘားမား အစိုးရက အခုစဉ်းစားနေတဲ့စီးပွားရေး ကို နှိုးဆွရေး အစီအစဉ်သစ်တွေ အားလုံးဟာ အင်အားနည်းလွန်းပြီး အချိန်နှောင်းလွန်းနေပါပြီ။ ဒီထက်ပိုကြီး တဲ့ တခုခု၊ ဒီထက် ပိုတာသွားမဲ့ တခုခုကို လုပ်ရတော့မှာ ဖြစ်ပါတယ်။  

ကျနော်တို့ရဲ့လာရာလမ်း။ ။“အမေရိကန်နိုင်ငံသည် သူတထူးနဲ့မတူ၊ သီးးခြား ပြည့်စုံသော နိုင်ငံတော် ဖြစ်၏” ( How We Got Here: American Exceptionalism )

ကဲ.. အဲဒီတော့ကာ ဒီအကျပ်အတည်းကြီး ထွက်ပေါ်လာခဲ့ရာ သမိုင်းအခင်းအကျင်းလို့ ကျနော် နားလည်မိတဲ့ဟာကို ကျနော် အခု စတင်ပြီး ပြောပါရစေ။ ဒီပြဿနာဟာ ဘယ်လောက် ကြီးမားကျယ်ပြန့် တယ်၊ ဘယ်လောက် နက်ရှိုင်းတယ်၊ ဘယ်လောက် လေးနက်တယ် ဆိုတာကို နားလည်နိုင်ဖို့ အတွက် ခင်ဗျားတို့ အနေနဲ့လည်း ဒါကို သိထားဖို့ လိုတယ်လို့ ကျနော် ထင်ပါတယ်။

     

အဲဒီလို နားလည်နိုင်ဖို့ဆိုရင် ကျနော်တို့တတွေဟာ ၁၈၂၀ ကနေ ၁၉၇၀ ကာလ များဆီကို ခဏလောက် သွား ကြည့်ကြ ပါစို့..။ ဒါ နှစ်ပေါင်း ၁၅၀ တိုင်တိုင် ကျနော်တို့ ကမ္ဘာမှာ၊ ကျနော်တို့ တိုင်းပြည် မှာ ဖြစ်နေနိုင်ခဲ့ တာဟာ တကယ် အံ့ဩစရာကြီးပါ။ ဘယ်လို၊ ဘာ့ကြောင့် အံဩစရာ ကောင်း တာလဲ။ ဟောဒီမှာပါ။ ( Power-point data presentation ) ဒီကာလ တလျှောက်လုံး၊ ၁၈၂၀ မှ ၁၉၇၀ အထိ ဆယ်စုနှစ်တိုင်းမှာ အမေရိကန် အလုပ်သမား များဟာ ( ခေတ်နဲ့ လျော်ညီတဲ့ ) လုပ်ခလစာ တိုးမြင့်ပေးမှုကို ခံစားခွင့် ရှိခဲ့ ကြပါတယ်။ ဘယ်လောက်ထိလဲ ဆိုရင် စီးပွားပျက်ကပ်ကာလ ဖြစ်တဲ့ ၁၉၃၀ - စုနှစ်များမှာတောင် ဒီ ဥပဒေသက မမှားခဲ့ပါ ဘူး။ အဲဒီခေတ်တုန်းက လုပ်ခလစာ လျော့နည်းသွားရင် ကုန်ပစ္စည်း ဈေးနှုန်းက ပိုလို့ လျော့နည်းသွား တတ်ပါ တယ်။ ဒါဟာ ကမ္ဘာ့သမိုင်းမှာ အဲဒီလို အဖြစ်မျိုး ရှိတယ်လို့ ပြောလို့ရတဲ့ တခုတည်းသော လူ့အဖွဲ့အစည်းလို့ တောင်မှ ပြောနိုင်ပါတယ်။ အဲဒါက ဒီ အမေရိကန် ပြည်ထောင်စုရဲ့ ထူးခြားချက်ပါ။ ဒီအခြင်းအရာက ကမ္ဘာ့နိုင်ငံ အရပ်ရပ်က လူတွေကို ဒီတိုင်းပြည်ထဲ လူလှိုင်းလုံးကြီးများ သဖွယ် ဝင်လာဖို့ ဆွဲဆောင်ခဲ့ပါတယ်။ ဒါဟာ အမေရိကန် ပြည်တွင်းစစ် ( ၁၈၆၁- ၆၅ ) နောက်ပိုင်းမှာ ပို ဖြစ်ခဲ့ပေမဲ့ ဒီ မတိုင်ခင် ခပ်စောစော ကာလ ကတည်းက ရှိနေခဲ့တာပါ။

      

တကယ်တော့ ဒီတိုင်းပြည်ဟာ သိပ်ပြီးတော့ကို ကြွယ်ဝ ပြည့်စုံတဲ့ တိုင်းပြည်ပါ။ မြေဆီ မြေဩဇာမှာ ချမ်းသာတယ် ( ကောင်းမွန်တယ် )။ ရာသီဥတုမှာ ချမ်းသာတယ်။ ဒီနိုင်ငံကို လူလှိုင်းလုံးကြီး သဖွယ် ရောက်လာကြသူတွေဟာ ဒီမြေပေါ်က ဒေသခံ တိုင်းရင်းသားတွေကို မောင်းထုတ် လိုက်ကြပြီးကြချိန်မှာ  ဒီနိုင်ငံဟာ အင်မတန် လုပ်ကိုင်စားသောက်ဖို့ကောင်း တဲ့ မြေတွေ ပေါများ လှပါကလားလို့ တွေ့ရှိလာခဲ့ ကြပါတယ်။ ဒီလို အကြောင်းကြောင်းတွေကြောင့် ကျနော်တို့ နိုင်ငံက အလုပ်သမားတွေက နှစ်ပေါင်း ၁၅၀ တိုင်အောင် လူနေမှု အဆင့်အတန်း ပုံမှန် မြင့်တက်နေမှုကို ခံစားနိုင်ခဲ့ကြ ပါတယ်။ အဲဒီအချိန်ဟာ အမေရိကန် အလုပ်သမားတွေရဲ့ ကုန်ထုတ်လုပ်မှု စွမ်းရည် မြင့်တက်ခဲ့ချိန်လည်း ဖြစ်ပါတယ်။ အလုပ်သမားတိုင်းအတွက် စက်တွေလည်း ကိုယ်စီကိုယ်စီ ပိုတပ်ဆင်ပေးနိုင်ခဲ့ပါတယ်။ သူတို့ကို သင်တန်းတွေပေးတယ်။ မြန်မြန် အလုပ် တွင်ကျယ်ရေးဟာ တောင်းဆိုချက် ဖြစ်လာခဲ့ပါတယ်။ အလုပ်သမားတွေက ပိုအလုပ်လုပ် နိုင်လာပြီးတော့ သူတို့ရဲ့ အလုပ်ကြိုးစားပမ်းစား လုပ်မှုအတွက်လည်း သူတို့ဟာ လုပ်ခပိုရပြီး၊ လူနေမှု အဆင့်အတန်း မြင့်မား လာတဲ့ ဆုလာဘ် ကို ရရှိ ခံစားနိုင်ခဲ့ကြပါတယ်။ ဒါက အမေရိကန် ပြည်ထောင်စု ရဲ့ ပုံရိပ်ကို ပြောင်းလဲစေ ခဲ့တာ ခင်ဗျားတို့လည်း သိပါတယ်။ ဒီအချက်ဟာ အရေးကြီးပါတယ်။ ဘာလို့လဲ ဆိုတော့ ဒီအချက်က ကျနော်တို့ အခု ကြုံနေရတဲ့ ပြဿနာကို ရှင်းပြမှာ မို့ပါပဲ။

      

ဘာမှ အံ့ဩစရာ မရှိပါဘူး။ ဒီ လူနေမှု အဆင့်အတန်း ပုံမှန် မြင့်မားလာနေမှုကို လက်ငင်း လက်လှမ်းမီ နိုင်ခဲ့ကြတဲ့ ကျနော်တို့ရဲ့နိုင်ငံသားတွေဟာ ဘဝကို အောင်မြင်တဲ့ဖက်ကနေ အဓိပ္ပါယ်ဖွင့်ဆိုခဲ့ကြပါတယ်။ အဲဒါ ကတော့ “ဒီ အမေရိကန်နိုင်ငံဟာ သူတထူးနဲ့ မတူ၊ သီးခြား ပြည့်စုံသော နိုင်ငံတော်ဖြစ်၏” ဆိုတဲ့ သိမှတ်မှု အပေါ် အခြေခံတဲ့ ( ပြည်ချစ် ) ဝါဒ ပဲ ဖြစ်ပါတယ်။

      

ဒီတော့ သူတို့က ဒီလိုမျိုး ပုံမှန် ဖြစ်လာလိမ့်မယ်လို့ တွေးလာကြပါတယ်။ “ငါ့ သားသမီးဟာ ငါ့ထက် လူနေမှု အဆင့်အတန်း မြင့်မြင့်နဲ့ နေနိုင်ပေလိမ့်မယ်”၊ “ငါ့မြေးတွေက သူတို့ မိဘထက် ပိုသာကြပေလိမ့် မယ်” - အဲဒါဟာ ဒီတိုင်းပြည်ရဲ့ လူနေမှု အဆင့်အတန်းနဲ့ ပတ်သက်ပြီး တည်ဆောက်ပြီးသားလို ဖြစ်လာခဲ့တဲ့ အမြင်တခုပါ။ ဒါကို ခင်ဗျားဝယ်နိုင်တဲ့ အဝတ်အစား၊ ခင်ဗျား နေနိုင်တဲ့အိမ်၊ ခင်ဗျား ဝယ်နိုင်တဲ့ကား၊ ခင်ဗျားရဲ့ လူပုဂ္ဂိုလ်တယောက် အဖြစ် တန်ဖိုး၊ ခင်ဗျားရဲ့ အောင်မြင်မှု စတာတွေနဲ့ ကိုယ်တိုင်နှိုင်းယှဉ်ပြီး တိုင်းထွာကြည့် လိုက်တော့ အကုန်ဟုတ် ( အကျိုးသင့် အကြောင်းသင့်ရှိ ) နေခဲ့တာ ချည်းပါပဲ။ ဒါဟာ အမေရိကန်တွေရဲ့ ဘဝ အရည်အသွေး ဖြစ်လာခဲ့ပါတယ်။

      

ခင်ဗျားတို့အနေနဲ့ ကျနော်တို့ အမေရိကန်တွေရဲ့ “စားသုံးမှု ဝါဒ” အခြေခံကို နားလည်ပြီးသား ဖြစ်ကြ မယ် လို့ ထင်ပါ တယ်။ ကျနော်တို့ဟာ လူနေမှုအဆင့်အတန်း မြင့်မားစေတဲ့ ကုန်ပစ္စည်းနဲ့ ဝန်ဆောင်မှုကို ဝယ်နိုင်တယ်၊ တတ်နိုင်တယ်၊ ရအောင် လုပ်နိုင်တယ်ဆိုတဲ့ ( အနည်းဆုံး အဲသလို အထင် ရောက်နေတဲ့ ) လူ့ အဖွဲ့အစည်း တခု ဖြစ်ပါတယ်။ ဒါကြောင့်ပဲ ကျနော်တို့ တိုင်းပြည်ဟာ “ကြော်ငြာလုပ်ငန်း” ( advertising ) စတင် ပေါက်ဖွားလာခဲ့ရာ တိုင်းပြည်၊ ကောင်းလား မကောင်းလားတော့ မသိ၊ အဲဒီ ပစ္စည်းကြော်ငြာတဲ့ အလေ့အထကို ကျန်ကမ္ဘာကို အမွေပေးခဲ့တဲ့ တိုင်းပြည် ဖြစ်လာခဲ့တာပါ။ ဘယ်လိုပဲ ဆိုဆို ကျနော်တို့ဟာ “စားသုံးရေးကို အားပေးတဲ့ လူ့အဖွဲ့အစည်း” ( ချွေတာဖို့ သတိမရတဲ့ တိုင်းပြည် ဟူလို ) တခု ဆိုတာတော့ အမှန်ပါ။ ကမ္ဘာပေါ်မှာ ကျနော်တို့ဟာ ခုထိ အဲဒီလို လူမျိုး အနေနဲ့ ရှိနေဆဲပါပဲ။

    

ရပ်တန့်ခိုင်း ခံရတဲ့ သမိုင်း။ ။ လုပ်ခလစာ တိုးမြင့်မှု ရပ်စဲပြီ

( History Interrupted: Wages Stop Rising )      

     

၁၉၇၀ - စုနှစ်များမှာတော့ နှစ်ပေါင်း ၁၅၀ တိုင် မှန်လာခဲ့တဲ့ သမိုင်း တခုဟာ ရပ်စဲသွားခဲ့ပါတော့တယ်။ လုပ်ခ လစာ တိုးမြှင့်ပေးမှုဟာ ၁၉၇၀ ပြည့်လွန်နှစ်များကတည်းက ရပ်ဆိုင်းသွားလိုက်တာ အခုထိ ဒါကို ပြန် အစ မဖော်ကြတော့ပါဘူး။ ဒါဟာ ကျနော်တို့ လူတွေ အများစုက သိပ် သတိမပြုမိကောင်း မပြုမိကြသေးပုံရတဲ့ အခြေခံ အပြောင်းအလဲကြီး တခု ဖြစ်ပါတယ်။ ကျနော်တို့ လူတွေဟာ ( အသစ်ပေါ်ရင် ဝယ်မယ်ဆိုတဲ့ ) အမေရိကန် စားသုံးမှုဝါဒ ယဉ်ကျေးမှုကို အလွယ်တကူ စွန့်လွှတ်ကြလိမ့်မယ် လို့များ ထင်မိပါသလား။ သူတို့အနေနဲ့ “ငါ ငါ့ဝင်ငွေ၊ ငါ့ ပိုင်ဆိုင်မှု နဲ့ ငါ့တန်ဖိုးကို ဆန်းစစ်ကြည့်ဦးမှပါပဲ။ ငါ့မှာက အခြားနည်း မရှိရင် လူနေမှု အဆင့်အတန်း မြင့်မြင့် နေဖို့ ဆိုတာ မဖြစ်နိုင်တော့ဘူး” လို့များ တွေးလိမ့်မယ် ထင်ပါသလား။ ကျနော်တို့ရဲ့ လက်တွေ့ သမိုင်းအရ ကိုယ့်လူတွေက “စားသုံးမှုဝါဒ” ယဉ်ကျေးမှု ကိုတော့ ဖြင့် မစွန့်လွှတ် ခဲ့ကြပါဘူး။ သူတို့မှာ အဲဒီ အကျင့်ကို မစွန့်ဘဲ နေဖို့ဆိုရင် အခြားနည်းတခုကို ရှာရ ပါတော့မယ်။ ဟုတ်ကဲ့။ သူတို့ အခြားနည်း တခု ရှာခဲ့၊ တွေ့ခဲ့ကြပါတယ်။ ဒါပေမဲ့ ကျနော်တို့ ရှေ့ဆက် မသွားသေးခင်မှာ ခင်ဗျားတို့ စိတ်ထဲမှာ ရှိနေမယ်လို့ ကျနော် ထင်မိတဲ့ မေးခွန်းလေးတခု ကို အရင် ဖြေကြည့် ပါရစေ။ ခင်ဗျားတို့ရဲ့ ရင်ထဲမှာ “ဒီ လုပ်ခ လစာ တောက်လျှောက် တိုးလာနေခဲ့တဲ့ အစဉ်အလာဟာ ဘာဖြစ်လို့ ရပ်စဲသွားခဲ့ ရတာလဲ” ဆိုတဲ့ မေးခွန်း ရှိနေမှာပါ။ ဒါကို ကျနော် ဖြေရရင် အခြေခံအားဖြင့် အကြောင်းရင်း ( ၄ ) ချက် ရှိပါတယ်။

       
ပထမ အကြောင်းရင်း တခုက ကျနော်တို့ တိုင်းပြည်မှာ ရင်သပ်ရှုမော ဖြစ်လောက်စရာ နည်းပညာ အပြောင်းအလဲ တခု ပေါ်ပေါက်လာခဲ့ ခြင်းပါပဲ။ သူ့ကို “ကွန်ပြူတာ” လို့ ခေါ်ပါတယ်။ အဲဒီ ကွန်ပြူတာ ဆိုတာကြီးကြောင့် ၁၉၇၀ ပြည့်လွန် နှစ်တွေမှာ လူအများအပြား အလုပ်ကနေ ဖယ်ရှားခံခဲ့ကြရပါတယ်။ ကွန်ပြူတာ အော်ပရေတာ တယောက် နှစ်ယောက်လောက်က လူတရာစာလောက် အလုပ် လုပ်နိုင်ပေတာ ကိုး..။          

      

ဒုတိယ အချက်ကတော့ ၁၉၇၀ စုနှစ်များ အတွင်းမှာ အင်မတန်မှကို မြိုးမြိုးမြက်မြက်နဲ့ ကျေနပ်စရာ ရှိခဲ့ပေ တဲ့ ၁၉၄၅- ၁၉၇၅ ဒုတိယ ကမ္ဘာစစ်လွန် အမေရိကန် စန်းထချိန်ဟာ သက်တမ်း ကုန်ဆုံးသွားခဲ့ပါတယ်။ ဘာ ကြောင့်ပါလဲ။ အမေရိကန်ကို ပြိုင်နိုင်လောက်တဲ့ နိုင်ငံတွေက ဒုတိယ ကမ္ဘာစစ်ကြီး အတွင်းမှာ စစ်ဘေးဒါဏ် သင့်ပြီး စုတ်ပြတ် သွားခဲ့ ကြပါတယ်။ အဲဒီ အချိန်မှာ အမေရိကန်က ကိုယ့် ပြေ ကိုယ့်မြေမှာ စစ်ဒါဏ် မခံခဲ့ရတဲ့ တခုတည်း သောနိုင်ငံ ဖြစ်ခဲ့ပါတယ်။ အမေရိကန်က ကျန်ကမ္ဘာ အတွက် ပြိုင်ဖက် မရှိ ထုတ်လုပ်သူ ဖြစ်လာခဲ့ပါတယ်။

       
ဒါပေမဲ့ ၁၉၇၀ ပြည့်လွန် နှစ်တွေ လောက်မှာတော့ ဥရောပ နဲ့ ဂျပန် နိုင်ငံတွေဟာ စစ်ဘေးဒါဏ် သင့်ရာ ကနေ ရုန်းထလာတဲ့ အချိန်ကာလ ဖြစ်ခဲ့တယ်။ အဲဒီ နိုင်ငံတွေက အမေရိကန်ကို တည့်တည့် ကြီး ရင်ဆိုင် ယှဉ်ပြိုင်ဖို့ ဆိုတာ မလွယ်မှန်းသိကြတယ်။ ဒီတော့ အဲဒီလို ယှဉ်ပြိုင်ရာ မရောက်တဲ့ လုပ်ငန်းတွေကိုသာ ရွေး လုပ်ကြတယ်။ ဒါကြောင့် ကျနော်တို့ တိုင်းပြည်က ရုပ်မြင်သံကြားစက် မထုတ်လုပ်တာပါပဲ။ ( ဂျပန်က အမေရိကန် မထုတ်လုပ်တဲ့ဟာကို ထုတ်လုပ်တယ် လေ ) ဒီလို ကမ္ဘာပေါ်မှာ စက်မှုနိုင်ငံတွေ ပြန် ပေါ်လာကြ တော့ အမေရိကန် စီးပွား ရေးသမားတွေက ဒီလို တွက်ကြပါတယ်။ တကယ်လို့ သူတို့ကို မျိုးပြုတ်အောင် မဖြုတ်နိုင်ဘူး ဆိုရင် သူတို့နဲ့ ပေါင်းလုပ်ဖို့ပဲ ရှိတယ် ဆိုတာပါပဲ။ ဒီလိုနဲ့ အမေရိကန် ကုမ္ပဏီတွေဟာ နိုင်ငံခြားကို ရောက်တာတွေ ရောက်ကုန်ကြတယ်။ အမေရိကန် စီးပွားရေး လောကမှာ ဒီနှစ်ကာလတွေ အတွင်း ထူးခြားတာ နှစ်ခု ဖြစ်လာခဲ့ပါတယ်။ အလုပ်အကိုင်တွေ နိုင်ငံခြားကို ရောက်ကုန်လို့ အမေရိကန် အလုပ်သမားတွေ အတွက် နစ်နာဖို့ ဖြစ်လာတာရယ်၊ နောက်တခုက ၁၉၆၀-၇၀ နှစ်များအတွင်းမှာ အမျိုးသမီးတွေ အလုပ်ခွင်ထဲ ဝင်လာကြတာရယ် ဖြစ်ပါတယ်။  

      

စတုတ္ထ အချက်ကတော့ နိုင်ငံရပ်ခြားက ဝင်ရောက်လာသူ ( migrant workers ) လှိုင်းလုံးကြီးကြောင့်ပါပဲ။ အထူးသဖြင့် လက်တင် အမေရိက အလယ်ပိုင်း နိုင်ငံတွေက လူတွေ များပါတယ်။ ဒါပေမဲ့ တကမ္ဘာလုံးက လူတွေပါပဲ။ ဒီ migrant workers တွေ၊ အမျိုးသမီး အလုပ်သမ တွေ တိုးလာ နေချိန်မှာ ကွန်ပြူတာကျေးဇူးနဲ့ အလုပ်သမား လိုအပ်ချက် နည်းလာ၊ အလုပ်တွေ နိုင်ငံခြား ရောက်သွားလို့ အလုပ် နည်းလာပါတယ်။ ဒီတော့ အလုပ်သမား လုပ်ခ လစာ ကို တိုးပေးဖို့ မလို အပ်တော့ပါဘူး။

ဒါဏ်ရာကို ကုစားခြင်း။ ။ အမေရိကန် ပြည်သူတွေရဲ့ တုန့်ပြန်ချက်

( Coping with Trauma: the People’s Response )

အဲဒီလို ရှေးနှစ်ပေါင်း ( ၁၅၀ ) အတွင်း မဖြစ်ဖူးမြဲကိစ္စ - လုပ်ခလစာ တိုးမပေးတော့ဘူး ဆိုတာ ဖြစ်လာတော့ ဒီဥစ္စာက လူတွေကို ဒီပြဿနာအတွက် တနည်းနည်းနဲ့ ကိုင်တွယ်ဖြေရှင်းဖို့ ( တခုခုတော့ ရွေးဖို့ ) တွန်းပို့ လိုက်ပါ တယ်။ ဒါကို ကျနော် နှစ်ပိုင်း ခွဲ ပြီး ပြောပါမယ်။ လုပ်ခ တိုးမြင့်မှု ရပ်စဲသွားတဲ့ နောက် အလုပ်လုပ်တဲ့ ပြည်သူတွေဖက်က ဘယ်လိုလုပ်လာကြသလဲ ဆိုတာရယ်၊ ပြီးတော့ လုပ်ငန်းရှင်အသိုင်းအဝိုင်းက ဘာလုပ်လာ သလဲ ဆိုတာရယ်တွေဖြစ်ပါတယ်။ ဘာဖြစ်လို့လဲ ဆိုရင် ဒီ အုပ်စု ( ၂ ) စုရဲ့ တုန့်ပြန်ကြပုံတွေထဲမှာ ကျနော် တို့ အခု လက်ငင်း ကြုံတွေ့ နေရတဲ့ အကျပ်အတည်း ရဲ့ ကုန်ကြမ်း အမယ်တွေ ပါဝင်နေလို့ပါပဲ။

ဒီတော့ ပြည်သူ့ဖက်က ဒါကို ဘယ်လို ဖြေရှင်းခဲ့ သလဲ ဆိုတာနဲ့ စလိုက် ပါရစေ..။ ပထမ တချက် အနေနဲ့ အမေရိကန် အလုပ်သမား လူတန်းစားဟာ အလုပ် ပို လုပ်လုပ်ကြပါတယ်။ တကယ်လို့ ခင်ဗျား တနာရီမှာ ရတဲ့ လုပ်ခလစာ က နှုန်းထားအသေ ဆိုရင် ခင်ဗျား ဖြေရှင်းနိုင်တဲ့နည်းလမ်းက နာရီ ပို လုပ်ဖို့ပဲ ရှိတယ်။ အိမ်ရှိ လူကုန် အပြင်ထွက်ပြီး နာရီ များများ အလုပ် လုပ်၊ အမေရိကန် အလုပ်သမား လူတန်းစားက အဲဒါ လုပ်ခဲ့ပါတယ်။

၁၉၇၀ ပြည့်လွန်နှစ်တွေကနေ ယခုအချိန်အတွင်းမှာ အမေရိကန်တွေရဲ့ တနှစ် အလုပ်လုပ်ချိန် နာရီပေါင်းဟာ ၂၀% တိုးမြင့်လာပါတယ်။ ( Power-point presentation ပြသည် ) အဲဒီ နှုန်းထား၊ ကိန်းဂဏန်းဟာ များလှပါ တယ်။ ကျနော်တို့ဟာ လွန်ခဲ့တဲ့ နှစ်ပေါင်း ၃၀ တုန်းကထက်စာရင် နာရီပေါင်း ၂၀ % ပို အလုပ် လုပ်လာကြရ တာ ဖြစ်ပါတယ်။ နှိုင်းယှဉ်ချက်အနေနဲ့ ပြောရရင် ဥပမာအားဖြင့် ပြင်သစ်၊ ဂျာမနီ၊ အီတလီ စတဲ့ ဥရောပ နိုင်ငံ တွေမှာတော့ ဒီ ကာလအတူတူ အတွင်းမှာ သူတို့က ပျမ်းမျှ လူတယောက် အလုပ်လုပ်ချိန် နာရီပေါင်း ၂၀% လောက် လျော့နည်းသွားပါတယ်။

ကံကောင်းထောက်မလို့ နွေရာသီအားလပ်ရက်မှာ ဥရောပရောက်သွားကြတဲ့ အမေရိကန်တွေဟာ အဲဒီကလူတွေက ပိုမို လူဆန်တဲ့လမ်းကြောင်းမှာ နေနိုင်ကြတာကိုမြင်ကြရလို့ ခေါင်းကုတ်ပြီး ပြည်တော် ကို ပြန်လာ ကြပါ တယ်။ အဲဒါဟာ ဘာမှ မထူးဆန်းပါဘူး။ အမေရိကန်တွေက ကုန်းရုန်းပြီး အလုပ်လုပ်ကြ (ရ) ပါတယ်။ ကမ္ဘာပေါ်မှာ ကျန်တဲ့ စက်မှုကမ္ဘာက အဲသလောက် အလုပ် မလုပ်ပါဘူး။ သူတို့မှာ ထမင်း (အစာ) ကို စိမ်ပြေ နပြေ စားနေဖို့ အချိန် ရှိကြပါတယ်။ ကျနော်တို့ အမေရိကန်တွေကတော့ အဲဒီအချိန်မှာ “ဆောလျှင်စာ” ( fast food ) တွေ တီထွင်ကောင်းနေတုန်း ပါပဲ။ အမေရိကန် မိသားစုတွေရဲ့ မျှော်လင့်ချက်က အိမ်မှာရှိသမျှ လူကုန် အပြင်ထွက် အလုပ်လုပ် ခြင်းဖြင့် မြင့်တက်လာတဲ့ စားသုံးမှုစရိတ်ကို တောင့်ခံထားဖို့ ဖြစ်လာပါတယ်။ တကယ်လို့ အမျိုးသမီးတယောက်ဟာ အိမ်မှုကိစ္စ လုပ်မနေတော့ဘဲ အလုပ်ခွင်ထဲ ဝင်တော့မယ်လို့ ဆုံးဖြတ် လိုက်ရင် သူ့မှာ အလုပ်နဲ့ ဟပ်စပ်တဲ့ ဝတ်စုံ လိုလာမယ်။ mass transportation သိပ် အားမကောင်းလှတဲ့ အမေရိကလို တိုင်းပြည်မှာ သူ့အတွက် ကိုယ်ပိုင်ကား ဆိုတာ လိုလာပါတယ်။ ဒါက ဘာကို ပြသလဲ ဆိုရင် အလုပ်ချိန် နာရီ ပိုလုပ်တာနဲ့ အမျှ ( ငွေ ပိုဝင်သလို ) ကုန်ကျစရိတ်၊ စားသုံးမှုလည်း တဖက်က ပိုကြီးလာ တယ် ဆိုတာပါ။ ဒီလို အလုပ် ( နာရီ ) ပို လုပ်တဲ့ နည်းနဲ့မှ သိပ် အဆင်မပြေသေးဘူး၊ မလောက်ငှ သေးဘူးဆိုရင် သူတို့ ဒုတိယနည်းလမ်း တခု အနေနဲ့ ဘာထပ် လုပ်နိုင်ပါသေးသလဲ။ ကောင်းပါပြီ။ အဲဒီ အဖြေကို ခင်ဗျားတို့ အားလုံးလည်း သိပြီးသားပါ။ ကမ္ဘာပေါ်မှာ၊ လူသားမျိုးနွယ်ရဲ့ သမိုင်းမှာ ဘယ်နိုင်ငံမှာမှ၊ ဘယ်အလုပ်သမား လူတန်းစားကမှ တခါမှ မလုပ်ခဲ့ဖူးတဲ့ကိစ္စ တခုကို အမေရိကန် အလုပ်သမား လူတန်းစားက ၁၉၇၀ ပြည့်လွန်နှစ်တွေမှာ စလုပ်လာခဲ့ ပါတယ်။ ချေးငှားတာပါ။ အမေရိကန်တွေ စတင် ချေးငှားတတ်လာ ခဲ့ကြပါတယ်။

အစ ပထမ ပိုင်းမှာတော့ ငွေချေးငှားသူတွေ အကြိုက် အပေါင်ခံပစ္စည်း နဲ့ပါ။ အိမ်ကို အပေါင်ထားတာ၊ အိမ်ကို အကြွေးဝယ်တာ တွေ ရှိလာပါတယ်။ ခင်ဗျားတို့ မှတ်ထားဖို့က ဒီအကျပ်အတည်းကြီး ပေါ်ပေါက်လာ ခဲ့တာ ဟာ အိမ်အကြွေး ရောင်းဝယ်တဲ့လုပ်ငန်း ( mortage ) ရဲ့ ပါတ်ဝန်းကျင်မှာ ဆိုတာပါ။ ဒါပေမဲ့ အမေရိကန် အလုပ်သမား လူတန်းစားတွေဟာ တကယ်တော့ အိမ်ပေါင်နိုင်လောက်အောင်၊ အိမ်ပေါင်တဲ့ငွေနဲ့ စားလောက် အောင် ချမ်းသာကြတာ မဟုတ်ပါဘူး။ ဒီတော့ အပေါင်ခံပစ္စည်း လုံးဝ မပါဘဲနဲ့ ငွေချေးလို့ရမဲ့ နည်းလမ်းတခု တီထွင်ဖို့ လိုအပ်လာပါတယ်။ ငဲဒီ နည်းလမ်းကို ရှာဖွေတွေ့ရှိခဲ့ကြ ပါတယ်။ အဲဒီနည်းလမ်းက ခင်ဗျားတို့ရဲ့ လက်ကိုင် အိတ်ထဲမှာပါ။ အဲဒါကိုတော့ “အကြွေးဝယ်ကဒ်” ( Credit Card ) လို့ ခေါ်ပါတယ်။   ငွေချေးငှားတဲ့ လူတွေက ဘာအပေါင် ပစ္စည်းမှ မပါဘဲ ချေးငှား ထားရတာမို့ တနှစ် အတိုးနှုန်းက ( အနည်းဆုံး ) ၁၈% လောက်နဲ့ပါ။

အဲဒါက အမေရိကန်သမိုင်းမှာ နက်ရှိုင်းစွာ တည်ရှိနေတဲ့ ပြဿနာ တရပ်ကို ဖြေရှင်းပေးနိုင်ခဲ့ပေမဲ့ ၂၁ - ရာစု ဆန်းစ ဒီအချိန်မှာ ပြဿနာတရပ်ကိုလည်း ထုတ်လုပ်ခဲ့ပါတယ်။ အဲဒါကတော့ အလုပ်လုပ်ရလွန်းလို့ မောပန်း နုံးချိနေတဲ့ အလုပ်သမား လူတန်းစား၊ အိမ်ရှိ လူကုန် ထွက်ပြီး အလုပ်လုပ်ရလို့ ပုံပန်းပျက်ယွင်း သွားတဲ့ တသီး ပုဂ္ဂလိကဘဝ၊ နှစ်စဉ် ဝင်ငွေထက် နှစ်စဉ် အကြွေးကများသလို ဖြစ်နေတဲ့ အဆင့်ထဲ ရောက်နေတဲ့ ဒီလူ့ အဖွဲ့ အစည်း ဟာ ရှေ့ကို ဆက်မိုက်လို့ မရတော့တဲ့ ရေချိန်မှတ်တခုကို ရောက်နှင့် နေခဲ့ပြီ ဖြစ်ပါတယ်။ ဒီလူ့ အဖွဲ့အစည်းဟာ ဒီထက်ပိုပြီး အကြွေးယူလို့ မရတော့ပါဘူး။ ဒီထက် ပိုပြီး အလုပ်လုပ်ဖို့ ဆိုတာလည်း မဖြစ် နိုင်ပါဘူး။ ဒါကြောင့် ဒီပြဿနာဟာ ယာယီ မဟုတ်တာ ဖြစ်ပါတယ်။ ဒါဟာ လမ်းကြောင်းတခု ပေါ်က အစက်အပြောက်လေးတခု မဟုတ်ပါဘူး။ ကျနော်တို့ဟာ အရင်းရှင် စနစ်ရဲ့ အဆုံးစွန်သော ဘဝကို ရောက်ရှိ နေကြပြီ ဖြစ်ပါတယ်။  

ဒီ “ဒါဏ်ရာ ဒါဏ်ချက်” ( Trauma ) က စီးပွားရေးလုပ်ငန်းတွေ အတွက် ဘာအဓိပ္ပါယ်ဆောင်သလဲ
( The Meaning of the “Trauma” for Business )

ကဲ.. အခု စီးပွားရေးလုပ်ငန်း အသိုင်းအဝန်းဖက်ကို ပြန်လှည့်ကြည့် ပါရစေ။ လွန်ခဲ့တဲ့ နှစ်ပေါင်း ၃၀ ကျော် ကာလဟာ စီးပွားရေး လုပ်ငန်းရှင်တွေ အဖို့ ကချင်ရာကခွင့်ရတဲ့ စင်မြင့် ဖျော်ဖြေပွဲ တခုလို့များ ဆိုရမလား။ အလုပ်သမားတွေအကြောင်း စိတ်မချမ်းသာစရာတွေ ကျနော် အိတ်သွန်ဖာမှောက် ပြောပြခဲ့ပြီးတဲ့ နောက် အခု သတင်းကောင်းတွေ ရှိတဲ့ ဖက်ကို လှည့်ကြည့် ကြပါဦးစို့ ..။ ကွန်ပြူတာတွေကို စတင် သုံးစွဲလာတာနဲ့ အတူ ကျနော်တို့ အလုပ်သမားတွေရဲ့ ကုန်ထုတ်လုပ် နိုင်စွမ်းဟာ ပိုပိုပြီး မြင့်မား လာခဲ့ပါတယ်။နှစ်စဉ် နှစ်တိုင်း ကျနော်တို့ အလုပ်သမားတွေဟာ ပိုမို ထုတ်လုပ် ခဲ့ကြပါတယ်။ ဒါပေမဲ့ အဲဒါအတွက် သူတို့ လုပ်ခလစာ ပိုရခဲ့ကြပါရဲ့လား။ ဟင့် အင်း.. ။ အရင် နှုန်းထား အတိုင်းပါပဲ။ မိတ်ဆွေများ ခင်ဗျား။ ဒီ အလုပ်ရှင် နဲ့ အလုပ် သမား ကြားက ဝင်ငွေ “ အကွာအဟ” ကို တော့ “အမြတ်” ( Profits ) လို့ ခေါ်ပါသဗျ။ ဒါကြောင့်မို့လို့ လွန်ခဲ့တဲ့ နှစ်ပေါင်း ၃၀ ကျော်အတွင်း လုပ်ခလစာ မတက်လာဘဲ ကုန်ထုတ်စွမ်းအား တက်လာခဲ့ရာက ရရှိခဲ့တဲ့ အမြတ်အစွန်းဟာ အမေရိကန် အရင်းရှင်စနစ်နဲ့ အခြား ဘယ်အရင်းရှင်စနစ်ရဲ့ သမိုင်းမှာမဆို အကြီးကျယ်ဆုံး လို့ ဆိုနိုင်ပါတယ်။

ဒီ စီပွားရေး အကျပ်အတည်းဟာ Wall Street ရဲ့ အကျပ်ဆိုက်မှု မဟုတ်ပါဘူး။ ဒါဟာ Wall Street ( စတော့ ရှယ်ယာ ဈေးကွက် ) က Main Street ( စီးပွားရေးလုပ်ငန်းများ၊ စက်ရုံ / အလုပ်ရုံများရှိရာ လမ်းကျယ် လမ်းမ များ လို့ ဆိုလိုဟန်ရှိပါတယ်။ context အရ သေချာတာကတော့ ဒါဟာ employers’ side ကို ရည်ညွှန်းတယ် ဆိုတာပါပဲ ) ကို ခန်းခြောက်သွားအောင် လုပ်လိုက်တဲ့ တစုံတရာ မဟုတ်ပါဘူး။ ဒါဟာ Wall Street မှာ အလုပ် ရှုပ်နေသလို Main Street မှာလည်း စီးပွားရေးသမားတွေရဲ့ အိပ်မက်တွေနဲ့ အလုပ်ရှုပ်နေတဲ့ စနစ်တခုရဲ့ အကျပ် အတည်း သာလျှင် ဖြစ်ပါတယ်။ ဒီ ဆယ်စုနှစ်တွေဟာ အလုပ်ရှင်တွေ အတွက် လစာ ပိုမပေးရဘဲ အမြတ်အလကား ရတဲ့ တကယ့် ပွဲကြီးပွဲကောင်း နှစ်များပဲပေါ့။ ဒီတော့ သူတို့ဟာ နှစ်ကုန်တဲ့ အခါ ဒီ အမြတ် ငွေထဲက အရင်တုန်းက မကြားဖူးတဲ့ Bonus ဆိုတာကို ပေးလာပါတယ်။ ဒီငွေတွေ ဘယ်က လာသလဲ ဆိုတာ ကို ကျနော် ပြောပြီးပါပြီ..။

သူတို့ ဘာတွေ ထပ် လုပ်ပါသေးသလဲ။ သူတို့ဟာ အချင်းချင်း ကုမ္ပဏီတခုကို တခုက ဝယ်ကြပါတယ်။ ခင်ဗျား ပြိုင်ဖက် တယောက် အနေနဲ့ ကျနော်တို့ရဲ့ ဆူးညှောင့် ခလုတ် ဖြစ်နေသလား။ ခင်ဗျားကို ဝယ်လိုက် ရုံ ပေါ့။ နိုင်ငံခြားကုမ္ပဏီတခုက ခင်ဗျားဈေးကွက်ကို လာ ခိုးနေသလား။ ဒါလည်း ဝယ်လိုက်ရုံပါပဲ။ ဝယ်ဖို့ ခင်ဗျားမှာ ငွေ ရှိနေတာပဲ။

သူတို့ ဘာထပ်လုပ်ကြ ပါသေးသလဲ။ စိတ်ဝင်စားစရာပါပဲ။ ကော်ပိုရေးရှင်းကြီးတွေက သူတို့ ပိုလျှံငွေကို ဘဏ်ထဲ ထည့်ပါတယ်။ ဒီ ကော်ပိုရေးရှင်းတွေနဲ့ ဘဏ်တွေဟာ ဒီငွေတွေနဲ့ သူတို့လုပ်နိုင်တာတခုကို တွေ့ရှိ ခဲ့ကြပါတယ်။ သူတို့ အဲဒီငွေတွေနဲ့ အလုပ်သမားတွေကို ငွေ ထုတ်ချေးပါတယ်။ ဒီနည်း အားဖြင့် လုပ်ခ လစာ မတက်လာတဲ့ အလုပ်သမားတွေဟာ ပုံမှန် သုံးစွဲနိုင်နေခဲ့ပါတယ်။ အလုပ်သမားတွေကို လစာတိုးပေးမဲ့အစား ငွေတိုးချေးစားတာက ပို မမိုက်လားဗျာ။ သူဌေးတွေမှာက ငွေ ရှိတယ်။ အလုပ်သမားတွေက သုံးဖို့စွဲဖို့ အတွက် ငွေချေးချင်တယ်။ ချေးမှလည်း အဆင်ပြေမဲ့ အခြေအနေ ရှိတယ်။ အဲဒီတော့ ဒီသူဌေးတွေ အတွက်တော့ နိဗ္ဗာန်ဘုံကြီးက ဒီလောကမှာတင် ရှိနေသလို ပေါ့ဗျာ..။

ဒီလိုနဲ့ အမေရိကန် စီးပွားရေးလုပ်ငန်းကြီး တွေဟာ တိုက်ရိုက် သော်၎င်း၊ ဘဏ်တွေက တဆင့် သော်၎င်း ငွေချေးတဲ့ လုပ်ငန်းထဲ ပါလာကြတယ်။ ဥပမာ၊ General Mortors ဆိုပါတော့။ သူက ကားထုတ်လုပ်တာနဲ့ နာမည်ကျော်တာပါ။ ဒါပေမဲ့ ဒီနှစ် ၃၀ အတွင်းမှာတော့ အရင်တုန်းကနဲ့ အလွန်ခြားနားတဲ့ ငွေရှင် တဦး ဖြစ်လာ ခဲ့ပါတယ်။ သူတို့က GMAC ( General Mortors Acceptance Corporation ) ကို တည်ထောင်လိုက်တယ်။ ဒါဟာ တကယ်တော့ ဘဏ်တခုပါပဲ။ ဒီဘဏ်ကနေ လူတွေကို ကားဝယ်ဖို့ ငွေထုတ်ချေးပါတယ်။ ကြာလာတာ နဲ့အမျှ ဘဏ်လုပ်ငန်းကို ကားထုတ်လုပ်ရေး ထက်တောင် အလေးထားလာတယ်။ ဒီဆယ်နှစ်အတွင်း သူတို့ရဲ့ တခုတည်းသော ဆုံးဖြတ်ချက် အမှားကတော့ ဒီလောက်နဲ့လည်း အားမရသေးဘဲ အိမ်ခြံမြေ ဆောက်/ ရောင်း လုပ်ငန်းကိုပါ လုပ်လာခဲ့ ခြင်းပါပဲ။ ဒါပေမဲ့ General Motors ဟာ wrong decision ကို wrong time မှာ ချမှတ် တဲ့ကိစ္စကို နှစ်ပေါင်း ၃၀ ကျော်တိုင်တိုင် လုပ်နေနိုင်ခဲ့ပါတယ်။ ကျန်တဲ့ ဘဏ်တွေကလည်း သူ့နောက် လိုက်ကြပါတယ်။ ဒီလိုနဲ့ ကျနော်တို့ အားလုံးဟာ အကြွေးရရင် ဆင် ဝယ်စီးမဲ့ အလေ့အကျင့် တခုမှာ နေသား ကျလာခဲ့ကြပါတယ်။ ကျနော့်ဆီ ကျနော်ကလည်း မတောင်းဆို ပါဘဲနဲ့ တပါတ်ကို credit card ကြော်ငြာတဲ့ စာ အမြဲတမ်း ၂-၃ စောင် လောက် ရောက်ပါတယ်။ ငွေရှင်တွေက အမေရိကန်တွေကို အကြွေး ဝဲဩဂ ထဲကို တွန်းပို့ဖို့ချည်း ကြံကြပါတယ်။ မြတ်တာကိုး ခင်ဗျာ။ ကျနော်တို့ ကိုရွှေ အမေရိကန်တွေ ကလည်း နောင်ခါလာ နောင်ခါဈေး ဆိုပြီး အကြွေးရရင် ယူပါတယ်။ ကျနော်တို့ဟာ အဲလို ထိန်းမနိုင်သိမ်းမရ၊  အမြတ်အစွန်းကြည့် လူ့ အဖွဲ့ အစည်း တခုပါ။ Wall Street က ဘဏ္ဍာရေးမျက်နှာစာမှာ လည်း ဒီအခြေအနေက ထင်ဟပ်နေ ပါတယ်။ လူသစ်တွေကို နည်းလမ်းသစ်၊ အတိုးနှုန်းသစ်နဲ့ ချေးငွေသစ် ချဖို့ပဲ စဉ်းစား လုပ်ဆောင် နေပါတော့တယ်။


“ကြောင်းကျိုးမဲ့ သောင်းသောင်းဖြဖြနိုင်မှု” ဒါမှမဟုတ် “Bust and No Boom in Sight” ( ဒါကို ကျနော် ဘာသာမပြန်တတ်ပါ။ “ကိုယ့်မျက်စိရှေ့မှာတော့ ပေါက်ကွဲ မနေဘူးပေါ့” လို့ ပြန်ရင်ကော..?? )
( “Irrational Exuberance” or Bust and No Boom in Sight )

    
ဒါဟာ အရူးအမူးနိုင်မှု တခုပါပဲ။ ထိန်းချုပ်ဖို့ ခက်ခဲလှတဲ့ နေသားကျမှု တခုပါပဲ။ ဒါပေမဲ့ဘာမှတော့ အံ့ဩစရာ မရှိပါဘူး။ တကယ်လို့သာ ကျနော်တို့ကတဖက်မှာ သွေးရိုးသားရိုးမဟုတ်တဲ့နည်းနဲ့ အမြတ်ရှာတဲ့  အခြေ အနေ တရပ် ဖန်တီးထားပြီး၊ အခြားတဖက်မှာ အလုပ်လုပ်ရလွန်းလို့ ဒီထက် ပိုလုပ်ဖို့ မဖြစ်နိုင်တော့တဲ့၊ ငွေ အငမ်းမရ လိုနေတဲ့ လူထု တရပ်ကို ဖန်တီးထားမိ ရက်သား ဖြစ်နေခဲ့ရင် ဒါဟာ အန္တရယ် ကြီးမားတဲ့ အတွဲ အစပ်ပဲလို့ ဆိုရမယ်။ ဒီလိုနဲ့ အမြတ် ငမ်းငမ်းတက် ဖြစ်နေတဲ့ စီးပွားရေးလုပ်ငန်းရဲ့ ငွေတွေ ဘီလျံရာချီ၊ အမှုဆောင် လူကြီးတွေရဲ့ ဝေစုထဲက ဒေါ်လာ သန်းရာချီကို ဘဏ်တွေနဲ့ ပေါင်းပြီး  ပြန်မဆပ်နိုင်မဲ့ လူတွေကို ချေးခဲ့ကြပါတယ်။ လာထားစမ်း။ အရင်းစနစ်ရဲ့ သမိုင်းကို ဒီလို စိတ်ထင်ရာ လုပ်တဲ့ကိစ္စတွေရဲ့ ပေါက်ကွဲမှုတွေ နဲ့ ကန့်ထားတာကွဲ့ ( Oh, come on. The history of capitalism is punctuated by booms and busts. ) ဒီနေရာမှာ Mr. Greenspan ရဲ့ ပြောစကားကိုပဲ ကိုးကားလိုက်ပါရစေ။ သူက “ကျနော်တို့မှာ ရှိခဲ့တာက  ကြောင်းကျိုးမဲ့ သောင်းသောင်းဖြဖြနိုင်မှု ပါပဲ” တဲ့။ အိုကေ..။ ဒါက အတတ်နိုင်ဆုံး ယဉ်ယဉ်ကျေးကျေး ခေါ် ကြည့်တာပါ။ တကယ်တော့ ကျနော်တို့ဆီက စီးပွားရေးလုပ်ငန်းတွေရဲ့ အရူးထမှု တွေပါပဲ။

(စကားချပ်။ ။ အောက်ပါ Lunacy #1: ( အရူးထမှု - #၁ ) ဆိုသော အပိုင်းကို ကျနော်ခင်ဗျားတို့ကို ပြန်ပြော ပြနိုင်လောက်အောင် ရှင်းရှင်းလင်းလင်း နားမလည်လှသဖြင့် ချန်လှပ်ထားခဲ့ ပါသည်။ ကျနော့်ထက် အင်္ဂလိပ်စာ တော်ကြသူ၊ အကင်းပါးကြသူများ အတွက် ချန်လှပ်ခဲ့သော အပိုင်းကို အောက်တွင် ဖော်ပြပေးလိုက်ပါသည်။

Lunacy #1: In the 1990s, as these profits were building up, suddenly our business community decided that the new internet is going to revolutionize the universe. It really isn’t just an expanded yellow pages. It’s really a radically new thing. And so they invested in companies – funny companies with little names – usually two or three initials. Companies that had been around three or four years, had never made any profit, and who said in their annual statements, we don’t expect to make any profit for ten years. Who cares? Their stocks were bid up to $500 a share. And you all know what that was. That was the boom of the late 1990s, and in March and April of the year 2000, the stock market crashed. We’d had our first bubble of this latest profit boom period. A wild excess.

The index of the Nasdaq, the most important stock market for these kinds of firms, reached $5000 in March-April of 2000. Today, it is less than half that. It never recovered. That’s a drop of the proportions of the great depression. Our stock market hasn’t recovered. So terrifying was the collapse of the stock market in early 2000 that our government reacted in terror by saying, oh my god, the economy is going to fall apart. We have to save it by getting people to spend, so we’re gonna lower interest rates. We know what will happen if you lower all the interest rates, people will borrow like crazy. And they did. And what they spent their money on was housing. So after the collapse and the bubble of stock market, we had another bubble of real estate. It went crazy. Everybody buying housing, building housing, everywhere. Cheap money to borrow, build, buy, build, buy, and now we have the collapse of the real estate bubble. And there’s nothing left to bubble. What are we going to do? There isn’t anything. The stock market’s finished. Real estate is finished.

There were people who thought we might have a new bubble called exports. Collapse the value of the dollar, make our goods real cheap, and the rest of the world will buy them. Unfortunately, the rest of the world refuses to play. Won’t do it. So we don’t have it. We’ve run out. And so we sit a collapsed bubble, the wealthy having produced an armada of new instruments that are now not worth very much. So that our business community is aghast with staggering losses and so, in its own peculiar way, has come to replicate the exhaustion and anxiety of the working class. For different reasons, heaven knows. But we have an economic landscape that is littered with corpses. )  


ဘာတွေက အလုပ်မဖြစ် လောက်ဘူးလဲ - လုပ်ထုံးလုပ်နည်း ဥပဒေများ
( What Won’t Work: Regulations )

ဒီတော့ ကျနော်တို့ဟာ ဒီ မေးခွန်းကို မေးစရာ ရှိလာပါတယ်။ “အခုဆိုရင် ( အိုဘားမား ) အစိုးရရဲ့ အမေရိကန် ကုမ္ပဏီတွေကို ကယ်တင်ရေး အစီအစဉ်အရ AIG နဲ့ ဘဏ်တွေရဲ့ အစုရှယ်ယာတွေကို ဝယ်တောင်မှ ဝယ်နေပြီ ဖြစ်တဲ့၊ အောင်မြင်ဖို့ အလားအလာ သိပ်မရှိလှတဲ့ စီးပွားရေး ပြန်လည်ဦးမော့ရေး ကြိုးပမ်းချက်တွေ အစား ဘာကို ပိုလုပ်လိုက်သင့်သလဲ” ဆိုတာပါ။

ကျနော့် အမြင်အရတော့ အစိုးရက ဒီကိစ္စကို ဒီလို တို့ကနန်း၊ ဆိတ်ကနန်း လုပ်နေရုံ လောက်နဲ့ ပြဿနာရဲ့ အဖြေ ကိုတွေ့ လိမ့်မယ်လို့ မထင်မိပါဘူး။ ဒီလိုမျိုး မြင်တာ ကျနော် တယောက်တည်းလည်း မဟုတ်ပါဘူး။ ဝါရှင်တန် ( ဒီစီ ) က လူတွေ အတော်များများလည်း အဲဒီလို မြင်ကြပါတယ်။ အဲဒီတော့ သူတို့လည်း သူတို့ ယုံကြည်တဲ့ အတိုင်း တနည်းတဖုံ လုပ်နေကြတာတွေ ရှိပါတယ်။ ဒါတွေ ဘာဖြစ်လို့ အလုပ် မဖြစ်လောက်ဘူးလဲ ဆိုတာကို ကျနော် အခု ကြိုးစားပြီး ရှင်းပြပါ့မယ်။

ကျနော်တို့ဟာ ဒုတိယကမ္ဘာစစ်ကြီးရဲ့ နောက်ပိုင်း နှစ်ပေါင်း ၃၀ ကျော် ( ၁၉၇၀ အထိလို့ ဆိုလို ) အထိ regulated economy ( စည်းမျဉ်းဥပဒေတွေနဲ့ ထိန်းထားတဲ့ စီးပွားရေး အခင်းအကျင်း ) ထဲမှာ နေထိုင်ခဲ့ ကြပါ တယ်။ ၁၉၃၀ မှာ စီးပွားပျက်ကပ် ကြုံခဲ့ရ ကတည်းက သမ္မတ ရုစဗဲ့လ် အစိုးရဟာ စည်းမျဉ်းစည်းကမ်း ပေါင်းစုံ ချမှတ်ခဲ့ပါတယ်။ အဲဒီလို ချမှတ်တာကလည်း မှန်ကန်သင့်မြတ်ခဲ့ပါတယ်။ ဒီ စည်းမျဉ်းစည်းကမ်းတွေက ဘဏ် တွေဟာ ဘာလုပ်နိုင်သလဲ၊ ကော်ပိုရေးရှင်းက ဒါရိုက်တာဘုတ်အဖွဲ့တွေ အနေနဲ့  ဘာလုပ်နိုင်ကြသလဲ၊ ဘာလုပ် သင့်ကြသလဲ စသည်ဖြင့် သတ်မှတ်ပေးခဲ့ ပါတယ်။ Social Security, Unemployment Insurance ဆိုတဲ့ အရင်က မကြားဖူးတဲ့ အဖွဲ့တွေ၊ ဌာနတွေလည်း ရှိလာ ခဲ့ပါတယ်။ ဒီ စည်းမျဉ်းတွေကိုလည်း ၁၉၃၀ လောက် ကနေ ၁၉၇၀ လောက် ကာလ အထိ အစိုးရက မဖြစ်မနေ လိုက်နာ စေခဲ့ပါတယ်။ အဲဒီ စည်းမျဉ်း စည်းကမ်းတွေကို ပြန်ပြီး ရုပ်လာခဲ့ ချိန်ကတော့ ၁၉၇၀ စုနှစ် အကုန်၊ သမ္မတရေဂင်အစိုးရ လက်ထက်က စတင် ပါတယ်။

အိုကေ.. ဒါဖြင့် ကောင်းပြီ။ ကျနော်တို့ ရေဂင်၊ ဘုရှ် (အကြီး) ၊ ကလင်တန်၊ ဘုရှ် (အငယ်)၊ အခု အိုဘားမား လက်ထက် ရောက်တဲ့ အထိ တောက်လျှောက် ဖြစ်လာခဲ့တဲ့ ဒီ “the era of deregulation” ကို ပြင်ပြီး အရင် ခေတ်ကောင်း၊ ခေတ်ဟောင်း ဆီကို ပြန်သွားကြမလား လို့ မေးစရာ ရှိပါတယ်။ ဒီလို သွားမယ်ဆိုရင် regulations တွေ ပြန်ပြဌာန်း၊ ကုမ္ပဏီ ဒါရိုက်တာ အဖွဲ့ဝင်တွေ ဒါတော့ မလုပ်ရဘူး။ ဒါတော့ လုပ်သင့်တယ်။ ဒါတော့ လုပ်နိုင်တယ်လို့ ပြန်သင်၊ အစိုးရကိုလည်း စီးပွားရေးလုပ်ငန်းတွေကို control, regulate, observe, monitor လုပ်ဖို့ အာဏာတွေ၊ ပါဝါတွေ၊ လုပ်ပိုင်ခွင့်တွေ ပြန်ပေး၊ အဲဒါမျိုးတွေ လုပ်ရမယ် ဆိုတာကို နားလည် နိုင်ပါတယ်။ ဒါပေမဲ့လို့ အခြားတဖက်က ကြည့်လိုက်ရင် ဒီနည်းကလည်း သိပ် မထိရောက်လှတာ ကို တွေ့လာရပါတယ်။

သမ္မတရုစဗဲနဲ့ သူ့နောက်ပိုင်းသမ္မတ တွေ ဖြစ်ကြတဲ့ ထရူးမင်း၊ ကင်နေဒီ၊ ဂျွန်ဆင် တို့လက်ထက်မှာလည်း regulations တွေ ပြဌာန်း ခဲ့တာ ပါပဲ။ ကုမ္ပဏီ ဒါရိုက်တာတွေဟာ ဘယ်လိုလုပ်ရမယ်၊ ဘယ်လို မလုပ်ရ ဆိုတဲ့ regulations တွေကိုလည်း လိုက်နာခဲ့ကြပါတယ်။ ဒါပေမဲ့ ဒီ ဒါရိုက်တာအဖွဲ့ဝင် ဆိုသူတွေဟာ ကော်ပိုရေးရှင်း တွေရဲ့ မက်လောက်တဲ့ ဆုတော်ငွေတွေ၊ အခွင့်ထူးခံ အခွင့် အရေးတွေနဲ့ ဝယ်ယူခြင်းကို ခံရပြီးတော့ အစိုးရရဲ့ စည်းမျဉ်း ဥပဒေတွေကို လက်တလုံးခြား ရှောင်ဖို့ ကြိုးစားတဲ့ ကိစ္စကိုလည်း လုပ်ခဲ့ကြပါတယ်။ နောက်ဆုံး တော့ ဒီလူတွေဟာ နိုင်ငံရေးအရ ဩဇာညောင်းလာအောင် လုပ်ပြီး သူတို့အတွက် ခလုတ်ကန်သင်း ဖြစ်တဲ့ အစိုးရ regulations တွေကို ဖျက်ဖို့ ကြိုးစားလာခဲ့ကြပြီး အောင်လည်းအောင်မြင်ခဲ့ ကြပါတယ်။ ဒီ ဒါရိုက်တာ ဘုတ်အဖွဲ့ ဆိုတာ တကယ် တော့ လူ ၁၅ ၁ယာက် ကနေ ၂၅ ယောက် လောက်ပဲ ရှိတဲ့ လူအစုအဝေး ကလေး တခုမျှသာပါ။ တိုင်းပြည်ရဲ့ စီးပွားရေး ကံကြမ္မာက ဒီ အခွင့်ထူးခံ လူတစု လက်ထဲမှာပဲ ရှိနေတာပါ။ ဒါကြောင့် regulations တွေ ဆိုတာကလည်း တကယ်တော့ စာရွက်ပေါ်မှာပဲ ရှိတဲ့ စာအသေလိုပါပဲ။ ( So of course the regulations become a dead letter. )

တကယ်လို့ ခင်ဗျားက စစ်ဆင်ရေးတခု လုပ်တယ် ဆိုပါတော့။ ခင်ဗျားက ရန်သူတွေကို နိုင်အောင်တိုက်ဖို့ အားမထုတ်ဘဲနဲ့ မြောက်များလှစွာသော စည်းကမ်းတွေ ချည်းပဲ ထုတ်နေရင် အဲဒီလို ဗိုလ်ချုပ်မျိုးကို စိတ်ရောဂါ ဆောင် ပို့ဖို့ပဲ ရှိပါတယ်။ ကျနော်တို့ တိုင်းပြည်က regulations တွေဟာလည်း ဟန်ပြ အခွံ ဆန်ဆန် စည်းမျဉ်းတွေပဲ ဆိုတာ နှစ်ပေါင်း ၅၀ လောက် စောင့်ကြည့်မှု ကနေ သိလာရပါတယ်။ အဲဒါဆီကို ကျနော်တို့ ပြန်သွားကြဦးမလို့လား။ ကျနော်တော့ သွားဖို့ လိုတယ် လို့ မထင်မိပါဘူး။ ကျနော့် ကောက်ချက် ကို ပြောရရင် ကျနော်တို့ဟာ ဒီ လက်ရှိ လူမှုဘဝ၊ စီးပွားရေးဘဝ အခင်းအကျင်းကြီး တခုလုံးကို မပြုမပြင်ဘဲ ဒီအတိုင်း ထားမယ် ဆိုရင် ဘာတွေပဲလုပ်နေနေ “ကုန်ထုတ်လုပ်ငန်ရှင်” ( people who run the production enterprises ) နဲ့ “ကုန်ထုတ်လုပ်သူများ”( people who work in them ) အကြားက ပဋိပက္ခ အသွင်ဆောင် တဲ့ ဆက်ဆံရေးကို ကောင်းအောင် ဖြေရှင်းပေးနိုင်မယ်လို့ မထင်မိပါဘူး။ ဒီပြဿနာဟာ လုပ်ခလစာ မတိုးဘဲ နေဖို့ မဖြစ်ထိုက်ပါလျှက်နဲ့ တကယ်တမ်းမှာတော့ မတိုးဘဲနေတာ၊ ဒီ ( အလုပ်သမား လူတန်းစားရဲ့ ) အကြွေးတွေဆိုတာက သူတို့ရသင့်တဲ့ လုပ်ခတိုးမြင့်မှု ဝင်ငွေ တွေသာ ဖြစ်တာ၊ အလုပ်တွေ ပြောင်းရွှေ့သွားတာတွေရဲ့ အကြောင်းရင်းလည်း ဖြစ်ပါတယ်။


ကဲ.. ဒီလိုဆို ဘယ်နည်းလမ်းက အလုပ် ဖြစ်ပါ့မတုန်း
( So What Might Work? )

ဒီ ပြဿနာကို ဖြေရှင်းနိုင်မဲ့ နည်းလမ်းက ဘာများ ဖြစ်နိုင်မလဲ။ ဒီလို စဉ်းစား ( စိတ်ကူးယဉ် ) ကြည့်လိုက် စမ်းပါ။ ဥပမာ၊ သမ္မတ အိုဘားမား အစိုးရက အရင်တုန်းက နဲ့ မတူ၊ ကွဲပြား ခြားနားတဲ့ စည်းမျဉ်းစည်းကမ်း တခု ထုတ်လိုက်တယ် ဆိုပါတော့။ အတိုချုပ် ပြောရရင် အရင်တုန်းက ရှယ်ယာဝင်တွေ အပေါ်မှာ တာဝန်ရှိတာ၊ တာဝန်ခံရတာက ဒါရိုက်တာဘုတ် အဖွဲ့ဝင်တွေပဲ ဖြစ်ပါတယ်။ အခု စည်းမျဉ်းသစ်အရ အဲဒီ ကုမ္ပဏီမှာ အလုပ် လုပ်တဲ့ အလုပ်သမားတွေလည်း ဘုတ်အဖွဲ့ထဲ ပါဝင်လာမယ် ဆိုပါတော့။ ဘာလို့လဲ ဆိုရင် ဒီ စီးပွားရေး လုပ်ငန်း တိုးတက်မှု၊ ဆုတ်ယုတ်မှုရဲ့ အကျိုးဆက်ကို သူတို့လည်း ခံစားရတာပဲလေ။ ဒီအခါမှာ ဒီ အလုပ်သမား တွေက ဒါရိုက်တာအဖွဲ့ဝင်တွေ regulation အတိုင်း လိုက် လုပ်ကြရဲ့လား။ အစိုးရကို ဘာမဟုတ်က ဟုတ်ကတွေ လိမ်သေးလဲ စသည် ဖြင့် သိလာနိုင်စရာ အကြောင်း ရှိပါတယ်။

ကျနော်တို့ အဲဒီ မေးခွန်းကို ဘာကြောင့် မမေးမိ ကြတာလဲ။ ဒီမေးခွန်းကို အခု ကျနော် မေးပြီ။ ဒီမေးခွန်းဟာ နည်းနည်းလောက် တာဝန်ကြီးပြီး စိန်ခေါ်ရတဲ့ မေးခွန်း ဆိုတာ ကျနော် သိပါတယ်။ ဒါပေမဲ့ ကျနော်တို့ဟာ စိန် ခေါ်ခံနေရတဲ့ ကာလတခုထဲမှာ ရောက်နေကြပါတယ်။ ကျနော်တို့ လူ့အဖွဲ့အစည်းဟာ တကယ်ကို ကြီးမား လေးပင်တဲ့ ပြဿနာတွေနဲ့ ရင်ဆိုင် ကြုံတွေ့ နေရတာပါ။ ဒါကြောင့် ကျနော်တို့မှာ ရွေးချယ်စရာလမ်း များများ စားစား မရှိပါဘူး။ လုပ်ငန်းတခု ထဲမှာ ဝင်ရောက် လုပ်ကိုင်တဲ့ အလုပ်လုပ်သူတွေ ကိုယ်တိုင် အဲဒီလုပ်ငန်းရဲ့ ဒါ ရိုက်တာ ဘုတ်အဖွဲ့ဝင် ဖြစ်လာရေး နဲ့ ပတ်သက်လို့ နောက်ပြောစရာ ဘာများရှိနိုင် ဦးမလဲ။ ကျနော် ခင်ဗျားတို့ ကို သုံးခုလောက် အကြံပြု ပါရစေ..။

ပထမတချက်။ ကျနော်တို့ရဲ့ ဒီမိုကရေစီ ကျင့်ထုံးကို နည်းနည်း ချဲ့ထွင်ဖို့ပါ။ ကျနော်တို့ဟာ ဒီအလုပ်နဲ့ လုပ်စားရင် ဒီအလုပ်အတွက် ဆုံးဖြတ်ချက်ချတဲ့အခါမှာ ပါဝင်နိုင်ခွင့် ရှိသင့်ပါတယ်။ ကျနော်တို့က ဒီ ဒီမိုကရေစီကို နိုင်ငံရေးအတွက်ပဲ ချန်ထားပြီး ဘာလို့ စီးပွားရေး လုပ်ငန်းတွေအတွက် ယူမသုံးကြတာလဲ။ တကယ်တော့ အလုပ်ခွင် ဆိုတာက မနက် ၉ နာရီ ကနေ ညနေ ၅ နာရီ အထိ၊ တနင်္လာ ကနေ သောကြာ နေ့ထိ တပါတ်မှာ ၅ ရက်လုံးလုံး ကျနော်တို့ အချိန်ကုန်တဲ့ နေရာ ဖြစ်ပါတယ်။ ကျနော်တို့ ဒီနေရာမှာမှ ဒီမို ကရေစီကို မသုံးရင် ဘယ်နေရာမှာများ သုံးစရာအချိန် များများ ကျန်တော့လို့တုန်း ဗျာ..။ ဒါကြောင့် မို့လို့ အလုပ်ခွင် ဆိုတာဟာ အဲဒီ အလုပ်ခွင်မှာ ပါဝင် လုပ်ကိုင်နေသူတွေက democratically responsible ရှိတဲ့ နေရာ ဖြစ်သင့်တယ် လို့ ပြောချင်ပါတယ်။

ခင်ဗျားတို့ သတိမပြုမိ ကြလို့ပါ။ တကယ်တော့ ကျနော် အခုပြောတဲ့ နည်းကို အမေရိကန် အလုပ်သမားတွေ လုပ်တဲ့နေရာမှာ လုပ်နေကြတာ ကြလှပါပြီဗျာ။ လွန်ခဲ့တဲ့ နှစ်ပေါင်း ၃၀ လောက်အတွင်းမှာ San Fransisco နဲ့ San Josh ကြားက Sillicon Velly မှာ ရာချီ၊ ထောင်ချီ ရှိတဲ့ အမေရိကန် အင်္ဂျင်နီယာတွေဟာ နှစ်စဉ်နှစ်တိုင်း လိုလို Cisco, IBM လို ကုမ္ပဏီကြီးတွေကနေ အလုပ်ထွက်ကြပါတယ်။ ပြီးတော့ သူတို့ အချင်းချင်း ခင်ရာမင်ရာ သူငယ်ချင်းတွေစုပြီးတော့ သူတို့ထဲက တယောက်ယောက်ရဲ့ ကားဂိုဒေါင်လိုနေရာမျိုးမှာ လုပ်ငန်း အသေးလေး တွေ ထူထောင် ကြပါတယ်။ သူတို့ အဲဒီ အလုပ်ခွင် ကို နေ့တိုင်း laptop လေးတွေနဲ့ လာကြတယ်။ IBM မှာ လုပ်ခဲ့ တုန်းကလို suit နဲ့၊ tie နဲ့တော့ မဟုတ်ဘူး။ ဟာဝေယံရှပ်နဲ့၊ အိမ်က ခွေးရော၊ လမ်းလျှောက်တတ်စ ကလေးကော ခေါ်လာ လိုက်သေးတယ်။ သူတို့က ဒီလို ပြောကြတယ်။ “ကျနော်တို့မှာ supervisor ဆိုတာ မရှိဘူး။ ဘယ်သူက ဘယ်သူ့ ဆရာ၊ဘယ်သူက ဘယ်သူ့ တပည့် ဆိုတာ မရှိဘူး။ ဘယ်သူကမှ ဘယ်သူ့ကို အမိန့် ပေးလို့မရဘူး။ ကျနော်တို့ တနင်္လာနေ့ကနေ ကြသပတေးနေ့အထိ software programs တွေ အရင်တုန်းကလိုပဲ လုပ်ကြတယ်။ သောကြာနေ့ ကျနော်တို့ software programs တွေ မလုပ်ကြဘူး။ အစည်း အဝေး ထိုင်ကြတယ်။ ဘာလို့လဲ ဆိုတော့ ကျနော်တို့ အားလုံးက ဒီ လုပ်ငန်းရဲ့ ဒါရိုက်တာ ဘုတ် အဖွဲ့ဝင် တွေမို့ပါ” တဲ့။

ဒါကို တနည်းအားဖြင့် “မာက့်စ်” ရဲ့ ကွန်မြူနစ် အတွေးအခေါ်လို့ ခေါ်ချင် ခေါ်နိုင်မှာပါ။ ဒါပေမဲ့ အဲဒီဒေသခံ မဂ္ဂဇင်းတွေက “entrepreurial initiative” ( စွန့်ဦးတီထွင် စဦးလုပ်ငန်း ) တဲ့ဗျား..။ အဲဒီလို ခေါ်တဲ့ သူ ( သတင်းသမား ) တွေက Republicans တွေပါ။ သူတို့က အဲသည်လို မြင်ကြတယ်လေ။ သူတို့ဟာ ဘယ်တုန်းကမှ ကာလ်းမက်စ် ကို ဖတ်ဖူးကြသူများ မဟုတ်ပေဘူး။ ဒါကြောင့် ဘာအခေါ်ခံရမလဲ ဆိုတာလည်း ထည့် မတွက် ကြပေဘူး။ မက်စ်ဝါဒီ တယောက်က မြင်ရင်တော့ ဒီလို ပြော လောက်ပါတယ်။ “သေလိုက် ပါတော့ဗျ.. သူတို့က ဒီကွန်ပြူတာ နည်းပညာ အပေါ် အခြေခံထားတဲ့ ဒီ အောင်မြင်မှုကို ခေတ်မီ အရင်းရှင် စနစ်ရဲ့ အောင်မြင်မှုတဲ။ တကယ်တော့ ဒါဟာ ကယ်လီဖိုးနီးယား၊ ဘာမျူဒါ တို့မှာ ရီပက်ပလီကန် ( အမေရိကန် ) တွေက လည်ပတ်တဲ့ ကွန်မြူနစ် စီးပွားရေး ပုံစံကြီး ကိုများ” လို့ ..။

ဒါကြောင့်မို့လို့ ဒီလို နည်းလမ်း အသစ်နဲ့ သွားရမယ် ဆိုပေမဲ့လို့ တကယ်တမ်းမှာတော့ ဘာမှ အသစ်အဆန်း တော့လည်း မဟုတ်ပါဘူး။ အင်မတန် အစိမ်းသက်သက်ကြီး၊ စွန့်စားပြီး လုပ်ရမဲ့ကိစ္စ မဟုတ်ပါဘူး။ ကျနော်တို့ ဆီက လူတွေ လုပ်ဖူးပြီးသား နည်းလမ်းသာ ဖြစ်ကြောင်းပါ။ ဒီနည်းလမ်းက ကျနော်တို့ အခုရင်ဆိုင် ကြုံတွေ့ နေရတဲ့ အကျပ်အတည်းကို ကိုင်တွယ်ဖြေရှင်းဖို့အခွင့်အလမ်း ကောင်းတွေပေးနိုင်မှာမို့၊ ကျနော် ဒီထက် ကောင်းတဲ့ နည်းလည်း မတွေ့မိလို့ စိန်ခေါ်အမှု နည်းနည်း လောက်တော့ ရှိတဲ့ ဒီနည်းကို ပြောရ တာပါ။  နှစ်ရှည်လများ ကြာညောင်းစွာ နက်နက်ရှိုင်းရှိုင်း နစ်ဝင် ဖြစ်တည် နေတဲ့ ကျနော်တို့ရဲ့ စီးပွားရေး အကျပ် အတည်း ကို ဒီလို အခြေခံ ခြေလှမ်းတွေက စပြီး ပြုပြင်ရမှာပါ။ ကျနော်တို့ဟာ အပေါ်ယံ ငွေကြေးစနစ် လောက်ကိုပဲ ပြင်နေလို့ မဖြစ်သေးပါဘူး။ ဒါဟာ ငွေကြေးစနစ်ရဲ့ အကျပ် အတည်း မဟုတ်ဘဲ အရင်းရှင်စနစ်ရဲ့ အကျပ်အတည်းသာ ဖြစ်တာမို့ အဲဒီလို ထင်နေရင် ကျနော်တို့ အားလုံး ဝမ်းနည်းစရာနဲ့ ကြုံတွေ့ရပါ လိမ့်မယ်။

လွတ်လပ်ဈေးကွက် နှင့် စည်းမျဉ်းဥပဒေတို့၏ အလွန်
( Beyond Free Markets and Regulation )

ကျနော့်ရဲ့ နိရုံးချုပ် စကားကို ဆိုပါရစေ..။ ကျနော်ဟာ ပရော်ဖက်ရှင်နယ် ဘောဂဗေဒသမား တယောက် ဖြစ်ပါတယ်။ ကျနော် စီးပွားရေး ပါမောက္ခ တယောက်ပါ။ ဒါကြောင့် ကျနော်ဟာ ကျနော်တို့ လူ့အဖွဲ့အစည်း၊ ဘောဂဗေဒ အလုပ်အကိုင်ရဲ့ ထုတ်ကုန် တခုလည်း ဖြစ်ပါတယ်။ ဒီ အလုပ်အကိုင်ဟာ နှစ်ပေါင်း ၅၀ အတွင်းမှာ အနှောင်အဖွဲ့ကင်းသော လွတ်လပ်ဈေးကွက်နဲ့ ပုဂ္ဂလိက စီးပွားရေးသည်သာ ကြွယ်ဝ ချမ်းသာခြင်း ဆီသို့ သွားရာလမ်း ဆိုတဲ့ အယူအဆ ကြားမှာ ဖြတ်သန်း လာခဲ့ရပါတယ်။ အထူးသဖြင့် လွန်ခဲ့တဲ့ နှစ်ပေါင်း ၃၀ ကျော် ကာလ မှာ ဒီ အယူအဆဟာ စီးပွားရေးသမားတို့ရဲ့ မန္တာန် ဖြစ်ခဲ့ပါတယ်။ စီးပွားရေး လုပ်ငန်းကြီး တွေရဲ့ နံနက် မိုးသောက် ဆုတောင်း ဂါထာ ဖြစ်ခဲ့ပါတယ်။ အဲဒါဟာ အခုတော့ အက်သံ မြည်လာခဲ့ပါပြီ။  

 အခြားတဖက်မှာတော့ “( လွတ်လပ် ဈေးကွက်နဲ့ သွားလို့ မရဘူး ) အစိုးရက ကြားဝင် ထိန်းညှိ ပေးရမယ်” ဆိုတဲ့ ၁၉၃၀ စုနှစ်များက ဗြိတိသျှ ဘောဂဗေဒပညာရှင်ကို ဂုဏ်ပြုပြီး ခေါ်ကြတဲ့ Keynesian economists တွေရဲ့  အယူအဆ ရှိပါတယ်။ ဒီ ဆရာကြီးက ၁၉၃၀ စီးပွားပျက်ကပ်ကို တုန့်ပြန်တဲ့ အနေနဲ့ အစိုးရက ငွေကြေး၊ ဘဏ္ဍာရေး၊ စီးပွားရေး နိုးထမှု အစီအစဉ်တွေ ဘာတွေဘာတွေကို လုပ်ရမယ် လို့ အကြံပြုခဲ့ပါတယ်။ ကျနော့် အလုပ်အကိုင်က ဒီ regulation လုပ်ရမယ်ဆိုတဲ့ လူ နဲ့ regulation မလုပ်ရဘူး ဆိုတဲ့ လူ ( ယခု နောင်တ ရနေကြတဲ့ အုပ်စု ) တွေရဲ့ အယူအဆ တွေကို ဆွေးနွေး ဝေဖန်ရတဲ့ အလုပ် အကိုင်ပါ။

ဒါတွေနဲ့ပတ်သက်လို့ ကျနော်ထင်ချင်မိတာ ကတော့ ဒီနှစ်အုပ်စုစလုံးဟာ အခုကြုံတွေ့နေရတဲ့ မြောက်များ လှစွာသော အကျပ်အတည်းတွေကို နားလည်နိုင်ဖို့အတွက် ကျနော်တို့စီးပွားရေးစနစ်ရဲ့ တည်ဆောက်ပုံ အခြေခံ အုတ်မြစ်ကို မေးခွန်း မထုတ်ခဲ့ကြတဲ့ အမှားကို ကျူးလွန်ခဲ့ကြတယ်လို့ ထင်ပါတယ်။ အခုထိ ကျနော်တို့ ဒါကို အရေးတယူ မဖြေရှင်းကြဘူးဆိုရင် ကျနော်တို့နိုင်ငံဟာ အခက်ခဲဆုံး ကာလတွေနဲ့ ရင်ဆိုင်ရနိုင်ပါတယ်။ ကျန်ကမ္ဘာကလည်း သူတို့ နိုင်ငံတွေမှာ ဒီလို အကျပ် ဆိုက်လာကြရင် တောင်မင်းကို မြောက်မင်း မကယ် နိုင် ဆိုသလို ဖြစ်ဖို့ အကြောင်း ရှိပါတယ်။ ဒါကြောင့် မို့လို့ ဒီပြဿနာတွေရဲ့ မူလ အစ ဇစ်မြစ်ကနေ ပြောင်းလဲပစ်ဖို့ ဆိုတာ ကျနော်တို့ အပေါ်မှာ တည်နေပါ ကြောင်း တင်ပြ လိုက်ရပါတယ်။ ခင်ဗျားတို့ရဲ့ စိတ်ဝင်တစား နားထောင်ပေးမှု အတွက် ကျေးဇူးတင်ပါတယ်..။ ( ပြီး )

                                       ……………………………………………….


ဒီ Post ဟာ “အမေရိကန်ပညာရေး အကြောင်း ကျနော်သိသမျှ ရဲ့ အဆက် .. အပိုင်း ( ၃ ) လည်းဖြစ်ပါတယ်”  ဆိုတာကတော့ ဒီလိုပါ။ ဒီ lecture ဟာ ကျနော် အခု လက်ရှိစာသင်ရာသီမှာ ယူထားတဲ့ Human Geography ဆိုတဲ့ အတန်းတခုရဲ့ schedule ထဲမှာ ပါတဲ့ ဗီဒီယိုခွေ တခု ဖြစ်ပါတယ်။

[ တကယ်တော့ကျနော် “အမေရိကမှာဘယ်သို့၊ ဘယ်ညာ..” ဆိုပြီး သိပ်မပြောချင်တာအမှန်ပါ။ လူတယောက် ဟာ မိမိ အကြောင်းတိုက်ဆိုင်လို့ ရောက်ရှိနေတဲ့ နိုင်ငံတခုပေါ်မှီပြီး၊ မိမိ အတန်ငယ်လောက် ပြောတတ်တဲ့ ဘာသာစကားတခု ပေါ်မှီပြီး မာန်တက်နေရင်၊ ကြွားဝါနေရင် ကျနော်က အဲဒီလူကို “အကာလောက်ကို အနှစ် လို့ထင်သူ ခပ်ညံညံ့ပုဂ္ဂိုလ်များစာရင်း” ထဲ ထည့်ချင်တတ်သူပါ။ အခု ကျနော်ကိုယ်တိုင် “အမေရိကမှာ ဘယ်သို့ ဘယ်ညာ” လုပ်နေရတော့ အဲဒီစာရင်းထဲ ကိုယ်လည်းပါသွားမှာ စိုးမိပါတယ်။ ဒါကြောင့် ကျနော် ရှင်းရှင်းလင်းလင်း ဒီလိုပြောထားချင်ပါတယ်။ အခု ကျနော့်စာကိုဖတ်နေတဲ့ ခင်ဗျားဟာ ကျနော်နေတဲ့ တောမြို့ ( Portland ) ထက် ပိုကြီးတဲ့  “နယူးယောက်”၊ “လောစ့် အိန်ဂျယ်လိစ်”၊  “ဆန်ဖရန် စစ္စကို” ၊ ဒါမှ မဟုတ် ကနေဒါက “ဗင်ကူးဗား”၊ “တိုရန်တို” တို့လို မြို့ကြီးတွေမှာ နေတယ်ဆိုပါတော့။ ဒီလိုဆိုရင် ကျနော်က ခင်ဗျားကို ကျနော်တို့ဆီက ကိစ္စတခုခုကို ရှင်းပြ၊ ပြောပြတာဟာ ကြွားတာအလျှဉ်း မဖြစ်နိုင်တော့ပါဘူး။ It’s just an explanation about something. သာလျှင် ဖြစ်ပါမယ်။ အခုကျနော် ဒီ post ကို ရေးတဲ့အခါမှာလည်း ဒီက ဒေသန္တရဗဟုသုတကို ပေးချင်တဲ့ဆန္ဒသာရှိပါတယ်။ ဒီစာကို ဖတ်နေကြသူတွေကိုတော့ နယူးယောက်၊ လောစ်အိန်ဂျယ်လိစ်မြို့နေ မြို့ကြီးသားများလိုပဲ မှတ်ယူပါကြောင်း။ ဒီလိုပြောလို့ ကျနော် ဘဝင်မမြင့် တတ်ဘူး လို့ မဆိုပါ။ ကိစ္စတခုကို intellectually analyze လုပ်တတ်တယ်လို့ ကိုယ့်ကိုယ်ကိုယ် ထင်မိတဲ့ ကျနော့်ရဲ့ အသိဥာဏ်အတွက်၊ လူနဲ့တူတယ်လို့ထင်မိတဲ့ ကျနော့်ရဲ့နှလုံးသားအတွက်တော့ ကျနော်က နည်းနည်း လောက် ဘဝင်ခပ်မြင့်မြင့်ပါပဲ ခင်ဗျး)) ]

ကဲ.. အဲဒီတော့ “အမေရိကန် ပညာရေး အကြောင်း” ဒီစာကို ဖတ်နေတဲ့သူတွေအတွက် ဗဟုသုတ ဖြစ်စေလို ဖြစ်စေငြား အဲဒီ Human Geography ဆိုတဲ့ အတန်းကို ဥပမာပေးပြီး အတွေ့အကြုံ နည်းနည်းဝေမျှ လိုက်ပါ ရစေ။ ဒီက ကျောင်းတွေ မှာ မြန်မာပြည်မှာလိုပဲ ဘာမေဂျာ ဆိုပြီး ရှိပေမဲ့ မယူမနေရ minor ဘာသာတွေလည်း အတော်များပါတယ်။ ဥပမာ၊ ကျနော်တို့ ကျောင်းမှာ Welding ဘာသာရပ်၊ Nursing ဘာသာရပ်တွေ ရှိပါ တယ်။ ( အောင်မယ်၊ ကျနော်တို့ ကျောင်းမှာ ရဟတ်ယဉ်နဲ့ လေယဉ်မောင်းသင်တန်းလည်း ပေးပါသဗျး) ဘယ်မေဂျာပဲယူ ထားထား ဒီကျောင်းကနေ ဘွဲ့လက်မှတ်တခု ( A.A = Associate Degree ( Arts ) စသည်ဖြင့် ) လိုချင်ရင် College level English 2 classes, Public Speech, College level Math, Biology/ Chemistry ( lab ), Social Science ( Psychology, History, Geography, etc. ) စသည်ဖြင့် ယူကို ယူရမယ်။ အဲဒါကြောင့် ကျနော်က ပထဝီမယူရသေးလို့ တာဝန်တခုကျေအောင် ပြီး ပြီးရော ဆိုပြီး ဒီဘာသာကို စမ်းတဝါးဝါးနဲ့ ယူခဲ့တာပါ။ ဩော်.. ဒီနေရာမှာ မြန်မာပြည်နဲ့ မတူတာတခု ပြောရဦးမယ်။  ( စင်္ကာပူ၊ ထိုင်း တို့မှာ ကျောင်းတက်ဖူးတဲ့ သူတွေမပါ၊ မြန်မာပြည် က ကျောင်းသားတွေကိုသာ ရည်ရွယ်ပြီး ပြောတာပါ။ ) ဒီမှာ ပယမနှစ် အတွက် ပြဌာန်းဘာသာရပ်တွေက ဒီဘာသာတွေပဲရယ် လို့ ပြောဖို့ မဖြစ်နိုင်ပါ။ ဘာလို့လဲ ဆိုတော့ ကျောင်းသားက ( သူ အဆင်ပြေသလို ) ယူချင်သလို၊ ယူချင် သလောက်သာ ယူသောကြောင့် ဖြစ်ပါတယ်။ ဒီ ဘာသာယူပြီးမှ ဒီဘာသာကို ယူလို့ရတယ် ( prerequisite ) ဆိုတာတော့ ရှိပါတယ်။ အကျဉ်းချုပ် ကတော့ အစပိုင်းမှာ ယူချင်ရာယူ၊ ဘွဲ့ ရခါနီးမှ ဘာယူရမှာမယူရသေးလို့ ယူလိုက်ဦး၊ အဲဒါတွေ အကုန်ပြည့်စုံတဲ့နေ့ ဘွဲ့နှင်းသဘင် အတွက် လျှောကလွှာတင် ဆိုတဲ့ စနစ် ဖြစ်ပါတယ်။ ကျနော်ကတော့ တစ် semester ကို ၂ ဘာသာ၊ ၃ ဘာသာ လောက်စီ နည်းနည်း နည်းနည်းပဲ ယူလို့ Graduation ဖြစ်ဖို့ နည်းနည်း လိုပါသေးတယ်။

ထားလိုက်ပါတော့။ အခု Human Geography အကြောင်း ပြောပါ့မယ်။ ဒီဘာသာက မြေပုံမဆွဲရတဲ့ ပထဝီ မျိုးပါ။ Geo-politics ဆိုတာရှိတော့ တကယ်ဆိုရင်ဒါကို Geo-economics လို့ တောင်မှ ခေါ်သင့်တယ်လို့ ထင်မိပါတယ်။ geographic terms တွေထက် economic terms တွေကို ပိုသုံးပြီး globalization ရဲ့ သဘော သဘာဝ အကြောင်းကို သင်ပါတယ်။ အပါတ်တိုင်း ပြဌာန်းစာအုပ်ထဲက စာမျက်နှာ ၃၀ လောက် ဖတ်ရပါတယ်။ မဖတ်ရင် Weekly Assignment ရေးဖို့ မဖြစ်နိုင်ပါဘူး။ Assignment က ဒီလိုပါ။ ပြဌာန်းစာအုပ် ထဲက theme/ key word တခုခုကို ယူပြီး အဲဒါနဲ့ စပ်ဟပ်သော The New York Times နဲ့ Washington Post သတင်းစာ ၂ စောင် ( အခြား သတင်းစာများကို ကိုးကားလို့ မရပါ၊ အဲဒီ အပါတ် အတွင်းမှာ ထွက်တဲ့ သတင်း လည်း ဖြစ်ရပါ့မယ် ) ထဲက news/ article တခုကို ဆက်စပ် ပြရပါမယ်။ ဥပမာ၊ ပြဌာန်းစာအုပ် ထဲမှာ တရုတ်ပြည် တဟုန်တိုး တိုးတက် လာရတဲ့ အကြောင်းရင်း ရေး ထားတာကို theme ယူရင် Washington Post သတင်းတပုဒ်မှာ တရုတ် မြို့နေ လူဦးရေက ကျေးလက်နေ လူဦးရေ ထက် များသွား ပြီ ဆိုတဲ့ အကြောင်းပါ သတင်းနဲ့ ဆက်စပ်၊ ပြီးတော့ ကိုယ့် အမြင်နဲ့ သုံးသပ်ချက် ကို ရေးပြီး နိဂုံး ချုပ်ပေးရ တာ မျိုးပါ။ ကျနော်တော့ ဒါမျိုးတွေ လုပ်ရတာ ဝါသနာပါပါတယ်။ ဒါပေမဲ့ တော်တော် အချိန်ကုန်၊ ဦးနှောက်စားပါတယ်။ အဲဒီလို weekly assignment အပြင် Quiz အပါတ်တိုင်းဖြေရပါသေးတယ်။ ပြီးတော့တပါတ်တခါ အထက်မှာကျနော် ဘာသာ ပြန်ခဲ့တဲ့ ဗီဒီယိုလို ဗီဒီယိုခွေ တခုခုကို ကျောင်းမှာ ကြည့်ရ ပါတယ်။ အပေါ်က ဗီဒီယို ခွေပါ အကြောင်းအရာ ကိုတော့ ပြီးခဲ့တဲ့ သောကြာနေ့က မေးတဲ့ mid-term စာမေးပွဲမှာ ထည့် မေးသွား ပါကြောင်း .. ] 

“ဒီမိုကရေစီဖော်ဆောင်ရေး" တွင် “တသီး ပုဂ္ဂလိကဝါဒ” လိုအပ်မှု (The Necessity of Individualism in Democratization )

( ကြိုတင်ဝန်ခံချက်။ ။ ကျနော့်၏ facebook  မိတ်ဆွေတဦး ဖြစ်သော အိမ့်ချမ်းမြေ့ ( မလေး ) ဝေမျှသည့် Phoe Khwar Pwl  ၏ “ဂလိုဘယ်လိုင်ဇေးရှင်း၊ ဒီမိုကရက်တိုင်ဇေးရှင်းနှင့် အယ်လ်ဇေးရှင်းများ” ပိုစ့်မှ ဤ note ရေးဖို့အတွက် inspiration ကိုရရှိခဲ့ပြီး ဆက်လက် ဆင့်ပွားတွေးတောထားခြင်း ဖြစ်ကြောင်း ဝန်ခံပါသည်။ ထို့ကြောင့် ထိုမူရင်းစာရေးသားသူနှင့် ဝေမျှသူတို့ နှစ်ဦးစလုံးအား ကျေးဇူး တင်ရှိ ကြောင်း ဖော်ပြအပ်ပါသည်။ )

     ဆိုခဲ့တဲ့ အတိုင်းပါပဲ။  အိမ့်ချမ်းမြေ့ ( မလေး ) share လိုက်တဲ့ Phoe Khwar Pwl  ရဲ့ “ဂလိုဘယ်လိုင် ဇေးရှင်း၊ ဒီမိုကရက်တိုင်ဇေးရှင်းနှင့် အယ်လ်ဇေးရှင်းများ” ဟာ လေးနက်တဲ့ အကြောင်းအရာ တခုကို ( လေးနက်စွာ နားလည်သူ တယောက်က ) “ပေါ့ပေါ့ပါးပါး”  ပြောပြထားတဲ့ ပိုစ့်တခု လို့ ခံစားမိပါတယ်။ အခု ရှေ့ ဆက်မသွားခင် အဲဒီ post ပါ အကြောင်းအရာကို နည်းနည်းလောက် ပြန် ပြောပြပါရစေ။ အဲဒီ post ရဲ့ author (Phoe Khwar Pwl ) က အခုတလော အကြောင်းအရာသုံးခုကို ကြားနေရပါသတဲ့။ ပထမတစ်ခု က  ရန်ကုန်မှာ ဓါတ်ပုံသင်တန်းသွားတက်တဲ့ သူ့မိတ်ဆွေတစ်ယောက် ရဲ့ ပြောစကားအရ ရန်ကုန် ထောက်ကြံ့ စစ်သချိုင်းမှာ  မြန်မာ မော်ဒယ်မလေးတွေ အ၀တ်အစားဗလာ၊ nude ပုံတွေ ရိုက်ကြတာ၊ ။ ဒုတိယတစ်ခုက စောသက် ရဲ့  စီးရီးအယ်လ်ဘမ် နဲ့ စတိတ်ရှိုးတစ်ခုမှာ ၀ိုင်ကေကေအဖွဲ့  ရဲ့ ဖျော်ဖြေသီဆိုမှု၊ တတိယတစ်ခုက  ဗယ်လင်တိုင်းဒေးအတွက် စတိတ်ရှိုးတစ်ခုရဲ့ “ချစ်သူ စုံတွဲများအတွက် အိပ်ခန်း မဲဖောက် ပေးမယ်” ဆိုတဲ့ ကြေငြာတွေပါတဲ့။ သူက အဲဒါတွေ အပေါ်မှာ သူ့ရဲ့ အမြင်ကို ဟောဒီလို ဆက်ရေးပါတယ်။ ( သူ့ရဲ့ အမြင်ကို ဖော်ပြတဲ့ စာသားတွေကိုတော့ ကျနော် ကြားထဲကနေ paraphrase မလုပ်ရက်တော့ ပါဘူး။ သူ့အတိုင်းတိုင်း ထားမှ လှနေမဲ့ စာသားတွေ မို့ပါပဲ။ )

     “မြစ်ဆုံကိစ္စနှင့် ယုံကြည်ချက်အကျဉ်းသား(ခေါ်) သီးသန့် အကျဉ်းသား (ခေါ် ) လုံခြုံရေးအကျဉ်းသား (ခေါ်) နိုင်ငံရေးအကျဉ်းသားများပြန်လွှတ်ပေးမှုတို့ တွင် ပြည်သူတို့ ၏ဆန္ဒ တစ်သားတည်းကျခဲ့ပါသည်။ ဆန့် ကျင်ဘက်သဘောဆောင်သူများလည်း မဆိုစလောက်အနည်းငယ်ရှိပါလိမ့်ဦးမည်။ တောင်တက်ပွဲကျင်းပ သကဲ့သို့ ဖြစ်ပါသည်။ လူကြိတ်ကြိတ်တိုးနေသော တောင်တက်ပွဲ၏ တောင်တက်လမ်းပေါ်တွင် တောင် မတက်ချင်ဘူးဟု မတ်တပ်ရပ်နေသည်ဆိုပါစို့။ လူအုပ်ကြီး၏ တွန်းတိုက်မှုဖြင့် (တောင်သာသိပ်မမြင့်ခဲ့လျှင် ) တောင်ပေါ်ရောက်သွားပါသည်။ ဒါက လက်တွဲညီညီချီတက်မည်ဟူသော လူအုပ်ကြီးကြားတွင် ပေကပ်ရပ် နေသောသူအဖို့ ဖြစ်သည်။ မည်သို့ ပင်ရပ်နေစေကာမူ တောင်ပေါ်တော့ရောက်သွားပါလိမ့်မည်။ သို့ သော် ဆင်းသည့်လူအုပ်နှင့်တက်သည့်လူအုပ် နှစ်ခု ပမာဏတူသောအခါ ရပ်နေလျှင် ညှပ်သေဖို့ ရှိပါသည်။ ဒီဘက်ကလည်း အုပ်လိုက်ကြီးဆင်းချလာ ဒီဘက်ကလည်း အုပ်လိုက်ကြီး တက်ကြသောအခါ လမ်းတွင်း တွန်းတိုက်မှုများဖြစ်ရုံမက တောင်အောက်ပြုတ်ကျသေသည်များလည်းရှိပါသည်။ ထိုကဲ့သို့ တွန်းတိုက်မှုမျိုးသည် မြစ်ဆုံကိစ္စနှင့် လေးမည်ရအကျဉ်းသားများကိစ္စတွင် မတွေ့ရသော်လည်း လူ့ အခွင့် အရေးသမားများနှင့် ယဉ်ကျေးမှုထိန်းသိမ်းသူများအကြားတွင် စတင်တွေ့ရှိလာရပြီဖြစ်သည်။”

     “အထင်ကရပန်းခြံကြီး တစ်ခုတွင် ကိုယ်တုံးလုံးဓါတ်ပုံရိုက်ခြင်းမှာ ယဉ်ကျေးမှုနှင့်မညီကြောင်း အထူးပြော စရာမလိုပေ။ ထို့ အတူ ကောင်းလားအကို ကောင်းတယ် ကောင်းတယ် သီဆိုပုံများ ၊ ဘာဖြစ်မှာလဲ ဖာဖြစ်မှာ ပေါ့ ဟု လူပုံပရိတ်သတ်အလယ်တွင် ၀မ်းသာအားရထအော်ပုံများသည်လည်းကောင်း ၊ သမီးရည်းစား အတော်များများလာကြည့်မည့် စတိတ်ရှိုးပွဲတွင် အခန်းများမဲဖောက်ပေးမည် ဟုကြေငြာမှု သည်လည်းကောင်း တစ်လင်တစ်မယား ခြေတစ်လှမ်းကုဋေတစ်သန်း မိန်းမတို့ အိနြေ္ဒ ရွှေပေးလို့ မရ အစရှိသော ဝေါဟာရများနှင့် အိပ်မောကျနေသော နိုင်ငံတစ်ခုအတွက် ရေနှင့်ပက်နှိုးခြင်းမက အက်ဆစ်နှင့် ပက်နှိုးသကဲ့သို့ ပင်ဖြစ်သွား ပါသည်။”

     “နှာစေးပျောက်ချင်၍ ဘာမီတွန်သောက်လျှင် အိပ်ငိုက်မည်သာဖြစ်သည်။ ဆိုဒ်အဖက်ဟု ခေါ်ခေါ် အန်တူဝါ့အဖက်ဟု ခေါ်ခေါ် ထိုသက်ရောက်မှုကိုတော့ခံရပါမည်။ နှာဆက်စေးချင်၍ မရတော့ပါ။ သို့ သော် ဘာဥပဒေမှ ခိုင်ခိုင်မာမာမရှိသေးချိန်တွင် အလုံးအရင်းတွန်းထိုးဝင်ရောက်လာသော လူ့ အခွင့်အရေးအမည်ခံ ယဉ်ကျေးမှု ( မယဉ်ကျေးမှု ဟုလည်းခေါ်လိုက ခေါ်နိုင်ပါသည် ) စီးဝင်လာခြင်းသည် အန္တရာယ်ရှိပါသည်။ အနည်းဆုံးတော့ လစ်ဘရယ်များနှင့် ကွန်စာဗေးတစ်များ ထကိုက်ကြရန်ရှိပါသည်။”

     “သေချာသည်ကတော့ မဂ္ဂဇင်းများတွင် ဒူးခေါင်းအထက် အ၀တ်အစားနှင့် လည်ပင်းဟိုက်သော အ၀တ်အစားပုံများမဖော်ပြရ။ ကိုယ်တုံးလုံးဖြင့် မည်သည့်နေရာတွင်မှ ဓါတ်ပုံမရိုက်ရ ၊ သမီးရည်းစား လက်မထပ်ဘဲ အတူမအိပ်ရ ၊ နိုင်ငံတစ်ဝန်း ပြည့်တန်ဆာကင်းစင်ရမည် ဟူသော ဥပဒေမျိုး မည်သို့ သော ဒီမိုကရေစီနိုင်ငံတွင်မှ ထုတ်၍ ရမည်မဟုတ်ပါ။ ဘောင်တစ်ခု ကန့် သတ်ပြီး စနစ်တကျ ခွင့်ပြုရန် လိုအပ်လာပြီ ဟုသာထင်ပါသည်။”

     “ခိုင်မာသော ဥပေဒများ အချိန်မှီမပေါ်လာလျှင် အုပ်စုနှစ်စုတွန်းတိုက်ရာမှ ဒဏ်ရာအနာတစ်ရ များရလာရန်ရှိပါသည်။ အသွားတစ်လမ်း အပြန်တစ်လမ်းဖြစ်အောင် ချဲ့ သင့်သည်နေရာချဲ့  ကာသင့်သည့် နေရာကာဖို့ သာလိုပါသည်။ ဂလိုဘယ်လ်ပင်လယ်ကြီးထဲ မျောဖို့  ကျွန်တော်တို့ လှေကြီးထဲတွင် ပဲ့ကိုင်များကျွမ်းကျင်ဖို့လည်း လိုပါသေးသည်။  မွေးကင်စ ဒီမိုကရေစီနိုင်ငံတော်မှ မွေးကင်းစ ဒီမိုကရေစီပြည်သူတစ်ဦး၏ ထင်ရာမြင်ရာများသာဖြစ်ပါသည်။”

     အခု ကျနော် ပြောချင်တာ စပြောပါမယ်။ ကျနော့် အထင် “ဒီမိုကရေစီ နိုင်ငံ” ဆိုတာ ( သမ္မတ လင်ကွန်းရဲ့ စကား ငှားသုံးရ ရင် ) Government by the people, for the people, from the people ( ပြည်သူတွေက  ပြည်သူတွေအတွက် ပြည်သူထဲက ရွေးချယ် တင်မြှောက်ထားတဲ့ အစိုးရ ) တရပ်နဲ့ ငါတို့အစိုးရဟာ ( မူဝါဒ တွေ ဘာတွေ မှားကောင်းလည်း မှားနေမယ်။ ဒါပေမဲ့ ) သန့်ရှင်းစွာ၊ ရိုးသားစွာ၊ တရားနဲ့ လျော်ညီစွာ တက်လာခဲ့တဲ့ ပြောလွယ်၊ ဆိုလွယ်တဲ့၊ ပြည်သူ့အသံကို အလေးထားတဲ့ အစိုးရတရပ် ဖြစ်တယ်။ ဒါကြောင့်မို့ အစိုးရရဲ့ ဦးဆောင်မှုကို နာခံရမယ်လို့ ယုံကြည်တဲ့ ပြည်သူအများစုရဲ့ နိုင်ငံ သာ ဖြစ်ပြီး၊ နိုင်ငံတခုချင်းစီရဲ့ အမျိုးသားရေး လက္ခဏာ၊ အမျိုးသားရေး တန်ဖိုးထားမှုစံ စတာတွေနဲ့ သက်ဆိုင်ခြင်း သိပ်မရှိလှဘူးလို့ ထင်မိပါတယ်။

     ဒါကြောင့် “ဟေ့.. ငါတို့ မြန်မာယဉ်ကျေးမှုက အရင်ကတော့ nudity ကို ရိုင်းတယ်လို့ ယူဆတယ်။ ဒါပေမဲ့ အခုတော့ ငါတို့ ဒီမိုကရေစီ နိုင်ငံတော်ဆီကို သွားနေကြပြီဆိုတော့ အဲဒါကို ယဉ်တယ်လို့ ပြောင်းလဲ ယူဆကြစို့ရဲ့” လို့ မိမိရဲ့ အမျိုးသားရေး တန်ဖိုးထားမှုစံကို လိုက်ပြောင်းစရာ မလိုဘူးလို့ ထင်ပါတယ်။ ဒီမိုကရေစီဟာ အမေရိကန်ပိုင် ပစ္စည်း မဟုတ်ပါဘူး။ ကျနော်တို့ဟာ ဒီမိုကရေစီကို အမေရိကန်တွေဆီက ငှားသုံးတာ၊ ဝယ်သုံးတာ မဟုတ်ပါဘူး။ အဲဒါဟာ လေကောင်းလေသန့် လိုပဲ တကမ္ဘာလုံးက ပိုင်တဲ့ ပစ္စည်း ( universal phenomenon ) တခု ဖြစ်ပါတယ်။ ဒါကြောင့် ဒီမိုကရေစီကို ပေါက်မြောက် အောင်မြင်စွာ ကျင့်သုံးနိုင်ဖို့ရာ အတွက် ကျနော်တို့ တမင် အမေရိကန်ဆန်နေစရာမလိုဘူးလို့ ထင်ပါတယ်။ နောက်တမျိုး ပြောကြည့်ရရင် ဒီမိုကရေစီက ခင်ဗျား တသက်လုံး တန်ဖိုးထားလာတဲ့စံကို ပြောင်းလဲပစ်ဖို့ တောင်းဆိုတယ်လို့ ကျနော်တော့ မထင်မိပါဘူး။ အဲလို တောင်းဆိုရင်လည်း အဲဒါဟာ ကောင်းတဲ့စနစ်တခု ဘယ်လိုမှ မဖြစ်နိုင်ပါဘူး။ အဲလိုသာ ဆိုရင် အဲဒါဟာ အာဏာရှင် စနစ်တခုပဲ ဖြစ်သွားမှာပါ။

     တကယ်တော့ ဒီမိုကရေစီဟာ လူပုဂ္ဂိုလ်တဦးချင်းစီရဲ့ မိမိတန်ဖိုးထားရာ ယဉ်ကျေးမှုစံကို ( သူတပါး/ အများပြည်သူကို မထိခိုက် စေသရွေ့ ) လွတ်လပ်စွာ၊ တရားဝင်စွာ ထိန်းသိမ်း ကျင့်သုံးခွင့်ပေးတဲ့ စနစ်တခုသာ ဖြစ်ပါတယ်။ ဒါကြောင့် ဒီမိုကရေစီဟာ နိုင်ငံရေးမျက်နှာစာ ( political sector ) ဖက်မှာ လူများစု ( majority ) က လူနည်းစု ( minority ) ကို အနိုင်ကျင့်မှုတရပ် ဖြစ်ကောင်း ဖြစ်နိုင်သော်လည်း လူမှုရေးမျက်နှာစာ ( social sector ) မှာတော့ လူတဦးချင်း ( individual ) က လူများစု ( majority ) ရဲ့ မျက်နှာကို မော့ကြည့်နေဖို့ မလိုတဲ့ စနစ် ဖြစ်တယ် ( မဖြစ်ရင်လည်း ဖြစ်အောင် လုပ်သင့်တယ် ) လို့ ထင်မိပါတယ်။ Political sector မှာ လူများစုက လူနည်းစုကို အနိုင်ကျင့်ခဲ့တဲ့ အတွက် social sector မှာ remedy ( ပြန်လည်ကုစားမှု ) တခုပေး ရမယ်လို့ သဘောရပါတယ်။ ဒီလို remedy မျိုးရှိမှ၊ ပေးမှသာလျှင်လည်းပဲ democratic society ဟာ တအုံ့နွေးနွေး ခံစားချက်နဲ့ မပေါက်ကွဲ မှာပါ။

     ကျနော် ဒီနေရာမှာ ပြောချင်တာက Democratization လုပ်ချင်ရင် နိုင်ငံသားတွေ အကြားမှာ Individualism အားကောင်းလာအောင်လည်း လုပ်ပေးဖို့လည်း လိုအပ်လိမ့်မယ် ဆိုလိုတာပါ။ ဒါကို ကျနော် ဘယ်နိုင်ငံရေးသိပ္ပံစာအုပ်မှ မဖတ်ဘဲ ကျနော့် စိတ်ထဲမှာ ရှိတဲ့ အတိုင်း ပြောတာပါ။ အခု ဒီစာကို ရေးမယ် ဆိုတော့ ဆရာကြီးတွေရဲ့ အလွှမ်းမိုးခံရပြီး ကိုယ့်ရင်ထဲမှာ ရှိတာ မပြောဖြစ်လိုက်မှာ စိုးလို့ ကျနော် သိချင်တာ တွေရှိတာတောင် တမင် google မလုပ်ဘဲ ကိုယ် စွဲမြဲယုံကြည် သလောက်ကိုပဲ ပြောပြနေတာပါ။      

      ဒါကို ဘာဖြစ်လို့ ပြောရသလဲ ဆိုတော့ ကျနော်တို့ ( မြန်မာ ) တွေ ၇၅% လောက်ဟာ Democratization ကို Americanization နဲ့ ရောထွေးနေကြတယ်လို့ ထင်မိလို့ပါ။ ကိုဖိုးခွား ပြောသလိုပဲ ကျနော်တို့ နိုင်ငံရဲ့ ဒီမိုကရေစီက သွေးနုသားနုပဲ ရှိသေးတာပါ။ ဒီအချိန်မှာ Democratization = Americanization ဆိုပြီး မဆင်မခြင်  အမေရိကန်ဆန်နေရင် မြန်မာပြည်ရဲ့ မသေးငယ်လှတဲ့ “ရှေးရိုးစွဲ အုပ်စု” က Democratization ကို Alien ( နိုင်ငံခြားဖြစ် ) လို့ ထင်သွားနိုင်ပါတယ်။ ညှီစော်နံတယ်လို့ ထင်သွား နိုင်ပါတယ်။ တကယ်တော့ ကိုယ့်ကို အုပ်ချုပ်မဲ့ အစိုးရ၊ ကိုယ့်အတွက် ဥပဒေ ပြုပေးမဲ့ လွှတ်တော်၊ ကိုယ့်ကို တရားစီရင်မဲ့ တရားသူကြီးတွေကို ရွေးတဲ့ကိစ္စမှာ ( တိုက်ရိုက် / သွယ်ဝိုက်စွာ ) ကိုယ်တိုင်ပါဝင်တာ၊ နိုင်ငံ့အရေးမှာ ပြည်သူတယောက် အနေနဲ့ ဝင်ပြောခွင့် ရှိလာတာဟာ ဘယ့်နှယ်လုပ်ပြီးတော့မှ မမှားနိုင်ပါဘူး။ ဘယ့်နှယ်လုပ်ပြီးတော့မှ “နိုင်ငံခြားဖြစ်” မဖြစ်နိုင်ပါဘူး။ ဒါဟာ ကမ္ဘာပေါ်က ယဉ်ကျေးတဲ့ လူ့အဖွဲ့အစည်း ( civilized society ) တိုင်း တွေးမိကြမဲ့ ကိစ္စသာ ဖြစ်ပါတယ်။ ဒါကြောင့် ဒီမိုကရေစီစနစ်ကို ကျနော်တို့ ရွေးချယ်လိုက်တာဟာ အမေရိကန်ဆန်မှုကို ယူသုံး  လိုက်တာလို့ မခံစားမိဖို့ လိုမယ်ထင်ပါတယ်။ ဒါမှသာ ကျနော်တို့ nudity လို inappropriate practice မျိုး ကို အလွယ်တကူ လက်မခံမိမှာ ဖြစ်ပါတယ်။

     ဘယ် အမေရိကန် သမ္မတ ကတော်ကမှ nudity ပုံတွေ ဓါတ်ပုံရိုက် မခံဖူးကြပါဘူး။ Miss Universe, Miss America တွေလည်း ငယ်ငယ်က အဲလို ဓါတ်ပုံတွေများ အရိုက်ခံဖူးကြောင်း နောက်မှသိလာရရင် အလှမယ်ဘွဲ့ သရဖူ ပြန် ရုပ်သိမ်းခံရတယ်လို့ ကြားဖူးပါတယ်။ ဒါပေမဲ့ ဒါတွေက prostitution လိုပဲ ကျနော်တို့ ကြိုက်သည် ဖြစ်စေ၊ မကြိုက်သည် ဖြစ်စေ ကျနော်တို့နိုင်ငံမှာ နောင် ရှိလာဦးမဲ့ ကိစ္စတွေပါ။ ဒီတော့ နိုင်ငံတော်က တတ်နိုင်မှာက Child porn, Child nudity, child prostitution, Public sex and nudity တော့ မြန်မာနိုင်ငံထဲမှာ လုံးဝ မရှိရအောင် ပြင်းထန်တဲ့ ဥပဒေတွေ ထုတ်ထားသင့်တယ် ထင်ပါတယ်။ အသက် ၂၁- နှစ် ပြည့်ပြီးလို့မှ “ငါ prostitution ဖြင့်သာ အသက် မွေးမြူပေအံ့” လို့ ဆုံးဖြတ်တဲ့ အမျိုးသမီးကိုတော့ဖြင့် ကျနော်တို့ မကယ်နိုင်ပေဘူးပေါ့။  

     ဒါတောင် တကယ်လို့ အဲဒီဘဝက ကျွတ်လွတ်ချင်တယ် ဆိုရင် လာပြီးအကူအညီ တောင်းခံနိုင်တဲ့၊ အစိုးရက subsidized လုပ်ပေးထားတဲ့ “အမျိုးသမီး စောင့်ရှောက်ရေး အသင်းအဖွဲ့” တွေ မြို့တိုင်း၊ ရွာတိုင်း လက်တကမ်းးမှာ ရှိနေသင့်တယ်လို့ ထင်မိပါတယ်။ နောက်တခုက US မှာလည်း TV ကနေ မပြောရတဲ့ ညစ်ညမ်းစကားလုံး ( ၇ ) လုံး ရှိပါတယ်။ အဲဒါမျိုး ကျနော်တို့ဆီမှာလည်း dirty/ erotic words and activities တွေ အတိအလင်း ဥပဒေ ပြဌာန်းထားသင့်ပါတယ်။ ပြည်သူတွေ ရွေးကောက်တင်မြှောက်တဲ့ လွှတ်တော်အမတ်တွေက လွှတ်တော်မှာ မဲများစုနဲ့ ပြဌာန်းတဲ့ ဥပဒေ ဆိုရင် democratically ပြဌာန်းတာပါပဲ။ ဒါဆိုရင် ကိုဖိုးခွား စိုးရိမ်နေတဲ့၊ ကျနော်လည်း ဒီမိုကရေစီ ညှီစော်နံလှချည့်လို့ အထင်ခံရမှာ စိုးရိမ်မိတဲ့ ကိစ္စ ပြေလည်တန်ကောင်းတယ် ထင်ပါရဲ့။

     အခု နောက်ဆုံး ဆွေးနွေးချင်တာကတော့ ဒီလိုပါ။ ကျနော်နေနေတဲ့ ဒီနိုင်ငံက အပျိုအရွယ် မိန်းကလေး တွေ ( များရာစု ) ကို ကြည့်ရတာ သူတို့ဟာ ဘယ်မင်းသမီး၊ ဘယ်မော်ဒယ်လ်၊ ဘယ်အဆိုတော်ရဲ့ ဖက်ရှင် နောက်ကိုမှ တကောက်ကောက် မလိုက်ကြပါဘူး။ သူတို့ဟာ independent individual တဦးချင်း အနေနဲ့ ဘယ်သူ့ရဲ့ လွှမ်းမိုးမှုကို မှ မခံဘဲ သီးသန့် ရှင်သန် ရပ်တည် နေကြတာပါ။ ကျနော်တို့နိုင်ငံမှာတော့ peers-group’s attitude က အဲဒီ group members တွေကို အားကောင်းမောင်းသန် လာလွှမ်းမိုးတယ် ထင်ပါတယ်။ ဥပမာ၊ ကိုယ့် peers-group က valentine day မှာ virginity အပျက်ခံတယ် ဆိုရင် ကိုယ်လည်း အဲဒီလို လုပ်မှ ခေတ်မီသွားတော့မှာ လိုလို ထင်တတ် တာမျိုးပါ။ ဒီနေရာမှာ ကျနော်တို့ ( မြန်မာ ) မိန်းကလေးတွေ အကြား individualism ပိုမို အားကောင်းလာမယ် ဆိုရင် သူများတွေ လုပ်နေကြပေမဲ့ ကိုယ် မကြိုက်ရင်၊ မယုံရင် မလုပ်ဘူး ဆိုတာမျိုး ပိုများလာမှာ ဖြစ်တယ်လို့ ထင်မိပါကြောင်း..း))

အမေရိကန် ပညာရေး အကြောင်း ကျနော် သိသမျှ

ကြိုတင် ပြောထားချင်တဲ့ စကား

     လူတွေက အမေရိကန်နိုင်ငံ အကြောင်း ပြောရင် ကြွားတယ်လို့ ထင်တတ်ကြလေ့ ရှိပါတယ်။ တခါ အခု ကျနော် ပြောမှာကလည်း သူသိငါသိ အမေရိကန်နိုင်ငံ အကြောင်း မဟုတ်ဘဲ “အမေရိကန်ပညာရေး အကြောင်း” ဖြစ်နေလေတော့ ပညာတတ်ကြီးလိုလို ဘာလိုလို လုပ်နေသလိုရှိတာမို့ ကျနော့်ပညာက ဘာမှမဟုတ်ကြောင်းကို အရင်ဦးဆုံး ပြောထားချင်ပါတယ်။ ဒီမှာ ကျောင်းကြီး ကျောင်းကောင်းတွေ ကနေ MBA တွေ၊ Ph.D တွေ ရကြတဲ့ သူ တွေ ရှိကြပါတယ်။ သူတို့ကိုတော့ အနောက်တိုင်း ပညာတတ်တွေလို့ ခေါ်နိုင်ပါလိမ့်မယ်။ အဲဒီ ပညာ တကယ် တတ်ကြတဲ့ အုပ်စုထဲ ကျနော် မပါပါဘူး။ ဒီလိုကြိုပြောထားမှ ကျနော် ကြွားချင်စိတ်နဲ့ ပြောနေတာ မဟုတ်ကြောင်း ( အနည်းဆုံး ကိုယ့်ကိုယ်ကိုယ် ) ယုံကြည်လို့ ရပါလိမ့်မယ်။ ကျနော် နာမည်ကြီးတက္ကသိုယ် တခုခုမှာ မဟာဘွဲ့ ( Master ) တက်နေတာ မဟုတ်ပါဘူး။ ပါရဂူဘွဲ့ ( Doctorate ) လုပ်နေတာလည်း မဟုတ်ပါဘူး။ အနည်းဆုံး လောလောဆယ် ရိုးရိုးဘွဲ့ ( Bachelor’s degree ) တခုအတွက် ကျောင်းတက်နေတာတောင် မဟုတ်ပါဘူး။ ကျနော်ဟာ ဟိုးအရင် ၁၉၈၀ ဝန်းကျင်လောက်က ကျနော်တို့ နိုင်ငံမှာ ရှိခဲ့ဖူးတဲ့ “ဒေသကောလိပ်” နဲ့ ခပ်ဆင်ဆင်တူတဲ့ ကောလိပ်တခုမှာ တက်နေသူ တယောက်မျှသာ ဖြစ်ပါတယ်။ အဲဒီလို ကျောင်းမျိုးကို ဒီမှာ “Community College” လို့ ခေါ်ကြပြီး မြို့တိုင်းမှာ ရှိပါတယ်။ အစိုးရက subsidize လုပ်ပေးထားပုံရပြီး အမေရိကမှာ ဈေးအပေါ ဆုံး ကျောင်းတွေပါ။

     ဒီလို ကျောင်းမျိုးတွေက AGTI လောက်နဲ့ တူညီမဲ့ နှစ်နှစ်ဘွဲ့ ( Associate degree ) ကိုပေးပါတယ်။ ဒီကျောင်းက ရတဲ့ရမှတ် ( credit hours ) ကို နောက်တက်မဲ့ တက္ကသိုလ်တခုခုကို သယ်သွားလို့ရပြီး အဲဒီမှာ တတိယနှစ်လေက်က စ တက်ရပါတယ်။ ဒါပေမဲ့ ကျောင်းသား ငယ်ငယ်နုနုထွတ်ထွတ်၊ ပိုက်ဆံရှိသားသမီးတွေက ပထမနှစ်ကတည်းက ဟားဗတ်လို၊ ယေလ်းလို တက္ကသိုလ် အကောင်းစားတွေ၊ ဒါမှ မဟုတ် local univerrsity တွေကို သွားတက်ကြ ပါတယ်။ ဒီ Community College ကျောင်းတွေမှာတော့ ငယ်ငယ်တုန်းက ကျောင်းမပြီးဘဲ အလုပ်ခွင်ထဲ ရောက်သွားခဲ့ပြီး အခုမှ သားသမီးတွေ ကြီးကုန်ကြပြီမို့ ကျောင်းပြန်တက်၊ ဘွဲ့ကလေးတခုလောက် လိုချင်တဲ့ အသက် ၄၀- ၅၀ အရွယ် ယောက်ျား/ မိန်းမတွေ၊ ဒါမှမဟုတ် အခုလုပ်နေတဲ့ အလုပ်မှာ သက်ဆိုင်ရာအလုပ်ကို ကျွမ်းကျင်ကြောင်း certificate တခု ပြချင်တဲ့ ၃၀- ၄၀ တွင်း အလုပ်သမား လူတန်းစားတွေ၊ မိဘက ဟားဗတ် ပို့နိုင်လောက်အောင် သိပ်ကျိကျိတက် မချမ်းသာလှတဲ့ ( ၁၂ ) တန်းအောင်ပြီးစ အသက် ၂၀ ဝန်းကျင် လူငယ်တွေသာ မျှပြီး တက်ကြပါတယ်။ ဘဝသမားတွေ တက်တဲ့ ကောလိပ်ကျောင်း လို့ ဆိုနိုင်ပါတယ်။ ကျနော်လည်း အသက် ၄၀ ကျော်ပါပြီ။ ဒါပေမဲ့ ကျနော်တို့ကျောင်းမှာ ကျနော့် အသက်အရွယ်လောက် ရှိတဲ့ ယောက်ျား မိန်းမတွေ အများကြီးမို့ ကိုယ့်ကိုယ် ကိုယ် အထူးအဆန်းလို မခံစားရပါဘူး။ ဒီလို ကျောင်းမျိုးမှာ အနိမ့်ဆုံး အဆင့်မြင့်ပညာကို တက်နေ တဲ့သူက ဘာမှ ကြွားလောက်စရာ မရှိပါဘူး။

     နောက်တချက်က ကျနော်ဟာ မြန်မာပြည်က အမေရိကကို passport နဲ့ လာနိုင်တဲ့ လူတန်းစား ထဲက မဟုတ်ပါဘူး။ ဆိုလိုတာက ကျနော်ဟာ မြန်မာပြည်မှာတုန်းကလည်း ချမ်းသာတဲ့ မိသားစုထဲက မဟုတ်ပါဘူး။ ဒီ အမေရိကမှာလည်း တလတလ ဘာမှ ငွေပိုငွေလျှံ မထွက်သူ၊ make money မလုပ်နိုင်သူ ရရစားစား တယောက်မျှသာ ဖြစ်ပါတယ်။ Make money မလုပ်နိုင်ရတဲ့ အကြောင်းရင်းကတော့ ဒီလိုပါ။ ဒီနေရာမှာ ဇာတ်ရည်လည်ဖို့အတွက် ကျနော့်အကြောင်းကို နည်းနည်း ပြောဖို့လိုအပ်တယ်လို့ ထင်တဲ့ အတွက် ကျနော့် အကြောင်း နည်းနည်းလောက် ပြောပြပါရစေ။ ( ကျနော်နဲ့ ရင်းနှီးတဲ့သူတွေကတော့ ဒီအကြောင်းတွေကို သိကြပါတယ်။ ) တောသူတောင် သား ဆင်းရဲသားတယောက်ပဲ ဖြစ်တဲ့ ကျနော်ဟာ အသက် ၁၈ နှစ်၊ ၁၉၈၂ - ခုနှစ်မှာ ( ၁၀ တန်း မအောင်လို့ ) တပ်ထဲ ဝင်သွားခဲ့ တာ နှစ်နှစ်အကြာ ကျနော့် အသက် ၂၀၊ ၁၉၈၄ - ခုနှစ်မှာ မိုင်းထိပါတော့တယ်။ ကျနော်ထိခဲ့တဲ့ မိုင်းက တော်တော်ကြီးပုံရပြီး  ကျနော်ရခဲ့တဲ့ ဒါဏ်ရာကလည်း တော်တော် ဆိုးပါတယ်။ ကျနော့် ညာဖက်လက် ( လက်ကောက်ဝတ် အထက် ) နဲ့ ညာဖက် ခြေထောက် ( ဒူးအထက် ) တွေကို ဖြတ်တောက် လိုက်ရပါတယ်။ ၂ နှစ်လောက် အကူ စစ်သားတယောက်ရဲ့ အကူအညီနဲ့ တွန်းလှည်းနဲ့ သွားလာ လှုပ်ရှားနေခဲ့ရပြီး တရက်မှာတော့ ချိုင်းထောက် တချောင်းတည်းနဲ့ သွားနည်း စမ်းကြည့်တာ အောင်မြင်သွားပါတယ်။ ကျနော် အရင်တုန်းက အလေးအပေါ့ သွားတာကအစ သူတပါးကို မှီခို ( dependent ဖြစ် ) နေရတာကနေ အခု သွားလာလှုပ်ရှားမှုကို မိမိဖာသာ ပြုနိုင်တော့မယ် ( independent ဖြစ်ပြီ ) လို့ သိလိုက်ရတဲ့ အဲဒီနေ့က ကျနော် ဘဝသစ်တခုကို ရလိုက်သလို အတော်ပျော်ခဲ့တာကို အခုထိ မှတ်မိနေပါသေးတယ်။

     ဒီလိုနဲ့ “ငါ အခုလို ကျိုးနေပုံနဲ့ ၁၀ တန်းလောက်တော့ အောင်ထားမှ ဖြစ်မယ်” ဆိုပြီး ကျနော် အပြင်ကနေ ၁၀ တန်း ပြန်ဖြေဖို့ ကြိုးစားပါတယ်။ ပထမဦးဆုံး ဘယ်ဖက်လက်နဲ့ စာရေးကျင့်ပါတယ်။ အဲဒီနှစ် ( ၁၉၈၇ ) က ဆယ်တန်းသင်ရိုးသစ် စပြောင်းတဲ့ နှစ်ပါ။ သိပ္ပံ ဘာသာတွဲ၊ ဝိဇ္ဇာ ( သင်္ချာ ) ဘာသာတွဲ၊ ဝိဇ္ဇာ ( ရိုးရိုး ) ဘာသာတွဲ လို့ ၃ မျိုး ရှိရာမှာ ကိုယ့် ဘဝပေး အခြေအနေအရ ကျူရှင်မယူရင် လည်း ဖြစ်မယ် ထင်တဲ့ ဝိဇ္ဇာ ( ရိုးရိုး ) ကိုပဲ ယူလိုက်ပါတယ်။ သူက ပင်ရင်းအင်္ဂလိပ်စာ ( “Wuthering Heights” by Emily Bronte ) နဲ့ စိတ်ကြိုက် အင်္ဂလိပ်စာ ( “Great Expectation” by Charles Dickens )၊ ပင်ရင်း မြန်မာစာ ( ရေသည် ပြဇာတ်ပါဝင် ) နဲ့ စိတ်ကြိုက်မြန်မာစာ ( မောင်ရင်မောင် မမယ်မ ဝတ္ထု၊ ဥမ္မာဒန္တီပျို့ )၊ ပထဝီနဲ့ သမိုင်း၊ စုစုပေါင်း ဒီ ၆ ဘာသာပါပဲ။ အဲဒီတုန်းက ကျနော် ညဖက် ရှေ့ရေးတွေးမိပြီး အိပ်မရတိုင်း text book တွေကို အလွတ်နီးပါးလောက်ရအောင် ကျက်လိုက်တာ  ညတာဝန်မှူးကျတဲ့ ကျနော်တို့တပ်က တပ်ထောက် ဗိုလ်ကြီးခမျာ “မင်း ဒီနှစ် အောင်မှာပါကွာ။ ဒီလောက် အိပ်ရေးပျက် မခံပါနဲ့” လို့ လာတားရှာပါတယ်။ ကျနော် ကျောင်းစာအုပ်တွေ ဘာတွေ ဝယ်ချင်လို့ မြို့ ထဲသွားချင်ရင်လည်း တပ်ကကားတွေနဲ့ လိုက်ပို့ ပေးပါတယ်။ အကျဉ်းချုပ်လိုက်ရင် ကျနော် အဲဒီနှစ်က ( ၁၀ ) တန်းအောင် လိုက်ပါတယ်။ အဲဒီနှစ် တနိုင်ငံလုံး အောင်ချက် ရာခိုင်နှုန်းက ၉ % ကျော်လောက် ရှိတယ်ဆိုတာကို မှတ်မိနေပါတယ်။  

     နောက်နှစ် ( ၁၉၈၈ တပ်က အာဏာ မသိမ်းခင်) မှာ ကျနော့်ကို မန္တလေး မီးရထားမှာ “ညစောင့်” အလုပ်တခု ပေးပြီး တပ်က ထွက်စေ ပါတယ်။ အဲဒီ မန္တလေးမှာ အဝေးသင် တက်ရင်း ၁၉၉၅ မှာ စိတ်ပညာနဲ့ ဘွဲ့ ရခဲ့ပါတယ်။ ကျနော်က မိမိဆီမှာ စွဲကပ်နေတဲ့ inferiority, depression, frustration တွေကို ကိုယ့်ဖာသာ ဘယ်လို ကုစားလို့ ရမလဲလို့ စိတ်ပညာကို ယူခဲ့တာပါ။ ဆိုတော့ စာမေးပွဲ အောင် ရုံလောက် မဟုတ်ဘဲ စိတ်ပညာကို overall လောက် တကယ်သိချင်တာမို့ textbook တွေကို တခါပြန်၊ နှစ်ခါပြန် ဖတ်ပါတယ်။ ဒါကြောင့် ကျနော် စိတ်ပညာနဲ့ ပတ်သက်လို့သိတာ day ကျောင်းသားတွေ သိတာထက် မနိမ့်ဘူးလို့ ကိုယ့်ကိုယ်ကိုယ် ယုံကြည်မှု တခု ရှိပါတယ်။

     မန္တလေးမှာ နေခဲ့ရတဲ့ ၆-၇ နှစ်မှာ ဘွဲ့ရတာထက် ပို မြတ်ခဲ့တာက တော့ ဒီ ၆-၇ နှစ် စလုံး တနေ့ စာအုပ် တအုပ်ကျလောက်စီ ဖတ်ဖြစ်ခဲ့တာပါပဲ။ ကျနော် ဆရာဇော်ဂျီ၊ ဆရာမင်းသုဝဏ်၊ သိပ္ပံမောင်ဝ၊ ဆရာမြသန်းတင့် စီးရိစ်း ( စစ်နှင့် ငြိမ်းချမ်းရေး၊ လေရူးသုန်သုန်၊ ခန်းဆောင်နီ အိပ်မက်၊ ရွှေပြည်တော် မျှော်တိုင်းဝေး၊ သုခဘုံ၊ ဓါးတောင်.. စသည်ဖြင့် )၊ ဂျာနယ်ကျော်မမလေး၊ ပါရဂူ၊ လူထု ဦးလှ၊ လူထု ဒေါ်အမာ၊ မောင်သာရ၊ မိုးမိုး ( အင်လျား)၊ နုနရည် ( အင်းဝ ) ဂျူး၊ စသူတို့ကို ဒီလ ဘယ်ဆရာ့လ ဆိုပြီး အဲဒီမန္တလေးမှာနေတုန်းက ညစောင့်လုပ်ရင်း ဖတ်ဖြစ်ခဲ့ပါတယ်။ မှတ်မိသေးတာက ကျနော် ဆရာပါရဂူရဲ့ “စိတ္တရ လေခါ” ကို ဖတ်ပြီး free thinker တယောက် ဖြစ်သွားတာပါပဲ။ ဂျာနယ်ကျော်မမလေးရဲ့ “သူ့လိုလူ” ကို ဖတ်ပြီး “ငါ ဖြစ်ချင်တာ သတင်းစာသမား ( journalist ) တယောက်ပဲ” လို့ သိလာပါတယ်။

     ရယ်စရာတခု ပြောရရင် ကျနော့် B.A ( Psychology ) ဘွဲ့က အရင်တုန်းကတော့ ညစောင့် အလုပ်တခုလောက် ရရှိရေး အတွက်တော့ အသုံးဝင်လေ့ရှိပါတယ်။ ကျနော်က sensitive ဖြစ်လေ့ရှိသူမို့ တနေ့ အခန့်မသင့်လို့ မန္တလေးမီးရထား ( တွဲပြင်ရုံညစောင့်ပါ၊ လက် မှတ်ရောင်း မဟုတ်ပါဘူးး)) က ထွက်လိုက်ပြီး မန္တလေးစည်ပင်ကို ကျောင်းက အထောက်အထားတွေဘာတွေနဲ့ “အလုပ်တနေရာ ( မည်သည့် အလုပ်မဆို) ခန့်ထားပေးပါရန်” ဆိုပြီး လျှောက်လိုက်တာ ဈေးချိုမှာ ညစောင့် ( နေ့ခင်းပိုင်းမှာ စည်းကမ်း ထိမ်းသိမ်းရေး ) ခန့်ပေးပါတယ်။ ဒီလိုနဲ့ ၁၉၉၆ လောက်ထိ မန္တလေးမှာ နေခဲ့ပြီး ( skip လုပ်လိုက်မည် ) ၂၀၀၄ မှာ ထိုင်းနိုင်ငံကို ထွက်လာခဲ့ပါတယ်။

     ထွက်လာဖြစ်ပုံက မြန်မာပြည်မှာ ကျနော်ရတဲ့ မစွမ်းမသန် လစဉ်ပင်စင်က ၄၀၀ ကျပ်ပါ။ ဒီငွေပမာဏဟာ အဲဒီတုန်းက လဘက်ရည် ၂ ခွက်ဖိုးလောက်ပဲ ရှိတာပါ။ ကျနော် ၂၀၀၄ လောက်တုန်းက အလုပ်လက်မဲ့ ဖြစ်နေလို့ ရန်ကုန်မှာ ရုပ်ရှင်ဇာတ်ညွှန်းရေး ဆရာ၊ ဗေဒင် ဆရာ ဖြစ်လာမလားလို့ ကြိုးစားကြည့်လိုက်ပါသေးတယ်။  နည်းနည်းလောက် အားထည့်လိုက်ရင် အောင်မြင်နိုင်မယ်မှန်း သိပါတယ်။ ဒါပေမဲ့ နှစ်ခုစလုံးမှာ ကျနော် မပျော်ပိုက်ပါဘူး။ ( ရုပ်ရှင်လောကမှာ တနေ့တနေ့ ကိုယ့်တူမအရွယ် မင်းသမီးရူးလေးတွေ/ မင်းသမီး အစစ်တွေ ဖြစ်ချင်တိုင်း ဖြစ်နေကြတာကို ဘာမှ မဖြစ်သလို ထိုင်ကြည့်နေရပြီး၊ ဗေဒင်လောကကတော့ သေးတဲ့အမှုကို ကြီးအောင်လုပ်တဲ့ လိမ်ညာမှု လို့ ခံစားရပါတယ်။ ) ဒါနဲ့ဦးပိုင်က ပိုင်တဲ့ ပါရမီကားကွင်းတို့၊ စစ်မှုထမ်းဟောင်း ဌာနချုပ်တို့မှာ အလုပ်ရနိုင်မလား သွားစုံစမ်း ကြည့်ပါတယ်။ ဒါပေမဲ့ သူတို့ပြောတာက “အလုပ်တွေတော့ မရှိဘူး မဟုတ်ပါဘူး။ ဒါပေမဲ့ ဥပဓိရုပ်လိုတဲ့ အလုပ်မျိုးတွေ၊ မင်းလို disable တယောက်နဲ့ မကိုက်ဘူးကွ” ဆိုတာမျိုးတွေ ဖြစ်ပါတယ်။ ( မြန်မာပြည်မှာ လူတယောက်ရဲ့ “personality” ကို “ဥပဓိရုပ်” လို့ ဘယ်သူက စ ဘာသာပြန်တယ်မသိဘူး။ စိတ်ပညာသင်ဖူးတဲ့ ကျနော့်အဖို့ အဲဒါကြီးက တော်တော် နားဂွကျလှတယ်။ ဒါပေမဲ့ မြန်မာ အငြိမ်းစား ဗိုလ်ချုပ်တွေကအစ “personality” ဆိုတာ “ဥပဓိရုပ်” လို့ ထင်နေကြတုန်းပဲ။ )

     အဲဒီတော့ ကျနော် နည်းနည်းလောက် စိတ်မကောင်းဖြစ်ရပြီး၊ ကျနော့်မှာ နဂိုကတည်း ရှိတဲ့ journalism ကို စနစ်တကျ သင်ချင် တဲ့ ရောဂါပိုးကလည်း ထလာတော့ “ ဒါဆိုလည်း ထိုင်းသွားပြီး refugee ( “ဒုက္ခသည်” လို့ ဘာသာမပြန်ချင်ပါ။ “ခိုနားရာလိုအပ်သူ” လောက် ပဲ ခေါ်သင့်တယ် ထင်လို့ပါ ) လုပ်မယ်ကွာ။ ကံကောင်းရင် မသန်စွမ်းသူတွေကို ဥပဓိရုပ် ( ကိုယ်ရည်ကိုယ်သွေး ) ပျက်ယွင်းနေသူရယ်လို့ မထင်တဲ့၊ discriminate မလုပ်တဲ့၊ freedom of press and expression ရှိတဲ့ society တခုကို ရောက်သွားလိမ့်မယ်” လို့ ထွက်လာခဲ့တာ ဖြစ်ပါတယ်။ ဒီလိုနဲ့ မြန်မာပြည်  ပြန်သွားရင် အဖမ်းခံရလောက် တဲ့ နိုင်ငံရေးလှုပ်ရှားမှု တခုခု ပြုလုပ်ခဲ့ကြောင်း နည်းနည်းပါးပါး အလုပ် ဖြစ်ရုံလောက် လိမ်ပြီး၊ နောက် ၄ နှစ်အကြာ ၂၀၀၈ မှာတော့ လေယာဉ် အကြွေးစီးပြီး အမေရိကကို ရောက်လာခဲ့ပါတော့တယ်။ ဒီရောက်ပြီးမှ လေယဉ်ခ တလ ၃၅ ဒေါ်လာစီ ပြန်ဆပ်တာ အခု ၃ နှစ်လောက်နေတော့မှ အကြွေး ကျေသွားပါတော့တယ်း))

                                  ………………………………………………………………..

ဒီက တက္ကသိုလ်တွေ၊ ကောလိပ်တွေ စတက်ဖြစ်ပုံ

     ကျနော် စရောက်တာ ကင်တာ့ကီ ( Kentucky ) ပြည်နယ်ထဲက Bowling Green ဆိုတဲ့ မြို့ကလေး တမြို့ဆီကိုပါ။ ကျနော် ၂၀၀၈ စက်တင်ဘာလ ( ၉ ) မှာ ရောက်ပါတယ်။ ရောက်ပြီး ၂-၃ ရက်လောက်အကြာမှာ အဲဒီ မြို့မှာ ရှိတဲ့ Western Kentucky University ကိုသွားပြီး “ကျနော် ခင်ဗျားတို့ ကျောင်းမှာတက်ချင်တယ်။ အဲဒါ ကျနော် ဘာလုပ်ဖို့လိုမလဲ” လို့ သွားမေးပါတယ်။ မြန်မာပြည်က ဘွဲ့လက်မှတ်လည်း ယူသွားပါတယ်။ ဒီမှာ ကြားဖြတ် ပြောရရင် ဒီကို ရောက်နေတာ ၁၀-၁၅ နှစ်လောက် ကြာနေပြီ ဖြစ်တဲ့သူတွေက သူတို့ပဲ ဒီက အကြောင်း၊ အခြေအနေတွေကို အသိဆုံး လို့ ( သဘာဝကျစွာ ) ထင်တတ်ကြပါတယ်။ ဒါကြောင့် ဒီက တက္ကသိုလ်တွေကို တက်ချင်ရင် အရင်ဆုံး GED ဖြေဖို့ မစဉ်းစားဘဲ၊ ပြီးတော့ အင်္ဂလိပ်လို Notarized လုပ်မထားတဲ့ မြန်မာဘာသာနဲ့ ဘွဲ့လက်မှတ်ကို အားကိုးတကြီး လုပ်နေတဲ့ ကျနော့်ကို အဲဒီမြို့က မြန်မာ Refugee Office case manager က ( မတန်မရာကိစ္စကြီး တခုကို လုပ်နေသလို ) အမြင်ကတ်၊ လှောင်ပြောင်၊ ရယ်သွမ်းသွေးပါတယ်။ “မဟုတ်ဘူးအကို၊ မြန်မာပြည်က ဘွဲ့လက်မှတ်ကို လိုလိုမယ်မယ် အနေနဲ့သာ ယူသွားမှာပါ။ ကျနော်က GED, SAT တွေ အောင်ဖို့ တကယ်ကို လိုအပ်သလား၊ အခြားနည်း ရှိသလား၊ သေချာသိချင်တာက အဓိကပါ” လို့ ပြောတာလည်း သူက အခြားလူတွေရှေ့မှာ ကျနော့်ကို လူထူးလူဆန်းလို ပြော နေတုန်းပါပဲ။

     ဒီလိုနဲ့ Western Kentucky University ( WKU ) Admission Office က “အရင် ဘွဲ့တခု ရှိရင် အခု ယူမဲ့ ဘွဲ့က ဒုတိယမြောက် ဘွဲ့တခုကိုယူမှာဖြစ်လို့ ၁၂ တန်း ( အထက်တန်း ) အောင်ပြီး အသစ်စက်စက် ပထမ နှစ်တက်လာတဲ့ ကျောင်းသားတွေ ( မိဘဝင်ငွေ တလ ၃၀၀၀ အောက် ?) သာ ရခွင့်ရှိတဲ့ တနှစ်လုံးအတွက် ဖက်ဒရယ် အစိုးရက ပေးတဲ့ ပြန်မဆပ်ရတဲ့ ထောက်ပံ့ငွေ ( Pell Gant ) $ 5500 ကိုတော့ ရခွင့်မရှိ၊ အစိုးရ ဆီက ပြန်ဆင်ရမဲ့ ချေးငွေ တနှစ် $ 9500 ( ပထမ နှစ် )၊ $ 10500 ( ဒုတိယနှစ် ) စသည်ဖြင့်.. တွေကိုတော့ လျှောက်ခွင့်ရှိတယ်။ ဒါပေမဲ့ ဒီတိုင်းပြည်ရဲ့ permanent resident ဖြစ်ရမယ်။ မြန်မာပြည်က ဘွဲ့ကို Notarized လုပ် တင်ပြနိုင်ရင် ( ဘွဲ့ရ တယောက် ဖြစ်တဲ့ အတွက် ) GED/ SAT တွေ မလို၊ ငါတို့ကျောင်းက စာတွေ ကို လိုက်နိုင်မယ်၊ မလိုက်နိုင်ဘူး သိချင်လို့ မေးမဲ့ Michigan Test ဖြေရင် လုံလောက်ပြီ” လို့ ပြောလွှတ် လိုက်ပါ တယ်။ အဲဒါနဲ့ ကျနော် Michigan Test သွား ဖြေပါတယ်။ ( ဘာဖြစ်လို့လဲ မသိ ) သင်္ချာ ဖြေဖို့ မလိုအပ်ခဲ့ ပါဘူး။

     အဲဒီ Test က မြန်မာပြည်မှာ အရည်အချင်းရှိတဲ့ ၁၀ တန်းအဆင့်လောက် အင်္ဂလိပ်စာ တတ်ရင် အိုကေပါတယ်။ အမှတ် (၁၀၀ ) ဖိုး နဲ့ Essay တပုဒ် မေးပါတယ်။ ကျနော် နှစ်ခုစလုံးမှာ ၉၀ မှတ် ကျော် လောက်စီ ရတာမို့ တက္ကသိုလ် ဝင်ခွင့် လျှောက်ထားခွင့် ရလိုက်ပါတယ်။ ( ၉၀ မှတ်ရတယ် ဆိုလို့ သိပ် အထင် မကြီးစေလိုပါ။ ဒီမှာက ၇၅ မှတ် ( ၇၀-၈၀ မှတ် ) ဆိုရင် grade ( C ) မို့ - ခပ်ညံ့ညံပါ။ ( ၈၀--၉၀ ) က grade (B) - အသင့်အတင့်တော်၊ ( ၉၀-၁၀၀ ) ကမှ grade A- တော်တယ် - ဆိုပြီး အဆင့် သတ်မှတ်တာမို့ အမှတ် ၉၀ ကျော် ရမှ ဖြစ်ပါမယ်။ အဲဒီ ကျောင်း စရိတ်ကို ပေးနိုင်ဖို့အတွက် Federal Government, Department of Education က စီမံခန့်ခွဲတဲ့ FAFSA application ( for loan ) လည်း တပြိုင်တည်း တင်ထားလိုက်ပါတယ်။

     အဲဒီ Michigan Test ရမှတ်ရယ်၊ ကျနော့် B.A ဘွဲ့ ( made in Burma ) ကို ကိုယ့်ဖာသာကိုယ် word by word အင်္ဂလိပ်ဘာသာပြန်ပြီး ကျနော်တို့ refugee ရုံးက လူကြီးတယောက်ကို လက်မှတ် ထိုးခိုင်းထား တဲ့ Home-made notarized Bachelor’s degree ရယ်ကို တွဲပြီး ကျောင်းဝင်ခွင့် တင်လိုက်တာ  အောင်မယ်.. မြန်မာပြည်က ဘွဲ့ ဆိုပြီး အထင်မသေးကြ စေလိုပါ။ နောက် ၃ လလောက် နေတော့ ကျနော့်ကို Western Kentucky University က News/ Editorial Journalism ( major ) နဲ့ Spring/2009 semester အတွက် ဝင်ခွင့်ပြုလိုက်ပါသဗျ။ ကဲ.. အခုတော့ ကျနော်က ၂၀၀၉ ဇန်နာဝါရီလမှာ ကျောင်း တကယ်ကြီး သွားသွား တက်နေတာမို့ ဒီမှာ ၁၅ နှစ်လောက် နေပြီးတဲ့ ဟို case manger ကြီးလည်း ကျနော့်ကို စကား မပြောတော့ပါဘူး။ ဒါပေမဲ့ သူ အရင်တုန်းကလိုတော့ မလှောင်တော့ပါဘူးး))

  ကျောင်းစ ဖွင့်တဲ့နေ့မှာ ကိုယ့်ကျောင်းသားနံပါတ်နဲ့ Student ID တခု ရပြီးသွားပြီ ဆိုရင် လိုအပ်တဲ့ စာအုပ်စာတမ်းတွေကို ကျောင်းက Book Store မှာ အကြွေးဝယ်ခွင့် ရှိသွားပါတယ်။ ကွန်ပြူတာသုံးချင်ရင်၊ print လုပ်ချင်ရင်လည်း အဲဒီကဒ်ကို swipe လုပ်ရုံပါပဲ။ ဒီကျောင်းက တပါတ်မှာ ၃ နာရီလောက် သင်တဲ့ ( 3 credit hours ) တဘာသာကို ဒေါ်လာ ၁၀၀၀ စီလောက် ( ပဲ ) ပေးရလို့ ကျောင်းလခ သက်သာတယ်လို့ ဆိုနိုင်ပါတယ်။ ဒါကြောင့် Texas က လူတွေတောင် လာတက်နေကြတာ တွေ့ပါတယ်။ အဲဒါက ကျနော် ပထဦးဆုံး တက်ခဲ့တဲ့ ကျောင်း အကြောင်းပါ။ အဲဒီနှစ်က ကျနော် loan $ 9500 ရတာမှာ ကျောင်းလခ ၄ ဘာသာဖိုး ( ဒေါ်လာ ၄၀၀၀ ) ကျော် ကို နှုတ်ပြီး ကျန်တဲ့ ၅၀၀၀ လောက်ကို ကျနော့်ဆီ လွှဲပေးပါတယ်။ အဲဒီ ငွေထဲက ကျနော် ကားမောင်း ကျင့်ချင်လို့ ဒေါ်လာ ၁၈၀၀ နဲ့ ကားဟောင်းကလေး တစီး ဝယ်လိုက်ပါ သေးတယ်။ နောက်တော့ ကားအမောင်း စသင်တဲ့ နေ့မှာပဲ သစ်ပင်တပင် ဝင်တိုက်မိလို့ ကားမောင်း ဖို့ ကြောက်သွားတာ အခုထိ နောက်ထပ် မသင် ဖြစ်တော့ပါဘူး။

     ဒီနေရာမှာ ကြုံလို့ ပြောရရင် ကျနော်က မသန်စွမ်းတဲ့အတွက် အလုပ်မလုပ်နိုင်ဘဲ ငတ်နေမှာစိုးလို့ သက်ကြီးရွယ်အို နဲ့ မသန်စွမ်း သူတွေ(တိုင်း) ကို ထောက်ပံ့တဲ့ Federal Government’s Social Security Fund ထဲက ( ပြီးခဲ့တဲ့ နှစ်အထိ $ 674/ month ) ဒီနှစ် ၂၀၁၂ က စပြီး $ 698/ month ရပါတယ်။ နောက် ပြည်နယ် အစိုးရတွေဆီက အစားအစာ ဝယ်ယူခွင့် ကဒ်ပြား ( Foodstamp ) $ 200 ဝန်းကျင် ခန့် ရပါတယ်။ အဲဒါက အိမ်လခ၊ ထမင်းလခ၊ ဖုန်းခ၊ အင်တာနက်ခနဲ့ တလတလ သုံးစရာ အတွက် ကွက်တိလောက်ပဲ ဖြစ်ပြီး ကားဝယ်နိုင်လောက်အောင် ငွေ မပိုလျှံပါဘူး။  ကျနော့်တိုင်းပြည်မှာ ပင်စင်လစာ တလ ၄၀၀ ကျပ် ( အမေရိကန်ငွေ ငါးမူးခန့် ) ပဲ ရခဲ့တဲ့လူက ဒီမှာ အီရတ်တွေ ဘာတွေလည်း စစ်သွား မတိုက်ပေးဖူးဘဲနဲ့ တလတလ အချောင် ဒေါ်လာ ၈၀၀ ကျော် ၉၀၀ နီးပါးလောက် စားနေရတာကို  တခါတလေတော့ အမေရိကန် အစိုးရကိုရော၊ သူတို့ ပြည်သူ တွေကိုရော အားနာ၊ သနားမိပါတယ်။ ဒီက အစိုးရ ( ပြည်နယ် အစိုးရ ဖြစ်မယ် ) တွေက သူတို့ ကျောင်းသားတွေကို သူငယ်တန်း လောက်ကတည်းက အိမ်တိုင်ရာရောက် ကျောင်းကားနဲ့ လာခေါ်၊ ကျောင်းမှာ ထမင်းကျွေးပြီး ၁၂ တန်းထိ ထားပေးခဲ့ရတယ်။ ဒီ အတက်တန်း ကျောင်းသားတွေ ကောလိပ် တက်ပြန်တော့ လည်း ကျောင်းသားတိုင်း နီးပါး လောက်ကို ( မိဘဝင်ငွေ များလွန်းသူတို့က လွဲလို့ ) တနှစ်ကို Pell Grant $ 5500 စီပေးရပါသေးတယ်။ အဲဒါနဲ့ မလောက်လို့ ချေးငွေ တောင်းရင်လည်း ငွေချေးပေး ရသေးတယ်။ သူ့ နိုင်ငံသားတွေဆို ဘာအရေးလဲ။ အခုတော့ ကျနော်တို့လို ( ပြန်လည်း မဆပ်နိုင်လောက်တဲ့ ) ပဝတ္တိသား တွေကိုလည်း ငွေ ချေးထားရသေးတယ်။ ကျနော် ပထမဆုံး loan ရတုန်းက ဒီရောက်တာ ၃-၄ လ လောက်ပဲ ရှိသေးတာမို့ permanent resident မဖြစ်သေးပါဘူး။ ကျနော် eligible resident ဖြစ်ကြောင်း၊ နောက်တနှစ်ကြာရင် permanent resident, ၅ နှစ်ကြာရင် citizen ဖြစ်လာမဲ့ အကြောင်း အာပေါက်အောင် ရှင်းပြပြီး ရခဲ့တာ ဖြစ်ပါတယ်။

     ၂၀၀၉ ဇွန်လမှာတော့ ကျနော် အမေရိကန်အရှေ့ခြမ်း Maryland ပြည်နယ် ( Baltimore ) ကိုပြောင်းဖို့ ဖြစ်လာပါ တယ်။ မေရီ လင်း ပြည်နယ် ရောက်တော့ Community College of Baltimore County ( CCBC ) မှာ တက်ဖို့ လုပ်ပါတယ်။ ရှေးနည်းတူ ကျောင်း ကိုသွားပြီး “ကျနော် အရင် WKU မှာ တက်ဖူးတာတော့ ရှိတယ်။ အခု ဒီမှာတက်ချင်တယ်။ ကျနော် ဘာလုပ်ရမလဲ” လို့ မေးပါတယ်။ သူတို့က “အဲဒါတွေက ရှုပ်ပါတယ်။ အခု ဒီမှာ Placement Test ဖြေသွားနိုင်မလား” လို့ မေးတော့ အိုကေ ဆိုပြီး ကျနော် ဖြေလိုက် ပါတယ်။ အဲဒီကျောင်းမှာ မေးတာကတော့ Accuplacer Test ပါ။ English reading, writing, essay နဲ့ Math တွေ ဖြေရပါတယ်။ ဒီ placement test က မြန်မာပြည်မှာ ၂တန်းလောက်ထိပဲ နေဖူးတဲ့သူလည်း သွားဖြေချင်ရင် ဖြေလို့ ရ ပါတယ်။  ကွန်ပြူတာက ဖြေဆိုသူရဲ့ ရမှတ်ကို ထုတ်ပေးရင်း ESOL ( English for Speakers of Other Language ) level ဘယ်လောက် ကို တက်သင့်တယ် ဆိုတာ သတ်မှတ်ပေးပါတယ်။ အဲဒီလူက သူနဲ့တန်တဲ့ အတန်း ( ဥပမာ။ ၂တန်းလောက်ပဲတတ်တဲ့သူက ESOL: level-1 / Elementary level ) ကို တက်ရပါတယ်။

     အဲဒီလူဟာ ကောလိပ်ရှိရာ အဆောက်အဦး ကို ကျောင်းလာလာ တက်ပေမဲ့ သူဟာ ကောလိပ်ကျောင်းသား အဆင့် စာတွေကို လုပ်နေ တာ မဟုတ်လို့ သူ့ကို financial aid မပေးပါဘူး။ College 1st year (ကျားမ မရွေး freshman လို့ခေါ်ပါတယ်။ ) ကစပြီးတော့မှ financial aid ရတာပါ။ ကျနော်ကတော့ ဒီတခါလည်း Accuplacer Test ရဲ့ computerized သတ်မှတ်ပေးချက်အရ ESOL တက်ဖို့မလို၊ college level class တွေ တခါတည်း တန်းတက် နိုင်တယ် လို့ အဖြေ ထွက်ပါတယ်။ သင်္ချာကတော့ College Algebra, Calculus စတဲ့ college level math ကို တန်းယူခွင့် မရှိဘဲ ( ကောလိပ်စာ မဟုတ်လို့ credit မရတဲ့ ) preparing math class တခုကို ယူပြီးတော့မှ ယူရမှာ ဖြစ်ပါတယ်။ အခုတော့ အဲဒီ ပြင်ဆင်မှု အတန်းကို  တက်ခဲ့ ပြီးပါပြီ။ ကျနော်က တယောက်တည်းသမား၊ လုပ်ချင်ရာ လုပ်တတ်တဲ့သူမို့ ပြီးခဲ့တဲ့ နှစ် နွေဦး ရာသီ လောက်မှာ အဲဒီ Maryland ပြည်နယ်ကနေ မိုင် ၃၀၀၀ လောက်ဝေးတဲ့ Oregon ပြည်နယ် ပြောင်းလာခဲ့ပါတယ်။ ဒီရောက်တော့ တခါ Portland Community College ကို “ကျနော် ဘာလုပ်ရမလဲ” လို့ သွား မေးပြန်ပါတယ်။

     သူတို့က “အရင်ကျောင်းက transcript ကိုသာ ဒီကျောင်းကို ပို့ခိုင်းပါ။ ကျနော်တို့ အဲဒီထဲက ယူလို့ရတဲ့ ဘာသာတွေ evaluate လုပ်ပြီး ယူပါ့မယ်။ Entrance Test ဖြေဖို့ မလိုပါဘူး” လို့ ပြောကြပါတယ်။ ဒါက ဘာလို့လဲ ဆိုရင် ကျနော် College level English နှစ်ဘာသာ ( ENG 101, ENG 102 ) ပြီးထားပြီးသားမို့ပါ။ အဲဒါနဲ့ ကျနော် အခု Portland Community College မှာ တက်နေတာ semester နှစ်ခု ရှိပါပြီ။ ကျောင်းတွေက တပြည်နယ် ပြောင်းသွားလိုက်၊ မေဂျာတမျိုး ပြောင်းသွားလိုက် ဖြစ်နေတာမို့ ကျနော် အခုထိ Associate degree မရသေးပါဘူး။ ဒီအတွေ့အကြုံတွေကနေ အောက်ပါအတိုင်း ကောက်ချက်ချ နိုင်မယ်လို့ ထင်ပါတယ်။    

     ( ၁ ) အမေရိက က တက္ကသိုလ်/ ကောလိပ်ဝင်ခွင့်အတွက် GED/ SAT/ GCE ( A/ O level ) တွေ အောင်ထား ရင် ပိုကောင်းနိုင်ပေမဲ့ ဝင်ခွင့်အတွက် လိုကို လိုအပ်တယ်လို့ မဆိုနိုင်ပါ။ ကျောင်း တကျောင်းနဲ့ တကျောင်း မတူတဲ့အတွက် အဲဒီကျောင်းကို ဝင်ခွင့် ရရှိရေးအတွက် ကိုယ် မဖြစ်မနေ ဘာလုပ်ဖို့ လိုအပ်သလဲ ဆိုတာ အရင် မေးသင့်ပါတယ်။

အခြားမှတ်သားဖွယ်ရာ များကတော့-

     (၂) Community College တွေက  ပထဝီ၊ သမိုင်း၊ ဇီဝ၊ ဓါတု၊ သင်္ချာ၊ ဒဿနိက ဗေဒ၊ အစရှိတာတွေ သင်သလို တွင်ခုံ၊ welding ၊ ရေပိုက်ပြင်၊ ကွန်ပြူတာ ဆော့ဖ်ဝဲ အမျိုးမျိုး၊ သူနာပြု၊ ဓါတ်မှန်ပညာရှင် စတဲ့ ထမင်းစား လက်မှတ်ရ ပညာရပ်တွေကိုလည်း သင်ပါတယ်။ ဒီ ကောလိပ်က credit hours တွေကို အခြား တက္ကသိုလ် ကို သယ်ယူ သွားနိုင်တာမို့ ငွေ ဗုံးဗောလအော မသုံးချင်/ နိုင်တဲ့ မြန်မာကျောင်းသားတွေ အနေနဲ့ GED, SAT တွေ မလိုတဲ့ ဒီ ကောလိပ်တွေက နေ စသင့်တယ်လို့ ထင်မိပါတယ်။ ကျနော့်ရဲ့ မြန်မာ B.A( Psychology ) ဘွဲ့ကို ဒီက အစိုးရ အသိအမှတ်ပြု ပညာရေး ဘွဲ့လက်မှတ်များ အကဲဖြတ် အဖွဲ့တခုက တက္ကသိုလ် တတိယနှစ် တက်ရောက်ရန် အဆင့်မီသည်လို့ သတ်မှတ်ပေးပါတယ်။ သူတို့ကို အကဲဖြတ်ခ ဒေါ်လာ ၁၅၀-၂၀၀ လောက်တော့ ပေးရပါတယ်။ ဒါကြောင့် မြန်မာဘွဲ့ အလကားလို့ မထင်ကြ စေလိုပါ။ ( ကျနော်တောင် အခု ဒီက ရတဲ့ credit hours တွေရယ်၊ အဲဒီ မြန်မာဘွဲ့က credit hours တွေရယ် ပေါင်းပြီး တက္ကသိုလ် တခုခုမှာ Bachelor’s degree အတွက် တက်မလားလို့ စဉ်းစား နေပါတယ်။ )

     ( ၃ ) Credit hours ဆိုတာ တပါတ်အတွင်း ကျောင်းတက်ချိန် နာရီပေါင်းကို ပြောတာပါ။ ဒီမှာ ဘာသာရပ် တခုအတွက် နေ့တိုင်း ကျောင်း မတက်ရပါဘူး။ တနင်္လာ၊ ဗုဒ္ဓဟူး၊ သောကြာ ( MWF ) နဲ့ အင်္ဂါ၊ ကြာသပတေး ( T R ) စသည်ဖြင့် တက်ရတာမှာ MWF ရက်တွဲက တနေ့ တနာရီ ကျောင်းတက်ရရင် ၃ ရက် ၃ နာရီ ( 3 credit hours ) ဖြစ်ပါတယ်။ TR ရက်တွဲက တနေ့ ၁း၃၀ နာရီစီ၊ ၂ ရက် ကျောင်းတက်ချိန် ၃နာရီ ဖြစ်နိုင်ပါတယ်။ ( 4 credit hours ဆိုရင် တနေ့ ၂နာရီ တက်ရပါလိမ့်မယ်။ ) စာသင်ရာသီ ( semester ) တခုမှာ စုစုပေါင်း credit hours 6-11 အထိ ယူထားသူက Part time student ဖြစ်ပြီး၊ 12 credit hours ကစပြီး အထက် ဆိုရင် Full time student ဖြစ်ပါတယ်။ ဒီမှာ Full time ကျောင်းသားလောက်ဆိုရင် အပါတ်စဉ် assignment တွေနဲ့ မအားမလပ် ရှိနေတတ်ပါတယ်။ ဥပမာ၊ Textbook ထဲက စာမျက်နှာ ဘယ်လောက်ကနေ ဘယ်လောက်ထိ ဖတ်လာခဲ့ပါ။ နောက်အပတ် တနင်္လာနေ့တိုင်း အဲဒီ ဖတ်စာ ထဲက quiz မေးမယ်လို့ ဆရာ/ ဆရာမ က မှာလိုက်ရင် တကယ် မဖတ်ခဲ့ရင် quiz ဖြေနိုင်မှာ မဟုတ်ပါဘူး။ အဲဒီ အမှတ်တွေက အလကား မဟုတ်ဘူး။ မှတ်ထားပါတယ်။ စာသင်ရာသီ ကုန်ခါနီးမှာ အဲဒီ အမှတ်စုစုပေါင်းရဲ့ 90-100% ရလျှင် Grade A, 80-89% ဆိုရင် Grade B, 70-79% ရရင် Grade C ပါ။ မြန်မာပြည်မှာ 75 မှတ်ရရင် လူတော် ( ဂုဏ်ထူး ) ထွက်တာ ဖြစ်ပေမဲ့ ဒီမှာတော့ အဲဒီ အမှတ်လောက်က ခပ်ညံ့ညံ့ ဆိုတဲ့ အဓိပ္ပါယ် ရှိပါတယ်။ 60-69% က Grade D ပါ။ အလွန်ညံ့ဖျင်းသူ ဆိုတဲ့ အဓိပ္ပါယ် ရှိတယ် ထင်ပါတယ်။ အဲလိုလူကို Financial Aid မပေးတော့ပါ။ 50-59% သာရရင်တော့ Grade F- ကျရှုံးသူ ဆိုတဲ့ အဓိပ္ပါယ်ပါ။

     ( ၄ ) ဒီမှာ ဆရာ/ ဆရာမတွေက ပါမောက္ခ ( Professor )၊ တွဲဖက်ပါမောက္ခ ( Assistant Professor ) တွေချည်းပဲ များပြီး၊ ဘာကြောင့်မှန်းမသိ၊ နည်းပြ ( Tutor )၊ သရုပ်ပြ ( Demonstrator )၊ ကထိက ( lecturer ) တွေ မတွေ့ရပါ။ ပါမောက္ခချုပ် ဆိုတာလည်း မရှိတာလား၊ မထင်ပေါ်တာလား မသိ၊ ရှိတယ်လို့ကို မထင်ရပါဘူး။ နေရတကာ ကျောင်း ဥက္ကဌကပဲ ထင်ပေါ် ပါတယ်။ ကျောင်းတိုင်းမှာ ကျောင်းသား သမဂ္ဂ ရှိပါတယ်။ အမှုဆောင် လူကြီးတွေကို ရွေးကောက် တင်မြှောက်ကြပါတယ်။ ဒီက ထုံးစံက ဆရာ/ ဆရာမတိုင်းကို Professor လို့ ရည်ညွှန်း ခေါ်ဝေါ်ကြပါတယ်။ ဆရာ တပည့် ဆက်ဆံရေး ဓလေ့က သူတို့ဆီ စာရေးရင် ( email ပို့ရင် ) I didn’t attend the class yesterday, I couldn’t find it စသည်ဖြင့် “didn’t”,  “couldn’t” ( contracted form ) နဲ့ ရေးလို့မရပါဘူး။ Right? တွေ ဘာတွေ ရေးလို့ မကောင်းပါဘူး။ Hi လုပ်လို့ လည်း မကောင်းပါဘူး။ Hello Professor လောက်ဆိုရင်တော့ မဆိုးဘူး ထင်ပါတယ်။

     ( ၅ ) ဒီက အိမ်စာတွေက ( သင်္ချာ / သိပ္ပံဘာသာရပ် မဟုတ်ဘဲ Essay type သာ ဖြစ်မယ်ဆိုရင် ) ခေါင်းစဉ် တခုတည်းကို တယောက်နဲ့ တယောက် တူလို့မရပါဘူး။ တူရင် သူတို့ထဲက တယောက်က ခိုးချတာပဲ လို့ ဆရာက ယူဆတတ်ပါတယ်။ စာတွေကို နောက်က ကျားလိုက်နေသလို အပြေးအလွှား၊ ဒရစပ်သင်ပါတယ်။ ( ဒါကြောင့် ဒီက ကျောင်းသားတွေ ဖွန်ကြောင်ချိန် မရကြပါး)။ စာသင်ပုံက ဥပမာ။ “အမေရိကန် ပြည်ထောင်စု သမိုင်း” သင်ရင် အဖြူ ( white )တွေက native Americans ( Red Indian ) တွေကို ရက်ရက်စက်စက် မျိုးဖြုတ်သတ်ဖြတ်ခဲ့တာတို့၊ အဖြူလူစုလူဝေးက အမည်းတွေကို အကြောင်းမဲ့ (ေ-ာက်မြင် ကပ်လို့ကို ) lynch လို့ခေါ်တဲ့ လမ်းလယ်ခေါင်မှာ ကားစင်တင် သတ်ပစ်တာတို့ ဘာတို့ကို အမှန်အတိုင်း သင်ပါတယ်။ “ဒါကို မင်းတို့ ဒီခေတ်ကနေ ကြည့်တော့ ဘယ်လို ထင်သလဲ။ ဘယ်လို ခံစားရ သလဲ” လို့ ဆရာက မေးရင် ကျောင်းသားတွေ ပွားကြပေရော့ပဲ။ မပွားရင် ပွားမှတ်ကိုမရတာမို့ ကျနော်လည်း မြန်မာပြည်မှာ အနော်ရထာမင်း လက်ထက်တုန်းက ရှိခဲ့ဖူးတဲ့ ကျွန်စနစ်က ဘယ်သို့ဘယ်ညာ ( comparatively လူသားဆန်ပြီး ဂရုဏာတရား ပိုရှိ )  ဆိုပြီး ဝင်ပွားရတတ်ပါတယ်။ နောက်ပြီးတော့ ဥပမာ၊ American Media အကြောင်းသင်တဲ့ အတန်း ဆိုပါတော့။ American Media Industry ဟာ အမြတ်ရဖို့လောက်ပဲ သိတဲ့ Rupert Murdoch တို့လို သူဌေးကြီး (၆) ယောက် လက်ထဲမှာ ကျရောက် နေတဲ့ အကြောင်း၊ ဒီမိုကရေစီစနစ်ရဲ့ မီဒီယာမှာလည်း ဒီစနစ်ဖက်ကို ဘက်လိုက်ရေးသားတာ ( bias ) ရှိတဲ့ အကြောင်း၊ First Amendment ရဲ့ ကောင်းကျိုး ဆိုးကျိုးများ အကြောင်း စသည်အားဖြင့် အင်မတန် လွတ်လပ်စွာ သင်ပါတယ်။

( စာလည်း တော်တော် ရှည်သွားပြီ။ ဆရာကြီးလုပ်သလိုလည်း ဖြစ်နေပြီ။ နားလိုက်ဦးမှ ပါပဲ။ ကျနော်က ဒီက လူလို ဖြစ်နေလို့ financial aid, loan တွေ အကြောင်းပဲ သိပြီး မြန်မာပြည်က ကျောင်းလာတက်ချင်တဲ့လူတွေ အတွက် scholarship ရရှိနိုင်မှု အခြေအနေကို မသိပါ။ နောင်များ သိရင် ရေးပါဦးမယ်။ ဒီက အခြေအနေကို ဒီထက် အသေးစိတ် သိချင်သူ မည်သည့် မြန်မာနိုင်ငံသား မဆို ကျနော့်ထံ email ရေးပို့ မေးမြန်းနိုင်ပါတယ်။ ကျနော့် email က ayekyawzan@gmail.com ဖြစ်ပါတယ် ခင်ဗျား။ )

သေရည်

                                                         ( ၁ )

သေရည်ကို သောက်ချင်တဲ့ သောက်ကျင့်ကြောင့် သေပေါ့ သေနာရဲ့ဟု

သက်တောင့်သက်သာ မရှိဟန်ဖြင့် သူမ မသက်မသာ သက်ပြင်းချနေပုံက

သိသိသာသာ သိသာနေတော့ကာ သေများပင် သေသွားလိုက် ချင်တော့သည်။

                                                       ( ၂ )

အရက် မသောက်ဖူးကြဘဲနှင့်များ

အရက် မကောင်းကြောင်း ပြောချင်ကြသူများ .. တကယ်ဆို

အရက်မကောင်းကြောင်း

အရက်သမားက ခင်ဗျားတို့ထက် ပိုသိပါတယ်ဗျာ..

အရက် ဖြတ်လိုက်လို့၊ ဟောဒီ ကိုယ်ခန္ဓာက 

အရက်မသောက်ရလို့ ကျုပ်တစက်မှ အိပ်မရတာ ငါးည ရှိသွားပြီ

အရက်ခိုးတွေ ဝေပြီး အိပ်ရေးပျက်နေတဲ့ ခေါင်းက 

အရက်ကလွဲလို့ ကျန်တဲ့နာမည်တွေ ဝေဝါးနေတာနှင့်

အရက်သမားက သူ့နာမည်ကို မြင်သာတဲ့နေရာမှာ ရေးမှတ်ထားရတယ်။

                                                           ( ၃ )
မိန်းမတွေ ကလေးမွေးတုန်းက နာတာပဲ။ ဒါပေမဲ့ စိတ်မနာနိုင်ကြ။ အချိန်တန်တော့လည်း
မိန်းမတို့ မိခင်သဘာဝ နောက်ထပ်ကလေး တယောက်လောက် လိုချင်ပြန်တာပဲ၊ အဲဒီလိုပေါ့။
မိန်းမတယောက်ကြောင့် အရက်သမား ဖြစ်လာတဲ့လူကို ဘယ်လို မြင်သလဲ၊ ဟုတ်လား
မိန်းမနဲ့ ယောက်ျား၊ ဒီလောကထဲမှာ နှစ်မျိုးတည်းရှိတာ၊ ကျုပ်တို့က သူတို့ကို ချစ်တာ ဘာမှ မမှားဘူး
မိန်းမတယောက်ကို ချစ်မိလို့ ချစ်ခွင့်မရလိုက်ရင် သောက်ချင်မှာပဲ အရက်၊ အဲဒါလည်း ဘာမှ မမှားဘူး
မိန်းမတွေကို ဂုဏ်ပြုမဲ့ လူတန်းစား ဆိုလို့ ကျုပ်တို့ပဲ ရှိတာ မဟုတ်လား။ အဲဒါ သူတို့ကို ဂုဏ်ပြုတာ..။

( ကွင်းဆင်းလေ့လာ ရေးသားသောကဗျာ )

မှတ်ချက်။ ။ ကိုယ့်နာမည်ကို မြင်သာသည့် နေရာမှာ ရေးမှတ်သူ အရက်သမားကတော့ ကျနော် မဟုတ်ပါ ခင်ဗျား..း))